YERIMIA 49
49
Na hukungu nduma Amungu
1Yiana-yaka na papanii-na i MIRI ngerana na Amungu, “Nggikina duna na tana kabihu Nggàtu hi dawàhi-ya dàngu hi dangia-nya tau malumu-nya na marapu Milikumu? Màla nda ningu-mapa nu tau Ihirailu mamàka pa-kahiri-ya na tana nuna? 2Tàka napa natàka na rehina ba kupali-nya na tau na ma-mandapu-nya na Ramba, nu na parai puhu pareta Amungu, parongu mapaoi - oingu ba pabera. Nuna na paraingu napa nadedi-ya kanànda dàngu da ndeha - ndeha la winggiru-na da mutungu hàla. Hàla na Ihirailu napa piti beli-nanyaka na tanana welingu la tau - tau mawàhi-ya àmangu. 3Ha tau Hehimbungu, mihii-wa nadu na paraingu Aï ba nakabu-ka! Ha kawini - kawini la paraingu Ramba, padudurungu-wa! Kalambungu-wa hinggi karungu tanda hawina. Palai palua pamaingu-wa ba dàngu hondaru nda najaru-mi. Na Milikumu na marapu-mu pa-palaüngu-ya napa la ngia pa-wàrungu anguda da ratu dàngu ba hapajia-ha da mapawai ngaba la pareta! 4Ha dimi manda tuturu! Ka nggikina dimi hi mi-hamemu wànja da lolangu-mi da ma-kamboka? Nggikina hi mimonu ninja da pawulu-mi? Nggiki hama peku biana nyimi bai panii, nda ningua haàtu matoru mbeni pa-kaluluku-nggai? 5Napa nyimi na-handauni-kai ma-mbàringu na pa-patàka-nggu weli nàmu - weli nàmungu. Napa mipalai, nimbihu-mi maràngga pamukarungu-maminya pa-pamara wikimi, dàngu nda ningu-apa mahili pauhi-nggai.
6Tàka la lodu malamiri, napa ku-palànyapu beliya na hadana na banjaru Amungu. Nyungga, MIRI, mambàda panii,” wàna.
Na hukungu nduma Endumu
7Yiana-yaka na papanii-na i MIRI Mahupu-mbiha na ngerana na Endumu, “Màla da tau Endumu nda peku-manapa paningu eti dihada? Màla da tau matanggu panaunja nda dahilu panau-anjapa? Mbàda màda-naka ihu na eti dihada nyuda! 8Ha ma-mandapu-nya na Ndendàngu, punjilungu-wa kai palai! Lakuwa kai kapàndi. Ba palàjaru-nggunyaka napa na wàla wuana i Ehaü, ba rehi-manaka nahuku-nggunja nyuda. 9Jàka napàpu wua angguru na tau, ningu mànuma pabili-na, dàngu jàka namai pa-manganga na tau la rudungu, piti-nanya pambuha-maana. 10Tàka ba tuna,#ningu mànuma ... ba tuna; jàka ndia: nda ningua ... piti-nanya mbuu ndàbada. 10. Tunggu numbu Nyungga. mbàda kanjeku pabulu-nggunjaka Nyungga da manguda da wàla wuana i Ehaü dàngu ku-bunggahu-ha da ngia pa-kawiningu-da; nda peku hili kawiningu-adapa. Da tau Endumu papohu-nja da angu dedi dàngu da lihida mbuu ndàbada pa-patàlaru-haka nda haàtu-a mamara.
11Ha Endumu! Bànjalu-ngganja Nyungga da ana mamila-mi. Napa Nyungga ku-kabida-nja nyuda. Màtawa ba hapajia-ha da kawini meti lei lai nyimi ka da-kanderungu lai Nyungga.
12Da tau da manda ràkana la pahuku-nja, na nggàna-mbuhaka hukungu, nggiki-naika nyimi hi ndia? Jiangu-maka duna ba hukunggai! 13Ku-harangu lumu wikinggu Nyungga ba nanjadi-ya pangia pa-mangginggitungu panda ngia tau napa na Mbòhura. Napa nariki-nya tau dàngu hi natuya pa-ràtungu wàngu na tamuna. Mbuu ndàbada da ndeha la winggiru-na kanànda-makia-haka lundu nu - nu. Nyungga, MIRI, mambàda panii,” wàna.
14Nyungga Yerimia kupanii, “Ha Endumu, mbàda ngalangu-ngguka lii welingu lai MIRI. Mbàda palewa-naka tau la ba - banjaru la pa-paràha-nja ka da-pauhingu tanatara dàngu ka da-hawaritu la pa-kaluluku-nggau nyumu. 15Napa i MIRI natunggai pa-lamanga wàngu dàngu hi na-pawawa-kai tau. 16Na panyonga-kau ngambamu nyumu. Tàka nda ningua tau ma-mangàdatu-nggau hama tuna bau rekiya. Nyumu mu-ngiangu la panga - panga watu, hu dita la pinu palindi mamarau. Tàka jiapa kau wulu-kadu umamu la maja - jangga, ka hama janggada da pangia-da da hibu mbaku tehiku, napa i MIRI na-papuru-nggau welingu lai nu. I MIRI-ma na mapanii-ha nuda mbuu ndàbada,” wànggu.
17Napanii i MIRI, “Na ura pàda na manggàna-ya na Endumu kanjupu nda najaru-ya napa, hi lupa na-katàtaku dàngu na-mangàdatu hàla nimbihu-na na tau mali ningu lai nu. 18Hama tuna na Hondumu dàngu na Nggomora ba pamau papohu-nja dàngu da ndeha la winggiru-na, tuna numbu na Endumu. Nda ana haàtu-apa napa ma-ngiangu lai nu. Nyungga, MIRI, mambàda panii, wàna. 19Hama tuna na hinga na majia luhu biana weli dalungu la oma timbi la lihi Luku Yorundangu, hi namai ningu la maràda ngia paniti-da rumba da mbimbi, tuna numbu Nyungga napa ba kumai hi ku-pawiti-nya na tau Endumu papalai harabàndangu welingu la tanada. Hàla hi kupindi haàtu liku uru ka na-pareta-ya nuna na banjaru. Nggamu-yaka na mahama-ngga Nyungga? Nggamu nu matoru mbeni pa-palakara-dangga Nyungga? Màla ningu nu liku uru mamàka palawa-ngga Nyungga? 20Jia ba tuna, patingi-nya jàka nggàraya na pambàda pakaka-nggu na ngerana na tau Endumu, dàngu jàka nggàraya na pawunda ba wànggu hangganya na paraingu Temàngu. Da anada nyudambu pa-ruruhu-ha napa hi laku ngàndiha, hi na-mangàdatu hàla mbuu ndàbana na tau. 21Jàka nanjoru-ka na Endumu, parongu-ya napa na pariwatu nda najaru hi lupa na-kanggupuku hàla nggubulu-na na pinu tana; ba la - ladana na ma-mandapu-nya napa parongu-ya lundu la Tehiku Tibuhala. 22Hama tuna na mbaku tehiku na ma-wàlahu ruu kàpana ba na patewa, tuna numbu ba namai na muhu patewa-ya na Mbòhura. La lodu nuna da tanatara Endumu napa da-mangàdatu hama tuna na kawini na ma-patiangu habola-na,” wàna.
Na hukungu-na na Ndamàhiku
23Yiana-yaka na papeka-na i MIRI ngerana na Ndamàhiku. “Na ma-mandapu-nya na paraingu Hamàtu dàngu Àrapàtu na-kadiku dàngu na-bàrangu etina ba narongu lii manjurangu. Da etida nda dangudu dàngu dali lua hama tuna na ngalingu tehiku. 24Na ma-mandapu-nya na Ndamàhiku da-mangonangu-ka, tàka hi dapalai paraï pa-mangàdatu. Dahidu dàngu da-mayila nyuda hama tuna na kawini na matiki pa-habola. 25Na paraingu na mawuwa dàngu na ma-hanggela hawola nàhu na-kahàna dàngu nda ningu mangia-nya. 26La lodu nuna da bidi tauna da meti napa la ànda - ànda la paraingu-na dàngu mbuu ndàbada da tanatara-na pa-pakabu-ha. 27Da kangeli la Ndamàhiku kutunu-ha, dàngu da uma hanganji-na na Hanganji Mbenihandàtu ku-pakehi-ha. Nyungga, MIRI, Mahupu-mbiha, mambàda panii,” wàna.
Na hukungu-na na kabihu Kendàru dàngu na paraingu Hahuru
28Yiana-yaka na papanii-na i MIRI ngerana na kabihu Kendàru dàngu da ngaba pa-kuaha-na i Hahuru, da pambàda wàhina i Nembukatunehàru hanganji Mbambilu, “Ha Nembukatunehàru, kaluluku-nyawa na kabihu Kendàru dàngu patàlaru-ha da tau la pahunga lodu! 29Wàhiha da mbimbi, da ota, lupa da maü tera - maü terada hamanai da ihida mbuu ndàbada, dàngu waranja nyuda, ‘Na ma-kabularu lumburu-nanggaika! wàmi,’ wàna.
30Ha nyimi tau Hahuru! Nyungga, MIRI, kupanii-nggai: Parenggangu-wa palaku kai hinggilu, dàngu kai kapàndi. I Nembukatunehàru hanganji Mbambilu mbàda patikingu-naka la pa-kaluluku-nggai nyimi. Napanii, 31‘Màla ndaharungu-wa! Mai ka ta-kaluluku-nja da tau da ma-pàdangu wikida ba ngudu dàngu ba mànjaku-danya. Na paraingu-da nda na-pahadindingu nadu ba nda ningu pindu bokulu-na dàngu nda ningumbu habàtalu-na,’ ” wàna.
32Nahilu panii i MIRI lai Nembukatunehàru, “Rambanja da otada dàngu nggubulu ndàbada da bandada! Da tau da mangguti pa-kababa lunggida nuda napa ku-paiha-nja la nggi - nggini. Napa Nyungga ku-patàka-nja ura pàda welingu la nggi - nggini. 33Na Hahuru napa pa-màtangu-yaka lundu nu - nu, dàngu jia-yaka na ngia pa-kapàndi-da da ahu rumba. Nda ningu-apa haàtu tau napa mahilu ngiangu lai nu. Nyungga, MIRI, mambàda panii,” wàna.
Na hukungu-na na Elàmu
34Ndedi nggi mandai ba hanganji-yaka i Hendikia la Yahunda, i MIRI Mahupu-mbiha napanii-ngga nyungga na ngerana na tana Elàmu. 35Napanii i MIRI, “Napa ku-pameti mbutaha Nyungga da tau mamàhi papana da ma-pakapingatu halawàla-ya na Elàmu. 36Napa ku-hapuputu-nya ngilu hanggangu la Elàmu welingu la nggi - nggini, dàngu ku-paiha-nya la nggi - nggini na tau ma-mandapu-nya hi lupa nda ningu hau tanambu na manda ningu tau tàka ma-hinggilu welingu la Elàmu. 37Napa Nyungga kutunja da tau Elàmu pa-mangàdatu wàngu la muhuda na ma-mbuhangu pa-pameti-ha nyuda. Hàngga halawàla-manggunja nyuda dàngu napa ku-pakabu-ha. Napa ku-pangàndi-nja tanatara da mabera-ha nyuda hi lupa dambuta ailulu. 38Da hanganji-da dàngu da mapawai ngabada napa ku-palàjaru-ha, dàngu la paraida nyuda napa ku-pahada-nya na kanjàka hanganji-nggu. 39Tàka tiangu la malamiri, na hadana na Elàmu napa ku-palànyapu beliya. Nyungga, MIRI, mambàda panii,” wàna.
Currently Selected:
YERIMIA 49: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 49
49
Na hukungu nduma Amungu
1Yiana-yaka na papanii-na i MIRI ngerana na Amungu, “Nggikina duna na tana kabihu Nggàtu hi dawàhi-ya dàngu hi dangia-nya tau malumu-nya na marapu Milikumu? Màla nda ningu-mapa nu tau Ihirailu mamàka pa-kahiri-ya na tana nuna? 2Tàka napa natàka na rehina ba kupali-nya na tau na ma-mandapu-nya na Ramba, nu na parai puhu pareta Amungu, parongu mapaoi - oingu ba pabera. Nuna na paraingu napa nadedi-ya kanànda dàngu da ndeha - ndeha la winggiru-na da mutungu hàla. Hàla na Ihirailu napa piti beli-nanyaka na tanana welingu la tau - tau mawàhi-ya àmangu. 3Ha tau Hehimbungu, mihii-wa nadu na paraingu Aï ba nakabu-ka! Ha kawini - kawini la paraingu Ramba, padudurungu-wa! Kalambungu-wa hinggi karungu tanda hawina. Palai palua pamaingu-wa ba dàngu hondaru nda najaru-mi. Na Milikumu na marapu-mu pa-palaüngu-ya napa la ngia pa-wàrungu anguda da ratu dàngu ba hapajia-ha da mapawai ngaba la pareta! 4Ha dimi manda tuturu! Ka nggikina dimi hi mi-hamemu wànja da lolangu-mi da ma-kamboka? Nggikina hi mimonu ninja da pawulu-mi? Nggiki hama peku biana nyimi bai panii, nda ningua haàtu matoru mbeni pa-kaluluku-nggai? 5Napa nyimi na-handauni-kai ma-mbàringu na pa-patàka-nggu weli nàmu - weli nàmungu. Napa mipalai, nimbihu-mi maràngga pamukarungu-maminya pa-pamara wikimi, dàngu nda ningu-apa mahili pauhi-nggai.
6Tàka la lodu malamiri, napa ku-palànyapu beliya na hadana na banjaru Amungu. Nyungga, MIRI, mambàda panii,” wàna.
Na hukungu nduma Endumu
7Yiana-yaka na papanii-na i MIRI Mahupu-mbiha na ngerana na Endumu, “Màla da tau Endumu nda peku-manapa paningu eti dihada? Màla da tau matanggu panaunja nda dahilu panau-anjapa? Mbàda màda-naka ihu na eti dihada nyuda! 8Ha ma-mandapu-nya na Ndendàngu, punjilungu-wa kai palai! Lakuwa kai kapàndi. Ba palàjaru-nggunyaka napa na wàla wuana i Ehaü, ba rehi-manaka nahuku-nggunja nyuda. 9Jàka napàpu wua angguru na tau, ningu mànuma pabili-na, dàngu jàka namai pa-manganga na tau la rudungu, piti-nanya pambuha-maana. 10Tàka ba tuna,#ningu mànuma ... ba tuna; jàka ndia: nda ningua ... piti-nanya mbuu ndàbada. 10. Tunggu numbu Nyungga. mbàda kanjeku pabulu-nggunjaka Nyungga da manguda da wàla wuana i Ehaü dàngu ku-bunggahu-ha da ngia pa-kawiningu-da; nda peku hili kawiningu-adapa. Da tau Endumu papohu-nja da angu dedi dàngu da lihida mbuu ndàbada pa-patàlaru-haka nda haàtu-a mamara.
11Ha Endumu! Bànjalu-ngganja Nyungga da ana mamila-mi. Napa Nyungga ku-kabida-nja nyuda. Màtawa ba hapajia-ha da kawini meti lei lai nyimi ka da-kanderungu lai Nyungga.
12Da tau da manda ràkana la pahuku-nja, na nggàna-mbuhaka hukungu, nggiki-naika nyimi hi ndia? Jiangu-maka duna ba hukunggai! 13Ku-harangu lumu wikinggu Nyungga ba nanjadi-ya pangia pa-mangginggitungu panda ngia tau napa na Mbòhura. Napa nariki-nya tau dàngu hi natuya pa-ràtungu wàngu na tamuna. Mbuu ndàbada da ndeha la winggiru-na kanànda-makia-haka lundu nu - nu. Nyungga, MIRI, mambàda panii,” wàna.
14Nyungga Yerimia kupanii, “Ha Endumu, mbàda ngalangu-ngguka lii welingu lai MIRI. Mbàda palewa-naka tau la ba - banjaru la pa-paràha-nja ka da-pauhingu tanatara dàngu ka da-hawaritu la pa-kaluluku-nggau nyumu. 15Napa i MIRI natunggai pa-lamanga wàngu dàngu hi na-pawawa-kai tau. 16Na panyonga-kau ngambamu nyumu. Tàka nda ningua tau ma-mangàdatu-nggau hama tuna bau rekiya. Nyumu mu-ngiangu la panga - panga watu, hu dita la pinu palindi mamarau. Tàka jiapa kau wulu-kadu umamu la maja - jangga, ka hama janggada da pangia-da da hibu mbaku tehiku, napa i MIRI na-papuru-nggau welingu lai nu. I MIRI-ma na mapanii-ha nuda mbuu ndàbada,” wànggu.
17Napanii i MIRI, “Na ura pàda na manggàna-ya na Endumu kanjupu nda najaru-ya napa, hi lupa na-katàtaku dàngu na-mangàdatu hàla nimbihu-na na tau mali ningu lai nu. 18Hama tuna na Hondumu dàngu na Nggomora ba pamau papohu-nja dàngu da ndeha la winggiru-na, tuna numbu na Endumu. Nda ana haàtu-apa napa ma-ngiangu lai nu. Nyungga, MIRI, mambàda panii, wàna. 19Hama tuna na hinga na majia luhu biana weli dalungu la oma timbi la lihi Luku Yorundangu, hi namai ningu la maràda ngia paniti-da rumba da mbimbi, tuna numbu Nyungga napa ba kumai hi ku-pawiti-nya na tau Endumu papalai harabàndangu welingu la tanada. Hàla hi kupindi haàtu liku uru ka na-pareta-ya nuna na banjaru. Nggamu-yaka na mahama-ngga Nyungga? Nggamu nu matoru mbeni pa-palakara-dangga Nyungga? Màla ningu nu liku uru mamàka palawa-ngga Nyungga? 20Jia ba tuna, patingi-nya jàka nggàraya na pambàda pakaka-nggu na ngerana na tau Endumu, dàngu jàka nggàraya na pawunda ba wànggu hangganya na paraingu Temàngu. Da anada nyudambu pa-ruruhu-ha napa hi laku ngàndiha, hi na-mangàdatu hàla mbuu ndàbana na tau. 21Jàka nanjoru-ka na Endumu, parongu-ya napa na pariwatu nda najaru hi lupa na-kanggupuku hàla nggubulu-na na pinu tana; ba la - ladana na ma-mandapu-nya napa parongu-ya lundu la Tehiku Tibuhala. 22Hama tuna na mbaku tehiku na ma-wàlahu ruu kàpana ba na patewa, tuna numbu ba namai na muhu patewa-ya na Mbòhura. La lodu nuna da tanatara Endumu napa da-mangàdatu hama tuna na kawini na ma-patiangu habola-na,” wàna.
Na hukungu-na na Ndamàhiku
23Yiana-yaka na papeka-na i MIRI ngerana na Ndamàhiku. “Na ma-mandapu-nya na paraingu Hamàtu dàngu Àrapàtu na-kadiku dàngu na-bàrangu etina ba narongu lii manjurangu. Da etida nda dangudu dàngu dali lua hama tuna na ngalingu tehiku. 24Na ma-mandapu-nya na Ndamàhiku da-mangonangu-ka, tàka hi dapalai paraï pa-mangàdatu. Dahidu dàngu da-mayila nyuda hama tuna na kawini na matiki pa-habola. 25Na paraingu na mawuwa dàngu na ma-hanggela hawola nàhu na-kahàna dàngu nda ningu mangia-nya. 26La lodu nuna da bidi tauna da meti napa la ànda - ànda la paraingu-na dàngu mbuu ndàbada da tanatara-na pa-pakabu-ha. 27Da kangeli la Ndamàhiku kutunu-ha, dàngu da uma hanganji-na na Hanganji Mbenihandàtu ku-pakehi-ha. Nyungga, MIRI, Mahupu-mbiha, mambàda panii,” wàna.
Na hukungu-na na kabihu Kendàru dàngu na paraingu Hahuru
28Yiana-yaka na papanii-na i MIRI ngerana na kabihu Kendàru dàngu da ngaba pa-kuaha-na i Hahuru, da pambàda wàhina i Nembukatunehàru hanganji Mbambilu, “Ha Nembukatunehàru, kaluluku-nyawa na kabihu Kendàru dàngu patàlaru-ha da tau la pahunga lodu! 29Wàhiha da mbimbi, da ota, lupa da maü tera - maü terada hamanai da ihida mbuu ndàbada, dàngu waranja nyuda, ‘Na ma-kabularu lumburu-nanggaika! wàmi,’ wàna.
30Ha nyimi tau Hahuru! Nyungga, MIRI, kupanii-nggai: Parenggangu-wa palaku kai hinggilu, dàngu kai kapàndi. I Nembukatunehàru hanganji Mbambilu mbàda patikingu-naka la pa-kaluluku-nggai nyimi. Napanii, 31‘Màla ndaharungu-wa! Mai ka ta-kaluluku-nja da tau da ma-pàdangu wikida ba ngudu dàngu ba mànjaku-danya. Na paraingu-da nda na-pahadindingu nadu ba nda ningu pindu bokulu-na dàngu nda ningumbu habàtalu-na,’ ” wàna.
32Nahilu panii i MIRI lai Nembukatunehàru, “Rambanja da otada dàngu nggubulu ndàbada da bandada! Da tau da mangguti pa-kababa lunggida nuda napa ku-paiha-nja la nggi - nggini. Napa Nyungga ku-patàka-nja ura pàda welingu la nggi - nggini. 33Na Hahuru napa pa-màtangu-yaka lundu nu - nu, dàngu jia-yaka na ngia pa-kapàndi-da da ahu rumba. Nda ningu-apa haàtu tau napa mahilu ngiangu lai nu. Nyungga, MIRI, mambàda panii,” wàna.
Na hukungu-na na Elàmu
34Ndedi nggi mandai ba hanganji-yaka i Hendikia la Yahunda, i MIRI Mahupu-mbiha napanii-ngga nyungga na ngerana na tana Elàmu. 35Napanii i MIRI, “Napa ku-pameti mbutaha Nyungga da tau mamàhi papana da ma-pakapingatu halawàla-ya na Elàmu. 36Napa ku-hapuputu-nya ngilu hanggangu la Elàmu welingu la nggi - nggini, dàngu ku-paiha-nya la nggi - nggini na tau ma-mandapu-nya hi lupa nda ningu hau tanambu na manda ningu tau tàka ma-hinggilu welingu la Elàmu. 37Napa Nyungga kutunja da tau Elàmu pa-mangàdatu wàngu la muhuda na ma-mbuhangu pa-pameti-ha nyuda. Hàngga halawàla-manggunja nyuda dàngu napa ku-pakabu-ha. Napa ku-pangàndi-nja tanatara da mabera-ha nyuda hi lupa dambuta ailulu. 38Da hanganji-da dàngu da mapawai ngabada napa ku-palàjaru-ha, dàngu la paraida nyuda napa ku-pahada-nya na kanjàka hanganji-nggu. 39Tàka tiangu la malamiri, na hadana na Elàmu napa ku-palànyapu beliya. Nyungga, MIRI, mambàda panii,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)