YERIMIA 41
41
1La wulangu pihu ndaungu nuna, i Ihimailu anana i Netanya umbuku-na i Elihama nalaku kariangu tau hakambulu la Mihipa palua tomaya i Nggandalia. (I Ihimailu haàtu wàla wua maràmba-ya parawira janggaya la pa-hanganji.) Ba talànga angu nganguda mbuu ndàbada, 2i Ihimailu dàngu da tau hakambulu karia-na da-butuhu-ha da hapandada hi da-pameti-ya i Nggandalia, na nggumbunuru pawotu-da da tau Mbambilu. 3I Ihimailu na-pameti-mbuha mbuu ndàbada da tau Ihirailu da maninja anguna i Nggandalia la Mihipa, dàngu mbuu ndàbada da tanatara Mbambilu da ma-talànga ninja lai nu.
4Hilu hau lodu, ba ndedi napi-nyapa tau na pameti-nanya tau i Nggandalia, 5tàka-danyaka da tau walu kambulu welingu la Hikimu, Hilu, dàngu Hamaria. Nyuda da-kikiru-mahaka da wulu njerida, dahira-ha da pakida, dàngu daka - kàriha da ihida. Ngàndi-danya uhu nggàndumu dàngu kaminyangu ka wotu maraku la Umana i MIRI. 6Ka luhu-nanyaka i Ihimailu welingu la Mihipa hi nalua pa-tàbuku-ha. Dàngu hiina ba napanii, “Mai ka talua pa-tàngaru-ya i Nggandalia,” wàna. 7-8Ba datàka-kika la padua paraingu, i Ihimailu dàngu da tauna pakiringu-madua-danyaka pa-pameti-ha. Tàka da tau hakambulu da anguda nyuda nu dapanii lai Ihimailu, “Àmbu pameti-dukama! Ningupa lai nyuma dua ngia ngara uhu nggàndumu dàngu mina haitungu-ma, dàngu manggaluwangu. Mbuu ndàbada ma-kawini-nja la hambeli paraingu,” wàdanya. Jia-duyaka i Ihimailu hi nda na-pameti-ha, tàka hawiangu na-pameti-ha, da metida da-kawuka-maanja daa la humuru. 9Na humuru nuna, humuru bokulu-maya pa-pandoi-na i Hanganji Aha ba jiaya na bera-nanya paraïna i Mbaeha hanganji Ihirailu.
10Tunaka nu i Ihimailu nayàpa hàlaha da ana maràmba kawini dàngu mbuu ndàbana na tau na mani-kinyapa la Mihipa da pambàda pakata-na i Nembuharandàngu lai Nggandalia, ka namangga-nja ba wàna. I Ihimailu na-tanawa-nja nyuda hi nalaku karia-nja hanggangu la ngaba Amungu.
11I Yuhanàngu anana i Kariahu dàngu mbuu ndàbada da parawira da ma-karia-nya nyuna darongu-yaka na ruku akatu-na i Ihimailu. 12Nyuda dàngu da tau la limada dalua payaulu-ya, hi datoma-nya la tàma bokulu la Nggimbiungu. 13Ba daita-yaka i Yuhanàngu dàngu da parawira kariana ba nàmunja, da pa-tanawa-na i Ihimailu, lalu mbana nggaüru-ha, 14ka punjilungu-danyaka hi dapalai tomaha i Yuhanàngu dàngu karia-na. 15Tàka i Ihimailu dàngu da tau mawalu pakaria-na danggepi tamòhuku-ma-a hi dapalai la tana Amungu.
16Tunaka nu i Yuhanàngu dàngu da parawira - parawira-na da-pauhi-nja da panjuri, da kawini, da anakeda dàngu da mapawai ngaba la uma hanganji da pambàda tanawa-na i Ihimailu ba nahàla pa-pameti-ya i Nggandalia. 17-18Mbuu ndàbada nyuda mangàdatu-danjaka da tau Mbambilu, nadu i Ihimailu ba na-pameti-duyaka i Nggandalia na pawotu-na na hanganji Mbambilu pa-nggumbunuru la paraingu nuna. Ba tuna, palai-danyaka la Mehiru. Nàhu la ànda da-pànjangu la Kimuhàmu lihina la Mbetulehimu.
Currently Selected:
YERIMIA 41: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 41
41
1La wulangu pihu ndaungu nuna, i Ihimailu anana i Netanya umbuku-na i Elihama nalaku kariangu tau hakambulu la Mihipa palua tomaya i Nggandalia. (I Ihimailu haàtu wàla wua maràmba-ya parawira janggaya la pa-hanganji.) Ba talànga angu nganguda mbuu ndàbada, 2i Ihimailu dàngu da tau hakambulu karia-na da-butuhu-ha da hapandada hi da-pameti-ya i Nggandalia, na nggumbunuru pawotu-da da tau Mbambilu. 3I Ihimailu na-pameti-mbuha mbuu ndàbada da tau Ihirailu da maninja anguna i Nggandalia la Mihipa, dàngu mbuu ndàbada da tanatara Mbambilu da ma-talànga ninja lai nu.
4Hilu hau lodu, ba ndedi napi-nyapa tau na pameti-nanya tau i Nggandalia, 5tàka-danyaka da tau walu kambulu welingu la Hikimu, Hilu, dàngu Hamaria. Nyuda da-kikiru-mahaka da wulu njerida, dahira-ha da pakida, dàngu daka - kàriha da ihida. Ngàndi-danya uhu nggàndumu dàngu kaminyangu ka wotu maraku la Umana i MIRI. 6Ka luhu-nanyaka i Ihimailu welingu la Mihipa hi nalua pa-tàbuku-ha. Dàngu hiina ba napanii, “Mai ka talua pa-tàngaru-ya i Nggandalia,” wàna. 7-8Ba datàka-kika la padua paraingu, i Ihimailu dàngu da tauna pakiringu-madua-danyaka pa-pameti-ha. Tàka da tau hakambulu da anguda nyuda nu dapanii lai Ihimailu, “Àmbu pameti-dukama! Ningupa lai nyuma dua ngia ngara uhu nggàndumu dàngu mina haitungu-ma, dàngu manggaluwangu. Mbuu ndàbada ma-kawini-nja la hambeli paraingu,” wàdanya. Jia-duyaka i Ihimailu hi nda na-pameti-ha, tàka hawiangu na-pameti-ha, da metida da-kawuka-maanja daa la humuru. 9Na humuru nuna, humuru bokulu-maya pa-pandoi-na i Hanganji Aha ba jiaya na bera-nanya paraïna i Mbaeha hanganji Ihirailu.
10Tunaka nu i Ihimailu nayàpa hàlaha da ana maràmba kawini dàngu mbuu ndàbana na tau na mani-kinyapa la Mihipa da pambàda pakata-na i Nembuharandàngu lai Nggandalia, ka namangga-nja ba wàna. I Ihimailu na-tanawa-nja nyuda hi nalaku karia-nja hanggangu la ngaba Amungu.
11I Yuhanàngu anana i Kariahu dàngu mbuu ndàbada da parawira da ma-karia-nya nyuna darongu-yaka na ruku akatu-na i Ihimailu. 12Nyuda dàngu da tau la limada dalua payaulu-ya, hi datoma-nya la tàma bokulu la Nggimbiungu. 13Ba daita-yaka i Yuhanàngu dàngu da parawira kariana ba nàmunja, da pa-tanawa-na i Ihimailu, lalu mbana nggaüru-ha, 14ka punjilungu-danyaka hi dapalai tomaha i Yuhanàngu dàngu karia-na. 15Tàka i Ihimailu dàngu da tau mawalu pakaria-na danggepi tamòhuku-ma-a hi dapalai la tana Amungu.
16Tunaka nu i Yuhanàngu dàngu da parawira - parawira-na da-pauhi-nja da panjuri, da kawini, da anakeda dàngu da mapawai ngaba la uma hanganji da pambàda tanawa-na i Ihimailu ba nahàla pa-pameti-ya i Nggandalia. 17-18Mbuu ndàbada nyuda mangàdatu-danjaka da tau Mbambilu, nadu i Ihimailu ba na-pameti-duyaka i Nggandalia na pawotu-na na hanganji Mbambilu pa-nggumbunuru la paraingu nuna. Ba tuna, palai-danyaka la Mehiru. Nàhu la ànda da-pànjangu la Kimuhàmu lihina la Mbetulehimu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)