YERIMIA 40
40
I Yerimia na-ndàdiku lai Nggandalia
1I MIRI napanii dàngga nyungga ba nahàla-ka i Nembuharandàngu, na kimunda pamba, pa-pahàla-ka la Rama. Mbàda ngàndi-dangga nyungga lai nu ba dàngu la nggilibàhi-ka angu mbuu ndàbada da tau hawiangu welingu la Yeruhali dàngu Yahunda da pa-palaüngu ba tanawangu pangàndi la Mbambilu-ha.
2Na kimunda pamba nuna napaau mehangga hi napanii, “I MIRI Alamu mbàda pangàdungu-naka la pa-pakabu-ya yina na paraingu. 3Nàhu duna mbàda pahàra-nanyaka, nadu na banjaru-mu ba mbàda wunda-naka manjala dàngu ba nda na-karadaku lai Nyuna. 4Nàhu duku pukalu-nggunyaka yiana na nggili bàhi welingu la limamu dàngu pahàla-nggunggauka. Jàka mu-mbuhangu pekuna kau tundungu la Mbambilu, napa nyungga ma-kabubulu-kau lai nu. Tàka jàka ndau bihu, nda nggàra ehia. La nggubulu tana yiana peku àtalu etimu nyumu palaku la nggi bia na pambuha-mu,” wànangga.
5Ba ndedi nalaku, napanii i Nembuharandàngu, “Jàka umbuhangu, pekuna kau beli lai Nggandalia, anana i Ahikàmu umbuku-na i Hapàngu, na pawotu-na na hanganji Mbambilu la pa-nggumbunuru la parai - paraingu Yahunda. Pekuna nyumu kau ndàdiku dànya nyuna la honga rayatu, jàka ndiakai kau laku la nggi bia tundunya na pambuha-mu,” wàna. Hàla nawua-ngga bàlangu pangangu dàngu pawua juangu, hi napuli-ngga palaku. 6Ka laku-nggunyaka lai Nggandalia la Mihipa, hi ku-ndàdiku dànya la honga rayatu da pa-màtangu pa-ndàdiku la tana Yahunda.
I Nggandalia na nggumbunuru Yahunda
(2 Hang. 25:22-24)
7Na hanganji Mbambilu nawotu-yaka i Nggandalia pa-nggumbunuru la Yahunda ka na-pareta-ya mbuu ndàbana na tau na mani-kinyapa la Yahunda, nu na tauka na mambana milana. Hawiangu welingu la hapajia-ha da parawira dàngu da panjuri Yahunda da manda huharungu wikida la Mbambilu, darongu-yaka na ngera wotuya i Nggandalia. 8Nu nyuda i Ihimailu anana i Netanya, i Yuhanàngu anana i Kariahu, i Haraya anana i Tanuhumitu, dàngu da anana i Epaï welingu la Netopa, hamanai i Yehanya welingu la Maaka lua-danyaka dàngu da tauda lai Nggandalia la Mihipa. 9Napanii-nja nyuda i Nggandalia, “Àmbu ningudu mangàdatu-mi la pa-huharungu wikimi la tau Mbambilu. Ndàdiku bia la parainda yiana yia, dàngu màtawa ka ata hanganji Mbambilu-kai. Kupii hàmu-manya duku ba nda nggàra ehimi. 10Ndàdiku-wa la parai - paraingu pambuha-mi. Pa-uhingu dàngu pahàmu-wa nyuna angguru, wua ai dàngu mina haitungu. Nyungga wiki ku-ndàdiku la Mihipa dàngu kungaru-nya ngaru na rayatu, jàka era maida da tau Mbambilu yiahu,” wàna. 11Nu ba tuna nu rongu-danyaka da tau Ihirailu mbuu ndàbada da maninja la tana Muapu, la Amungu la Endumu dàngu la parai - paraingu hawiangu, ba na-pahia-nja hawiangu da tau Ihirailu paraïna hanganji Mbambilu ka da-ndàdiku la Yahunda, dàngu ba mbàda wotu-nanya panjadi nggumbunuru i Nggandalia. 12Jia-duyaka hi da-dunjaku-nja da pangiangu na ngia papai - ihanguha, hi dabeli la Yahunda. Mai-danyaka la Nggandalia la Mihipa, dàngu dira danguha da angguru dàngu da wua ai pa-pauhi-da.
I Nggandalia ba pameti-ya
(2 Hang. 25:25-26)
13Hàlaka nu, i Yuhanàngu dàngu ba hapajia-ha da parawira da manda huharungu wikida la muhu, damai lai Nggandalia la Mihipa 14hi dapanii-nya, “Mupi-nyaka dumu i Mbaalihu hanganji Amungu ba mbàda palewa-nanyaka i Ihimailu la pa-pameti-kau?” wàdanya. Tàka i Nggandalia nda nawai-aya na paniida nyuda. 15Hàla ba nawàngu pa-kangunguhu panii-nanyaka i Yuhanàngu lai Nggandalia, “Nahàmu-pa ka kulua pa-pameti-ya i Ihimailu; nda ningua haàtu mapinya jàka nggamu mawunda-ya nuna. Nggikina hi puli bianya ka lupa na-pameti-kau? Nuna napa jia-yaka na ma-pawiti-nya mbuu ndàbana na tau Yahunda na mambàda pauhi lai yiahu dàngu nyumu, hilu pai - paihangu-nanyaka, tàka jia-yaka nuna napa na pa-tàlaru wàna nggubulu-na na rayatu na mani-kinyapa la Yahunda,” wàna.
16Tàka nahema i Nggandalia, “Màtangu! Na papanii-mu rukuna i Ihimailu nda ma-tubangu-aya!” wàna.
Currently Selected:
YERIMIA 40: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 40
40
I Yerimia na-ndàdiku lai Nggandalia
1I MIRI napanii dàngga nyungga ba nahàla-ka i Nembuharandàngu, na kimunda pamba, pa-pahàla-ka la Rama. Mbàda ngàndi-dangga nyungga lai nu ba dàngu la nggilibàhi-ka angu mbuu ndàbada da tau hawiangu welingu la Yeruhali dàngu Yahunda da pa-palaüngu ba tanawangu pangàndi la Mbambilu-ha.
2Na kimunda pamba nuna napaau mehangga hi napanii, “I MIRI Alamu mbàda pangàdungu-naka la pa-pakabu-ya yina na paraingu. 3Nàhu duna mbàda pahàra-nanyaka, nadu na banjaru-mu ba mbàda wunda-naka manjala dàngu ba nda na-karadaku lai Nyuna. 4Nàhu duku pukalu-nggunyaka yiana na nggili bàhi welingu la limamu dàngu pahàla-nggunggauka. Jàka mu-mbuhangu pekuna kau tundungu la Mbambilu, napa nyungga ma-kabubulu-kau lai nu. Tàka jàka ndau bihu, nda nggàra ehia. La nggubulu tana yiana peku àtalu etimu nyumu palaku la nggi bia na pambuha-mu,” wànangga.
5Ba ndedi nalaku, napanii i Nembuharandàngu, “Jàka umbuhangu, pekuna kau beli lai Nggandalia, anana i Ahikàmu umbuku-na i Hapàngu, na pawotu-na na hanganji Mbambilu la pa-nggumbunuru la parai - paraingu Yahunda. Pekuna nyumu kau ndàdiku dànya nyuna la honga rayatu, jàka ndiakai kau laku la nggi bia tundunya na pambuha-mu,” wàna. Hàla nawua-ngga bàlangu pangangu dàngu pawua juangu, hi napuli-ngga palaku. 6Ka laku-nggunyaka lai Nggandalia la Mihipa, hi ku-ndàdiku dànya la honga rayatu da pa-màtangu pa-ndàdiku la tana Yahunda.
I Nggandalia na nggumbunuru Yahunda
(2 Hang. 25:22-24)
7Na hanganji Mbambilu nawotu-yaka i Nggandalia pa-nggumbunuru la Yahunda ka na-pareta-ya mbuu ndàbana na tau na mani-kinyapa la Yahunda, nu na tauka na mambana milana. Hawiangu welingu la hapajia-ha da parawira dàngu da panjuri Yahunda da manda huharungu wikida la Mbambilu, darongu-yaka na ngera wotuya i Nggandalia. 8Nu nyuda i Ihimailu anana i Netanya, i Yuhanàngu anana i Kariahu, i Haraya anana i Tanuhumitu, dàngu da anana i Epaï welingu la Netopa, hamanai i Yehanya welingu la Maaka lua-danyaka dàngu da tauda lai Nggandalia la Mihipa. 9Napanii-nja nyuda i Nggandalia, “Àmbu ningudu mangàdatu-mi la pa-huharungu wikimi la tau Mbambilu. Ndàdiku bia la parainda yiana yia, dàngu màtawa ka ata hanganji Mbambilu-kai. Kupii hàmu-manya duku ba nda nggàra ehimi. 10Ndàdiku-wa la parai - paraingu pambuha-mi. Pa-uhingu dàngu pahàmu-wa nyuna angguru, wua ai dàngu mina haitungu. Nyungga wiki ku-ndàdiku la Mihipa dàngu kungaru-nya ngaru na rayatu, jàka era maida da tau Mbambilu yiahu,” wàna. 11Nu ba tuna nu rongu-danyaka da tau Ihirailu mbuu ndàbada da maninja la tana Muapu, la Amungu la Endumu dàngu la parai - paraingu hawiangu, ba na-pahia-nja hawiangu da tau Ihirailu paraïna hanganji Mbambilu ka da-ndàdiku la Yahunda, dàngu ba mbàda wotu-nanya panjadi nggumbunuru i Nggandalia. 12Jia-duyaka hi da-dunjaku-nja da pangiangu na ngia papai - ihanguha, hi dabeli la Yahunda. Mai-danyaka la Nggandalia la Mihipa, dàngu dira danguha da angguru dàngu da wua ai pa-pauhi-da.
I Nggandalia ba pameti-ya
(2 Hang. 25:25-26)
13Hàlaka nu, i Yuhanàngu dàngu ba hapajia-ha da parawira da manda huharungu wikida la muhu, damai lai Nggandalia la Mihipa 14hi dapanii-nya, “Mupi-nyaka dumu i Mbaalihu hanganji Amungu ba mbàda palewa-nanyaka i Ihimailu la pa-pameti-kau?” wàdanya. Tàka i Nggandalia nda nawai-aya na paniida nyuda. 15Hàla ba nawàngu pa-kangunguhu panii-nanyaka i Yuhanàngu lai Nggandalia, “Nahàmu-pa ka kulua pa-pameti-ya i Ihimailu; nda ningua haàtu mapinya jàka nggamu mawunda-ya nuna. Nggikina hi puli bianya ka lupa na-pameti-kau? Nuna napa jia-yaka na ma-pawiti-nya mbuu ndàbana na tau Yahunda na mambàda pauhi lai yiahu dàngu nyumu, hilu pai - paihangu-nanyaka, tàka jia-yaka nuna napa na pa-tàlaru wàna nggubulu-na na rayatu na mani-kinyapa la Yahunda,” wàna.
16Tàka nahema i Nggandalia, “Màtangu! Na papanii-mu rukuna i Ihimailu nda ma-tubangu-aya!” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)