YERIMIA 32
32
I Yerimia nakei tana
1La ndaungu pa-hakambulu wàna na pareta-na i Hendikia hanganji Yahunda, nu la ndaungu pa-hakambulu walu wàna na pareta-na i Nembukatunehàru hanganji Mbambilu, i MIRI napanii-ngga nyungga. 2La rehi nuna da tanatara hanganji Mbambilu talànga hànjalu-danya na Yeruhali. Nyungga pàtu-dangga la talora uma hanganji 3paraïna i Hanganji Hendikia nadu ba panjala-dangga ba ku-pakada-nya nu i MIRI ba napanii tuna yia, “Na hanganji Mbambilu napa ku-pahia-nya la pa-panyàku-ya na paraingu yiana, 4tàka i Hanganji Hendikia nda jia mara-ana tàka napa pa-pakata-nya la hanganji Mbambilu, tàka hi na-hurungu la hanganji nuna la papanii da wiki-nanya. 5Tunaka nu i Hendikia napa hi ngàndiya la Mbambilu dàngu hi na-ndàdiku lai nu lupa tomaya ba kuhuku-nya. Jiapa ka nabera-ya na tau Mbambilu, tàka nda nalingu-a. Nyungga, MIRI, mambàda panii,” wàna.
6I MIRI napanii-ngga nyungga 7ba nàmunya i Hanameyilu, anana mini i Halumu na angu paluhu amanggu, pakarai-ka ka kukeiya na tanana la Anatutu la ngaba Mbanyamingu. Ba nyunggadu nua nditaku-na marihi mareni maningu hàkungu pakeiya nu na tana. 8Hàla la rehi hama tuna ba mbàda wàna i MIRI, mai-nanyaka i Hanameyilu lai nyungga la talora uma hanganji, hi nakarai ka kukeiya na tanana. Jia-duyaka hi kupi hàmunya ba i MIRI langatàka-maka na mapanii dàngga. 9-10Ka kei-dunggu-nyaka nuna na tana welingu lai Hanameyilu ba hakambulu pihu àmahu bara wilina. Ku-paaungu hakahii dàngu la hanggada nyuda hi kutuya na tanda limanggu la huratu pakei wàngu, hàla hi kutunya henggilu dàngu hi kutimba-nja da àmahu wilina. 11Tunaka nu hi kupiti-ya na huratu pakei wàngu na pambàda tungu henggilu dàngu maningu ihingu jàka nggàraya na pawàngu da pambàda pa-hamangu. Kupiti-mbuya na haleli-na na huratu na panda tungu henggilu, 12tàka nuda da huratu dua mbàla hi kuwua-nya i Mbaruku anana i Neria umbuku-na i Màhahiya. Ku-pakata-nya la hanggana i Hanameyilu hamanai da hakahii da mambàda tu tanda limada la huratu nuda dàngu la hanggada da tau da ma-mandapu la talora nuna. 13La hanggada nyuda mbuu ndàbada kupanii-nya i Mbaruku, 14“I MIRI Mahupu-mbiha, Ala Ihirailu, nawua-nggau pareta kau pitiha yiada da huratu ba dua mbàlada, na ma-memangu hamanai na haleli-na, kau puhiha daa la hau wuru tana kamilihu ka peku mandaida. 15I MIRI Mahupu-mbiha, Ala Ihirailu, napanii ba pahili dangganja pahili keiha napa da uma, da tana, dàngu da woka angguru la tana yiana, wàna,” wànggunya.
Na hamayangu-na i Yerimia
16Ba kuhàla-ka pawua-nya i Mbaruku nuda da huratu pakei wàngu, hamayangu-nggunyaka, 17“Dou MIRI Mahupu-jangga, Nyumu-maka ma-padika-nya na awangu dàngu na tana, wàngu kuaha dàngu kodi màkamu, nda nggàra-a maharui lai Nyumu. 18Mu-pajilikungu mbuhangu-mu na ma-palupangu la tau riu rata, tàka muhuku-mbunya na tau ruku njalada da maana-nja. Nyumu Ala ma-bokulu dàngu ma-kaborangu; na tamumu MIRI Mahupu-mbihaya. 19Da pa-pakaka-mu kanjupu-ha, dàngu da paruku-mu pa-hangàtarungu-ha; muita hàla-maha Nyumu da pawunda-naka na tau, hi mu-himbalu-ha pa-jàngapu-nya na pawunda-da. 20La handàka-na muwunda pa-hangàtarungu Nyumu dàngu hangia - hangia manda ningu hamangu la Mehiru, dàngu lupa tàka nàhumbu wunda pangala-mamunya, ka la honga tau Ihirailu hamanai la honga mbuu ndàbana na banjaru hawiangu. Jia-duyaka hi muwuwa nàhu Nyumu la nggi - nggini. 21Wàngu kuaha dàngu kodi màkamu mu-karia-nya na banjaru Ihirailu paluhu welingu la Mehiru. Muwunda pa-hangàtarungu dàngu panda ngerangu na mapakanggupuku-ya na muhu. 22Na tana na mahàmu dàngu na ma-kamboka yiana muwua-nja nyuda hama tuna na paràndi-mu la boku la mangilu-da. 23Tàka ba jia-yaka na tàkada yiahu la tana yiana dàngu ba dawàhi-yaka, nda da-karadaku-anja da hupu liimu Nyumu, dàngu nda danunju-aha da pa-ajaru-mu la lurida. Mbuu ndàbada da hupu liimu Nyumu lai nyuda, nda ana haua pa-palaku-da. Jia-duyaka hi mu-patàka-nja nyuda mbuu ndàbada yiada da pa-hanggàmaru wàngu.
24Da tau Mbambilu da-pahadangu-ka kangeli pa-nggupulu wàngu la weli winggiru-na na paraingu la pawàhi-ya, tàka nàhu tungu-danyaka. Na pa-làndahungu, na rimbangu, dàngu na panyaki panggàbalungu jia-haka napa na-pangala wàdanya yiana na paraingu na muhu. Ita-mamu-haka mbuu ndàbada da papanii-mu ba ma-langatàka-haka. 25Na nyuna ba tuna, ou MIRI Mahupu-jangga, Nyumu-maka ma-paràhangga pakeiya na tana yiana la hangga hakahii - hakahii, jiapa-kai tiangu-ki ba wàhi-nanyaka na paraingu yiana paraï tau Mbambilu,” wànggu.
26Tunaka nu napanii dàngga i MIRI, 27“Nyungga MIRI-ka, Ala hàlana na tau. Nda ningua duku ma-kalutu. 28Na paraingu yiana kupuli-nyaka lai Nembukatunehàru hanganji Mbambilu dàngu pambana la pa-kuaha-ya. Nyuda napa wàhi-danyaka na paraingu yiana, 29hi datunu-ya hi na-mutungu hàla anguda da uma ngia pa-pawiti-danya na hàngganggu, nadu dita la toku ndiduda ba datunu ninya dupa na Mbaàlu dàngu ba daburi-nja angguru ba dalumu-nja da marapu. 30Piti welingu la pakiri-na na rukuda, da tau Ihirailu dàngu tau Yahunda tu weli-mada ba da-pakaraü-ya na etinggu. Nyuda da-patumbu-ya na hàngganggu kirina na paraï paruku-da na ma-akatu. 31Piti welingu na kawunga pahada-nya na paraingu yiana, da ma-mandapu-nya mbàda tu-madaka pambana mbeni wànggu. Mbàda bota-manggu-nyaka la pa-palàjaru-ha, 32ruku mbuu ndàbada da akatu na pawunda-da da tau Yahunda dàngu Yeruhali hamanai da hanganji, da mapawai ngaba la pareta, da ratu dàngu da wunangu-da. 33Mbàda dunjaku-danggaka Nyungga dàngu jiapa-kai ka ku-panuangu pa-ajaru-ha, nda dabihu-ma pa-patingingu dàngu nda dabihu-ma pa-kapata rukuda. 34Jiapa manaü pa-iraku-ma-adanya na uma na pawulu ngia palumu-ngga Nyungga, ba dawàngu pa-bànjalu-ha lai nu da marapu-da da ma-palabu eti. 35Da-pahadangu ngia pawotu - ngia pawotu maraku ndumana na Mbaàlu la Lolangu Hinumu, dàngu ba da-maraku wànja da anada la marapu Moluku. Làti Nyungga duku nda ku-handàkangu pa-paràha-nja la patuda nu, dàngu ndedi handàkangu-mbu patumbu la kanandingu-nggu ba dawunda-ya na pawunda iraku na mahama-nya nuna hi da-pawiti-nya panjala na tau Yahunda,” wàna.
Na ràndi na ma-pamonungu
36I MIRI, Ala Ihirailu, napanii dàngga, “Ha Yerimia, na banjaru Ihirailu napanii ba ruku pabera, rimbangu, dàngu panyaki pa-nggàbalungu hi kiri kanabu-na na paraingu la limana na hanganji Mbambilu. Nàhu rongu-mbuya jàka nggàra wànggui duku Nyungga. 37Napa ku-pauhi-nya Nyungga na banjaru yiana welingu la mbuu ndàbada da tana la ngia papai - ihanggunja paraï ruku hàngganggu dàngu karaü etinggu lai nyuda. Napa kukaria belinja nyuda la pa-ngiangu yiana dàngu ku-pamanggawa-nja ka da-ngiangu dàngu mandangu-da lai yiahu. 38Nyuda banjaru-ngguhaka napa, dàngu Nyungga Ala-danggaka. 39Napa kuwua-nja ka hangia-ana na ngia pa-orangu-na na lurida, nu ba da-maraku-ngga Nyungga lundu nu - nu; nu ba tuda nu napa jiaya na pa-ngalangu wàda mahàmu la wikida nyuda, dàngu la wàla wuada. 40Napa Nyungga kutura pa-ràndingu ma-palupangu dàngu nyuda. Nda jia pànjangu-anggu napa pawunda mahàmu lai nyuda. Napa ku-pawiti-nja ka da-mangàdatu dàngu ka datembi-ka Nyungga wàngu mbulungu etida ka àmbu jia marau-dangga Nyungga. 41Napa nahàmu-ma duku na etinggu la pawunda mahàmu ndumada nyuda, dàngu kutunja hi da-paengangu la tana yiana lundu nu - nu.
42Hama tuna ba mbàda patàka-nggunja pa-tàlaru wàngu na banjaru yiana, tuna numbu napa ba kuwua hàlanya da mahàmu da pambàda ràndinggu lai nyuda. 43Na panii tau, ba hama tuna maràda telangu panda ngia tau dàngu banda-yaka yiana na tana, dàngu ba mbàda kanabu-naka la lima tau Mbambilu. Tàka na paniinggu Nyungga duku ba hili jia-haka da pakei da pa-danggangu wàngu napa da woka la tana yiana; 44da huratu ba keiha patungu tanda limaha napa, hi tunja henggilu, dàngu hi pa-karàngi wànya hakahii - hakahii. Nuna jia-yaka na madedi la ngaba Mbanyamingu, la ndeha - ndeha la winggiru Yeruhali, la parai - paraingu Yahunda, dàngu la parai - paraingu la ngaba ma-palindingu, la ngaba kambu ma-palindingu, dàngu la Yahunda mbara luru. Na banjaru yiana napa ku-palànyapu belinya hadana la tana yiana. Nyungga, MIRI, mambàda panii,” wàna.
Currently Selected:
YERIMIA 32: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 32
32
I Yerimia nakei tana
1La ndaungu pa-hakambulu wàna na pareta-na i Hendikia hanganji Yahunda, nu la ndaungu pa-hakambulu walu wàna na pareta-na i Nembukatunehàru hanganji Mbambilu, i MIRI napanii-ngga nyungga. 2La rehi nuna da tanatara hanganji Mbambilu talànga hànjalu-danya na Yeruhali. Nyungga pàtu-dangga la talora uma hanganji 3paraïna i Hanganji Hendikia nadu ba panjala-dangga ba ku-pakada-nya nu i MIRI ba napanii tuna yia, “Na hanganji Mbambilu napa ku-pahia-nya la pa-panyàku-ya na paraingu yiana, 4tàka i Hanganji Hendikia nda jia mara-ana tàka napa pa-pakata-nya la hanganji Mbambilu, tàka hi na-hurungu la hanganji nuna la papanii da wiki-nanya. 5Tunaka nu i Hendikia napa hi ngàndiya la Mbambilu dàngu hi na-ndàdiku lai nu lupa tomaya ba kuhuku-nya. Jiapa ka nabera-ya na tau Mbambilu, tàka nda nalingu-a. Nyungga, MIRI, mambàda panii,” wàna.
6I MIRI napanii-ngga nyungga 7ba nàmunya i Hanameyilu, anana mini i Halumu na angu paluhu amanggu, pakarai-ka ka kukeiya na tanana la Anatutu la ngaba Mbanyamingu. Ba nyunggadu nua nditaku-na marihi mareni maningu hàkungu pakeiya nu na tana. 8Hàla la rehi hama tuna ba mbàda wàna i MIRI, mai-nanyaka i Hanameyilu lai nyungga la talora uma hanganji, hi nakarai ka kukeiya na tanana. Jia-duyaka hi kupi hàmunya ba i MIRI langatàka-maka na mapanii dàngga. 9-10Ka kei-dunggu-nyaka nuna na tana welingu lai Hanameyilu ba hakambulu pihu àmahu bara wilina. Ku-paaungu hakahii dàngu la hanggada nyuda hi kutuya na tanda limanggu la huratu pakei wàngu, hàla hi kutunya henggilu dàngu hi kutimba-nja da àmahu wilina. 11Tunaka nu hi kupiti-ya na huratu pakei wàngu na pambàda tungu henggilu dàngu maningu ihingu jàka nggàraya na pawàngu da pambàda pa-hamangu. Kupiti-mbuya na haleli-na na huratu na panda tungu henggilu, 12tàka nuda da huratu dua mbàla hi kuwua-nya i Mbaruku anana i Neria umbuku-na i Màhahiya. Ku-pakata-nya la hanggana i Hanameyilu hamanai da hakahii da mambàda tu tanda limada la huratu nuda dàngu la hanggada da tau da ma-mandapu la talora nuna. 13La hanggada nyuda mbuu ndàbada kupanii-nya i Mbaruku, 14“I MIRI Mahupu-mbiha, Ala Ihirailu, nawua-nggau pareta kau pitiha yiada da huratu ba dua mbàlada, na ma-memangu hamanai na haleli-na, kau puhiha daa la hau wuru tana kamilihu ka peku mandaida. 15I MIRI Mahupu-mbiha, Ala Ihirailu, napanii ba pahili dangganja pahili keiha napa da uma, da tana, dàngu da woka angguru la tana yiana, wàna,” wànggunya.
Na hamayangu-na i Yerimia
16Ba kuhàla-ka pawua-nya i Mbaruku nuda da huratu pakei wàngu, hamayangu-nggunyaka, 17“Dou MIRI Mahupu-jangga, Nyumu-maka ma-padika-nya na awangu dàngu na tana, wàngu kuaha dàngu kodi màkamu, nda nggàra-a maharui lai Nyumu. 18Mu-pajilikungu mbuhangu-mu na ma-palupangu la tau riu rata, tàka muhuku-mbunya na tau ruku njalada da maana-nja. Nyumu Ala ma-bokulu dàngu ma-kaborangu; na tamumu MIRI Mahupu-mbihaya. 19Da pa-pakaka-mu kanjupu-ha, dàngu da paruku-mu pa-hangàtarungu-ha; muita hàla-maha Nyumu da pawunda-naka na tau, hi mu-himbalu-ha pa-jàngapu-nya na pawunda-da. 20La handàka-na muwunda pa-hangàtarungu Nyumu dàngu hangia - hangia manda ningu hamangu la Mehiru, dàngu lupa tàka nàhumbu wunda pangala-mamunya, ka la honga tau Ihirailu hamanai la honga mbuu ndàbana na banjaru hawiangu. Jia-duyaka hi muwuwa nàhu Nyumu la nggi - nggini. 21Wàngu kuaha dàngu kodi màkamu mu-karia-nya na banjaru Ihirailu paluhu welingu la Mehiru. Muwunda pa-hangàtarungu dàngu panda ngerangu na mapakanggupuku-ya na muhu. 22Na tana na mahàmu dàngu na ma-kamboka yiana muwua-nja nyuda hama tuna na paràndi-mu la boku la mangilu-da. 23Tàka ba jia-yaka na tàkada yiahu la tana yiana dàngu ba dawàhi-yaka, nda da-karadaku-anja da hupu liimu Nyumu, dàngu nda danunju-aha da pa-ajaru-mu la lurida. Mbuu ndàbada da hupu liimu Nyumu lai nyuda, nda ana haua pa-palaku-da. Jia-duyaka hi mu-patàka-nja nyuda mbuu ndàbada yiada da pa-hanggàmaru wàngu.
24Da tau Mbambilu da-pahadangu-ka kangeli pa-nggupulu wàngu la weli winggiru-na na paraingu la pawàhi-ya, tàka nàhu tungu-danyaka. Na pa-làndahungu, na rimbangu, dàngu na panyaki panggàbalungu jia-haka napa na-pangala wàdanya yiana na paraingu na muhu. Ita-mamu-haka mbuu ndàbada da papanii-mu ba ma-langatàka-haka. 25Na nyuna ba tuna, ou MIRI Mahupu-jangga, Nyumu-maka ma-paràhangga pakeiya na tana yiana la hangga hakahii - hakahii, jiapa-kai tiangu-ki ba wàhi-nanyaka na paraingu yiana paraï tau Mbambilu,” wànggu.
26Tunaka nu napanii dàngga i MIRI, 27“Nyungga MIRI-ka, Ala hàlana na tau. Nda ningua duku ma-kalutu. 28Na paraingu yiana kupuli-nyaka lai Nembukatunehàru hanganji Mbambilu dàngu pambana la pa-kuaha-ya. Nyuda napa wàhi-danyaka na paraingu yiana, 29hi datunu-ya hi na-mutungu hàla anguda da uma ngia pa-pawiti-danya na hàngganggu, nadu dita la toku ndiduda ba datunu ninya dupa na Mbaàlu dàngu ba daburi-nja angguru ba dalumu-nja da marapu. 30Piti welingu la pakiri-na na rukuda, da tau Ihirailu dàngu tau Yahunda tu weli-mada ba da-pakaraü-ya na etinggu. Nyuda da-patumbu-ya na hàngganggu kirina na paraï paruku-da na ma-akatu. 31Piti welingu na kawunga pahada-nya na paraingu yiana, da ma-mandapu-nya mbàda tu-madaka pambana mbeni wànggu. Mbàda bota-manggu-nyaka la pa-palàjaru-ha, 32ruku mbuu ndàbada da akatu na pawunda-da da tau Yahunda dàngu Yeruhali hamanai da hanganji, da mapawai ngaba la pareta, da ratu dàngu da wunangu-da. 33Mbàda dunjaku-danggaka Nyungga dàngu jiapa-kai ka ku-panuangu pa-ajaru-ha, nda dabihu-ma pa-patingingu dàngu nda dabihu-ma pa-kapata rukuda. 34Jiapa manaü pa-iraku-ma-adanya na uma na pawulu ngia palumu-ngga Nyungga, ba dawàngu pa-bànjalu-ha lai nu da marapu-da da ma-palabu eti. 35Da-pahadangu ngia pawotu - ngia pawotu maraku ndumana na Mbaàlu la Lolangu Hinumu, dàngu ba da-maraku wànja da anada la marapu Moluku. Làti Nyungga duku nda ku-handàkangu pa-paràha-nja la patuda nu, dàngu ndedi handàkangu-mbu patumbu la kanandingu-nggu ba dawunda-ya na pawunda iraku na mahama-nya nuna hi da-pawiti-nya panjala na tau Yahunda,” wàna.
Na ràndi na ma-pamonungu
36I MIRI, Ala Ihirailu, napanii dàngga, “Ha Yerimia, na banjaru Ihirailu napanii ba ruku pabera, rimbangu, dàngu panyaki pa-nggàbalungu hi kiri kanabu-na na paraingu la limana na hanganji Mbambilu. Nàhu rongu-mbuya jàka nggàra wànggui duku Nyungga. 37Napa ku-pauhi-nya Nyungga na banjaru yiana welingu la mbuu ndàbada da tana la ngia papai - ihanggunja paraï ruku hàngganggu dàngu karaü etinggu lai nyuda. Napa kukaria belinja nyuda la pa-ngiangu yiana dàngu ku-pamanggawa-nja ka da-ngiangu dàngu mandangu-da lai yiahu. 38Nyuda banjaru-ngguhaka napa, dàngu Nyungga Ala-danggaka. 39Napa kuwua-nja ka hangia-ana na ngia pa-orangu-na na lurida, nu ba da-maraku-ngga Nyungga lundu nu - nu; nu ba tuda nu napa jiaya na pa-ngalangu wàda mahàmu la wikida nyuda, dàngu la wàla wuada. 40Napa Nyungga kutura pa-ràndingu ma-palupangu dàngu nyuda. Nda jia pànjangu-anggu napa pawunda mahàmu lai nyuda. Napa ku-pawiti-nja ka da-mangàdatu dàngu ka datembi-ka Nyungga wàngu mbulungu etida ka àmbu jia marau-dangga Nyungga. 41Napa nahàmu-ma duku na etinggu la pawunda mahàmu ndumada nyuda, dàngu kutunja hi da-paengangu la tana yiana lundu nu - nu.
42Hama tuna ba mbàda patàka-nggunja pa-tàlaru wàngu na banjaru yiana, tuna numbu napa ba kuwua hàlanya da mahàmu da pambàda ràndinggu lai nyuda. 43Na panii tau, ba hama tuna maràda telangu panda ngia tau dàngu banda-yaka yiana na tana, dàngu ba mbàda kanabu-naka la lima tau Mbambilu. Tàka na paniinggu Nyungga duku ba hili jia-haka da pakei da pa-danggangu wàngu napa da woka la tana yiana; 44da huratu ba keiha patungu tanda limaha napa, hi tunja henggilu, dàngu hi pa-karàngi wànya hakahii - hakahii. Nuna jia-yaka na madedi la ngaba Mbanyamingu, la ndeha - ndeha la winggiru Yeruhali, la parai - paraingu Yahunda, dàngu la parai - paraingu la ngaba ma-palindingu, la ngaba kambu ma-palindingu, dàngu la Yahunda mbara luru. Na banjaru yiana napa ku-palànyapu belinya hadana la tana yiana. Nyungga, MIRI, mambàda panii,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)