YERIMIA 17
17
Na njala dàngu na hukungu la Yahunda
1Napanii i MIRI, “Ha banjaru Yahunda, da njalami pambàda huratu-mahaka la etimi dàngu la mbuu ndàbada da kabihu - kabihu-da da ngia pawotu maraku-mi wàngu ai tulihu bàhi patungu mata itangu. 2Da taumi da-lumungu la ngia pawotu - ngia pawotu maraku dàngu da andu - andungu marapu da pa-pahadangu ndumana na marapu kawini Ahera la nimbihu pingi ai marumbingu, la pinu - pinu tandula, 3dàngu la palindi - palindi la hambeli paraingu. Nadu ruku mbuu ndàbada da pangia ngia pa-marubukungu marapu da pambàda pahada-mi la nggubulu tana dàngu ruku mbuu ndàba da njala da pambàda pandoimi, napa Nyungga ku-paràha-nja da muhumi la padendi hàlaha da bandami dàngu da pawulu-mi. 4Napa nyimi mipuli leranya na tana na pambàda wuanggu-nggai, dàngu napa Nyungga ku-pawiti-nya kai pa-atangu wikimi la muhumi la tana na mahau ailulu-ya lai nyimi. Hi kuwunda ndàbaha nuda rukuna ba hambumbatu-nanyaka na hàngganggu hama tuna epi ma-kandulangu na panda peku pàda,” wàna.
Ma - màtu lii pa-ajaru
5Napanii i MIRI,
“Jàka era dunjaku-nangga tau Nyungga, MIRI-na,
dàngu hi da-monungu la tau
lupa da-handera ningu la kapàru-na,
napa Nyungga kuhuku-nya.
6Nyuna beri pa-pamula na matumbu la maràda-ya,
la tana kutuku riku, ma-malinggitu kahàna dàngu na ma-pamehingu,
nda na-handàkangu pahunggu mahàmu.
7Tàka na tau na mamonu-ngga Nyungga
napa ku-pakanyuru mànunya.
8Nyuna beri pingi ai la hingi luku lakuya;
na amuna na-làmbatu tàka la wai.
Nda na-mangàdatungu wandu,
da ruuna damuru mànu.
Jiapa-kai ka natuni-ya pamàdu wàngu na tana, nda na-nggidiku waanya
nadu ba natuu mànuma duna wuana.
9Na eti tau nda pa-ngalangu-a pa-palàda-nya,
marihi kamilihu-ya welingu la ngga - nggàraka
dàngu lalu jàrana na hiduna.
10Nyungga, MIRI, ma-manginjiru eti,
na eti daluna na tau ku-kamanya.
Nimbihu-na na tau ku-himbalu-ya tundunya na pawunda-na,
dàngu ku-palua-nya lima pa-jàngapu-nya na paraï rukuna,” wàna.
11Pangera ma-hawurungu na matodu-nja da tilu da nda mangu wikina,
tuna nu na tau na manda patutungu ba na-ngalangu banda.
Tàka ba padua tau-yaka na lurina
molungu hàla-danyaka napa da bandana.
La rapa njàpuna na lurina pi-ndanyaka
nyuna ba tau nduba ailulu-ya.
12Na Uma MIRI-nda hama kanjàka hanganji mangarangu-ya,
la palindi janggaya weli mulangu.
13MIRI, Nyumuma pamonu-na na Ihirailu, na banjaru-mu;
mbuu ndàbana na ma-dunjaku-nggau Nyumu napa damakia.
Napa nyuda da-molungu welingu la pinu tana yiana
hi dalaku la parai tau meti.
Nadu, Nyumu matawai luri
ba da-dunjaku-dunggauka, dou MIRI.
I Yerimia nakarai-ya na pa-ndulangu-na i MIRI
14MIRI, pamàlaru àruka, napa kuhayandaluma duku. Pamara aruka, napa kumara-ma duku. Nyumua duku pa-pamangara-nggu! 15Napanii na tau, “Nggihaka nu mbuu ndàbada da pangàdungu-na i MIRI? Màlawa nu nàhu ka pahàra-nja!” wàdangga. 16Na nyuna, dou MIRI, ndedi ku-handàkangu-a duku pa-dàhiku-kau pa-patàka-nya na pa-hanggàmaru wàda nyuda. Nda ku-rinjungu-mbu ka na-handauni-ha ura pàda. Mupi-manya nuna, MIRI. Mupi-manya jàka nggàraya na patiki-nggu. 17Màtangu àru ka àmbu jiakau pa-mangàdatu wàna na etinggu. Nyumu ngia pa-hinggilu-nggu jàka natàka-ngga ma-handuka. 18Màta àru da mayaulu-ka dàngu da ma-kapidihu-ka, kau pa-makia-ha dàngu kau pabundu-nja pa-mangàdatu wàngu. Na nyuna àmbu tu àrumu-ngga nu nyungga, dou MIRI. Patàka àrunja ura dedi lai nyuda ka lupa daluju làjaru.
Tembiya bàdi na lodu Hangahu
19Napanii-ngga nyungga i MIRI, “Ha Yerimia luawa la Pindu Bokulu Rayatu na ngia palida da hanganji - hanganji Yahunda jàka daluhu datama la paraingu. Luambu la mbuu ndàba pindu bokulu hawiangu la Yeruhali. 20Patàka-nja da hanganji dàngu na tau Yahunda mbuu ndàbana hamanai nggubulu-na na ma-mandapu-nya na Yeruhali da maliha da pindu nuda. 21Tuna yia bau panii, ‘Jàka ndai mbuhangu pameti, àmbi palaüngu-du malanja la lodu Hangahu jàka ndia la palii ngàndiha la pindu - pindu bokulu Yeruhali. 22Àmbi ràma jàka ndia àmbi nggàradu paluhu ngàndimi welingu la umami la lodu Hangahu. Patuda-ngganya na lodu nuna ndumanggu Nyungga hama tuna na pareta pambàda wua-nggunja da boku la mangilu-mi. 23Ba tuna da boku la mangilu-mi nda dabihu parongu jàka ndia nda daeti wànya jàka nggàraya na papanii-nggu. Da-malihu katiku-da nyuda, dàngu nda dabihu pa-karadaku jàka ndia nda dabihu ka hàngga nàrunja.
24Karadaku-nja mbuu ndàbada da pareta-nggu. Àmbi palaüngu-du malanja jiapa ka nggàraya mali ningu la pindu bokulu paraingu yiana la lodu Hangahu. Panuda-ngganya na lodu Hangahu ndumanggu Nyungga, dàngu àmbu nggàradu paràma-mi la lodu nuna. 25Jàka weli eti langatàka-mi nyimi pa-pahàra-nja nuda da pareta-nggu, napa da hanganji dàngu da maningu wai ngabangu pa-pareta hama tuna i Ndautu, datama li ningu la pindu bokulu paraingu Yeruhali. Angu ndàbada da tau Yahunda napa dàngu da ma-mandapu-nya na Yeruhali pa-kaliti kareta njara, hi lupa kanjupu mbabuya na paraingu Yeruhali. 26Napa damai da tau welingu la parai - paraingu Yahunda, dàngu welingu la nde - ndeha la winggiru Yeruhali, napa nyuda da-pamaingu welingu la ngaba Mbanyamingu, welingu la ngaba kambu tandula, welingu la ngaba ma-palindingu, dàngu welingu la Yahunda mbara luru. Napa dangàndi-ha la Umanggu da banda kameti maraku, da patunu hamanai da panda tunu, màlambu da maraku uhu nggàndumu dàngu kaminyangu, lupa da maraku pa-malangungu. 27Nuda mbuu ndàbada napa danjadi jàkai karadaku-ngga Nyungga dàngu jàkai panuda-ngganya Nyungga na lodu Hangahu. Àmbu nggàradu pa-palaü-mi pali ngàndiha la pindu boku - pindu bokulu Yeruhali la lodu nuna. Jàka mipangga-ha nuda da pareta-nggu, napa da pindu bokulu Yeruhali dàngu da uma hanganji-na kutunu pambuta-ha, tàka nuna na epi nda pa-ngalangu-a papàda-ya,’ ” wàna.
Currently Selected:
YERIMIA 17: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 17
17
Na njala dàngu na hukungu la Yahunda
1Napanii i MIRI, “Ha banjaru Yahunda, da njalami pambàda huratu-mahaka la etimi dàngu la mbuu ndàbada da kabihu - kabihu-da da ngia pawotu maraku-mi wàngu ai tulihu bàhi patungu mata itangu. 2Da taumi da-lumungu la ngia pawotu - ngia pawotu maraku dàngu da andu - andungu marapu da pa-pahadangu ndumana na marapu kawini Ahera la nimbihu pingi ai marumbingu, la pinu - pinu tandula, 3dàngu la palindi - palindi la hambeli paraingu. Nadu ruku mbuu ndàbada da pangia ngia pa-marubukungu marapu da pambàda pahada-mi la nggubulu tana dàngu ruku mbuu ndàba da njala da pambàda pandoimi, napa Nyungga ku-paràha-nja da muhumi la padendi hàlaha da bandami dàngu da pawulu-mi. 4Napa nyimi mipuli leranya na tana na pambàda wuanggu-nggai, dàngu napa Nyungga ku-pawiti-nya kai pa-atangu wikimi la muhumi la tana na mahau ailulu-ya lai nyimi. Hi kuwunda ndàbaha nuda rukuna ba hambumbatu-nanyaka na hàngganggu hama tuna epi ma-kandulangu na panda peku pàda,” wàna.
Ma - màtu lii pa-ajaru
5Napanii i MIRI,
“Jàka era dunjaku-nangga tau Nyungga, MIRI-na,
dàngu hi da-monungu la tau
lupa da-handera ningu la kapàru-na,
napa Nyungga kuhuku-nya.
6Nyuna beri pa-pamula na matumbu la maràda-ya,
la tana kutuku riku, ma-malinggitu kahàna dàngu na ma-pamehingu,
nda na-handàkangu pahunggu mahàmu.
7Tàka na tau na mamonu-ngga Nyungga
napa ku-pakanyuru mànunya.
8Nyuna beri pingi ai la hingi luku lakuya;
na amuna na-làmbatu tàka la wai.
Nda na-mangàdatungu wandu,
da ruuna damuru mànu.
Jiapa-kai ka natuni-ya pamàdu wàngu na tana, nda na-nggidiku waanya
nadu ba natuu mànuma duna wuana.
9Na eti tau nda pa-ngalangu-a pa-palàda-nya,
marihi kamilihu-ya welingu la ngga - nggàraka
dàngu lalu jàrana na hiduna.
10Nyungga, MIRI, ma-manginjiru eti,
na eti daluna na tau ku-kamanya.
Nimbihu-na na tau ku-himbalu-ya tundunya na pawunda-na,
dàngu ku-palua-nya lima pa-jàngapu-nya na paraï rukuna,” wàna.
11Pangera ma-hawurungu na matodu-nja da tilu da nda mangu wikina,
tuna nu na tau na manda patutungu ba na-ngalangu banda.
Tàka ba padua tau-yaka na lurina
molungu hàla-danyaka napa da bandana.
La rapa njàpuna na lurina pi-ndanyaka
nyuna ba tau nduba ailulu-ya.
12Na Uma MIRI-nda hama kanjàka hanganji mangarangu-ya,
la palindi janggaya weli mulangu.
13MIRI, Nyumuma pamonu-na na Ihirailu, na banjaru-mu;
mbuu ndàbana na ma-dunjaku-nggau Nyumu napa damakia.
Napa nyuda da-molungu welingu la pinu tana yiana
hi dalaku la parai tau meti.
Nadu, Nyumu matawai luri
ba da-dunjaku-dunggauka, dou MIRI.
I Yerimia nakarai-ya na pa-ndulangu-na i MIRI
14MIRI, pamàlaru àruka, napa kuhayandaluma duku. Pamara aruka, napa kumara-ma duku. Nyumua duku pa-pamangara-nggu! 15Napanii na tau, “Nggihaka nu mbuu ndàbada da pangàdungu-na i MIRI? Màlawa nu nàhu ka pahàra-nja!” wàdangga. 16Na nyuna, dou MIRI, ndedi ku-handàkangu-a duku pa-dàhiku-kau pa-patàka-nya na pa-hanggàmaru wàda nyuda. Nda ku-rinjungu-mbu ka na-handauni-ha ura pàda. Mupi-manya nuna, MIRI. Mupi-manya jàka nggàraya na patiki-nggu. 17Màtangu àru ka àmbu jiakau pa-mangàdatu wàna na etinggu. Nyumu ngia pa-hinggilu-nggu jàka natàka-ngga ma-handuka. 18Màta àru da mayaulu-ka dàngu da ma-kapidihu-ka, kau pa-makia-ha dàngu kau pabundu-nja pa-mangàdatu wàngu. Na nyuna àmbu tu àrumu-ngga nu nyungga, dou MIRI. Patàka àrunja ura dedi lai nyuda ka lupa daluju làjaru.
Tembiya bàdi na lodu Hangahu
19Napanii-ngga nyungga i MIRI, “Ha Yerimia luawa la Pindu Bokulu Rayatu na ngia palida da hanganji - hanganji Yahunda jàka daluhu datama la paraingu. Luambu la mbuu ndàba pindu bokulu hawiangu la Yeruhali. 20Patàka-nja da hanganji dàngu na tau Yahunda mbuu ndàbana hamanai nggubulu-na na ma-mandapu-nya na Yeruhali da maliha da pindu nuda. 21Tuna yia bau panii, ‘Jàka ndai mbuhangu pameti, àmbi palaüngu-du malanja la lodu Hangahu jàka ndia la palii ngàndiha la pindu - pindu bokulu Yeruhali. 22Àmbi ràma jàka ndia àmbi nggàradu paluhu ngàndimi welingu la umami la lodu Hangahu. Patuda-ngganya na lodu nuna ndumanggu Nyungga hama tuna na pareta pambàda wua-nggunja da boku la mangilu-mi. 23Ba tuna da boku la mangilu-mi nda dabihu parongu jàka ndia nda daeti wànya jàka nggàraya na papanii-nggu. Da-malihu katiku-da nyuda, dàngu nda dabihu pa-karadaku jàka ndia nda dabihu ka hàngga nàrunja.
24Karadaku-nja mbuu ndàbada da pareta-nggu. Àmbi palaüngu-du malanja jiapa ka nggàraya mali ningu la pindu bokulu paraingu yiana la lodu Hangahu. Panuda-ngganya na lodu Hangahu ndumanggu Nyungga, dàngu àmbu nggàradu paràma-mi la lodu nuna. 25Jàka weli eti langatàka-mi nyimi pa-pahàra-nja nuda da pareta-nggu, napa da hanganji dàngu da maningu wai ngabangu pa-pareta hama tuna i Ndautu, datama li ningu la pindu bokulu paraingu Yeruhali. Angu ndàbada da tau Yahunda napa dàngu da ma-mandapu-nya na Yeruhali pa-kaliti kareta njara, hi lupa kanjupu mbabuya na paraingu Yeruhali. 26Napa damai da tau welingu la parai - paraingu Yahunda, dàngu welingu la nde - ndeha la winggiru Yeruhali, napa nyuda da-pamaingu welingu la ngaba Mbanyamingu, welingu la ngaba kambu tandula, welingu la ngaba ma-palindingu, dàngu welingu la Yahunda mbara luru. Napa dangàndi-ha la Umanggu da banda kameti maraku, da patunu hamanai da panda tunu, màlambu da maraku uhu nggàndumu dàngu kaminyangu, lupa da maraku pa-malangungu. 27Nuda mbuu ndàbada napa danjadi jàkai karadaku-ngga Nyungga dàngu jàkai panuda-ngganya Nyungga na lodu Hangahu. Àmbu nggàradu pa-palaü-mi pali ngàndiha la pindu boku - pindu bokulu Yeruhali la lodu nuna. Jàka mipangga-ha nuda da pareta-nggu, napa da pindu bokulu Yeruhali dàngu da uma hanganji-na kutunu pambuta-ha, tàka nuna na epi nda pa-ngalangu-a papàda-ya,’ ” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)