YERIMIA 16
16
Na pawuku-na i MIRI ndumana i Yerimia
1Nahili paniingga nyungga i MIRI, 2“Àmbu lalei dàngu àmbu ningudu anamu la pa-ngiangu yiana. 3Napa ka kupanii-nggau jàka nggàraya na manjadi ngerada da anakeda da madedi lai yiahu dàngu ina amada. 4Napa nyuda dameti ruku hidu pameti wàngu, dàngu napa dameti la pabera jàka ndia dameti rimbangu. Napa nda ningumbu haàtu mahiinja jàka ndia màtani-nja. Da metida napa da-taneparu hama tuna tai tana la tana, dàngu nanganja ma-hawurungu hamanai banda bohu.
5Àmbu luadu la uma tau na ma-talànga handuka, Yerimia. Àmbu hawina-du jiapa ka nggamuya. Nda ku-pakanyuru-anyapa pahàmu wàngu napa na banjaru-nggu, dàngu nda ku-paita-mbunya napa mila eti jàka ndia manàwaru-nggu lai nyuda. 6Na tau wulu dàngu tau mila la tana yiana napa dameti dàngu nda ningumbu matani-nja nyuda. Nda ningua haàtu ma-pamayila wikina jàka ndia ma-pakamuluku-ya na katiku-na tanda hawina-danja nyuda. 7Nda ningumbu haàtu mawunda lii la pa-panggaüru wànja da tau da ma-talànga hawina. Nda ningumbu ma-hawina dànja, jiapa-kai ka meti ama ka meti ina-nanya.
8Àmbu tamadu la uma tau ma-talànga remi. Àmbu ngangu àmbu ngunu dàdunja. 9Patingi-nya jàka nggàra wànggu Nyungga, MIRI Mahupu-mbiha, Ala Ihirailu, ka kupanii-nya ba wànggunggau. Da talia lii ma-hawola dàngu mambaha eti hamanai na mbabu remi bidi papa napa ku-pakamàndalu hàlaya. Na ngerana nuna napa na-hakahii-nja paraï da tau da maluri la rehimu nyumu nàhu.
10Jàka era patàka hàla-munja yiada lai nyuda, talànga wanguna napa da-paàrangu, jàka nggikina Nyungga hi kutika pahuku wànja mambotu tungu nu. Napa da-paàrangu jàka nggàra-maka njalada dàngu ndokuda hanggangu lai Nyungga MIRI, Alada. 11Pekanja nyuda ba tuna yia na panii-nggu Nyungga, ‘Da boku la mangilu-mi mbàda dunjaku-danggaka hi da-marubuku-nja dàngu hi dalumu-nja da marapu hawiangu. Dalànja-ngga Nyungga dàngu nda dabihu pa-karadaku-nja da kalara - kalaratu-nggu. 12Tàka nyimi hili wunda-minyaipa marihi akatu. Mi-malihu katiku-mi dàngu jiaya na pambuha wiki-maami na panunju-mi na ma-akatu. Ndai bihu nyimi pa-karadaku-ngga Nyungga. 13Kirina nuna napa nyimi kuwàngga-kai welingu la tana yiana dàngu hi kuwàru-nggai la hau tana na mahau ailulu-ya lai nyimi dàngu la boku la mangilu-mi. Napa nyimi lai nu milumu-nja lodu rudungu da marapu hawiangu, tàka Nyungga nda kumila-anggaipa eti nyimi,’ ” wàna.
Na banjaru-na i MIRI napa nabeli welingu la ngia pa-wàrungu
14Napanii i MIRI, “Napa nàmunya na rehina na tau ba nda nahili hara wà-anggapa Nyungga, Ala maluri, na mangàndi-ya na banjaru Ihirailu paluhu welingu la Mehiru, 15tàka lumunggu Nyungga, Ala maluri, mangàndi-ya na banjaru Ihirailu paluhu welingu la hau tana nàmu dia dàngu welingu la mbuu ndàbada da tana hawiangu na ngia pa-paiha - paiha-nggunja. Napa nyuda kungàndi beliha la tana paraida la luku mananga-da, na tana na pambàda wua-nggunja da boku la mangilu-da,” wàna.
Na hukungu na manggàna-ha napa
16Napanii i MIRI, “Ka kupaau padangu mini jala wàngguka Nyungga, ka dayàpa-ha da tau yiada. Tunaka nu napa kupaau padangu mini patamangu la pa-patama-nja nyuda la hau palindi - hau palindi, la hau tandula - hau tandula, dàngu la lia - liangu tandula watu. 17Kuita hàla-maha Nyungga da pawunda-da. Nda ningua ma-kawiningu lai Nyungga; da nja - njala-mbuda mbàda ita-nggunjaka. 18Da njalada dàngu da akatu-da napa ku-himbalu wànja hukungu pandua wundangu, nadu nyuda ba mbàda pa-iraku wàdanya marapu dangu na tananggu. Nuda da marapu nda ningua lurida hama tuna mameti,” wàna.
I Yerimia ba napeka-ya na pawaina lai MIRI
19MIRI, Nyumuma ma-katindi-ka dàngu mawua-ngga pa-àtalu wàngu, Nyumu mandulaka la rehi handuka-nggu. Da ba - banjaru welingu la hupu tana napa mai-danyaka lai Nyumu dàngu hi dapanii, “Da boku la mangilu-ma ningu kamala ala-maada da manda ana ningu linguda. 20Na-ngalangu ihu pa-pandoi ala wikina na tau? Ndia-mapa duna! Da papandoi-da nu nda Ala-aha,” wàda.
21“Jiaya nu,” hi wàna i MIRI, “la handàkangu nàhu napa ku-pawiti-nya ka dapàda-nya paraï da banjaru na kuaha dàngu na kapàru-nggu ka peku pidanya lundu nu - nu napa ba Nyungga-maka MIRI,” wàna.
Currently Selected:
YERIMIA 16: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 16
16
Na pawuku-na i MIRI ndumana i Yerimia
1Nahili paniingga nyungga i MIRI, 2“Àmbu lalei dàngu àmbu ningudu anamu la pa-ngiangu yiana. 3Napa ka kupanii-nggau jàka nggàraya na manjadi ngerada da anakeda da madedi lai yiahu dàngu ina amada. 4Napa nyuda dameti ruku hidu pameti wàngu, dàngu napa dameti la pabera jàka ndia dameti rimbangu. Napa nda ningumbu haàtu mahiinja jàka ndia màtani-nja. Da metida napa da-taneparu hama tuna tai tana la tana, dàngu nanganja ma-hawurungu hamanai banda bohu.
5Àmbu luadu la uma tau na ma-talànga handuka, Yerimia. Àmbu hawina-du jiapa ka nggamuya. Nda ku-pakanyuru-anyapa pahàmu wàngu napa na banjaru-nggu, dàngu nda ku-paita-mbunya napa mila eti jàka ndia manàwaru-nggu lai nyuda. 6Na tau wulu dàngu tau mila la tana yiana napa dameti dàngu nda ningumbu matani-nja nyuda. Nda ningua haàtu ma-pamayila wikina jàka ndia ma-pakamuluku-ya na katiku-na tanda hawina-danja nyuda. 7Nda ningumbu haàtu mawunda lii la pa-panggaüru wànja da tau da ma-talànga hawina. Nda ningumbu ma-hawina dànja, jiapa-kai ka meti ama ka meti ina-nanya.
8Àmbu tamadu la uma tau ma-talànga remi. Àmbu ngangu àmbu ngunu dàdunja. 9Patingi-nya jàka nggàra wànggu Nyungga, MIRI Mahupu-mbiha, Ala Ihirailu, ka kupanii-nya ba wànggunggau. Da talia lii ma-hawola dàngu mambaha eti hamanai na mbabu remi bidi papa napa ku-pakamàndalu hàlaya. Na ngerana nuna napa na-hakahii-nja paraï da tau da maluri la rehimu nyumu nàhu.
10Jàka era patàka hàla-munja yiada lai nyuda, talànga wanguna napa da-paàrangu, jàka nggikina Nyungga hi kutika pahuku wànja mambotu tungu nu. Napa da-paàrangu jàka nggàra-maka njalada dàngu ndokuda hanggangu lai Nyungga MIRI, Alada. 11Pekanja nyuda ba tuna yia na panii-nggu Nyungga, ‘Da boku la mangilu-mi mbàda dunjaku-danggaka hi da-marubuku-nja dàngu hi dalumu-nja da marapu hawiangu. Dalànja-ngga Nyungga dàngu nda dabihu pa-karadaku-nja da kalara - kalaratu-nggu. 12Tàka nyimi hili wunda-minyaipa marihi akatu. Mi-malihu katiku-mi dàngu jiaya na pambuha wiki-maami na panunju-mi na ma-akatu. Ndai bihu nyimi pa-karadaku-ngga Nyungga. 13Kirina nuna napa nyimi kuwàngga-kai welingu la tana yiana dàngu hi kuwàru-nggai la hau tana na mahau ailulu-ya lai nyimi dàngu la boku la mangilu-mi. Napa nyimi lai nu milumu-nja lodu rudungu da marapu hawiangu, tàka Nyungga nda kumila-anggaipa eti nyimi,’ ” wàna.
Na banjaru-na i MIRI napa nabeli welingu la ngia pa-wàrungu
14Napanii i MIRI, “Napa nàmunya na rehina na tau ba nda nahili hara wà-anggapa Nyungga, Ala maluri, na mangàndi-ya na banjaru Ihirailu paluhu welingu la Mehiru, 15tàka lumunggu Nyungga, Ala maluri, mangàndi-ya na banjaru Ihirailu paluhu welingu la hau tana nàmu dia dàngu welingu la mbuu ndàbada da tana hawiangu na ngia pa-paiha - paiha-nggunja. Napa nyuda kungàndi beliha la tana paraida la luku mananga-da, na tana na pambàda wua-nggunja da boku la mangilu-da,” wàna.
Na hukungu na manggàna-ha napa
16Napanii i MIRI, “Ka kupaau padangu mini jala wàngguka Nyungga, ka dayàpa-ha da tau yiada. Tunaka nu napa kupaau padangu mini patamangu la pa-patama-nja nyuda la hau palindi - hau palindi, la hau tandula - hau tandula, dàngu la lia - liangu tandula watu. 17Kuita hàla-maha Nyungga da pawunda-da. Nda ningua ma-kawiningu lai Nyungga; da nja - njala-mbuda mbàda ita-nggunjaka. 18Da njalada dàngu da akatu-da napa ku-himbalu wànja hukungu pandua wundangu, nadu nyuda ba mbàda pa-iraku wàdanya marapu dangu na tananggu. Nuda da marapu nda ningua lurida hama tuna mameti,” wàna.
I Yerimia ba napeka-ya na pawaina lai MIRI
19MIRI, Nyumuma ma-katindi-ka dàngu mawua-ngga pa-àtalu wàngu, Nyumu mandulaka la rehi handuka-nggu. Da ba - banjaru welingu la hupu tana napa mai-danyaka lai Nyumu dàngu hi dapanii, “Da boku la mangilu-ma ningu kamala ala-maada da manda ana ningu linguda. 20Na-ngalangu ihu pa-pandoi ala wikina na tau? Ndia-mapa duna! Da papandoi-da nu nda Ala-aha,” wàda.
21“Jiaya nu,” hi wàna i MIRI, “la handàkangu nàhu napa ku-pawiti-nya ka dapàda-nya paraï da banjaru na kuaha dàngu na kapàru-nggu ka peku pidanya lundu nu - nu napa ba Nyungga-maka MIRI,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)