YAHAYA 48
48
I Ala na-kuaha-ya na rehi na manàmu-nya
1Ronguwa, ha wàlana i Yakupu,
wàlana i Yahunda ma-tamungu Ihirailu,
i Ala Ihirailu-a pa-maraku-nggu, wàmu,
dàngu ma-harangu wànya na tamuna i MIRI.
Tàka na patiki-mu nu nda weli eti-amu.
2Jiapa ka tuna nu mu-hamemu wànya bau peka
nyumu ba ma-mandapungu paraingu matua-kau;
dàngu nyumu bau handera lai Ala Ihirailu-a
nu i MIRI Mahupu-mbiha ba wàdanya.
3Napanii i MIRI, “Ronguwa ha Ihirailu!
Nggàraya na manjadi àmangu, mandai-maka ba kupeka-nggainya;
nggàraya na papanii-nggu, hi jia pahàra bia-nggunya
dàngu hi ku-paloha-nya.
4Kupi-manggau bau tongguru etimu,
tongguru katiku-mu, dàngu bau katiku watu.
5Weli àmangu mbàda nyura-nggunyaka;
ba ndedi nanjadi mbàda peka-nggunyaka,
ka àmbu peku ningu paniimu,
ba pawunda-da da kahala hada marapu-muha nuda.
6Mbuu ndàbada da panyura-nggu da parongu-mu dadedi hàlaka;
lupangu upeka-yaka bàdi ba ma-deningu-ya na papanii-nggu.
Nàhu wàlahu-nggunyaka na ngera na mabidi,
na pa-kàpingu pandedi pimu.
7Hina nàhu hi ku-padika-nya, nda weli àmangu-a;
ndedi uhandàkangu parongu-ya na ngerana nuna,
ka àmbu ningu papanii wàmu,
ba mbàda pi hàla-mamu-nyaka mbuu ndàbana.
8Kupi-manggau nyumu ba nda ràka pawaikau,
weli àmangu patanda-makauka nyumu ba tau katadaku-kau.
Jia-duyaka nu nyumu hi ndau pinya,
nda ningumbu hau panii matàka la kahilu-mu.
9Nyungga kupàtu-ya na hàngganggu
ka peku bobaru-ya na tamunggu.
Kupàtu-ya nuna welingu lai nyumu,
ka àmbu pamolu-nggau.
10Daa la epi mayila nyumu kukama-nggau,
hama tuna àmahu bara pa-paihi mbàngingu la epi.
11Hi kulaku-nya yiana lumu wikinggu duku,
nda ku-pahia-anya ka pa-iraku-ya na tamunggu;
na mangarangu-nggu nda jia paberi-anggunya, ka lai nggamuya kàdu,” wàna.
I Korihu, liku uru papindi-na i MIRI-ya
12I MIRI napanii, “Rongu dumu Ihirailu, banjaru papaau-nggu,
Nyungga, pa-daingu Ala-mungga.
Nyunggama la ngaba,
dàngu Nyunggamai la liu.
13Na limanggu na matunya latana na pinu tana
dàngu na ma-wàlahu-ya na hanggubu awangu.
Jàka era paau-nggunja tamuda,
manyamalu mai-madanya.
14Pauhi ndàbawa dimi dàngu patingingu-wa!
La hongada da marapu nda ningua manyura-ya
ba na-kaluluku-nya napa na Mbambilu paraï tau papindi-nggu;
napa nawunda-ya na pawuku-nggu.
15Nyungga-maka mapanii-ya dàngu mapaau-nya,
kulonda-ya, hi lupa na-ondungu.
16Maiwa kai lihingga dàngu kai rongu,
piti weli àmangu ba kupanii pa-lohangu;
dàngu mbuu ndàbada da paniinggu naingu-mana ba jia langatàka-ha,” wàna.
Na pa-pakaka-na i MIRI ndumana na banjaru-na
Nàhu nyungga palewa-nangga i MIRI
dàngu nawua-ngganya na kuaha wikina.
17Napanii i Ala matua Ihirailu, na Ma-pamàna-nggamu,
“Nyungga-maka i MIRI Alamu,
ma-papeka-nggau jàka nggàraya na ma-palingu lai nyumu,
dàngu ma-kapipi-kau la ànda ngia palimu.
18Jàka era eti wàmunja da hupu liinggu,
napa na peku hàmumu hama tuna luku manda màduya,
dàngu na-pakanyurungu hama tuna ngalingu la tehiku-ya
na manda ana kahàna.
19Na wàla wuamu hama tuna karohu waraya danguna;
patanggu-nggu Nyungga-maya ba nda pa-pamolu-nja napa,” wàna.
20Lakuwa dàngu palaiwa welingu la Mbambilu,
pakada-nya na lii yiana la nggi - nggini.
Bobaru-maya pa-kariangu kayaka mbaha etimi,
“I MIRI na-pamàna-nyaka na Ihirailu, atana!
21Ba na-kapipi-ha pali ningu la maràda mbila,
nda da-erangu-a la pa-kandànga wàngu.
I MIRI nabera palindi watu hi na-lulungu na wai,
welingu la watu na-pa-tapanjirungu wai ndumada nyuda.
22Nda ningua mànangu nduma tau akatu,”
nuya na paniina i MIRI.
Currently Selected:
YAHAYA 48: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 48
48
I Ala na-kuaha-ya na rehi na manàmu-nya
1Ronguwa, ha wàlana i Yakupu,
wàlana i Yahunda ma-tamungu Ihirailu,
i Ala Ihirailu-a pa-maraku-nggu, wàmu,
dàngu ma-harangu wànya na tamuna i MIRI.
Tàka na patiki-mu nu nda weli eti-amu.
2Jiapa ka tuna nu mu-hamemu wànya bau peka
nyumu ba ma-mandapungu paraingu matua-kau;
dàngu nyumu bau handera lai Ala Ihirailu-a
nu i MIRI Mahupu-mbiha ba wàdanya.
3Napanii i MIRI, “Ronguwa ha Ihirailu!
Nggàraya na manjadi àmangu, mandai-maka ba kupeka-nggainya;
nggàraya na papanii-nggu, hi jia pahàra bia-nggunya
dàngu hi ku-paloha-nya.
4Kupi-manggau bau tongguru etimu,
tongguru katiku-mu, dàngu bau katiku watu.
5Weli àmangu mbàda nyura-nggunyaka;
ba ndedi nanjadi mbàda peka-nggunyaka,
ka àmbu peku ningu paniimu,
ba pawunda-da da kahala hada marapu-muha nuda.
6Mbuu ndàbada da panyura-nggu da parongu-mu dadedi hàlaka;
lupangu upeka-yaka bàdi ba ma-deningu-ya na papanii-nggu.
Nàhu wàlahu-nggunyaka na ngera na mabidi,
na pa-kàpingu pandedi pimu.
7Hina nàhu hi ku-padika-nya, nda weli àmangu-a;
ndedi uhandàkangu parongu-ya na ngerana nuna,
ka àmbu ningu papanii wàmu,
ba mbàda pi hàla-mamu-nyaka mbuu ndàbana.
8Kupi-manggau nyumu ba nda ràka pawaikau,
weli àmangu patanda-makauka nyumu ba tau katadaku-kau.
Jia-duyaka nu nyumu hi ndau pinya,
nda ningumbu hau panii matàka la kahilu-mu.
9Nyungga kupàtu-ya na hàngganggu
ka peku bobaru-ya na tamunggu.
Kupàtu-ya nuna welingu lai nyumu,
ka àmbu pamolu-nggau.
10Daa la epi mayila nyumu kukama-nggau,
hama tuna àmahu bara pa-paihi mbàngingu la epi.
11Hi kulaku-nya yiana lumu wikinggu duku,
nda ku-pahia-anya ka pa-iraku-ya na tamunggu;
na mangarangu-nggu nda jia paberi-anggunya, ka lai nggamuya kàdu,” wàna.
I Korihu, liku uru papindi-na i MIRI-ya
12I MIRI napanii, “Rongu dumu Ihirailu, banjaru papaau-nggu,
Nyungga, pa-daingu Ala-mungga.
Nyunggama la ngaba,
dàngu Nyunggamai la liu.
13Na limanggu na matunya latana na pinu tana
dàngu na ma-wàlahu-ya na hanggubu awangu.
Jàka era paau-nggunja tamuda,
manyamalu mai-madanya.
14Pauhi ndàbawa dimi dàngu patingingu-wa!
La hongada da marapu nda ningua manyura-ya
ba na-kaluluku-nya napa na Mbambilu paraï tau papindi-nggu;
napa nawunda-ya na pawuku-nggu.
15Nyungga-maka mapanii-ya dàngu mapaau-nya,
kulonda-ya, hi lupa na-ondungu.
16Maiwa kai lihingga dàngu kai rongu,
piti weli àmangu ba kupanii pa-lohangu;
dàngu mbuu ndàbada da paniinggu naingu-mana ba jia langatàka-ha,” wàna.
Na pa-pakaka-na i MIRI ndumana na banjaru-na
Nàhu nyungga palewa-nangga i MIRI
dàngu nawua-ngganya na kuaha wikina.
17Napanii i Ala matua Ihirailu, na Ma-pamàna-nggamu,
“Nyungga-maka i MIRI Alamu,
ma-papeka-nggau jàka nggàraya na ma-palingu lai nyumu,
dàngu ma-kapipi-kau la ànda ngia palimu.
18Jàka era eti wàmunja da hupu liinggu,
napa na peku hàmumu hama tuna luku manda màduya,
dàngu na-pakanyurungu hama tuna ngalingu la tehiku-ya
na manda ana kahàna.
19Na wàla wuamu hama tuna karohu waraya danguna;
patanggu-nggu Nyungga-maya ba nda pa-pamolu-nja napa,” wàna.
20Lakuwa dàngu palaiwa welingu la Mbambilu,
pakada-nya na lii yiana la nggi - nggini.
Bobaru-maya pa-kariangu kayaka mbaha etimi,
“I MIRI na-pamàna-nyaka na Ihirailu, atana!
21Ba na-kapipi-ha pali ningu la maràda mbila,
nda da-erangu-a la pa-kandànga wàngu.
I MIRI nabera palindi watu hi na-lulungu na wai,
welingu la watu na-pa-tapanjirungu wai ndumada nyuda.
22Nda ningua mànangu nduma tau akatu,”
nuya na paniina i MIRI.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)