YAHAYA 2
2
Na mànangu lundu nu - nu
(Mik. 4:1-3)
1Yiada-haka da lii languna i Ala rukuna la Yahunda dàngu la Yeruhali da pangala-na i Yahaya anana i Amuhu:
2La lodu - lodu na manàmu-nya
na tandula pangia Umana Miri na-kahuluku jangga
dàngu nandola bànduku la pinu
palindi - palindi dàngu tandula - tandula.
Da ba - banjaru da-pajurungu lai nàhu,
3nyuda mbuu ndàbada dapanii,
“Màla ta-kandekalu la Tandula-na i MIRI,#Tandula-na i MIRI;Palindi Hiungu, nu na palindi maningu tindingu-na, padindi wànya na paraingu Yeruhali. La luluku dàngu la mbuku - mbukuda da wunangu, ‘Palindi-na i Miri’ ba wàda, tamu haunanya na paraingu Yeruhali, hamangui na ma-mandapu-nya na pa-pakanyuru-na i MIRI, jàka ndia na paràtu-nakai.
la Uma Ala Ihirailu.
Nyuna napa na-ajaru-ta jàka nggikinda wàndaka bàdi.
Nyuta napa tatundu-nya na àndana Nyuna,
nadu na pa-ajaru-na i MIRI ba paweli-na la Yeruhali,
napanii welingu la Hiungu,” wàna.
4Nyuna napa ma-patanda-nja ngera da banjaru da ma-palakarangu,
dàngu marata-ha da palakara-da da kabihu banjaru.
Da hapanda patuku-ha tuha luku,
da nimbu panjadi-ha kahidi ridihu kalunga.
Da banjaru nda dahili pa-hànjalangu-apa,
dàngu nda da-rimangu-mbupa la pa-pabera.
5Ha, wàlana i Yakupu
màlawa ka talaku li la hariina i MIRI!
Na tau ngànjangu napa pa-patàlaru-ya
6Dou Ala, Nyumu mu-dunjaku-nyaka na banjaru-mu, na wàlana i Yakupu! La nggi - nggi la tana yiana natuu kabeli mata ma-welingu la pahunga lodu dàngu welingu la tau Pilitingu.#Talànga wanguna na-njenjangu ningu-mapa ba tuna yia na ihina: La nggi - nggi ... la tau Pilitingu. Na madangu nakiku-nya na huri tau hangàdangu. 7Na paraina nambinu wàngu àmahu mabara marara, dàngu da pawulu-na nda pataü-aha. Da njarana lalu danguda, da kareta-na nda pataü-aha danguda. 8La nggi - nggi ningu marapu, dàngu nyuda dalumu-nja da kahala hada pa-pandoi wikida.
9Haàtu - haàtu na tau napa pa-paakangu-ya dàngu pamakia-ya. Àmbu jàma-dunja dou MIRI!
10Nyuda napa datama la kubu liangu - kubu liangu la tandula kaba watu, jàka ndia daàki lambongu daa la tana ka peku marada welingu la hànggana i MIRI dàngu welingu la kuaha-na na ma-pangarangu. 11Napa na tau ngànjangu pa-pawawa-ya, na tau jangga eti pa-panyàku-ya, mbulungu i MIRI-a na pa-mangarangu. 12La lodu nuna i MIRI Mahupu-mbiha napa na-pawawa hàlaya na tau na ma-pajangga wikina, tàka hi hukunya na tau ngànjangu dàngu na majangga etina. 13Da pingi ai kajuu jangga la Limbanongu dàngu mbuu ndàbada da pingi ai bokulu la Mbahàngu napa pa-patàlaru-ha. 14Da palindi - palindi dàngu da tandula - tandula da manggoji napa pa-pandidaru-ha. 15Da lewatu - lewatu jangga dàngu da kangeli - kangeli tindingu napa pa-nyànggaru-ha. 16Da kapa - kapalu da ma-bokulu halawàla dàngu da ma-manandangu halawàla napa pa-tambulu-ha. 17Na tau ngànjangu napa pa-pawawa-ya, dàngu na tau jangga eti napa pa-panyàku-ya. Mbulungu i MIRI-a na pa-mangarangu. 18Da marapu - marapu napa da-molungu ailulu.
19-21La rehi hada lumbatu-na i MIRI la payoya-nya na pinu tana, na tau napa natama la kubu liangu - kubu liangu la tandula - tandula kaba watu tàka jàka ndia daàki lambongu la tana ka peku marada welingu la hànggana i MIRI dàngu welingu la kuaha-na na ma-pangarangu. Jàka nataka-ka na lodu nuna, da marapu - marapu àmahu mabara dàngu marara pa-pandoi-da da pa-rubuku-da napa pa-dunjaku tuda nu biaka nduma kalaü dàngu panii.
22Jia, àmbi monungu-dupa la tau nda payatangu ba nda ningua wilina.
Currently Selected:
YAHAYA 2: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)