YAHAYA 17
17
I Ala napa nahuku-nya na Hiria dàngu na Ihirailu
1I MIRI napanii, “La Ndamàhiku nda na-pahada paraingu-apa, tàka pabundu kanànda-kiaya-ka. 2Da parai - paraingu la Hiria napa pa-dunjakungu-haka lundu nu - nu,#Na hau pa-haleli ndai: Da parai - paraingu ... lundu nu - nu; Imbarani: Da paraingu la Arowiru pa-dunjakungu-haka. dàngu pangia kabàba banda-kiaya-ka; nda ningu-apa haàtu matanggu yaulu-ha palaku. 3Na Ihirailu na-mbulangu-ka na ngia pa-handera-na dàngu na Ndamàhiku napa na-mbulangu-ka na marandeka-na. Na tau Hiria na marihi na maninya, napa naluri milaka, hama tuna na tau Ihirailu. Nyungga, MIRI Mahupu-mbiha, mambàda panii,” wàna.
4I MIRI napanii, “Napa natàka na rehina na rapa dedina na Ihirailu ba njàpu-nanyaka, tàka na mbokaru-na namau. 5Na Ihirailu napa hama tunaka na woka la Repayimu na pambàda hàla pamuti-ya na uhu nggàndumu-na, dàngu ba hakudu-anaka na rihina. 6Hama tuna na pingi haitungu na pahàla papàpu wuana, ana hau dàmbu-kia-daka da maninja la kapuka, kahanga - kahanga-na, tuna numbu la Ihirailu ba hawutu-anaka na tau na mamara. Nyungga, MIRI, Ala Ihirailu, mambàda panii,” wàna.
7La lodu nuna na tau napa nabeli pakarai pa-ndulangu la Ma-padika-nya, i Ala matua Ihirailu. 8Nyuda nda dahili monungu-apa ruku lima wikida, nu da ngia pawotu maraku da ngia patunu-da dupa, dàngu da kahala hadana na marapu kawini, i Ahera.
9La lodu nuna, da paraingu da ma-kapingatu ngia pa-torungu-da napa jiaha da tanyànggaru-kia-daka dàngu malinggitu-danyaka, hama tuna da paraingu da pa-dunjaku-da da tau Hewi dàngu Amori#Na hau pa-haleli ndai: da tau Hewi dàngu Amori; Imbarani: tana ma-paomangu dàngu pa-ngiangu ma-patandulangu. ba jiaya na palaida welingu la tau Ihirailu.
10Ha Ihirailu, nyumu mumbula-nyaka i Ala na ma-pamara-kau dàngu na ma-kahiri-kau hama tuna na palindi watu na ma-kapingatu. Tàka na-panjangangu-na mutunja ihida da wokamu la palumu wànja da marapu.#da wokamu la palumu wànja da marapu; Tàngaru-ya la 1:29. 11Tàka jiapa-kadu nuda da pa-tondungu ka dawàngu kalunga dàngu ka dawàla nu la lodu tondu-munja, tàka na wuada nda ningua pangala-mu. Na pahunggu-mu jiaya na handuka dàngu na hidua na manda peku mbulangu.
Da paraingu muhu napa patalu-ha
12Da ba - banjaru da ma-kapàru talànga kanggupuku-da; na linguna hama tuna lingu tehiku dàngu na kanduu ngalingu mbangatu. 13Nyuda ba da-ndàharungu hama tuna iwa obungu-ha. Tàka i Ala na-kayàmbaku-nja, tàka hi dapalai marau. Ba yauluha nyuda hama tuna na uta halàpatu la karaha palindi pa-hawuru ngàndi ngilu, jàka ndia kumburu tana pa-hambutalu ngàndi làpuru. 14La kalitu da-patumbu-ya na mangàdatu dira matiki tàka la marai romu nda hili ni-anjapa nyuda. Nuyaka na ura dedina na tau na maramba-nda nyuta.
Currently Selected:
YAHAYA 17: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
