YAHAYA 12
12
Na ludu pamalangungu
1Napa natàka na rehina bai ludu: “MIRI, ku-pamalangu-nggau,
nadu bau pamanda-ngga.
Làti àmangu bau uhànggangga,
tàka nàhu wadaru-nanyaka na mbenimu.
2Langatàka i Ala jiaya na Ma-pamàna-ngga,
Nyuna-a duku na ngia pawainggu.
Nda ku-mangàdatu-a,
nadu ba na-paàtalu-ka.
Na ma-pamàna-ngga jiaya i Ala,
kuludu-nya Nyuna.
3Ngera hamana na wai maringu mànjaku na ma-pahawola-ya na tau mamadau,
tuna numbu nyimi napa bai hanggela hawola ba na-pamara-kai paraïna i Ala,” wàna.
4Napa natàka na rehina bai pinii, “Pamalangungu-wa lai MIRI,
dàngu rubuku-nya Nyuna.
Bobaru-yawa la ba - banjaru
na mangunju-na dàngu na paraï rukuna.
5Wunda-nyawa ludu i MIRI,
nadu ba dangu rukuna da pa-hangàtarungu.
Màta la pa-nggubulu awangu
ka narongu-ha da paraï da pa-rukuna.
6Kayaka-wa ha ma-ngiangu la Hiungu,
ludu hawola-wa.
I Ala matua Ihirailu kanjupu ma-pangarangu-ya,
Nyuna ngiangu-mananya la hongami nyimi,” wàna.
Currently Selected:
YAHAYA 12: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
