YAHAKIALU 10

I MIRI na-dunjaku-nya na Umana

1Hàla hi ku-tàngaru la ma-hanggurungu, la dita katiku-da da patau awangu,#patau awangu, tàngaru-ya la 1:5. hi kuita-ya na mahama kanjàka pareta-ya welingu la watu nilamu. 2Hàlaka nu i Ala napanii-nya nuna na tau na mapaki tera linangu, “Tamawa la lumbu ndutungu da maninja la wawada da patau awangu nida, pitiwa hawunggu wàla epi. Hàla hàbaru-nya na wàla epi la paraingu,” wànanya.

Nyuna nanunju-ya, tàka nyungga hamata-manggunya. 3Nu ba natama, nu da patau awangu ndolaku-danya mbara luru welingu la Umana i MIRI. Na ha-kalibuku karumangu na-pukangu la hanamba mbara dalu dàngu la Umana i MIRI. 4Na handaraku ma-kalilangu na tanda ba ninya i MIRI na-tapanjiru welingu la patau awangu nuda hi na-lelingu la pindu tama Umana i MIRI, hi dira hambila-ya na hanamba-na. 5Na lingu kambàraku ruu kàpada nuda da patau awangu lundu la hanamba mbara lua, ba hama talia liina i Ala Hupu Mambiha-ya.

6Ba nahàla-ka i MIRI pa-paràha-nya na tau na mapaki tera linangu nuna papiti hawunggu wàla epi welingu la honga ndutungu la wawada nuda da patau awangu, tama-nanyaka nuna na tau hi na-ndolaku la karaha hau ndutungu. 7Tàka na haàtu welingu la patau awangu nuda napuhi-ya na limana la epi na maninya la padua-da, naputu hakudu wàla epi, hi nawua-nya nuna na tau mapaki tera linangu. Ka kei-nanyaka paraïna nuna na tau hi nalaku. 8La lumbu ruu kàpa nimbihu-da nuda da dika ku-itangu mahama lima tau-iha.

9-10Kuita-mbuha nuda da patau awangu ba ni - ninguma ndutungu-da la lihida haàtu - haàtu. Pa-kapatu-da nuda da ndutungu hama-mada, dàngu da-kalilangu hama watu tawuru manandangu-ha. Nimbihu-da ni - ninguma hili hau ndutungu ma-pandàbarungu la padua-da. 11Ba tuda nu pekuda nuda da patau awangu pa-hanggangu la patu ngia pa-hanggangu. Nyuda peku lakuda la nggi biaya na pambuha-da, dàngu nda pambelingu-da. 12Mbuu ndàba da ihida, da kajia-da da limada, da ruu kàpada dàngu da ndutungu-mbu mbinu matada. 13Kurongu, “Kuputi ahu” wàdanja nuda da ndutungu.

14Nimbihu-da nuda da patau awangu pa-patuma matada manda pahama. Na mata na ma-wungangu mata hapi mbàtingu-ya, na padua wàda mata tauya, na patailu wàda mata hingaya, tàka na papatu wàda mata mbaku tehiku-ya 15-17Jiaha da patau awangu nuda-maka da paita-nggu la hingi Luku Kembàru. Handàka wàlahu - handàka wàlahu-da ruu kàpada nuda da patau awangu ba dadita hu dita dàngu jàka da-hawuru hanggangu jàka ndia ba da-pànjangu, da-kikungu mànuma nuda da ndutungu, ba da-kawaha-duha paraï da nuda da patau awangu.

18Hàla na handaraku ma-kalilangu na tanda ba ninya i MIRI na-yilangu welingu la pindu tama Umana i MIRI hi na-lelingu-ya nu la dika maningu ruu kàpangu. 19Kuita-ha nuda da patau awangu da-wàlahu ruu kàpada hi da-hawurungu welingu la tana tàka da ndutungu kikungu-madanya. Hàla hi da-pànjangu la lihi pindu bokulu Umana i MIRI la pahunga lodu, tàka na handaraku ma-kalilangu pa-daingu-mananya lai nyuda. 20Kunamu-ya ba jia-haka da patau awangu da paita-nggu yia-nana la wawana i Ala Ihirailu la hingi Luku Kembàru.

21Nimbihu-da nuda da patau awangu patuda da matada, dua mawangu-da da ruu kàpada, dàngu da mahama lima tau-iha la lumbu ruu kàpada. 22Da matada#Talànga wanguna na-njenjangu ningu-mapa ba tuna yia na ihina: Da matada; Imbarani: da matada dàngu nyuda. da-pahama-mbu dàngu da matada da patau awangu paita-nggu la hingi Luku Kembàru. Nimbihu-da dalaku pa-tàrihungu.

Currently Selected:

YAHAKIALU 10: KAM

Highlight

Copy

Compare