NDANIALU 9
9
I Ndanialu na-hamayangu nduma banjaru-na
1-2La kawunga ndaungu pareta-na la Mbambilu nyuna i Ndariu tau Mendia, na anana i Ahaweru, nyungga Ndanialu, diha-nggunya la mbuku - mbuku huri lumungu. Ku-pangàda-nya na paniina i MIRI lai Wunangu Yerimia, ba pa-daingu tanyungguru-na na paraingu Yeruhali la ngala pihu kambulu ndaungu mandaina, ba wàna. 3Ka hamaya weli etingu-nggunyaka lai MIRI Ala, dàngu hi kukarai-ya na mila etina. Nu ba talànga hamayangu-nggu kurotu wikinggu dàngu ku-kalambungu karungu hi ku-mandapu la kumburu tana. 4Ku pekaha mbuu ndàba da njala banjaru-nggu lai MIRI Alanggu,
“Ou MIRI Ala, Nyumu ma-bokulu-kau, tàka nyuma matembi-kau. Nyumu ununjuya na njanjimu dàngu upa-itangu-ya na pa-namungu pa-lupangu-mu lai nyuda da mambuha-nggau dàngu da ma-pahàra-nja da hupu liimu.
5Mbàda njala-maka, mbàda wunda-maka ma-akatu, dàngu mawunda manjala. Mbàda patula ngganggangu-maka dàngu mapangga-ha da hupu liimu dàngu ma-hiliru welingu la kalaratu-mu. 6Nda ma-patingi-anja da wunangu, da atamu da mbàda wànya na tamumu ba da paniinja da maràmba-ma, da liku uru, da boku la mangilu-ma dàngu nggubulu-na na banjaru-ma. 7Ou MIRI, na pawunda-mu Nyumu na-patubangu mànuma dàngu natànji, tàka nyuma duma nua naingu-ma ma-pa-makiangu wikima, nu nyuma ma-ndàdiku la Yundia dàngu la Yeruhali dàngu mbuu ndàba na angu banjaru-ma na pambàda pa-tanyala-mu la ta - tana mamarau ma-mareni, rukuna ba nda da-tuturu lai Nyumu. 8Da maràmba-ma, da liku uru dàngu da boku la mangilu-ma mbàda wunda-daka pa-makia wàngu dàngu mbàda njala-daka lai Nyumu, ou MIRI. 9Nyumu dumu ma-jàmangu njala dàngu ma-paaïngu ju - juakau, jiapa-kai ka mbàda tumbaru-manggau Nyumu. 10Nyuma duma nda ma-patingi-anya na talia liimu, ou MIRI Alama, bau paràha-nggama paluri nunjuha da ukumu da pawua-munggama la ngaruda da wunangu, da atamu. 11Nggubulu-na na Ihirailu mbàda pangga-dahaka da ukumu dàngu nda dabihu pa-patingi-nya na talia liimu. Manjala lai Nyumu, tuna nuduka hiu patidu-nggamanya na ràtungu na pambàda tulihu la Mbukuna i Muha, na atamu. 12Na-paàndangu na-paluangu-mu lima hama tuna na pambàda njanjimu lai nyuma dàngu da ma-kawaha-kama. Bau hukunya na Yeruhali narihi mbàringu-pa welingu la nggi paraingu bia la pinu tana yiana. 13Mbuu ndàbada da pa-manjurangu wàngu da pa-tulihu la Mbuku Ukuna i Muha mbàda patidu-munggama-njaka. Jiapa-kai ba tuna nu, ou MIRI Alama, pa-daingu biama-nyapa pa-tebuku-ya la pa-pambaha-ya na etimu. Daingu nda bihu-mama pa-dunjaku-nja da njalama dàngu nda mabihu-mbu paeti-wànja da pa-pekangu-mu. 14Nyumu dumu, ou MIRI Alama, mbàda hukumu-nggamaka wàngu pa-manjurangu wàngu pambàda payema hahamu; na paluangu-mu lima ma-paàndangu mànuya dàngu namola, tàka nyuma duma nda ma-patingi-anya na talia liimu.
15Ou MIRI, Alama, mbàda paita-muyaka na kawaha-mu bau iru ngàndiya na banjaru-mu paluhu welingu la Mehiru, pa-daingu-mama-nyapa pa-pangàda-nya nu na kawaha-mu. Mbàda njala-maka dàngu mbàda wunda-maka manjala. 16Mbàda kahiri-mu-nggamaka àmangu, ba tuna àmbu hili hàngga-dunyapa na Yeruhali, na parai wikimu, na tandula matua-mu.#tandula matua-mu: Tandula Hiungu. Ruku njalama dàngu ruku akatu-da da boku la mangilu-ma, mbuu ndàbana na tau la winggiru-ma da-pawawa-ya na Yeruhali dàngu na banjaru-mu. 17Ou Alama, tingi-yawa na hamayangu dàngu na kamahingu-nggu. Pajia beliya na Umamu na pambàda patàlaru, pahàmu-ya ka napi ndàbanya tau ba Alakau Nyumu. 18Tingi-kamawa, ou Ala, tàngaru-kama dàngu hamata-ya na mayila-ma dàngu na ruhana na paraingu patiki wànya na tamumu. Ma-hamaya-nggau Nyumu nda rukuna na hàmu-ama, tàka rukuna ba kanjupu mila eti dumu. 19MIRI, tingi-kamawa, jàma-nggamawa, hamata-kamawa dàngu lu paluangu-wa limamu! Àmbu mangenahu-du, ka napi ndàbanya tau ba Alakau Nyumu. Nadu na Yeruhali dàngu na banjaru-mu mangumu Nyumu-maha,” wànggu.
I Nggambarialu na-kaloka-ya na ihina na-manyura
20Nutakungu-manggunya pa-hamayangu dàngu papeka njalanggu dàngu njalana na banjaru-nggu na Ihirailu, dàngu pa-kamahi-nya i MIRI Alanggu ka na pajia beliya na Uma matua-na. 21Ba talànga hamayangu-nggu, i Nggambarialu na pambàda itanggu la harii mata ma-mangilu, na-hawuru tubangga nyungga. La rehi nu jia-yaka na rehi ngàndina tanda maraku la malingu na tau. 22Tàka hi na-pa-kalokangu i Nggambarialu, “Urongu Ndanialu, mainggunya pandula-kau la papinya na ihina na manyura. 23Bau pa-kiringu-ka pa-kamahi-nya i Ala, na-wuangu pahema wànanggau. Nyuna duna na-mbuhanggau nyumu. Tuna nuduka hi kumai papanii-nggaunya na hemana. Màla, patingi pa-hamungu-wa ba ku-kaloka-ya na ihina na harii matamu.
24Papihu wundangu papihu kambulu ndaungu jiaya na rehi pa-kawuku-na i Ala pa-pahàla-ya na banjaru-mu dàngu na paraingu matua-mu welingu la njala dàngu la ma-akatu. Mbuu ndàbada da njala napa pa-jàmangu-ha dàngu na mola manda kambotahu napa pa-wulaku-ya, hi lupangu na-hàrangu na harii mata dàngu na-manyura dàngu na Uma matua-na i MIRI hi hili jia beliya na ngia palumu-nya i MIRI.#Uma matua-na; jàka ndia: ngia pawotu maraku. 25Tulihu-yawa dàngu pi-hàmu-nyawa yiana: Napa na-palàngangu pihu wundangu papihu mbua ndaungu, piti welingu ba paluhu-ya na pareta patura beliya na paraingu Yeruhali, lundu maina na haàtu ma-kapipi paleha-na i Ala. La ngala papihu wundangu panomu kambulu dàmbu ndaungu da ànda dàngu da tindingu la Yeruhali napa pa-pahàmu beliha. Na nyuna na rehi nuna handuka ju - juaya. 26Napa la njàpuna na rehi nuna na ma-kapipi na paleha-na i Ala pa-pameti-ya, tàka làti nda nanjala-a#Na hau pa-haleli ndai: nda nanjala-a. duna. Ka mai-danyaka da tanatara-na na haàtu maràmba ma-kapingatu hi na-patàlaru-ya na paraingu Yeruhali dàngu na Umana i MIRI. Nahupu njàpu rehi napa hama tuna iwa mangàndi pabera dàngu kabuya, hama tuna na pambàda, lakunda-na i Ala. 27Napa na maràmba nuna na tura pa-njanjingu ma-undungu dàngu tau dangu la ngala pihu mbua ndaungu. Napa la padua-na na rehi nuna, na-papànja-nya na wotu tanda maraku dàngu hunggu maraku. Tunaka nu na Akatu ma-pakabu#na Akatu ma-pakabu; kahala tau pa-pandolaku la Umana i MIRI la Yeruhali paraïda ma-kawaha weli nàmungu. patuya la Umana i MIRI dàngu napa na-padaingu lai nu lundu natàka-nya tàlaru na matunya lai nu na pambàda kawuku-nanya paraïna i Ala,” wàna.
Currently Selected:
NDANIALU 9: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
NDANIALU 9
9
I Ndanialu na-hamayangu nduma banjaru-na
1-2La kawunga ndaungu pareta-na la Mbambilu nyuna i Ndariu tau Mendia, na anana i Ahaweru, nyungga Ndanialu, diha-nggunya la mbuku - mbuku huri lumungu. Ku-pangàda-nya na paniina i MIRI lai Wunangu Yerimia, ba pa-daingu tanyungguru-na na paraingu Yeruhali la ngala pihu kambulu ndaungu mandaina, ba wàna. 3Ka hamaya weli etingu-nggunyaka lai MIRI Ala, dàngu hi kukarai-ya na mila etina. Nu ba talànga hamayangu-nggu kurotu wikinggu dàngu ku-kalambungu karungu hi ku-mandapu la kumburu tana. 4Ku pekaha mbuu ndàba da njala banjaru-nggu lai MIRI Alanggu,
“Ou MIRI Ala, Nyumu ma-bokulu-kau, tàka nyuma matembi-kau. Nyumu ununjuya na njanjimu dàngu upa-itangu-ya na pa-namungu pa-lupangu-mu lai nyuda da mambuha-nggau dàngu da ma-pahàra-nja da hupu liimu.
5Mbàda njala-maka, mbàda wunda-maka ma-akatu, dàngu mawunda manjala. Mbàda patula ngganggangu-maka dàngu mapangga-ha da hupu liimu dàngu ma-hiliru welingu la kalaratu-mu. 6Nda ma-patingi-anja da wunangu, da atamu da mbàda wànya na tamumu ba da paniinja da maràmba-ma, da liku uru, da boku la mangilu-ma dàngu nggubulu-na na banjaru-ma. 7Ou MIRI, na pawunda-mu Nyumu na-patubangu mànuma dàngu natànji, tàka nyuma duma nua naingu-ma ma-pa-makiangu wikima, nu nyuma ma-ndàdiku la Yundia dàngu la Yeruhali dàngu mbuu ndàba na angu banjaru-ma na pambàda pa-tanyala-mu la ta - tana mamarau ma-mareni, rukuna ba nda da-tuturu lai Nyumu. 8Da maràmba-ma, da liku uru dàngu da boku la mangilu-ma mbàda wunda-daka pa-makia wàngu dàngu mbàda njala-daka lai Nyumu, ou MIRI. 9Nyumu dumu ma-jàmangu njala dàngu ma-paaïngu ju - juakau, jiapa-kai ka mbàda tumbaru-manggau Nyumu. 10Nyuma duma nda ma-patingi-anya na talia liimu, ou MIRI Alama, bau paràha-nggama paluri nunjuha da ukumu da pawua-munggama la ngaruda da wunangu, da atamu. 11Nggubulu-na na Ihirailu mbàda pangga-dahaka da ukumu dàngu nda dabihu pa-patingi-nya na talia liimu. Manjala lai Nyumu, tuna nuduka hiu patidu-nggamanya na ràtungu na pambàda tulihu la Mbukuna i Muha, na atamu. 12Na-paàndangu na-paluangu-mu lima hama tuna na pambàda njanjimu lai nyuma dàngu da ma-kawaha-kama. Bau hukunya na Yeruhali narihi mbàringu-pa welingu la nggi paraingu bia la pinu tana yiana. 13Mbuu ndàbada da pa-manjurangu wàngu da pa-tulihu la Mbuku Ukuna i Muha mbàda patidu-munggama-njaka. Jiapa-kai ba tuna nu, ou MIRI Alama, pa-daingu biama-nyapa pa-tebuku-ya la pa-pambaha-ya na etimu. Daingu nda bihu-mama pa-dunjaku-nja da njalama dàngu nda mabihu-mbu paeti-wànja da pa-pekangu-mu. 14Nyumu dumu, ou MIRI Alama, mbàda hukumu-nggamaka wàngu pa-manjurangu wàngu pambàda payema hahamu; na paluangu-mu lima ma-paàndangu mànuya dàngu namola, tàka nyuma duma nda ma-patingi-anya na talia liimu.
15Ou MIRI, Alama, mbàda paita-muyaka na kawaha-mu bau iru ngàndiya na banjaru-mu paluhu welingu la Mehiru, pa-daingu-mama-nyapa pa-pangàda-nya nu na kawaha-mu. Mbàda njala-maka dàngu mbàda wunda-maka manjala. 16Mbàda kahiri-mu-nggamaka àmangu, ba tuna àmbu hili hàngga-dunyapa na Yeruhali, na parai wikimu, na tandula matua-mu.#tandula matua-mu: Tandula Hiungu. Ruku njalama dàngu ruku akatu-da da boku la mangilu-ma, mbuu ndàbana na tau la winggiru-ma da-pawawa-ya na Yeruhali dàngu na banjaru-mu. 17Ou Alama, tingi-yawa na hamayangu dàngu na kamahingu-nggu. Pajia beliya na Umamu na pambàda patàlaru, pahàmu-ya ka napi ndàbanya tau ba Alakau Nyumu. 18Tingi-kamawa, ou Ala, tàngaru-kama dàngu hamata-ya na mayila-ma dàngu na ruhana na paraingu patiki wànya na tamumu. Ma-hamaya-nggau Nyumu nda rukuna na hàmu-ama, tàka rukuna ba kanjupu mila eti dumu. 19MIRI, tingi-kamawa, jàma-nggamawa, hamata-kamawa dàngu lu paluangu-wa limamu! Àmbu mangenahu-du, ka napi ndàbanya tau ba Alakau Nyumu. Nadu na Yeruhali dàngu na banjaru-mu mangumu Nyumu-maha,” wànggu.
I Nggambarialu na-kaloka-ya na ihina na-manyura
20Nutakungu-manggunya pa-hamayangu dàngu papeka njalanggu dàngu njalana na banjaru-nggu na Ihirailu, dàngu pa-kamahi-nya i MIRI Alanggu ka na pajia beliya na Uma matua-na. 21Ba talànga hamayangu-nggu, i Nggambarialu na pambàda itanggu la harii mata ma-mangilu, na-hawuru tubangga nyungga. La rehi nu jia-yaka na rehi ngàndina tanda maraku la malingu na tau. 22Tàka hi na-pa-kalokangu i Nggambarialu, “Urongu Ndanialu, mainggunya pandula-kau la papinya na ihina na manyura. 23Bau pa-kiringu-ka pa-kamahi-nya i Ala, na-wuangu pahema wànanggau. Nyuna duna na-mbuhanggau nyumu. Tuna nuduka hi kumai papanii-nggaunya na hemana. Màla, patingi pa-hamungu-wa ba ku-kaloka-ya na ihina na harii matamu.
24Papihu wundangu papihu kambulu ndaungu jiaya na rehi pa-kawuku-na i Ala pa-pahàla-ya na banjaru-mu dàngu na paraingu matua-mu welingu la njala dàngu la ma-akatu. Mbuu ndàbada da njala napa pa-jàmangu-ha dàngu na mola manda kambotahu napa pa-wulaku-ya, hi lupangu na-hàrangu na harii mata dàngu na-manyura dàngu na Uma matua-na i MIRI hi hili jia beliya na ngia palumu-nya i MIRI.#Uma matua-na; jàka ndia: ngia pawotu maraku. 25Tulihu-yawa dàngu pi-hàmu-nyawa yiana: Napa na-palàngangu pihu wundangu papihu mbua ndaungu, piti welingu ba paluhu-ya na pareta patura beliya na paraingu Yeruhali, lundu maina na haàtu ma-kapipi paleha-na i Ala. La ngala papihu wundangu panomu kambulu dàmbu ndaungu da ànda dàngu da tindingu la Yeruhali napa pa-pahàmu beliha. Na nyuna na rehi nuna handuka ju - juaya. 26Napa la njàpuna na rehi nuna na ma-kapipi na paleha-na i Ala pa-pameti-ya, tàka làti nda nanjala-a#Na hau pa-haleli ndai: nda nanjala-a. duna. Ka mai-danyaka da tanatara-na na haàtu maràmba ma-kapingatu hi na-patàlaru-ya na paraingu Yeruhali dàngu na Umana i MIRI. Nahupu njàpu rehi napa hama tuna iwa mangàndi pabera dàngu kabuya, hama tuna na pambàda, lakunda-na i Ala. 27Napa na maràmba nuna na tura pa-njanjingu ma-undungu dàngu tau dangu la ngala pihu mbua ndaungu. Napa la padua-na na rehi nuna, na-papànja-nya na wotu tanda maraku dàngu hunggu maraku. Tunaka nu na Akatu ma-pakabu#na Akatu ma-pakabu; kahala tau pa-pandolaku la Umana i MIRI la Yeruhali paraïda ma-kawaha weli nàmungu. patuya la Umana i MIRI dàngu napa na-padaingu lai nu lundu natàka-nya tàlaru na matunya lai nu na pambàda kawuku-nanya paraïna i Ala,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)