NDANIALU 10
10
Na harii matana i Ndanialu la Luku Tinggirihu
1La patailu wàna na ndaungu pareta-na na Maràmba Korihu la Perihia, hauna na lii langu pa-patàka-nya i Ndanialu ma-tamungu Mbelutaharu. Na lii langu nuna ma-deningu-ya, tàka lalu kalutu-ya pa-jàngapu-ya.#lalu kalutu-ya pa-jàngapu-ya; jàka ndia: nu rukuna na pabera bokulu. Ba tàlanga pamukarungu-na la pa-jàngapu-ya i Ndanialu na-ngalangu lii kaloka la harii mata rukuna na lii langu nuna.
2La rehi nu tailu mbua minggu titapu-nggu ba ningga la wai mata la wai wira. 3Tuna nu mandaina ba nda kungangu pangangu mahàmu jàka ndia tolungu-kai, nda ku-unungu angguru dàngu nda kuhaimbu lunggi.
4La tànggalu dua kambulu patu la wulangu kawunga-na la ndaungu nuna, ndolaku-nggunya la hingi Luku Tinggirihu na luku bokulu. 5Ku-wulaku matanggu, hi kuita-ya na haàtu na mapaki ma-welingu la tera linangu tàka na boru bànggina welingu la àmahu rara ihi mbàngi-nanya. 6Na ihina ji - jilana hama tuna watu kajilaku-ya, na matana hama hambila kabilaku-ya, tàka da wua matana daroka hama epiha. Da lima dàngu da wihina da-kajilaku hama tuna wudu pauda-ha, dàngu ba ronguya na talia liina hama tuna talia lii tau danguya.
7Didi meha-aka nyungga maita-ya nuna na harii mata. Da tau karia-nggu nda daita-aya, tàka da wàngu pa-mangàdatu hi dapalai pa-kawiningu. 8Damàta mehangga lai nu, ba ku-tàngaru-ya na harii mata pa-katàtakungu. Nda ku-payatangu ndoku-apa dàngu kanjupu tawàla baraya na matanggu. 9Ba kurongu-yaka na talia liina, njoru meti widi-nggunyaka lundu ku-panggubulungu la tana. 10Tunaka nu ningu lima ma-jonggaru-ka na ma-pawiti-nya hi ku-hadangu ba ku-panyuka wàngu lima dàngu kambàku-nggu.
11Na papalewa nuna napanii-ngga, “Oi Ndanialu, nyumu nambuha-nggau i Ala. Hadangu-wa kau ndolaku dàngu kau rongu pahàmu-nya na kareuku-nggu. Nyungga duku pambàda palewa-kaka lai nyumu,” wàna. Ba kurongu-yaka nuna ndolaku-nggunyaka dàngu kandàndaku-nggu.
12Hi na-paniingga, “Oi Ndanialu, àmbu mangàdatu-du. Mbàda rongu-nanyaka na hamayangu-mu i Ala piti welingu la kawunga-na na lodu bau botaya la pa-pawawangu wikimu kau luaya la manggàna. Na mainggu nyungga yia jia-yaka na hemana na hamayangu-mu. 13Na papalewa maopa-nya na pa-maràmba Perihia dua kambulu hau lodu-naka ba na-rawaku-ka. Tàka i Mikayilu, na haàtu la honga liku uru papalewa, namai pandula-ka. Kumàta-nya nyuna lai nu, la Perihia. 14Na mainggu jiaya kau pinya nggàraya napa na manjadi la banjaru-mu. Na harii mata yiana jiaya na rukuna na lodu na manàmu-nya,” wàna.
15Ba napanii-ya rukuna nuna ruduku wànggu nda peku kareuku-anggu. 16Tunaka-nu na papalewa na ma-pahada taungu nuna na pajolangu limana hi na-jonggaru-ya na tàda ngarunggu. Kupanii-nya, “Umbu, na harii mata yiana kanjupu roduku-nangga hi lupa nda ana payatangu-nggu. 17Nyungga duku hama tuna haàtu ataka ma-ndolaku la hangga mirina. Nggiki hama pekunggu papanii dànggau umbu? Nanjàpu-ka na àtalu-nggu dàngu na hulungu na hangahu-nggu,” wànggunya.
18Nahili handàkangu pa-jonggaru-ka, ka pada-nggunyaka ba na bonjangu na àtalu-nggu. 19Napanii, “I Ala nambuha-nggau, jia ba tuna àmbu na-manggingitu na etimu dàngu àmbu mangàdatu-du, màla àtalu-wa!” wànangga.
Ba talànga panii-nanya nuna kupàda-nya ba kurihi àtalu-ka hi kupanii, “Màla paniiwa umbu, mbàda bonja-munyaka na àtalu-nggu umbu,” wànggunya.
20-21Hi nahema, “Upidunya nggikina hi kumai lai nyumu? Na pawuku jiaya ka paniinggau nyumu jàka nggàraya na pa-tulihu la Mbuku Padeningu. Nàhu kubeli-ka bàdi pa-pabera ka rawaku-ya na papalewa na maopa-nya#Talànga wanguna na-njenjangu ningu-mapa ba tuna yia na ihina: papalewa na maopa-nya. Imbarani: papalewa maopa-nya. Tàka nyungga la kawunga ndaungu pareta-na i Ndariu na tau Mendia. na Perihia. Hàlaka nu napa namaiya na papalewa maopa-nya na Yunani. Napa nda ningua mandula-ka hinggilu-na i Mikayilu, na papalewa maopa-nya na Ihirailu, na nanggara-mu.
Currently Selected:
NDANIALU 10: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
NDANIALU 10
10
Na harii matana i Ndanialu la Luku Tinggirihu
1La patailu wàna na ndaungu pareta-na na Maràmba Korihu la Perihia, hauna na lii langu pa-patàka-nya i Ndanialu ma-tamungu Mbelutaharu. Na lii langu nuna ma-deningu-ya, tàka lalu kalutu-ya pa-jàngapu-ya.#lalu kalutu-ya pa-jàngapu-ya; jàka ndia: nu rukuna na pabera bokulu. Ba tàlanga pamukarungu-na la pa-jàngapu-ya i Ndanialu na-ngalangu lii kaloka la harii mata rukuna na lii langu nuna.
2La rehi nu tailu mbua minggu titapu-nggu ba ningga la wai mata la wai wira. 3Tuna nu mandaina ba nda kungangu pangangu mahàmu jàka ndia tolungu-kai, nda ku-unungu angguru dàngu nda kuhaimbu lunggi.
4La tànggalu dua kambulu patu la wulangu kawunga-na la ndaungu nuna, ndolaku-nggunya la hingi Luku Tinggirihu na luku bokulu. 5Ku-wulaku matanggu, hi kuita-ya na haàtu na mapaki ma-welingu la tera linangu tàka na boru bànggina welingu la àmahu rara ihi mbàngi-nanya. 6Na ihina ji - jilana hama tuna watu kajilaku-ya, na matana hama hambila kabilaku-ya, tàka da wua matana daroka hama epiha. Da lima dàngu da wihina da-kajilaku hama tuna wudu pauda-ha, dàngu ba ronguya na talia liina hama tuna talia lii tau danguya.
7Didi meha-aka nyungga maita-ya nuna na harii mata. Da tau karia-nggu nda daita-aya, tàka da wàngu pa-mangàdatu hi dapalai pa-kawiningu. 8Damàta mehangga lai nu, ba ku-tàngaru-ya na harii mata pa-katàtakungu. Nda ku-payatangu ndoku-apa dàngu kanjupu tawàla baraya na matanggu. 9Ba kurongu-yaka na talia liina, njoru meti widi-nggunyaka lundu ku-panggubulungu la tana. 10Tunaka nu ningu lima ma-jonggaru-ka na ma-pawiti-nya hi ku-hadangu ba ku-panyuka wàngu lima dàngu kambàku-nggu.
11Na papalewa nuna napanii-ngga, “Oi Ndanialu, nyumu nambuha-nggau i Ala. Hadangu-wa kau ndolaku dàngu kau rongu pahàmu-nya na kareuku-nggu. Nyungga duku pambàda palewa-kaka lai nyumu,” wàna. Ba kurongu-yaka nuna ndolaku-nggunyaka dàngu kandàndaku-nggu.
12Hi na-paniingga, “Oi Ndanialu, àmbu mangàdatu-du. Mbàda rongu-nanyaka na hamayangu-mu i Ala piti welingu la kawunga-na na lodu bau botaya la pa-pawawangu wikimu kau luaya la manggàna. Na mainggu nyungga yia jia-yaka na hemana na hamayangu-mu. 13Na papalewa maopa-nya na pa-maràmba Perihia dua kambulu hau lodu-naka ba na-rawaku-ka. Tàka i Mikayilu, na haàtu la honga liku uru papalewa, namai pandula-ka. Kumàta-nya nyuna lai nu, la Perihia. 14Na mainggu jiaya kau pinya nggàraya napa na manjadi la banjaru-mu. Na harii mata yiana jiaya na rukuna na lodu na manàmu-nya,” wàna.
15Ba napanii-ya rukuna nuna ruduku wànggu nda peku kareuku-anggu. 16Tunaka-nu na papalewa na ma-pahada taungu nuna na pajolangu limana hi na-jonggaru-ya na tàda ngarunggu. Kupanii-nya, “Umbu, na harii mata yiana kanjupu roduku-nangga hi lupa nda ana payatangu-nggu. 17Nyungga duku hama tuna haàtu ataka ma-ndolaku la hangga mirina. Nggiki hama pekunggu papanii dànggau umbu? Nanjàpu-ka na àtalu-nggu dàngu na hulungu na hangahu-nggu,” wànggunya.
18Nahili handàkangu pa-jonggaru-ka, ka pada-nggunyaka ba na bonjangu na àtalu-nggu. 19Napanii, “I Ala nambuha-nggau, jia ba tuna àmbu na-manggingitu na etimu dàngu àmbu mangàdatu-du, màla àtalu-wa!” wànangga.
Ba talànga panii-nanya nuna kupàda-nya ba kurihi àtalu-ka hi kupanii, “Màla paniiwa umbu, mbàda bonja-munyaka na àtalu-nggu umbu,” wànggunya.
20-21Hi nahema, “Upidunya nggikina hi kumai lai nyumu? Na pawuku jiaya ka paniinggau nyumu jàka nggàraya na pa-tulihu la Mbuku Padeningu. Nàhu kubeli-ka bàdi pa-pabera ka rawaku-ya na papalewa na maopa-nya#Talànga wanguna na-njenjangu ningu-mapa ba tuna yia na ihina: papalewa na maopa-nya. Imbarani: papalewa maopa-nya. Tàka nyungga la kawunga ndaungu pareta-na i Ndariu na tau Mendia. na Perihia. Hàlaka nu napa namaiya na papalewa maopa-nya na Yunani. Napa nda ningua mandula-ka hinggilu-na i Mikayilu, na papalewa maopa-nya na Ihirailu, na nanggara-mu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)