NDANIALU 6
6
I Ndanialu papuhi-ya la liangu hinga
1Ba pameti-yaka i Mbeluhiahàru, wàhi-nanyaka pareta i Ndariu tau Mendia. La rehi nu nomu kambulu dàmbu ndaunaka na ndaungu lurina. 2I Ndariu nabiwa-ya na pa-maràmba-na hi hangahu dua kambulu porupinihu-ya, nimbihu-da na-pareta-ya paraï haàtu nggumbunuru. 3Nawotu-ha i Ndanialu dàngu tau madua hawiangu pa-hamata-ha da nggumbunuru ka àmbu parunggi-ya na maràmba. 4Nalu lohangu-ma ba narihi pahàmu na paràma-na i Ndanialu welingu la nggumbunuru mbutada dàngu da maningu wai ngabangu papingi hawiangu. Tuna nu duka hi na-mbuhangu na maràmba pawotu-ya ka na-katangu kawaha la nggubulu pa-maràmba-na. 5Tàka da nggumbunuru dàngu da mapingu wai ngabada, da-duruhu pahimbu-nya njalana i Ndanialu la ngaba pareta, ba tuna nda da-ngalangu-a, ba na-tuturu dàngu na-patutungu i Ndanialu dàngu nda nggàra-a njala pawunda-na. 6Hi dapanii, “Mbulungu la ma-panuangu la huri lumungu-ana bàdi hi tahunggu-nya njalana i Ndanialu,” wàda.
7Tunaka nu lua-danyaka la hangga maràmba, “Dou na miringgu Maràmba Ndariu màta àruki miri kau luri lundu nu! 8Nyuma mbuu ndàbama ma-paloku-ya na pamaràmbamu miri, ma-hamata, nggumbunuru, wa - wakilu nggumbunuru dàngu da ma-pangaba hawiangu, mbàda pa-hamangu-maka pa-patàkangu lii kamahingu ka na-paluhu huratu pareta ma-kawàndi i miri, wàmanggau. Làti miri kau wuangu pareta màta la ngala tailu kambulu lodu nda haàtu-a pa-pahiangu pa-patàkangu lii kamahingu-na la marapu jàka ndia la taukai, mbulungu lai nyumu wikia bàdi miri. Jàka nggamu mapangga-ya nuna na pareta napa panàngga-nya la liangu hinga. 9Ma-kamahi-nggau ka nyumu wikima miri matuu tanda limamu la huratu pareta nuna ka nanjadi-ya uku Mendia dàngu Perihia na manda peku la paàli belinya,” wàda. 10Ka tuu-nanyaka tanda limana na Maràmba Ndariu la huratu pareta nuna. 11Ba narongu-yaka nuna i Ndanialu, beli-nanyaka la umana. Na kurungu-na la ndàdiku dita ningu katonga - katonga-na ma-hanggangu la Yeruhali. Dàngu hama tuna na pakàli ndàmana, na-hamayangu la Alana pandailu wundangu hau lodu dàngu patika-na la hanggada nuda da katonga da ma-tabunggahu.
12Ba daita-yaka paraï da muhuna i Ndanialu ba talànga hamayangu-na la Alana, 13lua ndàba-danyaka la hangga maràmba pakàla-ya i Ndanialu. Dapanii, “Ka nda mbàda tuumu tanda limamu miri la huratu pareta mahiri ndàbanya na tau la tailu kambulu lodu nàhu pa-patàkangu lii kamahingu-na la marapu jàka ndia la tau hinggilu-na lai nyumua? Dàngumbu, jàka nggamu mapangga-ya na pareta nuna napa ba panàngga-nya la liangu hinga?” wàda.
Nahema na maràmba, “Tubangu, dàngu na pareta nuna nanjadi uku Mendia dàngu Perihia na manda peku la paàli belinya,” wàna.
14Tàka nyuda hi da paniinya na maràmba, “I Ndanialu, na haàtu tau tanawangu welingu la Yahunda, nda natembi-akau nyumu miri dàngu nda na-kawela-anya na pareta-mu miri. Nda na pa-njalangu-a pa-hamayangu pandailu wundangu hau lodu,” wàda.
15Ba narongu-yaka nuna hawina-nanyaka na etina dàngu mangàdatu-na na maràmba, hi nahimbu wulu aka pa-pamara-ya i Ndanialu. Lundu malingu pa-daingu-mana-nyapa pa kana - nandingu. 16Hàlaka nu da hili mai da tau nuda la hangga maràmba hi dapanii, “Miri, upangàda-nya bàdi miri, pa-namatungu la uku Mendia dàngu Perihia, na pareta pa-paluhu maràmba nda pa-ngalangu-a papanji - njilunya,” wàdanya.
17La hupu njàpuna wuangu-nanyaka pareta na maràmba ka yàpaya i Ndanialu hi puhaya la liangu hinga. Tàka na maràmba, “Màla àruki na Alamu na palumu-mu wàngu tuturu-mu ka na-pamara-kau,” wànanya i Ndanialu. 18Hàlaka nu hi bànjalu-nya hau watu bokulu la ngaruna na liangu, tàka na maràmba nahàpu-ya na watu wàngu hàpu maràmba dàngu hàpuda da ma-pangora, hi nda haàtu-a mapeku la pa-pamara-ya i Ndanialu welingu la hinga nuda. 19Hàlaka beli-nanyaka na maràmba la uma maràmba. Nda nabihu-a pangangu jàka ndia pa-pamanda-nya. La rudungu nu lundu hariina nda peku katuda-ana.
20La mbaru hada rudungu ringga - ringgana na maràmba ba nalua la liangu hinga. 21Ba natàka-ka lai nu, wara-nanyaka wàngu nggidiku etina, “Oi Ndanialu, atana i Ala maluri! Namàkadu na Alamu na palumu-mu wàngu tuturu-mu pa-pamara-kau welingu la hinga nada?” wàna.
22Ka rongu-nanyaka hemana i Ndanialu, “Màta àruki miri kau luri lundu nu - nu! 23Na Alanggu mbàda palewa-naka papalewa-na pawunggu-nja da ngaruda da hinga tàka hi nda dahoba-ka. I Ala na-pamara-ka ba napii-dunya ba nda kuwunda-a manjala lai Nyuna dàngu lai nyumu miri,” wàna.
24Kanjupu mbàha etiya na maràmba hi na-wuangu pareta ka paluhu-ya i Ndanialu welingu la liangu nuna. Ba pahàra-nyaka nu na pareta na-lohangu ba nda ana ningua manua-na i Ndanialu, ba napawai-du la Alana. 25La hambeli na nu wuangu-nanyaka pareta na maràmba ka yàpaha da tau makàla-ya i Ndanialu. Hi puhaha dàngu ana dàngu papaha-da la liangu hinga. Ba ndedipa da-rànjaku daa la liangu kataku hoba-madaha hinga hi da-pakarunggutu-ha da riida.
26Hàlaka nu pangàndingu-nanyaka huratu na Maràmba Ndariu la mbuu ndàba na banjaru, na kabihu banjaru dàngu hilu la nggubulu-na na tana, “Tambi mambiru! 27Ku-pareta-ya mbuu ndàbana na tau la ngaba pa-maràmba-nggu ka da mangàdatu-nya dàngu ka datembi-ya na Ala palumu-na i Ndanialu!
Nyuna Ala maluri lundu nu - nuya,
lundu njàpu rehi ba na-pareta.
Nda jia tàlaru-ana na pa-maràmba-na.
Nda ningu njàpuna na kawaha-na.
28Nyuna ma-pahàla dàngu ma-pamara,
nawunda pa-hangàtarungu dàngu pa-bànarungu
la awangu hamangui la tana.
Mbàda pahàla-nanyaka i Ndanialu,
welingu la hoba-nanya hinga,” wàna.
29Tuna nuduka i Ndanialu hi na-padaingu la ngaba ma-papingi la ngala pareta-na i Ndariu dàngu pareta-na i Korihu, na tau Perihia.
Currently Selected:
NDANIALU 6: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
NDANIALU 6
6
I Ndanialu papuhi-ya la liangu hinga
1Ba pameti-yaka i Mbeluhiahàru, wàhi-nanyaka pareta i Ndariu tau Mendia. La rehi nu nomu kambulu dàmbu ndaunaka na ndaungu lurina. 2I Ndariu nabiwa-ya na pa-maràmba-na hi hangahu dua kambulu porupinihu-ya, nimbihu-da na-pareta-ya paraï haàtu nggumbunuru. 3Nawotu-ha i Ndanialu dàngu tau madua hawiangu pa-hamata-ha da nggumbunuru ka àmbu parunggi-ya na maràmba. 4Nalu lohangu-ma ba narihi pahàmu na paràma-na i Ndanialu welingu la nggumbunuru mbutada dàngu da maningu wai ngabangu papingi hawiangu. Tuna nu duka hi na-mbuhangu na maràmba pawotu-ya ka na-katangu kawaha la nggubulu pa-maràmba-na. 5Tàka da nggumbunuru dàngu da mapingu wai ngabada, da-duruhu pahimbu-nya njalana i Ndanialu la ngaba pareta, ba tuna nda da-ngalangu-a, ba na-tuturu dàngu na-patutungu i Ndanialu dàngu nda nggàra-a njala pawunda-na. 6Hi dapanii, “Mbulungu la ma-panuangu la huri lumungu-ana bàdi hi tahunggu-nya njalana i Ndanialu,” wàda.
7Tunaka nu lua-danyaka la hangga maràmba, “Dou na miringgu Maràmba Ndariu màta àruki miri kau luri lundu nu! 8Nyuma mbuu ndàbama ma-paloku-ya na pamaràmbamu miri, ma-hamata, nggumbunuru, wa - wakilu nggumbunuru dàngu da ma-pangaba hawiangu, mbàda pa-hamangu-maka pa-patàkangu lii kamahingu ka na-paluhu huratu pareta ma-kawàndi i miri, wàmanggau. Làti miri kau wuangu pareta màta la ngala tailu kambulu lodu nda haàtu-a pa-pahiangu pa-patàkangu lii kamahingu-na la marapu jàka ndia la taukai, mbulungu lai nyumu wikia bàdi miri. Jàka nggamu mapangga-ya nuna na pareta napa panàngga-nya la liangu hinga. 9Ma-kamahi-nggau ka nyumu wikima miri matuu tanda limamu la huratu pareta nuna ka nanjadi-ya uku Mendia dàngu Perihia na manda peku la paàli belinya,” wàda. 10Ka tuu-nanyaka tanda limana na Maràmba Ndariu la huratu pareta nuna. 11Ba narongu-yaka nuna i Ndanialu, beli-nanyaka la umana. Na kurungu-na la ndàdiku dita ningu katonga - katonga-na ma-hanggangu la Yeruhali. Dàngu hama tuna na pakàli ndàmana, na-hamayangu la Alana pandailu wundangu hau lodu dàngu patika-na la hanggada nuda da katonga da ma-tabunggahu.
12Ba daita-yaka paraï da muhuna i Ndanialu ba talànga hamayangu-na la Alana, 13lua ndàba-danyaka la hangga maràmba pakàla-ya i Ndanialu. Dapanii, “Ka nda mbàda tuumu tanda limamu miri la huratu pareta mahiri ndàbanya na tau la tailu kambulu lodu nàhu pa-patàkangu lii kamahingu-na la marapu jàka ndia la tau hinggilu-na lai nyumua? Dàngumbu, jàka nggamu mapangga-ya na pareta nuna napa ba panàngga-nya la liangu hinga?” wàda.
Nahema na maràmba, “Tubangu, dàngu na pareta nuna nanjadi uku Mendia dàngu Perihia na manda peku la paàli belinya,” wàna.
14Tàka nyuda hi da paniinya na maràmba, “I Ndanialu, na haàtu tau tanawangu welingu la Yahunda, nda natembi-akau nyumu miri dàngu nda na-kawela-anya na pareta-mu miri. Nda na pa-njalangu-a pa-hamayangu pandailu wundangu hau lodu,” wàda.
15Ba narongu-yaka nuna hawina-nanyaka na etina dàngu mangàdatu-na na maràmba, hi nahimbu wulu aka pa-pamara-ya i Ndanialu. Lundu malingu pa-daingu-mana-nyapa pa kana - nandingu. 16Hàlaka nu da hili mai da tau nuda la hangga maràmba hi dapanii, “Miri, upangàda-nya bàdi miri, pa-namatungu la uku Mendia dàngu Perihia, na pareta pa-paluhu maràmba nda pa-ngalangu-a papanji - njilunya,” wàdanya.
17La hupu njàpuna wuangu-nanyaka pareta na maràmba ka yàpaya i Ndanialu hi puhaya la liangu hinga. Tàka na maràmba, “Màla àruki na Alamu na palumu-mu wàngu tuturu-mu ka na-pamara-kau,” wànanya i Ndanialu. 18Hàlaka nu hi bànjalu-nya hau watu bokulu la ngaruna na liangu, tàka na maràmba nahàpu-ya na watu wàngu hàpu maràmba dàngu hàpuda da ma-pangora, hi nda haàtu-a mapeku la pa-pamara-ya i Ndanialu welingu la hinga nuda. 19Hàlaka beli-nanyaka na maràmba la uma maràmba. Nda nabihu-a pangangu jàka ndia pa-pamanda-nya. La rudungu nu lundu hariina nda peku katuda-ana.
20La mbaru hada rudungu ringga - ringgana na maràmba ba nalua la liangu hinga. 21Ba natàka-ka lai nu, wara-nanyaka wàngu nggidiku etina, “Oi Ndanialu, atana i Ala maluri! Namàkadu na Alamu na palumu-mu wàngu tuturu-mu pa-pamara-kau welingu la hinga nada?” wàna.
22Ka rongu-nanyaka hemana i Ndanialu, “Màta àruki miri kau luri lundu nu - nu! 23Na Alanggu mbàda palewa-naka papalewa-na pawunggu-nja da ngaruda da hinga tàka hi nda dahoba-ka. I Ala na-pamara-ka ba napii-dunya ba nda kuwunda-a manjala lai Nyuna dàngu lai nyumu miri,” wàna.
24Kanjupu mbàha etiya na maràmba hi na-wuangu pareta ka paluhu-ya i Ndanialu welingu la liangu nuna. Ba pahàra-nyaka nu na pareta na-lohangu ba nda ana ningua manua-na i Ndanialu, ba napawai-du la Alana. 25La hambeli na nu wuangu-nanyaka pareta na maràmba ka yàpaha da tau makàla-ya i Ndanialu. Hi puhaha dàngu ana dàngu papaha-da la liangu hinga. Ba ndedipa da-rànjaku daa la liangu kataku hoba-madaha hinga hi da-pakarunggutu-ha da riida.
26Hàlaka nu pangàndingu-nanyaka huratu na Maràmba Ndariu la mbuu ndàba na banjaru, na kabihu banjaru dàngu hilu la nggubulu-na na tana, “Tambi mambiru! 27Ku-pareta-ya mbuu ndàbana na tau la ngaba pa-maràmba-nggu ka da mangàdatu-nya dàngu ka datembi-ya na Ala palumu-na i Ndanialu!
Nyuna Ala maluri lundu nu - nuya,
lundu njàpu rehi ba na-pareta.
Nda jia tàlaru-ana na pa-maràmba-na.
Nda ningu njàpuna na kawaha-na.
28Nyuna ma-pahàla dàngu ma-pamara,
nawunda pa-hangàtarungu dàngu pa-bànarungu
la awangu hamangui la tana.
Mbàda pahàla-nanyaka i Ndanialu,
welingu la hoba-nanya hinga,” wàna.
29Tuna nuduka i Ndanialu hi na-padaingu la ngaba ma-papingi la ngala pareta-na i Ndariu dàngu pareta-na i Korihu, na tau Perihia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)