NDANIALU 5
5
Na Maràmba Mbeluhiahàru anana i Nembukatunehàru nawunda mbabu
1La hau na lodu na Maràmba Mbeluhiahàru na-dundangu tau 1.000 ma-pangora ka ninja la mbabu nda najaru-na, dàngu la pa-unungu wai angguru. 2Ba talànga unungu-da, na-wuangu pareta i Mbeluhiahàru papiti-ha da maku àmahu rara dàngu àmahu bara da pambàda rambana i Nembukatunehàru, na amana, welingu la Umana i Miri la Yeruhali. Na pawuku-na na Maràmba Mbeluhiahàru ka da-unungu welingu la maku nuda da ma-pangora, da papaha-na, da kala wihina dàngu nyuna wiki. 3Ka lu ngàndi-dahaka nuda da maku lai nyuna, hi daunu ndàba wai angguru nyuda welingu la paunu wàngu nuda. 4Ba talànga unungu-da dawo - wotu-mbunya da marapu pa-pandoi welingu la àmahu rara, àmahu bara, wudu, bàhi, ai dàngu watu.
5Hi jia ita bia-danya na lima tau ma-tulihu ngga - nggàra la dindingu uma maràmba la pangia ma-hambila hàmu panggàna hambila epi palita hi peku ita hàmu-nanya paraïna maràmba. 6Nyuna dira tawàla baraya dàngu kanjupu mangàdatu-ya hi lupa nda - ndàndada da kambàku-na. 7Ba dàngu la - ladana nakarai ka paaunja da ma-manyura, da mapingu alimu dàngu da mapingu kandunu. Ba datàka-ka, napanii na maràmba, “Jàka nggamu mapingu padiha-ya nina na pa-tulihu dàngu napanii-ngganya na ihina, napa kuwua-nya paki maràmba kalembi malai kawilangu dàngu kanàtaru àmahu rara la nggoru tanda ba tau patembi-ya. Hinggilu-na nu napa kuwotu-ya ka ma-katangu kawaha patailu wànguya la pa-maràmba-nggu,” wàna. 8Da tau pingu - tau pingu da-ndàharungu tàka nda haàtu-a lai nyuda mapingu padiha-ya na pa-tulihu jàka ndia mapeka-ya na ihina la maràmba. 9Ka parukangu-nanyaka pa-mangginggitu na etina na maràmba Mbeluhiahàru dàngu pahili tawàla bara, hamangui da ma-pangora-na nda dapingu-mbupa jàka nggikina wàda.
10Ba narongu-ya na kaladaku-na na maràmba dàngu da ma-pangora-na, tama-nanyaka la ngia pambabu na inana na maràmba. Hi napanii, “Màta àruki kau luri lundu nu - nu! Pangudu-ya na etimu miri dàngu àmbu tawàla bara-dupa. 11Nadu la pa-maràmba-mu miri ninya na haàtu mini na pajuju ngahu da marapu#da marapu; jàka ndia: i Ala. matua. Ba na-pareta-pa na amamu miri, na-lohangu ba na-halimu kotuna, na-jàngapu kanandingu-na dàngu na manggàna, hama tuna na manggàna-da da marapu. Na amamu miri na Maràmba Nembukatunehàru mbàda wotu-nanyaka la pangora-nja da ma-manyura, da mapingu alimu, da tau manggàna dàngu da mapingu kandunu. 12Nyuna nda ningu hama pinguna dàngu na-manggàna dàngu hupu mapingu-ya pa-pahabolangu manggadipangu, pabuwa ma-kawiningu dàngu pa-pakalongga lii ma-kalutu. Na tamuna i Ndanialu-ya tàka na maràmba na-patamu-nya i Mbelutaharu. Napa nyuna napeka-nggaunya miri jàka nggàraya na ihina na pa-tulihu,” wànanya.
I Ndanialu na-pahabola-ya na ihina na pa-tulihu
13Lu karia-danyaka i Ndanialu la maràmba. Hi na-paàrangu na maràmba, “Jiakau Ndanialu, tau Yahundi tanawangu pambàda dundilu-na na amanggu welingu la tana Yahunda? 14Kurongu ba dajuju-kau ngahu marapu matua, dàngu bau halimu kotu, bau jàngapu kanandingu-mu dàngu nda ningu hama manggàna-mu. 15Da mapingu - mapingu dàngu da mapingu alimu mbàda kamangu-daka padiha-ya nina na pa-tulihu dàngu la papeka-ngganya na ihina. Tàka nda da-duluku-a. 16Hinama-a kurongu bau ngalangu nyumu pabuwa mbuu ndàba ma-kawiningu dàngu pa-pakalongga lii ma-kalutu. Jàkau ngalangu padiha-ya nina dàngu kau peka-ngganya na ihina, napa kuwua-nggau paki maràmba kalembi malai kawila dàngu kanàtaru àmahu rara la nggoru tanda tembi. Hinggilu-na nu napa kuwotu-kau ka ma-katangu kawaha patailu wàngu kau la pa-maràmba-nggu,” wànanya. 17Nahema i Ndanialu, “Dou na miringgu duku, àmbu jàradu pawua-nggaha da pawua juangu nuda, wua biaha la tau hawiangu. Napa kudiha-nggaunya na pa-tulihu miri dàngu kupeka-nggaunya na ihina.
18I Ala Hupu Majangga na-pawiti-nya hi maràmba mangunju-ya i Nembukatunehàru na amamu miri, dàngu nawua-nya bokulu dàngu pa-kawulangu wàna. 19Paraï pa-bokulu tuna nu, hi lupangu na tau welingu la mbuu ndàba banjaru, kabihu banjaru, dàngu hilu, na-wodutu dàngu na mangàdatu-nya nyuna. Jàka na-mbuhangu pa-pameti tau, pameti bia-nanya na tau nuna. Jàka na-mbuhangu pa-pamara-ya na haàtu tau, pamara-mananya na tau nuna. Nyuna nawàngu etina la patembi jàka ndia la pa-pawawa tau, nggamu biaya. 20Tàka ba na-ngànjangu-ka, ba na-malihu-ka dàngu ba nambana etina, pa-kilungu-ya welingu la kanjàka pareta-na hi na-molungu na mangunju-na. 21Pawàngga-ya welingu la panggolu tau la pinu tana dàngu na etina na-paeti bandangu. Na-angungu kalandai omangu, nangangu rumba hama tuna hapi dàngu na-mahuru la mambila wailangu hi lupa nambaha la wai hamburungu. La hupu njàpuna napajia-ya i Ala Hupu Majangga ba jiaya na ma-kawaha-ha da pa-maràmba tau pinu tana dàngu na pa-maràmba nuna nawua-ya lai nggamu bia papindi-na.
22Tàka pàku na anana mini, nyumu wiki naa miri, ndau mbuhangu pa-pawawangu wiki, jiapa kau pinyakai nu mbuu ndàbana miri. 23Upajangga wikimu nyumu miri la hanggana i MIRI la awangu dàngu utoru mbeni pàku pa-paràhangu patama ngàndiha da maku pambàda rambangu welingu la Umana i MIRI. Hi unu wànja nu da maku, nyumu miri dàngu da ma-pangora, da papaha dàngu da kala wihimu. Nyumu miri uwo - wotunja da marapu pa-pandoi welingu la àmahu rara àmahu bara, wudu, bàhi, ai dàngu watu, da marapu da manda ita, da manda rongu jàka ndia da manda nggàra papida. Nyumu miri ndau tembi-aya i Ala na ma-kawuku-ya na luri dàngu na metimu miri dàngu na ma-kawuku-ya na katiku halaku lurimu miri. 24Nuna-duyaka na ma-pawitingu tàka i Ala hi na-paràha-nya nuna na lima pa-tulihu-ya na lii languna Nyuna.
25Yiana-yaka na lii langu, ‘Padiha-ya, padiha-ya, pa-timbangu-ya, pa-paberingu-ya,’ wàna. 26Dàngu yiana-yaka na ihina: Padiha-ya ba wàna, na rehi pareta-mu miri mbàda diha-nanyaka paraïna i Ala dàngu hi na-pahupu-nya; 27pa-timbangu-ya ba wàna, nyumu miri pambàda timbangu-kauka hi hunggukau ba ndau palii eti; 28pa-paberingu-ya ba wàna, na pa-maràmba-mu miri pambàda paberingu-yaka hi wuaya la tau Mendia dàngu Perihia,”#Perihia; La hilu Aràmu na lawiti kareuku “Perihia” ba wàna hama linguna na lawiti kareuku “biwa” jàka wàna. wàna.
29Lu paràha-nanjaka da panggawi-na i Mbeluhiahàru ka pahaunya kalembi malai kawila i Ndanialu dàngu ka pakàna-nya kanàtaru àmahu rara la nggoruna. Hi nawotu-ya i Ndanialu ka ma-kawaha patailu wànguya la pa-maràmba-na. 30La rudungu nuna pa-pameti-yaka i Mbeluhiahàru na maràmba Mbambilu.
Currently Selected:
NDANIALU 5: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
NDANIALU 5
5
Na Maràmba Mbeluhiahàru anana i Nembukatunehàru nawunda mbabu
1La hau na lodu na Maràmba Mbeluhiahàru na-dundangu tau 1.000 ma-pangora ka ninja la mbabu nda najaru-na, dàngu la pa-unungu wai angguru. 2Ba talànga unungu-da, na-wuangu pareta i Mbeluhiahàru papiti-ha da maku àmahu rara dàngu àmahu bara da pambàda rambana i Nembukatunehàru, na amana, welingu la Umana i Miri la Yeruhali. Na pawuku-na na Maràmba Mbeluhiahàru ka da-unungu welingu la maku nuda da ma-pangora, da papaha-na, da kala wihina dàngu nyuna wiki. 3Ka lu ngàndi-dahaka nuda da maku lai nyuna, hi daunu ndàba wai angguru nyuda welingu la paunu wàngu nuda. 4Ba talànga unungu-da dawo - wotu-mbunya da marapu pa-pandoi welingu la àmahu rara, àmahu bara, wudu, bàhi, ai dàngu watu.
5Hi jia ita bia-danya na lima tau ma-tulihu ngga - nggàra la dindingu uma maràmba la pangia ma-hambila hàmu panggàna hambila epi palita hi peku ita hàmu-nanya paraïna maràmba. 6Nyuna dira tawàla baraya dàngu kanjupu mangàdatu-ya hi lupa nda - ndàndada da kambàku-na. 7Ba dàngu la - ladana nakarai ka paaunja da ma-manyura, da mapingu alimu dàngu da mapingu kandunu. Ba datàka-ka, napanii na maràmba, “Jàka nggamu mapingu padiha-ya nina na pa-tulihu dàngu napanii-ngganya na ihina, napa kuwua-nya paki maràmba kalembi malai kawilangu dàngu kanàtaru àmahu rara la nggoru tanda ba tau patembi-ya. Hinggilu-na nu napa kuwotu-ya ka ma-katangu kawaha patailu wànguya la pa-maràmba-nggu,” wàna. 8Da tau pingu - tau pingu da-ndàharungu tàka nda haàtu-a lai nyuda mapingu padiha-ya na pa-tulihu jàka ndia mapeka-ya na ihina la maràmba. 9Ka parukangu-nanyaka pa-mangginggitu na etina na maràmba Mbeluhiahàru dàngu pahili tawàla bara, hamangui da ma-pangora-na nda dapingu-mbupa jàka nggikina wàda.
10Ba narongu-ya na kaladaku-na na maràmba dàngu da ma-pangora-na, tama-nanyaka la ngia pambabu na inana na maràmba. Hi napanii, “Màta àruki kau luri lundu nu - nu! Pangudu-ya na etimu miri dàngu àmbu tawàla bara-dupa. 11Nadu la pa-maràmba-mu miri ninya na haàtu mini na pajuju ngahu da marapu#da marapu; jàka ndia: i Ala. matua. Ba na-pareta-pa na amamu miri, na-lohangu ba na-halimu kotuna, na-jàngapu kanandingu-na dàngu na manggàna, hama tuna na manggàna-da da marapu. Na amamu miri na Maràmba Nembukatunehàru mbàda wotu-nanyaka la pangora-nja da ma-manyura, da mapingu alimu, da tau manggàna dàngu da mapingu kandunu. 12Nyuna nda ningu hama pinguna dàngu na-manggàna dàngu hupu mapingu-ya pa-pahabolangu manggadipangu, pabuwa ma-kawiningu dàngu pa-pakalongga lii ma-kalutu. Na tamuna i Ndanialu-ya tàka na maràmba na-patamu-nya i Mbelutaharu. Napa nyuna napeka-nggaunya miri jàka nggàraya na ihina na pa-tulihu,” wànanya.
I Ndanialu na-pahabola-ya na ihina na pa-tulihu
13Lu karia-danyaka i Ndanialu la maràmba. Hi na-paàrangu na maràmba, “Jiakau Ndanialu, tau Yahundi tanawangu pambàda dundilu-na na amanggu welingu la tana Yahunda? 14Kurongu ba dajuju-kau ngahu marapu matua, dàngu bau halimu kotu, bau jàngapu kanandingu-mu dàngu nda ningu hama manggàna-mu. 15Da mapingu - mapingu dàngu da mapingu alimu mbàda kamangu-daka padiha-ya nina na pa-tulihu dàngu la papeka-ngganya na ihina. Tàka nda da-duluku-a. 16Hinama-a kurongu bau ngalangu nyumu pabuwa mbuu ndàba ma-kawiningu dàngu pa-pakalongga lii ma-kalutu. Jàkau ngalangu padiha-ya nina dàngu kau peka-ngganya na ihina, napa kuwua-nggau paki maràmba kalembi malai kawila dàngu kanàtaru àmahu rara la nggoru tanda tembi. Hinggilu-na nu napa kuwotu-kau ka ma-katangu kawaha patailu wàngu kau la pa-maràmba-nggu,” wànanya. 17Nahema i Ndanialu, “Dou na miringgu duku, àmbu jàradu pawua-nggaha da pawua juangu nuda, wua biaha la tau hawiangu. Napa kudiha-nggaunya na pa-tulihu miri dàngu kupeka-nggaunya na ihina.
18I Ala Hupu Majangga na-pawiti-nya hi maràmba mangunju-ya i Nembukatunehàru na amamu miri, dàngu nawua-nya bokulu dàngu pa-kawulangu wàna. 19Paraï pa-bokulu tuna nu, hi lupangu na tau welingu la mbuu ndàba banjaru, kabihu banjaru, dàngu hilu, na-wodutu dàngu na mangàdatu-nya nyuna. Jàka na-mbuhangu pa-pameti tau, pameti bia-nanya na tau nuna. Jàka na-mbuhangu pa-pamara-ya na haàtu tau, pamara-mananya na tau nuna. Nyuna nawàngu etina la patembi jàka ndia la pa-pawawa tau, nggamu biaya. 20Tàka ba na-ngànjangu-ka, ba na-malihu-ka dàngu ba nambana etina, pa-kilungu-ya welingu la kanjàka pareta-na hi na-molungu na mangunju-na. 21Pawàngga-ya welingu la panggolu tau la pinu tana dàngu na etina na-paeti bandangu. Na-angungu kalandai omangu, nangangu rumba hama tuna hapi dàngu na-mahuru la mambila wailangu hi lupa nambaha la wai hamburungu. La hupu njàpuna napajia-ya i Ala Hupu Majangga ba jiaya na ma-kawaha-ha da pa-maràmba tau pinu tana dàngu na pa-maràmba nuna nawua-ya lai nggamu bia papindi-na.
22Tàka pàku na anana mini, nyumu wiki naa miri, ndau mbuhangu pa-pawawangu wiki, jiapa kau pinyakai nu mbuu ndàbana miri. 23Upajangga wikimu nyumu miri la hanggana i MIRI la awangu dàngu utoru mbeni pàku pa-paràhangu patama ngàndiha da maku pambàda rambangu welingu la Umana i MIRI. Hi unu wànja nu da maku, nyumu miri dàngu da ma-pangora, da papaha dàngu da kala wihimu. Nyumu miri uwo - wotunja da marapu pa-pandoi welingu la àmahu rara àmahu bara, wudu, bàhi, ai dàngu watu, da marapu da manda ita, da manda rongu jàka ndia da manda nggàra papida. Nyumu miri ndau tembi-aya i Ala na ma-kawuku-ya na luri dàngu na metimu miri dàngu na ma-kawuku-ya na katiku halaku lurimu miri. 24Nuna-duyaka na ma-pawitingu tàka i Ala hi na-paràha-nya nuna na lima pa-tulihu-ya na lii languna Nyuna.
25Yiana-yaka na lii langu, ‘Padiha-ya, padiha-ya, pa-timbangu-ya, pa-paberingu-ya,’ wàna. 26Dàngu yiana-yaka na ihina: Padiha-ya ba wàna, na rehi pareta-mu miri mbàda diha-nanyaka paraïna i Ala dàngu hi na-pahupu-nya; 27pa-timbangu-ya ba wàna, nyumu miri pambàda timbangu-kauka hi hunggukau ba ndau palii eti; 28pa-paberingu-ya ba wàna, na pa-maràmba-mu miri pambàda paberingu-yaka hi wuaya la tau Mendia dàngu Perihia,”#Perihia; La hilu Aràmu na lawiti kareuku “Perihia” ba wàna hama linguna na lawiti kareuku “biwa” jàka wàna. wàna.
29Lu paràha-nanjaka da panggawi-na i Mbeluhiahàru ka pahaunya kalembi malai kawila i Ndanialu dàngu ka pakàna-nya kanàtaru àmahu rara la nggoruna. Hi nawotu-ya i Ndanialu ka ma-kawaha patailu wànguya la pa-maràmba-na. 30La rudungu nuna pa-pameti-yaka i Mbeluhiahàru na maràmba Mbambilu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)