KOLOHI 1
1
1-2Angu dedi banjaru-na i Ala la Kolohi da ma-tuturu la pa-pambulungu dàngu i Karitu!
Ba pa-pahuru-na i Karitu-ka, – ruku pawotuna i Ala – nyungga Paulu, anguma na angu dedinda i Timutiu, ma-monungu i Ala na Amanda ka nawua-nggainya na kanyuru dàngu na mànjaku.
Hamaya pa-malangungu
3-4Nyuma mbàda rongu-mamaka bai pawai lai Yehu Karitu dàngu bai mbuha ndàbanya na banjaru-na i Ala. Jia-duyaka ba ma-hamayangu ndumami nyimi, hi ma-pamalangu-nya i Ala, Amana na Mirinda i Yehu Karitu. 5Nyimi mipawai dàngu mi-pambuhangu, nadu nyimi bai monunya jàka nggàraya na pa-payema-na i Ala la awangu ndumami nyimi. Nyimi mbàda rongu-minyaka na rukuna nuna, ba jiaya ba patàka-nggainya na Lii Mànangu na ma-padeningu. 6Nuna na lii rukuna i Ala mbàda we-warungu-naka la pa-nggubulu pinu tana, dàngu na lurina na tau na-pakanyuru pangalangu-maka rukuna na lii nuna, hama-mana na lurimi ba na-pakanyurungu piti welingu la rehi rongu-minya na mila etina i Ala dàngu bai pàda langatàka-nya la lurimi. 7Na ngerana nuna na-patàka-nggainya paraïna i Epàparàhu, na angu ràmama na pa-mbuhangu. Nyuna maràma lai Karitu-ya, na ma-tuturu paràma ndumana na pahàmu wànda nyuta.#nyuta; da lawiti ndai da manda pirada: nyimi. 8Welingu lai nyuna-maka ba marongu, paraï ruku kuaha-na na Ngahuna i Ala, pekuna nyimi bai kawàra pa-mbuhangu.
9Nuna-yaka na pakiri-na hi ma-hamayangu mànu ndumami nyimi piti welingu ba marongu-ya na rukumi nyimi. Nyuma makarai-ya i Ala ka pekuna na Ngahuna i Ala ka nawua-nggai manggàna dàngu la pa-jàngapu-ya na ngera pi palundu-minya jàka nggàraya na pawuku-na i Ala.
10Nu peku-mika nyimi paluri nunjuya na pambuha-na i Ala, dàngu kai pahàmu mànuya na etina, ka peku patumbu-mi mahàmu hangia -hangia. Dàngu ka peku bo - bonjangu-na napi-minya i Ala. 11Màla àru ruku kuaha bokulu welingu lai Ala, ka pa-kapànduku-kai, ka peku màkami pa-hambeta-ya mbuu ndàbana bai wàngu pa-patoru-nya dàngu hàmu etimi 12dàngu bai wàngu pamalangu-nya#bai wàngu pa-patoru-nya dàngu hàmu etimi dàngu bai wàngu pamalangu-nya; jàka ndia: bai wàngu pa-patoru-nya. Dàngu wàngu hàmu eti bai pamalangu-nya. i Ama. Nadu ba na Ama nunadu na ma-paràka-nggai la pangala-nya jàka nggàraya na pa-payema-nanya na banjaru-na paraïna i Ala la ngia pa-hanganji-na na ma-handaraku. 13Nyuna mbàda pahàla-nandaka welingu la kuaha kapàtangu hi na-haleli-ta la ngia pa-hanganji-na na Ana pambuha-na. 14Paraï ruku na Anana pa-pahàla-taka nyuta; jia-duyaka ba pa-jàmangu-haka da njalanda.
I Karitu dàngu na paràma-na
15I Karitu jiaya na nggambaru-na i Ala na pangita, làti duna ba nda pangita-aya; i Karitu ana ma-maaya dehiya, hupu marihi-mayaka Nyuna la mbuu ndàbana na pa-padikangu. 16Nadu ba rukuna Nyuna-maka ba na-padika-nya paraïna i Ala mbuu ndàbana la awangu dàngu la pinu tana, mbuu ndàbana na pangita dàngu na panda ngita, jia ndàba-mbuha da wàndi ma-kuaha dàngu ma-pareta. Mbuu ndàbana la pa-nggubulu awangu yiana ba padika-nya rukuna i Karitu dàngu ndumana i Karitu-maha. 17Ba ndedi ni hàlanja da maninja, i Karitu mbàda ni mangilu-nyaka. Dàngu lumuna Nyuna-maka hi kiri ninja mbuu ndàba-daka la pangia - pangia-mada duda. 18Nyuna katiku-na na tau-nanya, nu na kabungguru; nadu ba Nyunadu na ngia paweli lurina na kabungguru. Nyuna ana ma-maaya dehiya, na kawunga pa-paluri beli welingu la meti, màta ka Nyuna-a na hupu marihi welingu la mbuu ndàba-naka. 19I Ala wikima duna na mawuku-ya ka màta mbuu ndàba-naka na maninya la wikina i Ala, ka nimbunya ba namàtu hàla la wikina na Anana. 20Dàngu rukuna nu na Ana-mbuna nabota-ya i Ala la pa-paloku-ya mbuu ndàba-naka la pa-pahàmu beli dàngu Nyuna – mbuu ndàba-naka la pinu tana, hamanai na maninya la awangu. I Ala na-pàhara-nya nuna la metina na Anana la ai harikangu.
21Àmangu nyimi mimarau welingu lai Ala. Nyimi mimuhu-nya paraï rukuna na hurimi dàngu na kanandingu-mi na ma-akatu. 22Tàka nàhu, ba nameti-duka na Anana, i Ala na-paloku-ya na pa-nuangu-mi dàngu Nyuna hi nahàmu beli. Nu ba tunaka nu nyimi peku-naka ba ngàndikai la pa-hurungu lai Ala ba dàngu matua-mi, ba dàngu yahangu-mi dàngu ba nda ningu nyurami. 23Na nyuna ba tuna nyimi mi-padaingu-du bàdi pa-tuturu la papawai dàngu bai ndolaku pa-undungu la pawaimi. Napa nyimi mi-pahàla-dunya na monungu, na pambàda wuangu-kai ba jiaya na kataku-minya na Lii Mànangu welingu lai Ala. Na lii nuna pambàda bobaru-yaka la nimbihu-na na tau la nggubulu pinu tana. Dàngu lumuna nuna-maka nyungga, Paulu, hi matanggu lumungu-ka.
Na palumu-na i Paulu la kabungguru
24Nàhu nyungga nahàmu na etinggu ba ku-mayila nduma pahàmu wàmi nyimi. Nadu ba kuwàngu pa-mayila wànya na taunggu, nyungga tunggunya tomana na papàda-na i Karitu làti lumuna na kabungguru-na, nu na tauna. 25I Ala na-paràha-ngga nyungga palumu-nya na kabungguru-na ndumana na pahàmu wàmi nyimi. Nyungga ku-patàka-manya bàdi na lii welingu lai Ala, mbuu ndàbana; 26nu na lii ba pira ngahu ndau biana-ka na ma-làpahu ba nakàpi-nya paraïna i Ala la tau mbuu ndàbana, tàka nàhu pawuwa-nanyaka la banjaru-na. 27I Ala na-orangu pa-pawuwa-ya jàka nggiki hama hàmuna dàngu bokulu-na nuna na pakàpi-na ndumana mbuu ndàbana na tauka. Nuna na pa-kàpingu jia-duyaka: i Karitu ba ninya daa la wikimi nyimi, jia-duyaka bai kawàra pàdanya na mangunju-na i Ala. 28Jiaya i Karitu nuna-maka na pa-bobaru-ma la nimbihu tauka. Ma-panamu-nja dàngu ma-ajaru-ha nyuda mbuu ndàbada wàngu kiha manggàna-ma. Na pawuku-ma ka màta nimbihu-na na tau ka ma-karia-nya lai Ala, ba tau matua-yaka la ngera pangahu-ka, nadu ba da-mbulungu-duka dàngu i Karitu. 29Ka tomaya na ngerana nuna, jia-duyaka hi kuràma pa-mbangatu-ngu. Nyungga ku-pamukarungu lundu dira àtalu pa-wuana-ngga i Karitu, na maràma wàngu mbinu kuaha-na la wikinggu nyungga.
Currently Selected:
KOLOHI 1: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
