AMUHU 4
4
1Pa-tingingu-wa, ha dimi kawini Hamaria ma-parukangu pawutu hama tuna hapi mboka la Mbahàngu! Ikapidihu tau ma-haluputu, ilamuji tau mamila dàngu ikaruhi-ha da leimi ka da-payema mànunggai pa-ngunungu ma-maüku! 2Nyungga MIRI Hupu Majangga, MIRI Ma-matua-ka, dàngu mbàda njanji-nggunyaka ba natoma ngeru na rehi la pa-ruruhu wànggai katekaru; nyimi mbuu ndàbami napa hama tuna iyangu makàna la bi-nggukai. 3Napa pa-ruruhu-kai hanggangu la Herumungu,#Herumungu;La lawiti Imbarani-na: Hàramungu. hi kawuka-nggai la hambeli, nimbihu-mi la manggawa kangeli lihimi. Nyungga yia, MIRI mambàda panii,” wàna.
Nda nabihu parongu na Ihirailu
4Napanii i MIRI Hupu Majangga, “Ha banjaru Ihirailu! Lua biawa la ngia pa-lumungu la Mbetilu, dàngu wundawa manjala lai nu! Luawa la Ngginggalu dàngu wàngu eti-miwa pawunda manjala! Màla wotuwa kameti maraku nimbihu mbaru, dàngu la pangàndi-ha da hangia la hakambulu welingu la mbuu ndàba ihi paraïmi nimbihu tailu mbua lodu! 5Màla wotuwa maraku roti na pa-pamalangungu wàmi lai Nyungga, dàngu panii abungu-wa ba mbàda ngàndi-mika bonjangu-da da maraku! Jiangu-ma ba nuna-ya na pambuha-mi la pawunda-ya!
6Nyunggama ma-patàka-nya na rimba pa-nggàbalungu la mbuu ndàba da paraingu-mi, tàka ndai belia lai Nyungga. 7Ku-dimbaku-ya na puruna na urangu ba talànga kalanangu-da wai da patondu-mi. Ku-papurungu urangu la hau paraingu tàka la hili hau paraingu ndia-a. Na hau woka na-ngalangu wai urangu, tàka na hili hau woka, màdu bia-nanya. 8Da ma-ngiangu la manda pirada da paraingu, da mambàda haluputu paraï pa-kandanga, dalua pahimbu wai la paraingu hawiangu, tàka nda natoma-a na wai lai nu. Jiapa-kai ba tuna nu, ndai belimbu lai Nyungga.
9Ku-hapuputu-ya na ngilu mbana dàngu ku-pangàndingu ma-paruha-ha da patondu-mi dàngu da woka angguru-mi. Da-pambuta-ha kabàla, dàngu da pingi kapilitu, da pingi haitungu-mi. Jiapa-kai ba tuna nu, ndai belimbu lai Nyungga.
10Ku-pangàndi-nggai kanyaki panggàba-lungu hama tuna na pa-pangàndi-nggu la Mehiru. Da bidi minimi kupa-hanggubalu-ha la pa-hànjalungu, dàngu pawàhi-ha da njara-mi. Ku-paihi-nya mameti mawau pahàka uru na kotaku uma terami. Jiapa-kai ba tuna nu, ndai belimbu lai Nyungga.
11Ku-patàlaru-ya hawiangu lai nyimi hama tuna ba ku-patàlaru-ya la Hondumu dàngu la Nggomora. Da maluri-ipa la honga-mi hama tuna kahupu epi papiti welingu la epiha. Jiapa-kai ba tuna nu, ndai belimbu lai Nyungga. 12Tuna nu duka, hi kuhuku-nggai napa, ha dimi banjaru Ihirailu. Jia ba tuna, hawanjiru-wa pa-jàngapu-ya na hukungu welingu lai Nyungga!” wàna.
13Da palindi dàngu na ngilu, i MIRI mawulu-ha;
napanii-ya na pawuku-na la tau.
Nyuna na matuya na rudungu dàngu na lodu;
dàngu la pi - pinu palindi-ya nali ningu.
I MIRI Ala Hupu Mambiha,
nuya na tamuna.
Currently Selected:
AMUHU 4: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
