AMUHU 2
2
Muapu
1Napanii i MIRI, “Mbàda panua-naingu-manaka panjala na ma-ngiangu la Muapu, rukuna nuna jiangu-ma napa kuhuku-nja. Da-pawawa-ya na hanganji Endumu mambàda meti ba da-lunggaru-ya na retina dàngu da-tunuha da rii kawudu-na hi lundu aüha. 2Jia ba tuna, napa ku-pangàndingu epi la tana Muapu, hi hulu pambuta-ha da ngia patoru - ngia pa-torungu-na na Kariutu. Da meti la kanyaüru pabera napa da tau Muapu, ba talànga hapiha da taropitu, dàngu ba talànga pa-wolakungu wara pa-hànjalungu. 3Na maningu kawahangu la Muapu dàngu da liku uru mbuu ndàbada ku-pameti-ha napa,” wàna.
Yahunda
4Napanii i MIRI, “Mbàda panua-naingu-naka panjala na tau Yahunda, rukuna nuna jiangu-ma napa kuhuku-nja. Dapangga-ha da hupu liinggu dàngu nda da-wàrihu-ha da pa-pekangu-nggu. Da-panjàra-nja paraï da marapu palumu-da da boku la mangilu-da. 5Jia ba tuna, napa ku-pangàndingu epi la Yahunda hi hulu pambuta-ha da ngia patoru - ngia pa-torungu-na na Yeruhali,” wàna.
Na hukungu welingu lai Ala la Ihirailu
6Napanii i MIRI, “Mbàda panua-naingu-naka panjala na tau Ihirailu, rukuna nuna jiangu-ma napa kuhuku-nja. Da tau tànji eti da manda màka pa-pabeli-nya na papiti paruta-da, mbàda dangga-danjaka panjadi ata. Tuna numbu na pawunda-da la tau mila na manda màka pa-mbayaru wutana, jiapa ka ma-wilingu hamawa halapa-aha da wutana. 7Da-kapidihu tau ma-haluputu manda payatangu, dàngu da-payila-nja da tau mila. Na ama dàngu na anana dayora duanya na haàtu kawini ata, hi da-pairaku-ya na tamu matua-nggu. 8La nimbihu ngia pa-lumungu ningu tau ma-katuda wànja da kalembi papiti-da la tau mila na pa-màndungu wàna ba ningu wutangu-da. La Umanggu Nyungga, Alada nyuda, da-unungu angguru papiti-da la tau maningu wutangu lai nyuda.
9Jiapa-kai ba tuna ha dimi banjaru-nggu, lumumi nyimi-maka hi ku-patàlaru-ya na tau Amori da ma-pajangga kajiungu dàngu da ma-pakapingatu pingi tarambàtingu. 10Kuluhu karia-nggai welingu la Mehiru, dàngu kulonda-kai la maràda wara patu kambulu ndaungu mandaina. Na tana tau Amori mbàda wua-nggunggai-nyaka ka tana wiki-minya. 11Mbàda pindi-ngguka ba nda pirada welingu la anami la panjadi wunangu dàngu nda pirada da bidi minimi la panjadi tau pa-ràkingu.#tau pa-ràkingu; Tau Ihirailu ma-hangera lai Miri Ala dàngu ma-panjanjingu la panda unungu angguru, jàka ndia pa-ngunungu ma-maüku, la panda kàtahu lunggina dàngu la panda jonggaru mameti (tàngaru-ya la Di. 6:1-8). Màla nda na-padeningu dimi nu, ha dimi tau Ihirailu? Nyungga yia, MIRI mambàda panii.
12Tàka nyimi iwuanja pa-unungu angguru da tau pa-ràkingu tàka hi kiri panggada pa-njanjingu-da dàngu ihirinja da wunangu pa-patàkangu lii langunggu. 13Nàhu ku-roduku-nggai la tana, hi lupangu ikaingu hama tuna kareta mambinu ngàndina la uhu nggàndumu. 14Na tau mbangatu palaimbu nda jia tamàhiku-ana; na tau kapàru na-munangu na kapàru-na, dàngu na tau kaborangu nda jia ngalangu-ana pa-pamara wikina. 15Na mini pana nda na torungu-a, na tau mbangatu palai nda jia ngalangu-ana papalai pa-pamara wikina dàngu na mini la njara, nda jia mara-ana. 16La lodu nuna na panjuri ma-kanjupu mbeni hanggangu-mbuna napalai wàrungu pambeni wàna. Nyungga yia, MIRI mambàda panii,” wàna.
Currently Selected:
AMUHU 2: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
