2 KORINITU 13
13
Da hupu njàpu panaungu-na dàngu na tambi
1Yiana jiayaka na pa-pandailungu wànggu ba kumai pa-tadalu-kai. Daa la Huratu Matua ninya na pa-tulihu: “Nimbihu palakara ningu bàdi angu mapinya ma-hakahii madua jàka ndia ma-tailu, hina hi na-kawàndi na palakara nuna,” na mawàna. 2Da tau da matuu manjala la rehi na ma-làpahu hamanai mbuu ndàbana na tau hawiangu, mbàda panau mangilu-manggu-njaka ba jiaya na pa-panduangu wàngunggu pamai pa-tadalu-kai. Nàhu ba talànga pa-maraungu-nda, kuhili panau hahanggai, napa jàka kuhili mai, nda ningu-apa haàtu welingu lai nyuda mamara welingu la hukungu. 3Napa nyimi mingala hàlanja da mbuti da parinju-mi nu ba nyuna langatàka i Karitu na mapanii la ngarunggu nyungga. Jàka na-karuhi-kai nyimi i Karitu, nda na-lamanga-a ba na-karuhi-kai, tàka jiangu-maka ba na-paita-nya na kuaha-na la hongami. 4Tubanguma ba jiaya na harika-nya, ma-lamanga-ma, tàka nàhu naluri-ka ruku kuaha-na i Ala. Nyuma na-lamanga-mbu la lurima ba ma-pambulungu dàngu i Karitu, tàka jàka ma-hangganggai nyimi, ma-halangatu dànya i Karitu, ruku kuaha-na i Ala.
5Màla kai kamangu pakinju wikimi, jàka tuba langatàka nyimi bai luri palata-nya na ruku pawaimi lai Karitu! Nu mipàda-manyaka duna i Karitu Yehu ba ninya lai nyimi! – hauyai duna jàka nda weli etimi la papawai langatàka. 6Kumonu-nggai kai pàdanya, ba nda tau manda torungu-a-kama nyuma jàka kama-nggama. 7Ma-hamayangu lai Ala, ka nandula àrukai ka àmbi wunda manjala. Nda pa-itangu-manya maka-ama la pa-palundungu wai ngerama, tàka ka peku namatu-minya jàka nggàraya na pawuku-na i Ala – jiapa ka hama manda linguya na paràma-ma, màla nyuna! 8Nadu ba nda peku-ana duma paràma-ya jàka nggàra biaya na ma-ndubaku-ya na ma-deningu; matundu-manya bàdi na ma-deningu. 9Nahàmu na etima jàka ma-lamanga, tàka nyimi hi mi-halangatu. Ma-hamayangu padua màta nyimi ka na-lànyapu na ngerami. 10Nunaya na pakiri-na hi ku-tulihu-ya yiana na huratu ba ndedipa ba ningga la padua-mi nyimi mbuu ndàbami. Jiaya ba tuna nu, jàka kutàka-ka napa, ka àmbu kuhili wàngu ma-hanggàritu lai nyimi, ba kuwànya na kuaha na pawua-nangga i Miri. Na kuaha nuna nawua-ngganya la pa-pahada wànggai nyimi, nda la pa-palàjaru-akai.
11Na njàpuna angu dedi, màtawa kai hawola, dàngu kai pa-mukarungu la pa-lànyapu. Kataku-hawa da panaungu-ngguka mbuu ndàbada. Màta ka hau eti-akai bai kawàra pa-mbuhangu bai luri. I Ala na Mahupu Mbuhangu dàngu na pingina na peku màta ka naangu mànunggai.
12Mi-kawara patambi hàmu etingu-wa dàngga angumi la huri Karitu ma-paangu dedingu.
Nggubulu-da da banjaru-na i Ala da-pangàndingu tambida lai nyimi.
13I Miri Yehu Karitu ka na-pakanyuru-nggai, i Ala ka nambuha-nggai dàngu na Ngahuna i Ala ka naangu-nggai mbuu ndàbami!
Matembi-kai, Paulu
Currently Selected:
2 KORINITU 13: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
