Zakharia 5
5
Agauwa hebarlik a’ge pam, tuesi’ga perling-perlengat woluk lasumu abi pam hesi wene
1Asogo toluk, agauwa mesik pam na’gul lekho yethegi ’gal e, tuesiga perlengat o ’burl ya a’ge woluk lasumu nil hegi o. 2Asogo hesirik at en an mo’gulneselat, “No a’ge hil hasu legen no?” oluk mo’gulnesimu, an en at mo’guleselat, “Tuesiga perling-perlengsogo ologun lok akhit meter e lo, ye, ebe ebak akhit e meter 5 ’gela’ge oruakma re, o ’burlmu ya woluk lasumu hegi o.”
3Mo’gulosoam, at en an mo’gulneselat, “Tuesi’ga perlengsogo abel-abel pema akhit ’belak ano re, ap yogot hisarogwi a’ge o yema en ena’guluak erlagapsogo onobo a’ge wene ’belak oruak o, ye, pema akhit e, is ap eniak esei a’geat de, demat o, oluk, ho’buk ’balogwi a’ge ebano, o yema en ena’guluak erlagapsogo onobo wene ’belak a’ge wogo oruakma re, hil hegen a’ge yu re, hweim onobo wene anoat ’belakma re, o yema ’berlegat weiyal etil lasu lema ani o. 4At anni modok welago a’ge at Allah en eselat, hweim onobo wene yu, perak paikmu is ap hisarogwi a’ge onowi werikmu emin, is ap an nonuk ’balholuk, eniak eseiat de, demat o, oluk ho’buk ’balogwi a’ge onowi werikmu emin ’gwi lotluk, is onowi, moluk-melaktak pasulat, e emin, helep emin, erlagapsogo paik, egeimu re, mo’gulhegis o,” oluk, mo’gulnosoma hegi o.
Agauwa tabit a’ge pam e, hwe mesik mul egeik a’ge ogola yagarak oruakma abi pam hesi wene
5Asogo toluk, at nemin wene ogu lege a’ge malaikat ano, wagarik an mo’gulneselat, “Disogo egei ai no a’ge tisoma hil hagun en e, holukhwe edenogo yethemin o.”
6Oluk mo’gulnesimu, an en, “Ai no?” mo’gulosoam, at en an mo’gulneselat, “Walsogo re mul egeik a’ge aiat, o.” Oluk mo’gulnesirik, mesik mo’gulneselat, yu re, “Aphwami o yema oruak a’ge onowiak anoat de yagarakma hegen ai o,”
7oluk mo’gulnesirik, osolup timah sing a’ge pam tak a’ge ano husogo pasuam, mul egeik a’ge ano ogola ebano hwe mesik yagarak hweriogo oruakma nil hegi.
8Hasukhwe, at en an mo’gulneselat, “Di wiak yu wiak walsogo re hwe yuat o,” oluk, osokhwe eria pam hwe ano ineik oluk tagoma odogun sebelholuk, mul emde timah sing a’ge ano pam lasogo pasumu hegi o.
9Asogo toluk, nil sum-sum sogo, yethegi ’gal e, hwami ’biren enagapsaburl sue pedi-pedi enagap-saburl ’gela’ge hele’gikmu re, enagapsaburl hebelik poluk, o yasobu pu tisokhwe, is hwami en mul egeik a’ge ano, woluk ’bogorl erabu oruakhwe, ’gwiang orogobu oruakhwe, o ’burl eba peligagai mu hegi o.
10Asogo entegistik, at emin weneane ogu lege a’ge malaikat ano mo’guleselat, “Mul egeik a’ge ai ’geba woluk lagai o, ’geba pei lagai o?”
11Oluk, asogo mo’gulosoam at en, “Hwe ai, owi wusogo pou wagoluk, o Babel pei lagai o. At owi eba modok werik poluk, mul egeik wolomma eba yat welemagoluk pul o,” oluk, an mo’gulnosoma hegi o.
Currently Selected:
Zakharia 5: Wul
Highlight
Copy
Compare
Share
Want to have your highlights saved across all your devices? Sign up or sign in
