Roma 8
8
Allah Arogun onogola welat enebabut muat
togwi wene
1Yogodak nis Kristus Yesus emin hwedik welege a’ge Allah en wene nenebam poluk wiagapnonobua erlak o. 2An naduk e, wiak tugulomtik ologun pam enebe modok waragai ai a’ge en herle wusogo ’gela’ge tenniarok welaga. Asogo oruakma, pobuk Allah Arogun en Kristus Yesus emin hwedik taknenebasulat nenelalugapnenebiso a’ge ano en herle hebilogo nebesimu welegi o. 3Naduk e, wene Allah en nenesa’go weregei wene ano, nis aphwami nenebabut maben ai en e, obapnonobu mia aga. Mia agama re, nis aphwami nenebabut wiak togwi oruakma, Allah u’gwarek omlogo nis aphwami ’gela’ge agarik, nis wiak togu lege a’ge ai wene ebam poluk mabenap pou wagolugat perakpou wagama mabenap pesi ai. 4Naduk e, nis hegitsogo togu lemagoluk, wene Allah en nenesa’go weregei a’geat de, wiak togu lege ani o. Wiak togu legerikmu re, pobuk nis aphwami enebabut wogwi erlak welat Allah Arogun ebabut wokho hegitsogo togu lege a’ge at en egei ’gela’geat togu lemagoluk, wiak togwi ai arat mabenap pesi ai o.
5Is logon en aphwami enebabut onotogat welat togwi a’ge enebabut wogwi a’ge ai, onogola re, wene aphwami a’geat ebam eberogwi o. Ye, is logon en Allah Arogun ebabut wogwi a’ge re, onogola wene at a’geat ebam eberogwi o. 6Aphwami enebabut onotogat welat togwi a’ge ebam eberogu lema holuk, ologun pam e, enebe modok warema ai o. A’geat de, Allah Arogun en onogola ’gagalisoam togwi a’ge ebam eberogu lema holuk, enede ha’buksogo enelaluk modok welema aiat o. 7Aphwami enebabut onotogat welat togwi a’ge ano pam eberogulat, Allah eragam ’goluk iak hologo wolom mia en hologo welagai erlak ai en, at emin hwerlirak welagai o. 8Aphwami enebabut onotogat welat togwi a’ge ai togwi modok welat, Allah ede opsogo tu mia welagai ai o.
9Asogo a’geat de, his nak e, Allah Arogun demat honogola oruak holuk e, henebabut aphwami enebabut onotogat welat togwi ’gela’ge togwi erlak o. We, Allah Arogun ebabut wokho togu legep ai o. Ye, ap sa en Kristus Arogun ogola erlak holuk e, at ai ebe Kristus a’ge erlak o. 10Asogo a’geat de, his Kristus honogola oruak holuk e, henebabut wiak togu legep ai en, henebe henagap a’ge yu warorogup a’geat de, Allah en wene henebam a’ge no’gorlogo wokholuk pobuk togolik emin hwedik takhenebesi ai en, at Arogun en henelalugaphonobua ai o. 11#1Kor. 3:16At Allah en e, Kristus Yesus waragoam elalugap pesimu re, at Arogun honogola welat e, henebe henagap waraga legep a’ge yu henelalugaphonobuayat o. Ai re, at Arogun en Kristus ebe waragarik elalugap pesi ano honogola welago ai en henelalugaphonobua o.
12Narilak norokhwi. Nis en togulom a’ge oruak o. Ai re, nenebabut aphwami enebabut onotogat welat togwi ’gela’ge togulom oluk egi puk. Erlak o. 13His henebabut aphwami henebabut honotogat welat togu lorogup holuk e, henebe modok warorogup ai o. A’ge re, henebabut asogo tu ’gela’ge takhenebasuam, Allah Arogun yo’go poluk, at anni pam werak pogu lorogup holuk e, henelaluk modok wolorogup o. 14-15#Gal. 4:5-7#Mrk. 14:36; Gal. 4:6Allah en Arogun wokhentasu ai re, aphwami enebe is logon eneragam a’ge welat enebabut onogorloktak welat togwi ai ’gela’ge, takhonobogu lemagoluk wokhentasu puk. We, at Allah u’gwarek eiyagai takhenebasulat, yo’gulhonobuagoluk wokhentasu o. Ai en e, is aphwami Allah Arogun en wogonoboluk noso a’ge, enebe lo’bok e, enebe Allah eiyagaiat oruak o. Asogo welat nenebe Allah Arogun pam he’berik poluk welat e, disogo ogu lege,
“Naik Allah, naik Allah,” oluk neniak ’baksogo ogu lege ai o. 16Asogo ogu lege ai re, at Allah Arogun en,
“Henebe Allah eiyagai o,” oluk mo’gulnentasuam, nis nenedemu en ogu lege ai o. 17Nis nenebe Allah eiyagai holuk e, at Kristus di obotut yu obotut hesi ’gela’ge, hul holuk, Allah en nis Kristus eminat erliknonobua ai en e, Allah en di a’ge yu a’ge at eiyagai wogentaigoluk obok mo’gulentesi a’ge ai, at Kristus eminat woknontoma, eiye wolomul o.
Obapnonobua wene
18Nis o yogodak welege ya pam e, di obotut yu obotut hogu lege ai, weiyat ’gela’ge o. A’ge re, pobuk, Allah en nenebe ’get mu a’ge taknenebasuam e, erliknonobua ai nak e, logat o. Holuk e, emin walhoma re, emin hegit erlak, oluk nogola epasu legi o. 19’Bogorl ’gwiang di a’ge yu a’ge Allah en walhesi a’ge yema en e,
“Allah eiyagai enebe muat tagenebasuam selakma erligonobua ai metne erlige ema,” oluk, alik worogwi. 20#Kej. 3:17-19’Bogorl ’gwiang di a’ge yu a’ge ’berlek omuat almasogo weleigoluk opoluk en, alemat agarik welago puk. We, at Allah en e,
“Pobuk obaptik en e, we lodu paget asogo welemak o,” oluk ede epesi hegitsogo oruak o. 21Asogo oruak a’geat de, pobuk Allah en obap pouwa a’ge oruagat o. Ai erlige re, aphwami wiaksogo herle werak oruakma, herle hebilogo delenebiso ’gela’ge, ’bogorl ’gwiang di a’ge yu a’ge ’berlegat alemerak pasu a’ge en anni pam tenentarok oruakma, Allah en herle hebelik poluk delogo onobouwa o. Asogo onobouwa ai, at eiyagai enebe ’get mu a’ge heli’gogo enebasuam erligonobua ai ’gela’ge, ’bogorl ’gwiang di a’ge yu a’ge asogoat ’get mu a’ge heli’gogo enebasuam erliktuayat o.
22Hwami en, enemalik dagonobogulat e, ono’borl nonouk wiaksogo togulat enede o’borlogouk oso ’gela’ge, ’bogorl ’gwiang di a’ge yu a’ge Allah en walhesi a’ge yema ’berlek o page enat nonouk tagalat enede o’borlogouk ogwiat o. 23#2Kor. 5:2-4’Bogorl ’gwiang di a’ge yu a’ge ai nak nonouk tagalat, enede o’borlogouk ogwi puk. Allah en e,
“Henebe an neiyagai. Arat wokhenebegis o,” oluk nenebe nenagap nenede ’berlegat obapnonobua a’ge owan oruakhwe, so’boru a’gulakma naduk dorogwi ’gela’ge, at Arogun naduk woknentesi a’geat de, ebe pobuk taknonobouwa a’ge ai yetharok welat e, nonouk togulat nenede o’borlogouk togu lege. 24Asogo taknonobouwa o, oluk opogumu re, Allah en delnenebegeimu welege. A’ge re, ap sa ’gela’ge en,
“Pobuk disogo ema o,” oluk ede epasu oruakma, ebe arat agoam il holugat de, pobuk ede epasuat wolom no? Asogo mesik welagai erlak ai en e, nis en,
“Pobuk disogo ema o,” oluk opogu lege a’ge ai, ebe arat agoam e, nenil hege holuk e, nenede eberogwi modogat wolomul erlak o. 25A’ge re, nenede en,
“Pobuk demat disogo ema o,” oluk opogu lege a’ge nenil hogwi erlak welat nenepe mosogo yetharok welege.
26Asogo yetharok welat e, nis nenebe mabenat oruakma re, Allah Arogun en letnentasu o. Nis Allah yo’go pouwogoluk neniak no’gosogo ul oluk neneperlak oruakma re, Allah Arogun en aphwami eniak pam u puk a’ge, ede o’borlogouk eselat Allah yo’go pasu. 27Asogo yo’go pasumu re, at Allah en nonogola modok ’benerisoma no oluk e, at u’gwarek ogola epasu a’ge hegitsogo, at Arogun en at eiyagai enebaget yo’go pasumu pobi tiso yo. 28At Allah ede opoluk nis yo’go nenebesirik, nis at ebe nenede welege a’ge, at emin welat, di a’ge yu a’ge op nak emagoluk, taknenebasu nenaluk o. 29Page enat, at Allah en nis nenebe aluk welat, at omlogo ’gela’ge emagoluk poliknenebesi o. At Yesus ebe malik naduk a’ge, osi a’bigat at emin welemagoluk poliknenebesi ai. 30Nadugat Allah en nenebe poliknenebesi a’ge nak, yo’go nenebesi. Asogo yo’go nenebesi a’ge, wene nenebam a’ge no’gorlogo wokholuk, pobuk emin togolik hwedik taknenebesimu welege. Nenebe asogo hwedik taknenebesi a’ge, at ebe erliktogwi modok welagai a’ge ai ’gela’ge emagoluk woknenebegei.
Allah en nenebe edeapnenebiso wene
31Wene ’berlek ai paget, nis no’gosogo ul. Allah nis oruak o’gwe ago holuk, sa en mabenapnonobo no. Mia o. 32At u’gwarek omlogo ede om erlakma en, nis ’berlegat nenebaget waremagoluk perakpou waga. At ebabut op en asogo woknentesirik e, di a’ge yu a’ge ebam louksogo woknontouwa erlak no? Woknontouwayat o. 33Allah en nenebe pulogo woknenebegei a’ge, wene nenebam a’ge no’gorlogo wokholukmu re, pobuk wene nenebam sa en po no. Mia o. 34Ye, wene nenebam poluk e, sa en wiagapnonobu no. At Kristus Yesus waragama Allah en elalugaptegeimu re, ’bogorl pam ligagarik, at e’gik ’bekhit akhit ’gain eragam welat e, nis nenebaget Allah yo’go pasu o. 35At Kristus nenebe ede en emin hwedik oruakma re, sa en daktaknonobo no. Di obotut yu obotut taknenebasulat, e’gin a’ge nenebam pasulat, tuema en de, ai en daktaknonobo no? Mia o. Aphwami en e,
“Henebe Allah eiyagai o,” oluk wiagapnonobu ai en daktaknonobo no? So’boru obuk agalat, nonosum di a’ge yu a’ge nenerlagaik agalat, tuema en de, ai en daktaknonobo no? Yuk ogulat, nenebe watnonobogulat, tuema en de, ai en daktaknonobo no? Mia o. 36#Mzm. 44:22Wene ai hegitsogo Allah iak pam pelal wogulat, disogo egesa,
“Hat hebaget e, aphwami en erlige hwedik,
hup hwedik, watnonobuogoluk taknonobogwi modok oruak o.
Aphwami en domba wam woruogoluk obok ’balogwi ai ’gela’ge, nonobok ’balogwi modogat oruak o,”
oluk pelal wokho pegesema oruak. 37-39Asogo a’geat de, Allah nenebe ede en nonue ’gain Onuk Logo a’ge Kristus Yesus woknentesimu ebe waraga ai pam emin hwedik oruakma nenebe waromma emin, nenelaluk wolomma emin, ai en daktaknonobo mia o. Malaikat ’bogorl pam yo’go no’gwi a’ge eba logon emin, ’bogorl pam enanni oruak a’ge eba logon emin en, daktaknonobo miayat o. Di a’ge yu a’ge yogodak ago a’ge emin, pobuk ema a’ge emin, eba en daktaknonobo miayat o. Ye, anni oruak a’ge eba logon emin en, daktaknonobo miayat o. Ye, di a’ge yu a’ge ’bogorl pam welago a’ge emin, opma ogodima welago a’ge emin en, daktaknonobo miayat o. Ye, Allah en walhesi a’ge mu a’ge mesik en daktaknonobo miayat o. At Allah en nenebe edeapnenebesimu, Kristus Yesus tegei ai pam, ’berlegat asogo wiagapnenebasuam nis daktaknonobo mia o. We, aphwami wollo’gen dagalogo waronoboluk enanni agai ’gela’ge, nenanni aga lege oluk nak e, pobi taga legi o.
Currently Selected:
Roma 8: Wul
Highlight
Copy
Compare
Share
Want to have your highlights saved across all your devices? Sign up or sign in
Roma 8
8
Allah Arogun onogola welat enebabut muat
togwi wene
1Yogodak nis Kristus Yesus emin hwedik welege a’ge Allah en wene nenebam poluk wiagapnonobua erlak o. 2An naduk e, wiak tugulomtik ologun pam enebe modok waragai ai a’ge en herle wusogo ’gela’ge tenniarok welaga. Asogo oruakma, pobuk Allah Arogun en Kristus Yesus emin hwedik taknenebasulat nenelalugapnenebiso a’ge ano en herle hebilogo nebesimu welegi o. 3Naduk e, wene Allah en nenesa’go weregei wene ano, nis aphwami nenebabut maben ai en e, obapnonobu mia aga. Mia agama re, nis aphwami nenebabut wiak togwi oruakma, Allah u’gwarek omlogo nis aphwami ’gela’ge agarik, nis wiak togu lege a’ge ai wene ebam poluk mabenap pou wagolugat perakpou wagama mabenap pesi ai. 4Naduk e, nis hegitsogo togu lemagoluk, wene Allah en nenesa’go weregei a’geat de, wiak togu lege ani o. Wiak togu legerikmu re, pobuk nis aphwami enebabut wogwi erlak welat Allah Arogun ebabut wokho hegitsogo togu lege a’ge at en egei ’gela’geat togu lemagoluk, wiak togwi ai arat mabenap pesi ai o.
5Is logon en aphwami enebabut onotogat welat togwi a’ge enebabut wogwi a’ge ai, onogola re, wene aphwami a’geat ebam eberogwi o. Ye, is logon en Allah Arogun ebabut wogwi a’ge re, onogola wene at a’geat ebam eberogwi o. 6Aphwami enebabut onotogat welat togwi a’ge ebam eberogu lema holuk, ologun pam e, enebe modok warema ai o. A’geat de, Allah Arogun en onogola ’gagalisoam togwi a’ge ebam eberogu lema holuk, enede ha’buksogo enelaluk modok welema aiat o. 7Aphwami enebabut onotogat welat togwi a’ge ano pam eberogulat, Allah eragam ’goluk iak hologo wolom mia en hologo welagai erlak ai en, at emin hwerlirak welagai o. 8Aphwami enebabut onotogat welat togwi a’ge ai togwi modok welat, Allah ede opsogo tu mia welagai ai o.
9Asogo a’geat de, his nak e, Allah Arogun demat honogola oruak holuk e, henebabut aphwami enebabut onotogat welat togwi ’gela’ge togwi erlak o. We, Allah Arogun ebabut wokho togu legep ai o. Ye, ap sa en Kristus Arogun ogola erlak holuk e, at ai ebe Kristus a’ge erlak o. 10Asogo a’geat de, his Kristus honogola oruak holuk e, henebabut wiak togu legep ai en, henebe henagap a’ge yu warorogup a’geat de, Allah en wene henebam a’ge no’gorlogo wokholuk pobuk togolik emin hwedik takhenebesi ai en, at Arogun en henelalugaphonobua ai o. 11#1Kor. 3:16At Allah en e, Kristus Yesus waragoam elalugap pesimu re, at Arogun honogola welat e, henebe henagap waraga legep a’ge yu henelalugaphonobuayat o. Ai re, at Arogun en Kristus ebe waragarik elalugap pesi ano honogola welago ai en henelalugaphonobua o.
12Narilak norokhwi. Nis en togulom a’ge oruak o. Ai re, nenebabut aphwami enebabut onotogat welat togwi ’gela’ge togulom oluk egi puk. Erlak o. 13His henebabut aphwami henebabut honotogat welat togu lorogup holuk e, henebe modok warorogup ai o. A’ge re, henebabut asogo tu ’gela’ge takhenebasuam, Allah Arogun yo’go poluk, at anni pam werak pogu lorogup holuk e, henelaluk modok wolorogup o. 14-15#Gal. 4:5-7#Mrk. 14:36; Gal. 4:6Allah en Arogun wokhentasu ai re, aphwami enebe is logon eneragam a’ge welat enebabut onogorloktak welat togwi ai ’gela’ge, takhonobogu lemagoluk wokhentasu puk. We, at Allah u’gwarek eiyagai takhenebasulat, yo’gulhonobuagoluk wokhentasu o. Ai en e, is aphwami Allah Arogun en wogonoboluk noso a’ge, enebe lo’bok e, enebe Allah eiyagaiat oruak o. Asogo welat nenebe Allah Arogun pam he’berik poluk welat e, disogo ogu lege,
“Naik Allah, naik Allah,” oluk neniak ’baksogo ogu lege ai o. 16Asogo ogu lege ai re, at Allah Arogun en,
“Henebe Allah eiyagai o,” oluk mo’gulnentasuam, nis nenedemu en ogu lege ai o. 17Nis nenebe Allah eiyagai holuk e, at Kristus di obotut yu obotut hesi ’gela’ge, hul holuk, Allah en nis Kristus eminat erliknonobua ai en e, Allah en di a’ge yu a’ge at eiyagai wogentaigoluk obok mo’gulentesi a’ge ai, at Kristus eminat woknontoma, eiye wolomul o.
Obapnonobua wene
18Nis o yogodak welege ya pam e, di obotut yu obotut hogu lege ai, weiyat ’gela’ge o. A’ge re, pobuk, Allah en nenebe ’get mu a’ge taknenebasuam e, erliknonobua ai nak e, logat o. Holuk e, emin walhoma re, emin hegit erlak, oluk nogola epasu legi o. 19’Bogorl ’gwiang di a’ge yu a’ge Allah en walhesi a’ge yema en e,
“Allah eiyagai enebe muat tagenebasuam selakma erligonobua ai metne erlige ema,” oluk, alik worogwi. 20#Kej. 3:17-19’Bogorl ’gwiang di a’ge yu a’ge ’berlek omuat almasogo weleigoluk opoluk en, alemat agarik welago puk. We, at Allah en e,
“Pobuk obaptik en e, we lodu paget asogo welemak o,” oluk ede epesi hegitsogo oruak o. 21Asogo oruak a’geat de, pobuk Allah en obap pouwa a’ge oruagat o. Ai erlige re, aphwami wiaksogo herle werak oruakma, herle hebilogo delenebiso ’gela’ge, ’bogorl ’gwiang di a’ge yu a’ge ’berlegat alemerak pasu a’ge en anni pam tenentarok oruakma, Allah en herle hebelik poluk delogo onobouwa o. Asogo onobouwa ai, at eiyagai enebe ’get mu a’ge heli’gogo enebasuam erligonobua ai ’gela’ge, ’bogorl ’gwiang di a’ge yu a’ge asogoat ’get mu a’ge heli’gogo enebasuam erliktuayat o.
22Hwami en, enemalik dagonobogulat e, ono’borl nonouk wiaksogo togulat enede o’borlogouk oso ’gela’ge, ’bogorl ’gwiang di a’ge yu a’ge Allah en walhesi a’ge yema ’berlek o page enat nonouk tagalat enede o’borlogouk ogwiat o. 23#2Kor. 5:2-4’Bogorl ’gwiang di a’ge yu a’ge ai nak nonouk tagalat, enede o’borlogouk ogwi puk. Allah en e,
“Henebe an neiyagai. Arat wokhenebegis o,” oluk nenebe nenagap nenede ’berlegat obapnonobua a’ge owan oruakhwe, so’boru a’gulakma naduk dorogwi ’gela’ge, at Arogun naduk woknentesi a’geat de, ebe pobuk taknonobouwa a’ge ai yetharok welat e, nonouk togulat nenede o’borlogouk togu lege. 24Asogo taknonobouwa o, oluk opogumu re, Allah en delnenebegeimu welege. A’ge re, ap sa ’gela’ge en,
“Pobuk disogo ema o,” oluk ede epasu oruakma, ebe arat agoam il holugat de, pobuk ede epasuat wolom no? Asogo mesik welagai erlak ai en e, nis en,
“Pobuk disogo ema o,” oluk opogu lege a’ge ai, ebe arat agoam e, nenil hege holuk e, nenede eberogwi modogat wolomul erlak o. 25A’ge re, nenede en,
“Pobuk demat disogo ema o,” oluk opogu lege a’ge nenil hogwi erlak welat nenepe mosogo yetharok welege.
26Asogo yetharok welat e, nis nenebe mabenat oruakma re, Allah Arogun en letnentasu o. Nis Allah yo’go pouwogoluk neniak no’gosogo ul oluk neneperlak oruakma re, Allah Arogun en aphwami eniak pam u puk a’ge, ede o’borlogouk eselat Allah yo’go pasu. 27Asogo yo’go pasumu re, at Allah en nonogola modok ’benerisoma no oluk e, at u’gwarek ogola epasu a’ge hegitsogo, at Arogun en at eiyagai enebaget yo’go pasumu pobi tiso yo. 28At Allah ede opoluk nis yo’go nenebesirik, nis at ebe nenede welege a’ge, at emin welat, di a’ge yu a’ge op nak emagoluk, taknenebasu nenaluk o. 29Page enat, at Allah en nis nenebe aluk welat, at omlogo ’gela’ge emagoluk poliknenebesi o. At Yesus ebe malik naduk a’ge, osi a’bigat at emin welemagoluk poliknenebesi ai. 30Nadugat Allah en nenebe poliknenebesi a’ge nak, yo’go nenebesi. Asogo yo’go nenebesi a’ge, wene nenebam a’ge no’gorlogo wokholuk, pobuk emin togolik hwedik taknenebesimu welege. Nenebe asogo hwedik taknenebesi a’ge, at ebe erliktogwi modok welagai a’ge ai ’gela’ge emagoluk woknenebegei.
Allah en nenebe edeapnenebiso wene
31Wene ’berlek ai paget, nis no’gosogo ul. Allah nis oruak o’gwe ago holuk, sa en mabenapnonobo no. Mia o. 32At u’gwarek omlogo ede om erlakma en, nis ’berlegat nenebaget waremagoluk perakpou waga. At ebabut op en asogo woknentesirik e, di a’ge yu a’ge ebam louksogo woknontouwa erlak no? Woknontouwayat o. 33Allah en nenebe pulogo woknenebegei a’ge, wene nenebam a’ge no’gorlogo wokholukmu re, pobuk wene nenebam sa en po no. Mia o. 34Ye, wene nenebam poluk e, sa en wiagapnonobu no. At Kristus Yesus waragama Allah en elalugaptegeimu re, ’bogorl pam ligagarik, at e’gik ’bekhit akhit ’gain eragam welat e, nis nenebaget Allah yo’go pasu o. 35At Kristus nenebe ede en emin hwedik oruakma re, sa en daktaknonobo no. Di obotut yu obotut taknenebasulat, e’gin a’ge nenebam pasulat, tuema en de, ai en daktaknonobo no? Mia o. Aphwami en e,
“Henebe Allah eiyagai o,” oluk wiagapnonobu ai en daktaknonobo no? So’boru obuk agalat, nonosum di a’ge yu a’ge nenerlagaik agalat, tuema en de, ai en daktaknonobo no? Yuk ogulat, nenebe watnonobogulat, tuema en de, ai en daktaknonobo no? Mia o. 36#Mzm. 44:22Wene ai hegitsogo Allah iak pam pelal wogulat, disogo egesa,
“Hat hebaget e, aphwami en erlige hwedik,
hup hwedik, watnonobuogoluk taknonobogwi modok oruak o.
Aphwami en domba wam woruogoluk obok ’balogwi ai ’gela’ge, nonobok ’balogwi modogat oruak o,”
oluk pelal wokho pegesema oruak. 37-39Asogo a’geat de, Allah nenebe ede en nonue ’gain Onuk Logo a’ge Kristus Yesus woknentesimu ebe waraga ai pam emin hwedik oruakma nenebe waromma emin, nenelaluk wolomma emin, ai en daktaknonobo mia o. Malaikat ’bogorl pam yo’go no’gwi a’ge eba logon emin, ’bogorl pam enanni oruak a’ge eba logon emin en, daktaknonobo miayat o. Di a’ge yu a’ge yogodak ago a’ge emin, pobuk ema a’ge emin, eba en daktaknonobo miayat o. Ye, anni oruak a’ge eba logon emin en, daktaknonobo miayat o. Ye, di a’ge yu a’ge ’bogorl pam welago a’ge emin, opma ogodima welago a’ge emin en, daktaknonobo miayat o. Ye, Allah en walhesi a’ge mu a’ge mesik en daktaknonobo miayat o. At Allah en nenebe edeapnenebesimu, Kristus Yesus tegei ai pam, ’berlegat asogo wiagapnenebasuam nis daktaknonobo mia o. We, aphwami wollo’gen dagalogo waronoboluk enanni agai ’gela’ge, nenanni aga lege oluk nak e, pobi taga legi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in