Roma 7
7
Ap en hwami wogonobogwi ai ebam elit
tegei wene
1Narilak norokhwi. Allah en e,
“Disogo tip, asogo tip,” oluk nenesa’go weregei wene ai, aphwami enebe enelaluk welat wene ano tenak poluk welat hegitsogo togwi erlak holuk wene enebam ago yo. A’ge re, enebe waragai holuk, wene enebam ago erlak oluk heneperlak no? Erlak o. Henaluk a’geat mo’gulhentasu legi o. 2Is hwami onogunlak wogo a’ge re, onogunlak enebe enelaluk oruakhwe, wene Allah en nenesa’go weregei wene ai pam, enemin herle hettak ’gela’ge opsogo welago erlak holuk, wene enebam om o. A’ge re, onogunlak waragaiam nak e, herle hettak a’ge ’gela’ge ano hebilago holuk, wene enebam po erlak. 3Hwe mesik en e, ogun elaluk oruakhweat de, ap mu a’ge wasu holuk, aphwami en e,
“’Babiat ’gela’ge wesi o,” oluk obok wiagat u o. A’ge re, ogun ebe warago holuk e, wene Allah en nenesa’go weregei wene ai pam herle hettak ’gela’ge welegesa ai, arat hebilaga o, oluk, ap mesik elirat wo yo. Wasuam e,
“’Babiat ’gela’ge wesi o,” oluk u mia o.
4Ai ’gela’ge re, narilak norokhwi. His naduk e, hwami onogunlak enemin herle hettak ’gela’ge welagai ege ai ’gela’ge, wene Allah en nenesa’go weregei wene ano pam hettak oruakma, at Kristus ebe werigisema waraga ai, eminat waragalat, herle ’gela’ge hettak welegep a’ge ai arat hebilaga ai o. Ai en e, hwami onogunlak waragaiam e, mesik elit wogonobu ai ’gela’ge, his Allah paget opsogo togu lemagoluk, at Yesus waragarikmu Allah en elalugap pesi a’ge ano en wokhenebegeimu welegep o. 5Naduk e, nis nenebabut e, aphwami enebabut nonotogat welege. Asogo welat, wene Allah en nenesa’go weregei wene ano oruak en, nenebam aganhan agoam e, nene’gik nonoyuk nenebe ebesik en wiak togwiam ologun pam e, modok waraga lege ai o. 6Naduk e, wene Allah en nenesa’go weregei wene ano pam herle werak ’gela’ge welege a’ge, Kristus waragalat nis eminat warege ai pam, Allah en herle hebilnenebegeimu welege o. Yogodak e, Allah eragam a’ge welat, wene at en nenesa’go weregei a’ge pelal wogo a’ge nenil nak ’gwelakhogulat, togu lege ai ’gela’ge re, togu lege erlak. We, Allah Arogun en nenebabut ’get a’ge taknenebasukhwe, togu lege o.
Wene Allah en nenesa’go weregei a’ge ai pam, wiak togwi a’ge enagat aga wene
7 #
Kel. 20:17; Ula. 5:21 Ai holuk e, nis en no’gosogo ul. Wene Allah en nenesa’go weregei wene ai wiak u no? Modok erlak o. A’ge re, wene asogo nenesa’go werak erlak wellepma re, wiak togwi a’ge ai no’gosogo hwe, neperlagat welle o. Allah en e, wene nenesa’go weregei a’ge ai weriselat e,
“Aphwami logon ena’ge-a’ge,
Nagai o, oluk honogola epagup o,”
oluk elip erlak wellepma re, aphwami logon ena’ge-a’ge,
Nagai o, epasu legi ai pobirak erlakma en, neperlagat welle o. 8Ai enat, wene Allah en nenesa’go weregei wene ai pam, wiak a’ge en e, an wiak tuagoluk,
“Di a’ge yu a’ge aphwami ena’ge-a’ge, hogola en, hagai hemen o,” oluk nogola ’gagalise laga o. Wene Allah en nenesa’go ai werak erlakma wiak tu a’ge, wongat welege o. 9An naduk e, wene Allah en nenesa’go weregei wene ano neperlak welat e, nelaluk obat welegi oluk welegi. A’ge re, wene nenesa’go weregei wene ano naluk agarikmu en e, wiak togwi ai a’ge anni agama, 10an e, werak a’ge ’gela’ge egi o. Allah en e, nelaluk welemagoluk nesa’go weregei a’geat de, wene ai pam e, waregi a’ge ’gela’ge egi ai o. 11#Kej. 3:13Allah en nenesa’go weregei wene ai pam e, wiak togwi ai nogola ’gagalogo re, lalnebegeitik e, nebe watnebegei ai o. 12Wene Allah en nenesa’go weregei wene ai re, Allah iagat o.
“Disogo togup, asogo togup,” oluk nenesa’go weregei wene ai ebe lo’bok e, at iagat o. Wene ai hegitsogo op modogat egei o. 13Holuk e, wene ai op modok egei a’ge ai en an nebe waregi no? Modok erlak o. Wiak togwi ai enat o. Wiak togwi ai en, op a’ge ai pam wusogo nebesimu re, enagat aga o. Wene Allah en nenesa’go weregei ai pam e, enebabut wiak togwi ai modok wiak, oluk enagat aga ai o.
“Nogola en e, an opsogo nak taga leik, epasu legi a’geat de, ebe demat taga legi erlak o,”
oluk egei wene
14Wene Allah en nenesa’go weregei wene ai, at Arogun en mo’gulnentesirikmu no oluk e, op modogat o, oluk e, nenaluk o. A’ge re, an nebabut e, aphwami enebabut onotok ai ’gela’geat welegi. Wiak togwi ai a’ge en eragam nebaigoluk o’go ’balogo ’gela’ge woknebegeimu welegi o. 15#Gal. 5:17Ai en e, an nogola en,
“Di a’ge yu a’ge opsogo nak tagalle,” oluk nagai epasu legi ano, ebe demat taga legi erlak. A’geat de, nebit epasu legi a’ge anoat tago ai en e, an taga legi a’ge ai nu’gwarek en pobirak erlak welegi o. 16An nogola en nagai epasu legi a’ge ano tu erlak. We nebit epasu legi a’ge taga legi ai re,
“Wene Allah en nenesa’go weregei a’ge aiat op o,” oluk u ’gela’geat taga legi o. 17An nebabut asogo taga legi ai re, an en taga legi puk. We, wiak togwi a’ge nogola welat tago yo. 18Hegitsogo tigoluk nagai epasu legi a’geat de, ebe an en tu re, mia o. Ai re, an nebabut e, op a’ge mesik tago puk. We, nebabut aphwami enebabut a’ge notogat welat taga legi, oluk naluk o. 19Op a’ge tigoluk epasu legi a’geat de, ebe demat taga legi erlak o. We, wiak a’ge tigoluk epasu legi erlak a’geat de, ai a’geat taga legi o. 20Nogola en ogo nagai epasu legi erlak. Nebit epasu legi a’ge taga legi holuk e, an nebe yen taga legi erlak hegi. We, wiak togwi a’ge nogola welago a’ge ai enat tago yo.
21An nebabut taga legi egi ai re, disogo hasu legi. Opsogo tigoluk tisoam e, wiak tu a’ge nak taknebasu o. 22An nogola en e,
“Wene Allah en nenesa’go weregei a’ge ai op o,” oluk epasu legi a’geat de, 23ne’gik noyuk nebe ebesik e, mu a’geat tagalat, wene Allah en nenesa’go weregei a’ge ano nogola en op epasu legi a’ge ai sebeligoluk tiso yo. Ne’gik noyuk nebe ebesigat yema wiak nak taga legi ai en e, nebe wiak tuagoluk herle wusogo ’gela’ge nebasu ai o. 24-25An nu’gwarek nogola re, wene Allah en nenesa’go weregei wene ai hwelak weleik epasu legi a’geat de, nebabut aphwami enebabut onotogat welat togwi a’ge ano en mo’gulnosoam e, iak hologo welago ai o. Asogo welago ai en, nebe modok watnobua ai re, eige. Sa en delnobua. Nue ’gain Onuk Logo a’ge Yesus Kristus tegei ai pam delnobua ai en e, “Naik Allah o,” oluk hau werise legi o.
Currently Selected:
Roma 7: Wul
Highlight
Copy
Compare
Share
Want to have your highlights saved across all your devices? Sign up or sign in
Roma 7
7
Ap en hwami wogonobogwi ai ebam elit
tegei wene
1Narilak norokhwi. Allah en e,
“Disogo tip, asogo tip,” oluk nenesa’go weregei wene ai, aphwami enebe enelaluk welat wene ano tenak poluk welat hegitsogo togwi erlak holuk wene enebam ago yo. A’ge re, enebe waragai holuk, wene enebam ago erlak oluk heneperlak no? Erlak o. Henaluk a’geat mo’gulhentasu legi o. 2Is hwami onogunlak wogo a’ge re, onogunlak enebe enelaluk oruakhwe, wene Allah en nenesa’go weregei wene ai pam, enemin herle hettak ’gela’ge opsogo welago erlak holuk, wene enebam om o. A’ge re, onogunlak waragaiam nak e, herle hettak a’ge ’gela’ge ano hebilago holuk, wene enebam po erlak. 3Hwe mesik en e, ogun elaluk oruakhweat de, ap mu a’ge wasu holuk, aphwami en e,
“’Babiat ’gela’ge wesi o,” oluk obok wiagat u o. A’ge re, ogun ebe warago holuk e, wene Allah en nenesa’go weregei wene ai pam herle hettak ’gela’ge welegesa ai, arat hebilaga o, oluk, ap mesik elirat wo yo. Wasuam e,
“’Babiat ’gela’ge wesi o,” oluk u mia o.
4Ai ’gela’ge re, narilak norokhwi. His naduk e, hwami onogunlak enemin herle hettak ’gela’ge welagai ege ai ’gela’ge, wene Allah en nenesa’go weregei wene ano pam hettak oruakma, at Kristus ebe werigisema waraga ai, eminat waragalat, herle ’gela’ge hettak welegep a’ge ai arat hebilaga ai o. Ai en e, hwami onogunlak waragaiam e, mesik elit wogonobu ai ’gela’ge, his Allah paget opsogo togu lemagoluk, at Yesus waragarikmu Allah en elalugap pesi a’ge ano en wokhenebegeimu welegep o. 5Naduk e, nis nenebabut e, aphwami enebabut nonotogat welege. Asogo welat, wene Allah en nenesa’go weregei wene ano oruak en, nenebam aganhan agoam e, nene’gik nonoyuk nenebe ebesik en wiak togwiam ologun pam e, modok waraga lege ai o. 6Naduk e, wene Allah en nenesa’go weregei wene ano pam herle werak ’gela’ge welege a’ge, Kristus waragalat nis eminat warege ai pam, Allah en herle hebilnenebegeimu welege o. Yogodak e, Allah eragam a’ge welat, wene at en nenesa’go weregei a’ge pelal wogo a’ge nenil nak ’gwelakhogulat, togu lege ai ’gela’ge re, togu lege erlak. We, Allah Arogun en nenebabut ’get a’ge taknenebasukhwe, togu lege o.
Wene Allah en nenesa’go weregei a’ge ai pam, wiak togwi a’ge enagat aga wene
7 #
Kel. 20:17; Ula. 5:21 Ai holuk e, nis en no’gosogo ul. Wene Allah en nenesa’go weregei wene ai wiak u no? Modok erlak o. A’ge re, wene asogo nenesa’go werak erlak wellepma re, wiak togwi a’ge ai no’gosogo hwe, neperlagat welle o. Allah en e, wene nenesa’go weregei a’ge ai weriselat e,
“Aphwami logon ena’ge-a’ge,
Nagai o, oluk honogola epagup o,”
oluk elip erlak wellepma re, aphwami logon ena’ge-a’ge,
Nagai o, epasu legi ai pobirak erlakma en, neperlagat welle o. 8Ai enat, wene Allah en nenesa’go weregei wene ai pam, wiak a’ge en e, an wiak tuagoluk,
“Di a’ge yu a’ge aphwami ena’ge-a’ge, hogola en, hagai hemen o,” oluk nogola ’gagalise laga o. Wene Allah en nenesa’go ai werak erlakma wiak tu a’ge, wongat welege o. 9An naduk e, wene Allah en nenesa’go weregei wene ano neperlak welat e, nelaluk obat welegi oluk welegi. A’ge re, wene nenesa’go weregei wene ano naluk agarikmu en e, wiak togwi ai a’ge anni agama, 10an e, werak a’ge ’gela’ge egi o. Allah en e, nelaluk welemagoluk nesa’go weregei a’geat de, wene ai pam e, waregi a’ge ’gela’ge egi ai o. 11#Kej. 3:13Allah en nenesa’go weregei wene ai pam e, wiak togwi ai nogola ’gagalogo re, lalnebegeitik e, nebe watnebegei ai o. 12Wene Allah en nenesa’go weregei wene ai re, Allah iagat o.
“Disogo togup, asogo togup,” oluk nenesa’go weregei wene ai ebe lo’bok e, at iagat o. Wene ai hegitsogo op modogat egei o. 13Holuk e, wene ai op modok egei a’ge ai en an nebe waregi no? Modok erlak o. Wiak togwi ai enat o. Wiak togwi ai en, op a’ge ai pam wusogo nebesimu re, enagat aga o. Wene Allah en nenesa’go weregei ai pam e, enebabut wiak togwi ai modok wiak, oluk enagat aga ai o.
“Nogola en e, an opsogo nak taga leik, epasu legi a’geat de, ebe demat taga legi erlak o,”
oluk egei wene
14Wene Allah en nenesa’go weregei wene ai, at Arogun en mo’gulnentesirikmu no oluk e, op modogat o, oluk e, nenaluk o. A’ge re, an nebabut e, aphwami enebabut onotok ai ’gela’geat welegi. Wiak togwi ai a’ge en eragam nebaigoluk o’go ’balogo ’gela’ge woknebegeimu welegi o. 15#Gal. 5:17Ai en e, an nogola en,
“Di a’ge yu a’ge opsogo nak tagalle,” oluk nagai epasu legi ano, ebe demat taga legi erlak. A’geat de, nebit epasu legi a’ge anoat tago ai en e, an taga legi a’ge ai nu’gwarek en pobirak erlak welegi o. 16An nogola en nagai epasu legi a’ge ano tu erlak. We nebit epasu legi a’ge taga legi ai re,
“Wene Allah en nenesa’go weregei a’ge aiat op o,” oluk u ’gela’geat taga legi o. 17An nebabut asogo taga legi ai re, an en taga legi puk. We, wiak togwi a’ge nogola welat tago yo. 18Hegitsogo tigoluk nagai epasu legi a’geat de, ebe an en tu re, mia o. Ai re, an nebabut e, op a’ge mesik tago puk. We, nebabut aphwami enebabut a’ge notogat welat taga legi, oluk naluk o. 19Op a’ge tigoluk epasu legi a’geat de, ebe demat taga legi erlak o. We, wiak a’ge tigoluk epasu legi erlak a’geat de, ai a’geat taga legi o. 20Nogola en ogo nagai epasu legi erlak. Nebit epasu legi a’ge taga legi holuk e, an nebe yen taga legi erlak hegi. We, wiak togwi a’ge nogola welago a’ge ai enat tago yo.
21An nebabut taga legi egi ai re, disogo hasu legi. Opsogo tigoluk tisoam e, wiak tu a’ge nak taknebasu o. 22An nogola en e,
“Wene Allah en nenesa’go weregei a’ge ai op o,” oluk epasu legi a’geat de, 23ne’gik noyuk nebe ebesik e, mu a’geat tagalat, wene Allah en nenesa’go weregei a’ge ano nogola en op epasu legi a’ge ai sebeligoluk tiso yo. Ne’gik noyuk nebe ebesigat yema wiak nak taga legi ai en e, nebe wiak tuagoluk herle wusogo ’gela’ge nebasu ai o. 24-25An nu’gwarek nogola re, wene Allah en nenesa’go weregei wene ai hwelak weleik epasu legi a’geat de, nebabut aphwami enebabut onotogat welat togwi a’ge ano en mo’gulnosoam e, iak hologo welago ai o. Asogo welago ai en, nebe modok watnobua ai re, eige. Sa en delnobua. Nue ’gain Onuk Logo a’ge Yesus Kristus tegei ai pam delnobua ai en e, “Naik Allah o,” oluk hau werise legi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in