Bilangan 34
34
O no’gwiang hwerli ’belak wolom wene
1At Allah en Musa mo’guleselat
2“Is Israel a’ge wene mo’gulentasulat, enemining a’ge ’gela’ge ono’gwiang wogonto a’ge hwerli wolom ano re yuat o.
3Ono’gwiang me’gerik logon o sogweik akhit hwerlitak wolom ano re, o lei onuk Zin en is aphwami Edom a’ge ono’gwiang siok maat welema ani o. Ye, o abel pema akhit hwerli wolom ano re, o mo orlu ago akhit o’gwe hegit Ik Mayu egeik oruak akhit horoksogo. 4Abel pema akhit de sogweik dom edip akhit o Zin lagaimu dom huk tak a’ge mesik onuk Akrabim eba loluk, en ’bekhit, o sogweik orogobu no de abel akhit ologun hun-hun e, o Kades-Barnea ebano ’bi lotluk, en pobuk o Hazar-Adar eba lasulat, o Azmon lasulat, tagalom a’ge tak welemak o. 5O Azmon hwerli lai lotluk, egim agam ik wei a’ge mesik onuk Mesir lasu a’ge ano motluk loluk, ologun ik lok yegelak Laut Tengah pam dungtak welemak o.
6Ye, o mo obuk ilasu akhit o’gwe ono’gwiang horli siok wolom ano re, ik lok yegelak a’ge laut tengah welaga aiat o.
7O sogweik akhit o’gwe ono’gwiang hwerli wolom ano re, edip ik lok yegelak Laut Tengah pam en dungtak poluk en, ’bekhit o mo orlu ago akhit o’gwe dom hot pam en ’bekhit, 8O Hamat lasulat, eba en o Zedad lasulat, 9eba en o Zifron lasulat, ye, eba en ologun o Hazar-Enan lasulat, tak welemak o, ono’gwiang o abel akhit o’gwe hwerlitak poma wolom ano re aiat o,
10o mo orlu ago akhit o’gwe ono’gwiang hwerli siok takpoma wolom ano re, o Hazar-enan horoksogo, orogobu o sogweik akhit o Sefam en ’bekhit, 11o Hin o mo orlu ago akhit o’gwe o Ribla, en ’bekhit, ik yegelak Galilea o mo orlu ogo akhit o’gwe oruakhwe, dom edipmu ogobu 12ik Yordan som orogobu ik mayu egeik yegelak hwerliat welemak o. Ono ’gwiang hwerli ’bal-’bal hwerlirak wolom ano re, aiat o, oluk egei oluk mo’gulontomup o,” oluk mo’gulesi.
’Gwiang o Kanaan so’but entesi wene
13-14 #
Bil. 26:52-56
#
Yos. 14:1-5
Asogo mo’gulesimu, at Musa en Israel a’ge wene mo’gulentasulat, “ena’gul onuk Ruben a’ge en dogo ’gwe a’ge enebe lo’bok emin, ena’gul onuk Gad a’ge en dogo ’gwe a’ge enebe lo’bok emin, ena’gul onuk Manasye a’ge en ado me’gerik emin, ai, enemining a’ge ’gela’ge ono’gwiang arat hwerlegesarikmu re, at Allah en, ena’gul onuk 9 a’ge emin, a’gul onuk mesigat a’ge ado me’gerik a’ge ebano emin, ebano nagat wogonto yo; oluk, an mo’gulnesimu, enemining a’ge ’gela’ge ’gwiang mesik ’belak ai, a’gul onuk sa a’ge hwerlasumu hul? oluk, helep pam walhegeik horlogu lomup o 15Ena’gul onuk ’biren emin, a’gul onuk mesik pema me’gerik a’ge emin, enemining a’ge ’gela’ge ono’gwiang o Yerikho horoksogo o mo orlu ago akhit o’gwe ik Yordan iak yu akhit arat hwerlegesa ano emde egi o,” oluk mo’gulentesi.
16At Allah en Musa mo’guleselat,
17“Is ap enemining a’ge ’gela’ge ono’gwiang so’but onto a’ge ononuk e, ap Allah eiye a’ge Eleazar emin, ap Nun omlogo Yosua emin, aiat o. 18Is Israel a’ge ena’gul onuk lo’bok onuelak mesik-mesik nak is ’biren eria re, enemin en enemining a’ge ’gela’ge ’gwiang so’burontouwak oluk, wogenebit o. 19Wogonobogun a’ge ononuk yuat o
a’gul onuk Yehuda a’ge re, ap Yefune omlogo Kaleb
20A’gul onuk Simeon a’ge re, ap Amihud omlogo Samuel.
21A’gul onuk Benyamin a’ge re, ap Kislon omlogo Elidad.
22A’gul onuk Dan a’ge onue re, ap Yogli omlogo Buki.
23A’gul onuk Yusuf omlogo Manasye a’ge onue re, ap Efod omlogo Haniel.
24A’gul onuk Yusuf omlogo Efraim a’ge onue re, ap Siftan omlogo Kemuel.
25A’gul onuk Zebulon a’ge onue re, ap Parnah omlogo Elisafan.
26A’gul onuk Isakhar a’ge onue re, ap Azan omlogo Paltiel.
27A’gul onuk Asyer a’ge onue re, ap Selomi omlogo Ahihud.
28Ye, a’gul onuk Naftali a’ge onue re, ap Amihud omlogo Pedael at o,”
oluk, mo’gulesi.
29O Kanaan is aphwami Israel enemining a’ge ’gela’ge ono’gwiang so’but onto a’ge at Allah en poligenebesi a’ge ano re, is ap aiat o.
Currently Selected:
Bilangan 34: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 34
34
O no’gwiang hwerli ’belak wolom wene
1At Allah en Musa mo’guleselat
2“Is Israel a’ge wene mo’gulentasulat, enemining a’ge ’gela’ge ono’gwiang wogonto a’ge hwerli wolom ano re yuat o.
3Ono’gwiang me’gerik logon o sogweik akhit hwerlitak wolom ano re, o lei onuk Zin en is aphwami Edom a’ge ono’gwiang siok maat welema ani o. Ye, o abel pema akhit hwerli wolom ano re, o mo orlu ago akhit o’gwe hegit Ik Mayu egeik oruak akhit horoksogo. 4Abel pema akhit de sogweik dom edip akhit o Zin lagaimu dom huk tak a’ge mesik onuk Akrabim eba loluk, en ’bekhit, o sogweik orogobu no de abel akhit ologun hun-hun e, o Kades-Barnea ebano ’bi lotluk, en pobuk o Hazar-Adar eba lasulat, o Azmon lasulat, tagalom a’ge tak welemak o. 5O Azmon hwerli lai lotluk, egim agam ik wei a’ge mesik onuk Mesir lasu a’ge ano motluk loluk, ologun ik lok yegelak Laut Tengah pam dungtak welemak o.
6Ye, o mo obuk ilasu akhit o’gwe ono’gwiang horli siok wolom ano re, ik lok yegelak a’ge laut tengah welaga aiat o.
7O sogweik akhit o’gwe ono’gwiang hwerli wolom ano re, edip ik lok yegelak Laut Tengah pam en dungtak poluk en, ’bekhit o mo orlu ago akhit o’gwe dom hot pam en ’bekhit, 8O Hamat lasulat, eba en o Zedad lasulat, 9eba en o Zifron lasulat, ye, eba en ologun o Hazar-Enan lasulat, tak welemak o, ono’gwiang o abel akhit o’gwe hwerlitak poma wolom ano re aiat o,
10o mo orlu ago akhit o’gwe ono’gwiang hwerli siok takpoma wolom ano re, o Hazar-enan horoksogo, orogobu o sogweik akhit o Sefam en ’bekhit, 11o Hin o mo orlu ago akhit o’gwe o Ribla, en ’bekhit, ik yegelak Galilea o mo orlu ogo akhit o’gwe oruakhwe, dom edipmu ogobu 12ik Yordan som orogobu ik mayu egeik yegelak hwerliat welemak o. Ono ’gwiang hwerli ’bal-’bal hwerlirak wolom ano re, aiat o, oluk egei oluk mo’gulontomup o,” oluk mo’gulesi.
’Gwiang o Kanaan so’but entesi wene
13-14 #
Bil. 26:52-56
#
Yos. 14:1-5
Asogo mo’gulesimu, at Musa en Israel a’ge wene mo’gulentasulat, “ena’gul onuk Ruben a’ge en dogo ’gwe a’ge enebe lo’bok emin, ena’gul onuk Gad a’ge en dogo ’gwe a’ge enebe lo’bok emin, ena’gul onuk Manasye a’ge en ado me’gerik emin, ai, enemining a’ge ’gela’ge ono’gwiang arat hwerlegesarikmu re, at Allah en, ena’gul onuk 9 a’ge emin, a’gul onuk mesigat a’ge ado me’gerik a’ge ebano emin, ebano nagat wogonto yo; oluk, an mo’gulnesimu, enemining a’ge ’gela’ge ’gwiang mesik ’belak ai, a’gul onuk sa a’ge hwerlasumu hul? oluk, helep pam walhegeik horlogu lomup o 15Ena’gul onuk ’biren emin, a’gul onuk mesik pema me’gerik a’ge emin, enemining a’ge ’gela’ge ono’gwiang o Yerikho horoksogo o mo orlu ago akhit o’gwe ik Yordan iak yu akhit arat hwerlegesa ano emde egi o,” oluk mo’gulentesi.
16At Allah en Musa mo’guleselat,
17“Is ap enemining a’ge ’gela’ge ono’gwiang so’but onto a’ge ononuk e, ap Allah eiye a’ge Eleazar emin, ap Nun omlogo Yosua emin, aiat o. 18Is Israel a’ge ena’gul onuk lo’bok onuelak mesik-mesik nak is ’biren eria re, enemin en enemining a’ge ’gela’ge ’gwiang so’burontouwak oluk, wogenebit o. 19Wogonobogun a’ge ononuk yuat o
a’gul onuk Yehuda a’ge re, ap Yefune omlogo Kaleb
20A’gul onuk Simeon a’ge re, ap Amihud omlogo Samuel.
21A’gul onuk Benyamin a’ge re, ap Kislon omlogo Elidad.
22A’gul onuk Dan a’ge onue re, ap Yogli omlogo Buki.
23A’gul onuk Yusuf omlogo Manasye a’ge onue re, ap Efod omlogo Haniel.
24A’gul onuk Yusuf omlogo Efraim a’ge onue re, ap Siftan omlogo Kemuel.
25A’gul onuk Zebulon a’ge onue re, ap Parnah omlogo Elisafan.
26A’gul onuk Isakhar a’ge onue re, ap Azan omlogo Paltiel.
27A’gul onuk Asyer a’ge onue re, ap Selomi omlogo Ahihud.
28Ye, a’gul onuk Naftali a’ge onue re, ap Amihud omlogo Pedael at o,”
oluk, mo’gulesi.
29O Kanaan is aphwami Israel enemining a’ge ’gela’ge ono’gwiang so’but onto a’ge at Allah en poligenebesi a’ge ano re, is ap aiat o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in