Bilangan 32
32
Ado pema ik Yordan mo orlu ago hegit akhit o’gwe ono’gwiang wogentesi wene
1Is ena’gul onuk o Ruben a’ge emin, Gad a’ge emin, is onuam a’bikmu re, o Yaezer emin, Gilead emin, ’gwiang eba onuam e’gela ’balogo nil no’gulom a’ge op nak oruakma enil hegesarik, 2Musa emin, ap Allah eiye a’ge Eleazar emin, is ap onuelak ’gwelagentarok welagai a’ge emin, oruakma ene’bek wegesarik, mo’gulontogulat, 3“’Gwiang o Atarot emin, Dibon emin, Yaezer emin, Nimra emin, Hesybon emin, Eleale emin, Sebam emin, Nebo emin, Beon emin, 4o eba ’berlegat at Allah en nis Israel a’ge nenebaget weim ’balegeimu re, nis heragam a’ge nonuam yema, ’gwiang modok opma eba wolom opma re, 5Ik Yordan etle akhit etleba libemis o, oluk mo’gulnentagup nogo mia o. At e, hedeap nonoboluk ’gwiang yemaat nis heragam a’ge eiye wolomul ene woknentemin o.”
6Oluk mo’gulegisema, at Musa en is Gad a’ge emin, Ruben a’ge emin, mo’gulentasulat, “His henarilak o eba weim tu a’ge paget libagaihwe, his nak yema wolom a’ge oluk en, egep i? 7At Allah en aphwami Israel a’ge o ik Yordan etle akhit ono’gwiang wogentesimu ebano libom a’ge, nopaget en enede e’gin ap onobogu legep? 8#Bil. 13:17-33His en ogu legep ai ’gela’ge his hene’balak page o Kades-Barnea eba welat, o eba henil ’gogoli lit o, oluk, mo’gulentesimu, 9o yema wegesarik, o Eskol dogoma enil ’gogol holuk, pobuk togolik legesarik, at Allah en ono’gwiang wogentesimu yema eiyetak pagathwerlau wom ’gela’ge arilak onogola bi-’betesogo sebelak enebegesema, 10-11#Bil. 14:26-35agauwa ai erlige at Allah olot het agalat, is o Mesir en wogonoboluk liplau waga a’ge ap dogo oruakhwe tahun 20 en legeik til laga a’ge ebano, pam niak holak poluk, opsogoat togwi erlak holuk e, an en ap Abraham emin, Isak emin, Yakub emin, ’gwiang wokhentaik o, oluk, ho’buk ’balogo hwiak entegismu ebano is ap yu, mesigat nak ogo mesik enil houwa modok erlak o. 12At e, is ap enebe ’biren Yefune omlogo Kaleb a’gul onuk Kenas a’ge emin, nun omlogo Yosua emin, nak hologo, enede sebelho erlakma en, modok daksogoat tegisema re, is emin nagat ’gwi louwa o. 13At Allah olot het hobu ’gela’ge Israel a’ge enebam poluk, ugenebesimu, o lei o’gwe wale’gil denagaimu en, tahun 40 togulat, is enemin hegisogo dogo a’ge ’berlegat at Allah il pam wiak tegisa a’ge ebano o lei o’gwe eba waretil louwagoluk, tagenebesi.
14Asogo takma re, his yu, hene’balak page wiak togwi a’ge edip hisatma re, is aphwami wiak togwi a’ge enemin otluk, togwi ano pam is aphwami Israel a’ge at Allah olot het odouk ’gela’ge mesik emin enebam ’bo pouwa ai op at oluk ogwi hegi o. 15At Allah his hono’borl akhit modologo ukpogwi holuk e, is aphwami Israel a’ge o lei o’gwe waretil louwagoluk, ugenebesi ano ’gela’ge, pobuk mesik emin, ugenebasu holuk e, edip his pam enat erlagapsogo pagup hegi o.”
16Asogo mo’gulentesi a’geat de, is Ruben a’ge emin, Gad a’ge emin, ebano en Musa e’bek legesarik wene mesik emin ogulat, nis nonuam kambing domba leget wokho pogulat, ye, nonugwami emin, nenemalik emin, enebaget o werik onobogulat, takpoluk, 17Nis nenesegen nonogorlok leik-louktak pagathorloluk naduk omultik, nenarilak logon wolomma enebeil lagaihwe is aphwami yema a’ge en nonugwami emin, nenemalik emin, wiagapsogo onobouwa no oluk, onowi leget emin werik onoboluk, louwogoluk, mo’gulheige ai o. 18Io, oluk oso holuk e, is Israel a’ge enemining a’ge horlouwa oluk obok oruak a’ge ano is mesigat nak ogo mesik horlo erlak oruakma, ukpoluk, nis nonowi pam yema togolik womul erlak o. 19Nis nono’gwiang nenemining ik Yordan o mo orlu ago akhit o’gwe hegit yema akhit yemayat eiye omulmu re, nenarilak wogonoboluk libomul tik, is ono’gwiang enemining ik Yordan etle akhit nis mesik eiye omul erlak o.
20Mo’gulesimu, at Musa en is mo’gulentasulat, “His en tul egep a’ge ano at Allah il pam weim togup en e, henesegen honogodok modok leik-louktak pagathorloluk 21his ap a’bigat weim tuogoluk, henesegen honogodok ebano horloluk at Allah il pam ik Yordan etle akhit liboroguptik, Allah o weim henemin togukhwe, at Allah en aphwami eba ’berlegat enemin wolom ebit en mukho lebik onobouwa o. 22Ye, at Allah il pam o ai, modogat sebelhwerlaguptik, nenarilak Israel tagonobo a’ge at Allah il pam ege a’ge ebano arat tige o, oluk, henede yamuksogo togolik yema lip hau woroguptik, at Allah il pam ’gwiang yu eiye orogup ani o.
23Ye, wene egep ano hegitsogo togup erlak holuk nak e, at Allah at wiagap pagupmu re, honowiak en iak ’bal honobuama re, demat opogu lorogup ani o. 24Asogoatma re, his en tu a’ge mo’gulnigep ano, hegitsogoat henemalik wolom a’ge enebaget o kota wusogo onobogulat, honuam kambing domba wolomma enebaget worogulat, togu lemis o,”
25oluk, mo’gulentesimu, is ap Gad a’ge emin, Ruben a’ge emin, is en Musa mo’gulogulat, “Nenaik o! nis hat heragam a’ge yu, mo’gulnentigen a’ge ano hegitsogoat 26nis nenemalik enemin, nonugwami emin, nonuam kambing domba emin, lembu sapi emin, o kota-kota Gilead yemaat oruakhwe, 27nis heragam a’ge ap nak hat nenaik en mo’gulnentigen a’ge ano hegitsogo, weim tuogoluk nenesegen horloluk ik Yordan etle akhit libotluk, at Allah il pam weim ti louwagat o,” oluk, mo’gulegisa.
28 #
Yos. 1:12-15
Mo’gulegisema, at Musa en is ap Allah eiye a’ge Eleazar emin, Nun omlogo Yosua emin, is Israel a’ge onuelak ebano emin, is tagonobo a’ge wene mo’gulentasulat,
29Is ap Ruben a’ge emin, Gad a’ge emin, ’berlegat weim tuogoluk, enesegen onogodok leik-louksogo, his henemin ik Yordan etle akhit woroguptik, at Allah il pam weim togulat, o ai sebelhwerlaguptik, ’gwiang Gilead yema is Ruben a’ge emin, Gad a’ge emin, eiye emak oluk wogontomup o.
30Ye, is henemin ik Yordan etle akhit etleba weim ti lagai erlak holuk nak e, ’gwiang his henemining horlo ano re o Kanaan oruakma ebano is eiye emagoluk pema wogentagup ani o.
31Oluk mo’gulentesimu, is Ruben a’ge emin, Gad a’ge emin, ebano en wene o’go mo’gulogulat at Allah en wene mo’gulhesi a’ge mo’gulnentigen ai, “Nis heragam a’ge en hegitsogoat 32nenesegen nonogodok horloluk at Allah il pam o Kanaan eba lulat a’geat de, nono’gwiang nenemining horla ano nak e, ik Yordan yu akhit yemayat eiye omul o,” oluk, mo’gulegisa.
33Mo’gulegisema, at Musa en is aphwami Amori a’ge onue ’gain Sihon ’gwelabogo welagaimu emin, is aphwami Basan a’ge onue ’gain Og ’gwelabogo welagaimu emin, ’berlegat o kota-kota ’gwiang esa’go-esa’go eba emin, ’berlegat is Gad a’ge emin, Ruben a’ge emin, ena’gul onuk Yusuf ebalak weiyelak a’ge Manasye a’ge pema me’gerik ebano emin, is aiat eiye emak oluk wogentesi.
34Ye, is ena’gul onuk Gad a’ge ebano o kota Dibon emin, Atarot emin, Aroer emin, 35Atarot-Sofan emin, Yaezer emin, Yogbeha emin, 36Bet-Nimra emin, Bet-Haran emin, ebano o emin, helep pak emin, wogo poluk, onuam kambing domba welemagoluk, onowi wusogo pogulat, 37ye, is ena’gul onuk Ruben a’ge ebano re, o Hesybon emin, o Eleale emin, Kiryataim emin, 38Sibma emin, ebano wokho pogulat, tegisa. Ye, o ebalema ’biren werik poluk, onuk mu tualigisa ano re, Nebo Baal-Meon eminat. O wusogo pegesa ai, onuk e omu-omuat sualogo-sualogo pegesa
39Ye, at Manasye omlogo Makhir eiyagai weiyelak a’ge ebano en o Gilead ’gwi legesarik, aphwami Amori a’ge ebano mukho lebik onobogwi en e, 40At Musa en Manasye e’balak weiyelak aphwami Makhir a’ge ebano o Gilead eba wogentesimu, is o ebayat han egesarik welegesa. 41Ye, Manasye e’balak weiyelak a’ge onuk Yair ano o desa-desa onowi werik oruakma, ’gwi lotluk, sebelhwerlesirik, o ano onuk Hawot-Yair tuelak pasulat, 42Ye, at Nobah ano o Kenat emin, o desa-desa onowi werik welagai o’gwe emin, sebelhwerlesirik, o ai, at onuk tuelak a’ge hegitsogo onuk Nobah at tualiselat, tegei.
Currently Selected:
Bilangan 32: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 32
32
Ado pema ik Yordan mo orlu ago hegit akhit o’gwe ono’gwiang wogentesi wene
1Is ena’gul onuk o Ruben a’ge emin, Gad a’ge emin, is onuam a’bikmu re, o Yaezer emin, Gilead emin, ’gwiang eba onuam e’gela ’balogo nil no’gulom a’ge op nak oruakma enil hegesarik, 2Musa emin, ap Allah eiye a’ge Eleazar emin, is ap onuelak ’gwelagentarok welagai a’ge emin, oruakma ene’bek wegesarik, mo’gulontogulat, 3“’Gwiang o Atarot emin, Dibon emin, Yaezer emin, Nimra emin, Hesybon emin, Eleale emin, Sebam emin, Nebo emin, Beon emin, 4o eba ’berlegat at Allah en nis Israel a’ge nenebaget weim ’balegeimu re, nis heragam a’ge nonuam yema, ’gwiang modok opma eba wolom opma re, 5Ik Yordan etle akhit etleba libemis o, oluk mo’gulnentagup nogo mia o. At e, hedeap nonoboluk ’gwiang yemaat nis heragam a’ge eiye wolomul ene woknentemin o.”
6Oluk mo’gulegisema, at Musa en is Gad a’ge emin, Ruben a’ge emin, mo’gulentasulat, “His henarilak o eba weim tu a’ge paget libagaihwe, his nak yema wolom a’ge oluk en, egep i? 7At Allah en aphwami Israel a’ge o ik Yordan etle akhit ono’gwiang wogentesimu ebano libom a’ge, nopaget en enede e’gin ap onobogu legep? 8#Bil. 13:17-33His en ogu legep ai ’gela’ge his hene’balak page o Kades-Barnea eba welat, o eba henil ’gogoli lit o, oluk, mo’gulentesimu, 9o yema wegesarik, o Eskol dogoma enil ’gogol holuk, pobuk togolik legesarik, at Allah en ono’gwiang wogentesimu yema eiyetak pagathwerlau wom ’gela’ge arilak onogola bi-’betesogo sebelak enebegesema, 10-11#Bil. 14:26-35agauwa ai erlige at Allah olot het agalat, is o Mesir en wogonoboluk liplau waga a’ge ap dogo oruakhwe tahun 20 en legeik til laga a’ge ebano, pam niak holak poluk, opsogoat togwi erlak holuk e, an en ap Abraham emin, Isak emin, Yakub emin, ’gwiang wokhentaik o, oluk, ho’buk ’balogo hwiak entegismu ebano is ap yu, mesigat nak ogo mesik enil houwa modok erlak o. 12At e, is ap enebe ’biren Yefune omlogo Kaleb a’gul onuk Kenas a’ge emin, nun omlogo Yosua emin, nak hologo, enede sebelho erlakma en, modok daksogoat tegisema re, is emin nagat ’gwi louwa o. 13At Allah olot het hobu ’gela’ge Israel a’ge enebam poluk, ugenebesimu, o lei o’gwe wale’gil denagaimu en, tahun 40 togulat, is enemin hegisogo dogo a’ge ’berlegat at Allah il pam wiak tegisa a’ge ebano o lei o’gwe eba waretil louwagoluk, tagenebesi.
14Asogo takma re, his yu, hene’balak page wiak togwi a’ge edip hisatma re, is aphwami wiak togwi a’ge enemin otluk, togwi ano pam is aphwami Israel a’ge at Allah olot het odouk ’gela’ge mesik emin enebam ’bo pouwa ai op at oluk ogwi hegi o. 15At Allah his hono’borl akhit modologo ukpogwi holuk e, is aphwami Israel a’ge o lei o’gwe waretil louwagoluk, ugenebesi ano ’gela’ge, pobuk mesik emin, ugenebasu holuk e, edip his pam enat erlagapsogo pagup hegi o.”
16Asogo mo’gulentesi a’geat de, is Ruben a’ge emin, Gad a’ge emin, ebano en Musa e’bek legesarik wene mesik emin ogulat, nis nonuam kambing domba leget wokho pogulat, ye, nonugwami emin, nenemalik emin, enebaget o werik onobogulat, takpoluk, 17Nis nenesegen nonogorlok leik-louktak pagathorloluk naduk omultik, nenarilak logon wolomma enebeil lagaihwe is aphwami yema a’ge en nonugwami emin, nenemalik emin, wiagapsogo onobouwa no oluk, onowi leget emin werik onoboluk, louwogoluk, mo’gulheige ai o. 18Io, oluk oso holuk e, is Israel a’ge enemining a’ge horlouwa oluk obok oruak a’ge ano is mesigat nak ogo mesik horlo erlak oruakma, ukpoluk, nis nonowi pam yema togolik womul erlak o. 19Nis nono’gwiang nenemining ik Yordan o mo orlu ago akhit o’gwe hegit yema akhit yemayat eiye omulmu re, nenarilak wogonoboluk libomul tik, is ono’gwiang enemining ik Yordan etle akhit nis mesik eiye omul erlak o.
20Mo’gulesimu, at Musa en is mo’gulentasulat, “His en tul egep a’ge ano at Allah il pam weim togup en e, henesegen honogodok modok leik-louktak pagathorloluk 21his ap a’bigat weim tuogoluk, henesegen honogodok ebano horloluk at Allah il pam ik Yordan etle akhit liboroguptik, Allah o weim henemin togukhwe, at Allah en aphwami eba ’berlegat enemin wolom ebit en mukho lebik onobouwa o. 22Ye, at Allah il pam o ai, modogat sebelhwerlaguptik, nenarilak Israel tagonobo a’ge at Allah il pam ege a’ge ebano arat tige o, oluk, henede yamuksogo togolik yema lip hau woroguptik, at Allah il pam ’gwiang yu eiye orogup ani o.
23Ye, wene egep ano hegitsogo togup erlak holuk nak e, at Allah at wiagap pagupmu re, honowiak en iak ’bal honobuama re, demat opogu lorogup ani o. 24Asogoatma re, his en tu a’ge mo’gulnigep ano, hegitsogoat henemalik wolom a’ge enebaget o kota wusogo onobogulat, honuam kambing domba wolomma enebaget worogulat, togu lemis o,”
25oluk, mo’gulentesimu, is ap Gad a’ge emin, Ruben a’ge emin, is en Musa mo’gulogulat, “Nenaik o! nis hat heragam a’ge yu, mo’gulnentigen a’ge ano hegitsogoat 26nis nenemalik enemin, nonugwami emin, nonuam kambing domba emin, lembu sapi emin, o kota-kota Gilead yemaat oruakhwe, 27nis heragam a’ge ap nak hat nenaik en mo’gulnentigen a’ge ano hegitsogo, weim tuogoluk nenesegen horloluk ik Yordan etle akhit libotluk, at Allah il pam weim ti louwagat o,” oluk, mo’gulegisa.
28 #
Yos. 1:12-15
Mo’gulegisema, at Musa en is ap Allah eiye a’ge Eleazar emin, Nun omlogo Yosua emin, is Israel a’ge onuelak ebano emin, is tagonobo a’ge wene mo’gulentasulat,
29Is ap Ruben a’ge emin, Gad a’ge emin, ’berlegat weim tuogoluk, enesegen onogodok leik-louksogo, his henemin ik Yordan etle akhit woroguptik, at Allah il pam weim togulat, o ai sebelhwerlaguptik, ’gwiang Gilead yema is Ruben a’ge emin, Gad a’ge emin, eiye emak oluk wogontomup o.
30Ye, is henemin ik Yordan etle akhit etleba weim ti lagai erlak holuk nak e, ’gwiang his henemining horlo ano re o Kanaan oruakma ebano is eiye emagoluk pema wogentagup ani o.
31Oluk mo’gulentesimu, is Ruben a’ge emin, Gad a’ge emin, ebano en wene o’go mo’gulogulat at Allah en wene mo’gulhesi a’ge mo’gulnentigen ai, “Nis heragam a’ge en hegitsogoat 32nenesegen nonogodok horloluk at Allah il pam o Kanaan eba lulat a’geat de, nono’gwiang nenemining horla ano nak e, ik Yordan yu akhit yemayat eiye omul o,” oluk, mo’gulegisa.
33Mo’gulegisema, at Musa en is aphwami Amori a’ge onue ’gain Sihon ’gwelabogo welagaimu emin, is aphwami Basan a’ge onue ’gain Og ’gwelabogo welagaimu emin, ’berlegat o kota-kota ’gwiang esa’go-esa’go eba emin, ’berlegat is Gad a’ge emin, Ruben a’ge emin, ena’gul onuk Yusuf ebalak weiyelak a’ge Manasye a’ge pema me’gerik ebano emin, is aiat eiye emak oluk wogentesi.
34Ye, is ena’gul onuk Gad a’ge ebano o kota Dibon emin, Atarot emin, Aroer emin, 35Atarot-Sofan emin, Yaezer emin, Yogbeha emin, 36Bet-Nimra emin, Bet-Haran emin, ebano o emin, helep pak emin, wogo poluk, onuam kambing domba welemagoluk, onowi wusogo pogulat, 37ye, is ena’gul onuk Ruben a’ge ebano re, o Hesybon emin, o Eleale emin, Kiryataim emin, 38Sibma emin, ebano wokho pogulat, tegisa. Ye, o ebalema ’biren werik poluk, onuk mu tualigisa ano re, Nebo Baal-Meon eminat. O wusogo pegesa ai, onuk e omu-omuat sualogo-sualogo pegesa
39Ye, at Manasye omlogo Makhir eiyagai weiyelak a’ge ebano en o Gilead ’gwi legesarik, aphwami Amori a’ge ebano mukho lebik onobogwi en e, 40At Musa en Manasye e’balak weiyelak aphwami Makhir a’ge ebano o Gilead eba wogentesimu, is o ebayat han egesarik welegesa. 41Ye, Manasye e’balak weiyelak a’ge onuk Yair ano o desa-desa onowi werik oruakma, ’gwi lotluk, sebelhwerlesirik, o ano onuk Hawot-Yair tuelak pasulat, 42Ye, at Nobah ano o Kenat emin, o desa-desa onowi werik welagai o’gwe emin, sebelhwerlesirik, o ai, at onuk tuelak a’ge hegitsogo onuk Nobah at tualiselat, tegei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in