Bilangan 28
28
Loruk hopmu wusogo odouk narlogulom wene
1At Allah en Musa mo’guleselat,
2“Disogo togu lemis o, oluk, is Israel a’ge mo’gulonto ano re yuat o. E’ben op a’ge hasulat, nagai haik en e, an nebaget pou wotluk, e narlogulom ano re, agauwa ai erlige pou wagalom, oluktak a’ge anoat motluk pou wagalom o oluk pobi tuagoluk, mo’gulentemin o. 3Is ebano mo’gulentasulat, An Allah nebaget pou wotluk, e narlogulom ano re, disogo yo. Domba owan a’ge ’biren dogo oruakhwe tahun mesik nak tak a’ge enebam aik ’belak erlak a’ge holuk, o agauwa mesik dakha oso ano pam an nebaget wusogo e narlogulat togumu ebano pou waga lemak o. 4Domba ano mesik hubet wusogo pogulat, ye, mesik e hopmu wusogo pogulat, asogo togulat, 5Gandum agap e’gen wogo modok op a’ge an nebaget po a’ge 2 liter a’ge walhegeik ne’gak a’ge wokho e zaitun e’gen a’bosu ’berelogo 1 liter ’gela’ge emin negarlok-hegarlok takpoluk pogu lemak o. 6Asogo togulom ano re, e’ben op hasulat, nagai haik en e, an Allah nebaget pou wotluk, wusogo e narlogulom o agauwa mesik dakha oso ano pam nebaget togulom a’ge dom Sinai pam en wene mo’gulnentesi a’ge ano re aiat o.
7 Domba hun-hun nebaget wusogo e narlogulat, an nebaget a’bosu herlilogo po re, enebe hegit-hegit anggur a’bosu enede ’belak enebasu a’ge ano a’ge wokhonowi sabo werik a’ge omu degelakma ebano an Allah nebaget herlilogo pouwak o. 8O huberat domba wusogo e narlogulat, gandum e’gen wogo a’ge nebaget pogulat, anggur a’bosu nebaget herlilogo pogulat togwi ano ’gela’ge, domba ekhen mesik ano, o hopmu wusogo e narlogulat, ai a’ge emin asogoat pogu lemak o. E’ben op a’ge hasulat, nagai haik en e, an nebaget wusogo e narlogulom ano re aiat, egei, oluk mo’gulontomup o,” oluk mo’gulesi.
Agauwa nogo 6 nogoluk, hubet o’gwe at ebaget pou wagalom wene
9Mo’gulesirik, mesik mo’guleselat, “Agauwa nogo 6 nogoluk, sono set hwal horlogwi ano pam domba emalik ’biren dogo oruakhwe tahun mesigat tak a’ge enebam aik ’belak erlak a’ge holuk, an nebaget pou wagalat, a’bosu nebaget herlilogo po a’ge emin, gandum e’gen wogo modok op a’ge 4 liter walhegeik ne’gak a’ge wokho e zaitun a’bosu a’ge pam ebelak a’ge emin woluk pou waga lemak o. 10Agauwa hup nogo 6 nogoluk hubet o’gwe nebaget wusogo e narlogulat togulom e aiat o. Ai pou wagalom ai re, o agauwa mesik nak dakha oso ano pam loruk hopmu an nebaget wusogo e narlogulat, a’bosu nebaget herlilogo pogulat, tuak oluk, pou wagai ano re, ukpo erlakma en eminat pou waga lemak, egei oluk mo’gulontomup o,” oluk, mo’gulesi.
Dugwi mesik peleliso holuk, ebaget pou wagalom wene
11Mo’gulesirik, mesik mo’guleselat, “Dugwi ’get a’ge pelelisoam e, tanggal 1 a’ge pam is ene sapi ierak a’ge emalik ’biren emin, domba ierak emalik ebe 7 a’ge dogo oruakhwe tahun mesigat tak a’ge emin, is ’berlegat enebetne aik ’belak erlak a’ge holuk nak, woluk wusogo odouk narlogulomma An Allah nebaget pou waga lemak o. 12Sapi ierak a’ge an nebaget pou wagalat, enebe hegit-hegit gandum agap e’gen wogo a’ge modok op a’ge an nebaget po a’ge 6 liter ’gela’ge walhegeik ne’gak a’ge wokho, e zaitun a’bosu emin ebelogo poluk, pou wagalat, domba ierak a’ge an nebaget pou wagalat, gandum a’gap e’gen wogo modok op a’ge an nebaget po a’ge 4 liter ’gela’ge walhegeik ne’gak a’ge wokho, e zaitun a’bosu emin negarlok-hegarlok takpoluk, pou wagalat, 13Ye, domba ierak a’ge emalik ebano an nebaget pou wagalat, enebe hegitsogo gandum e’gen wogo modok op a’ge an nebaget po a’ge 2 liter walhegeik ne’gak a’ge wokho, e zaitun a’bosu emin negarlok-hegarlok takpoluk, pou wagalat, togu lemak o. Asogo togulom ano re, an nebaget a’ge e narlogulat, e’ben op a’ge an Allah en hasulat, nagai haik en e, an nebaget wusogo e narlogulom e aiat o. 14Sapi ierak a’ge mesik-mesik wusogo an woknogulat, enebe hegit-hegit nebaget herlelik po a’ge anggur a’bosu 2 liter ne’gak a’ge ’gela’ge emin pou wagalat, domba mesik nak a’ge ano an nebaget wusogo woknogulat, nebaget herlelik po a’ge anggur a’bosu 1 liter ne’gak a’ge ’gela’ge emin pou wagalat, domba emalik an nebaget wusogo woknogulat, ebe lo’bok hegitsogo nebaget herlelik po a’ge anggur a’bosu liter ’burl ’gela’ge ne’gak a’ge emin pou wagalat, togu lemak o. Tahun mesik togulat holuk dugwi’get peleliso holuk, an nebaget wusogo e narlogulat holuk togulom a’ge re aiat o.
15An nebaget wusogo e narlogulat, a’bosu an nebaget herlelu a’ge emin pou wagai ai re, pou wagalomat a’geat de, asogo togulat, onowiak erlagapsogo po a’ge paget kambing ierak mesigat nak an Allah nebaget pou waga lemak egei, oluk mo’gulontomup o,” oluk mo’gulesi.
Eming ontoluk laga a’ge enede ebesogo seni sorogulom wene
16 #
Kel. 12:1-13; Ula. 16:1,2 Mo’gulesirik, pobuk mo’guleselat, dugwi naduk pelelak a’ge tanggal 14 a’ge dugwi ai pamat an Allah en eming ontolu legi a’ge ano paget enede ebesogo seni Paskah sakhu no a’ge ano enede eberogulat, seni logat sorogu lemak o. 17#Kel. 12:14-20; 23:15; 34:18; Ula. 16:3-8Ye, hubet tanggal 15 dugwi ai a’ge pam nak enagai en seni loksogoat sorogulomma re, roti periso a’ge emin po erlak a’ge, werakho nil lagaihwe, agauwa 7 hwerliat lail louwak o. 18Sorogulat, agauwa naduksogo re, yabuk lok a’ge tu erlak welat odoktak poluk, erliknobogu lemak o. 19Erliknobogulat, an Allah nebaget wusogo e narlu a’ge pou waga lemak o. Nebaget wusogo e narlu a’ge pou wom ano re, sapi ierak emalik ’biren emin, domba ierak a’ge mesigat emin, domba ierak emalik enebe 7 dogo oruakhwe tahun mesigat tak a’ge emin is ’berlegat aik ’belak erlak a’ge holugat pou waga lemak o.
20 Sapi ierak ebe hun-hun an nebaget pou wagalat, enebe hegit-hegit gandum agap e’gen wogo modok op a’ge nebaget po a’ge 3 kilo ’gela’ge walhegeik ne’gak a’ge wokho, e zaitun a’bosu emin ne’garlok-he’garloktak poluk pou wagalat, 21ye, domba ierak a’ge enebe 7 ebano an nebaget pou wagalat, enebe hegit-hegit gandum agap e’gen wogo modok op a’ge an nebaget po a’ge 2 liter ’gela’ge walhegeik ne’gak a’ge wokho, e zaitun a’bosu emin ne’garlok-he’garloktak poluk, pou wagalat togu lemak o. 22Ai pou wagalat, onowiak erlagapsogo poluk nemin hwedik weleik en e kambing ierak a’ge mesigat nak an nebaget pou waga lemak o. 23Ai pou wagalat, o agauwa mesigat dakha oso ano pam loruk-hopmu hubet an nebaget wusogo e narlogwi ano re, ukpo mia ene eminat taga lemak o. 24Asogo togulat, e’ben op a’ge holuk an Allah nagai houwak oluk, agauwa naduk a’ge hwerli en ’bekhit, agauwa 7 hwerli loruk hopmu an nebaget pou wotluk, e narlogulom ano re, asogoat takpoluk, pou waga lemak o. Asogo togulom ano re, an nebaget wusogo e narlogulom a’ge pou wagalat, a’bosu an nebaget herlelogulom a’ge emin pou wagolom a’ge ano re, ukpo erlakma en eminat takpoluk, pou waga lemak o. 25A’gauwa 6 wolomtik, hubet en nak e, yabuk tu erlakma en odoktak poluk, erliknobogu lemak, erliknobogu lemak, egei, oluk mo’gulontomup o, ’oluk, mo’gulesi
E’gen naduk a’ge ’balogulat, seni sorogulom wene
26 #
Kel. 23:16; 34:22; Ula. 16:9-12 Mo’gulesirik, mesik mo’guleselat, “Se’ban 7 takpoluk, seni onuk e’gen naduk ’balogwi a’ge ai pam sorogulat, gandum e’gen naduk a’ge mesik ’balogo an nebaget pou wagalat agauwa ai pam yabuk loksogo tu erlakma en odoktak poluk erliknobogu lemak o. 27Agauwa ai erlige e’ben op a’ge hasulat, an Allah nagai houwak oluk, an nebaget e narlogulom a’ge sapi ierak a’ge ’biren emin, domba ierak mesigat emin, domba ierak a’ge enebe 7 tahun mesigat tak a’ge emin, pou waga lemak o. 28Sapi ierak a’ge an nebaget pou wagalat, enebe hegitsogo gandum e’gen wogo modok op a’ge nebaget po a’ge 3 kilo ’gela’ge walhegeik ne’gak a’ge wokho, zaitun a’bosu emin ebelogo poluk pou wagalat, domba ierak a’ge emin nebaget pou wagalat, gandum a’gap e’gen wogo modok op a’ge an nebaget po ano re 2 kilo ’gela’ge walhegeik ne’gak a’ge wokho e zaitun a’bosu emin orlogomsogo ebelogo poluk, pou wagalat. 29Ye, domba emalik enebe 7 ebano mesik-mesik nak an nebaget pou wagalat, enebe hegitsogo gandum e’gen wogo modok op a’ge an nebaget po a’ge 1 kilo walhegeik ne’gak a’ge wokho, e zaitun a’bosu emin orlogomsogo ebelogo poluk, pou wagalat, togu lemak o. 30Pou wagalat, onowiak erlagapsogo poluk, an nemin hwedik wolom a’ge paget kambing ierak mesigat nak pou waga lemak o. 31Hun-hun pou wagalom ano re, a’bosu an nebaget herlelik po a’ge ano paget eminat pou waga lemak o. Ai pou wagalom ai re, loruk hopmu an nebaget wusogo odouk narlu a’ge pou wagalat, gandum e’gen wogo a’ge nebaget pou wagalom ano re, ukpo erlakma en ai eminat togu lemak o. Asogo togulat, sapi domba aik ’belak erlak a’ge holuk nak woluk pou waga lemak, egei o, oluk mo’gulontomup o,” oluk, mo’gulesi.
Currently Selected:
Bilangan 28: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 28
28
Loruk hopmu wusogo odouk narlogulom wene
1At Allah en Musa mo’guleselat,
2“Disogo togu lemis o, oluk, is Israel a’ge mo’gulonto ano re yuat o. E’ben op a’ge hasulat, nagai haik en e, an nebaget pou wotluk, e narlogulom ano re, agauwa ai erlige pou wagalom, oluktak a’ge anoat motluk pou wagalom o oluk pobi tuagoluk, mo’gulentemin o. 3Is ebano mo’gulentasulat, An Allah nebaget pou wotluk, e narlogulom ano re, disogo yo. Domba owan a’ge ’biren dogo oruakhwe tahun mesik nak tak a’ge enebam aik ’belak erlak a’ge holuk, o agauwa mesik dakha oso ano pam an nebaget wusogo e narlogulat togumu ebano pou waga lemak o. 4Domba ano mesik hubet wusogo pogulat, ye, mesik e hopmu wusogo pogulat, asogo togulat, 5Gandum agap e’gen wogo modok op a’ge an nebaget po a’ge 2 liter a’ge walhegeik ne’gak a’ge wokho e zaitun e’gen a’bosu ’berelogo 1 liter ’gela’ge emin negarlok-hegarlok takpoluk pogu lemak o. 6Asogo togulom ano re, e’ben op hasulat, nagai haik en e, an Allah nebaget pou wotluk, wusogo e narlogulom o agauwa mesik dakha oso ano pam nebaget togulom a’ge dom Sinai pam en wene mo’gulnentesi a’ge ano re aiat o.
7 Domba hun-hun nebaget wusogo e narlogulat, an nebaget a’bosu herlilogo po re, enebe hegit-hegit anggur a’bosu enede ’belak enebasu a’ge ano a’ge wokhonowi sabo werik a’ge omu degelakma ebano an Allah nebaget herlilogo pouwak o. 8O huberat domba wusogo e narlogulat, gandum e’gen wogo a’ge nebaget pogulat, anggur a’bosu nebaget herlilogo pogulat togwi ano ’gela’ge, domba ekhen mesik ano, o hopmu wusogo e narlogulat, ai a’ge emin asogoat pogu lemak o. E’ben op a’ge hasulat, nagai haik en e, an nebaget wusogo e narlogulom ano re aiat, egei, oluk mo’gulontomup o,” oluk mo’gulesi.
Agauwa nogo 6 nogoluk, hubet o’gwe at ebaget pou wagalom wene
9Mo’gulesirik, mesik mo’guleselat, “Agauwa nogo 6 nogoluk, sono set hwal horlogwi ano pam domba emalik ’biren dogo oruakhwe tahun mesigat tak a’ge enebam aik ’belak erlak a’ge holuk, an nebaget pou wagalat, a’bosu nebaget herlilogo po a’ge emin, gandum e’gen wogo modok op a’ge 4 liter walhegeik ne’gak a’ge wokho e zaitun a’bosu a’ge pam ebelak a’ge emin woluk pou waga lemak o. 10Agauwa hup nogo 6 nogoluk hubet o’gwe nebaget wusogo e narlogulat togulom e aiat o. Ai pou wagalom ai re, o agauwa mesik nak dakha oso ano pam loruk hopmu an nebaget wusogo e narlogulat, a’bosu nebaget herlilogo pogulat, tuak oluk, pou wagai ano re, ukpo erlakma en eminat pou waga lemak, egei oluk mo’gulontomup o,” oluk, mo’gulesi.
Dugwi mesik peleliso holuk, ebaget pou wagalom wene
11Mo’gulesirik, mesik mo’guleselat, “Dugwi ’get a’ge pelelisoam e, tanggal 1 a’ge pam is ene sapi ierak a’ge emalik ’biren emin, domba ierak emalik ebe 7 a’ge dogo oruakhwe tahun mesigat tak a’ge emin, is ’berlegat enebetne aik ’belak erlak a’ge holuk nak, woluk wusogo odouk narlogulomma An Allah nebaget pou waga lemak o. 12Sapi ierak a’ge an nebaget pou wagalat, enebe hegit-hegit gandum agap e’gen wogo a’ge modok op a’ge an nebaget po a’ge 6 liter ’gela’ge walhegeik ne’gak a’ge wokho, e zaitun a’bosu emin ebelogo poluk, pou wagalat, domba ierak a’ge an nebaget pou wagalat, gandum a’gap e’gen wogo modok op a’ge an nebaget po a’ge 4 liter ’gela’ge walhegeik ne’gak a’ge wokho, e zaitun a’bosu emin negarlok-hegarlok takpoluk, pou wagalat, 13Ye, domba ierak a’ge emalik ebano an nebaget pou wagalat, enebe hegitsogo gandum e’gen wogo modok op a’ge an nebaget po a’ge 2 liter walhegeik ne’gak a’ge wokho, e zaitun a’bosu emin negarlok-hegarlok takpoluk, pou wagalat, togu lemak o. Asogo togulom ano re, an nebaget a’ge e narlogulat, e’ben op a’ge an Allah en hasulat, nagai haik en e, an nebaget wusogo e narlogulom e aiat o. 14Sapi ierak a’ge mesik-mesik wusogo an woknogulat, enebe hegit-hegit nebaget herlelik po a’ge anggur a’bosu 2 liter ne’gak a’ge ’gela’ge emin pou wagalat, domba mesik nak a’ge ano an nebaget wusogo woknogulat, nebaget herlelik po a’ge anggur a’bosu 1 liter ne’gak a’ge ’gela’ge emin pou wagalat, domba emalik an nebaget wusogo woknogulat, ebe lo’bok hegitsogo nebaget herlelik po a’ge anggur a’bosu liter ’burl ’gela’ge ne’gak a’ge emin pou wagalat, togu lemak o. Tahun mesik togulat holuk dugwi’get peleliso holuk, an nebaget wusogo e narlogulat holuk togulom a’ge re aiat o.
15An nebaget wusogo e narlogulat, a’bosu an nebaget herlelu a’ge emin pou wagai ai re, pou wagalomat a’geat de, asogo togulat, onowiak erlagapsogo po a’ge paget kambing ierak mesigat nak an Allah nebaget pou waga lemak egei, oluk mo’gulontomup o,” oluk mo’gulesi.
Eming ontoluk laga a’ge enede ebesogo seni sorogulom wene
16 #
Kel. 12:1-13; Ula. 16:1,2 Mo’gulesirik, pobuk mo’guleselat, dugwi naduk pelelak a’ge tanggal 14 a’ge dugwi ai pamat an Allah en eming ontolu legi a’ge ano paget enede ebesogo seni Paskah sakhu no a’ge ano enede eberogulat, seni logat sorogu lemak o. 17#Kel. 12:14-20; 23:15; 34:18; Ula. 16:3-8Ye, hubet tanggal 15 dugwi ai a’ge pam nak enagai en seni loksogoat sorogulomma re, roti periso a’ge emin po erlak a’ge, werakho nil lagaihwe, agauwa 7 hwerliat lail louwak o. 18Sorogulat, agauwa naduksogo re, yabuk lok a’ge tu erlak welat odoktak poluk, erliknobogu lemak o. 19Erliknobogulat, an Allah nebaget wusogo e narlu a’ge pou waga lemak o. Nebaget wusogo e narlu a’ge pou wom ano re, sapi ierak emalik ’biren emin, domba ierak a’ge mesigat emin, domba ierak emalik enebe 7 dogo oruakhwe tahun mesigat tak a’ge emin is ’berlegat aik ’belak erlak a’ge holugat pou waga lemak o.
20 Sapi ierak ebe hun-hun an nebaget pou wagalat, enebe hegit-hegit gandum agap e’gen wogo modok op a’ge nebaget po a’ge 3 kilo ’gela’ge walhegeik ne’gak a’ge wokho, e zaitun a’bosu emin ne’garlok-he’garloktak poluk pou wagalat, 21ye, domba ierak a’ge enebe 7 ebano an nebaget pou wagalat, enebe hegit-hegit gandum agap e’gen wogo modok op a’ge an nebaget po a’ge 2 liter ’gela’ge walhegeik ne’gak a’ge wokho, e zaitun a’bosu emin ne’garlok-he’garloktak poluk, pou wagalat togu lemak o. 22Ai pou wagalat, onowiak erlagapsogo poluk nemin hwedik weleik en e kambing ierak a’ge mesigat nak an nebaget pou waga lemak o. 23Ai pou wagalat, o agauwa mesigat dakha oso ano pam loruk-hopmu hubet an nebaget wusogo e narlogwi ano re, ukpo mia ene eminat taga lemak o. 24Asogo togulat, e’ben op a’ge holuk an Allah nagai houwak oluk, agauwa naduk a’ge hwerli en ’bekhit, agauwa 7 hwerli loruk hopmu an nebaget pou wotluk, e narlogulom ano re, asogoat takpoluk, pou waga lemak o. Asogo togulom ano re, an nebaget wusogo e narlogulom a’ge pou wagalat, a’bosu an nebaget herlelogulom a’ge emin pou wagolom a’ge ano re, ukpo erlakma en eminat takpoluk, pou waga lemak o. 25A’gauwa 6 wolomtik, hubet en nak e, yabuk tu erlakma en odoktak poluk, erliknobogu lemak, erliknobogu lemak, egei, oluk mo’gulontomup o, ’oluk, mo’gulesi
E’gen naduk a’ge ’balogulat, seni sorogulom wene
26 #
Kel. 23:16; 34:22; Ula. 16:9-12 Mo’gulesirik, mesik mo’guleselat, “Se’ban 7 takpoluk, seni onuk e’gen naduk ’balogwi a’ge ai pam sorogulat, gandum e’gen naduk a’ge mesik ’balogo an nebaget pou wagalat agauwa ai pam yabuk loksogo tu erlakma en odoktak poluk erliknobogu lemak o. 27Agauwa ai erlige e’ben op a’ge hasulat, an Allah nagai houwak oluk, an nebaget e narlogulom a’ge sapi ierak a’ge ’biren emin, domba ierak mesigat emin, domba ierak a’ge enebe 7 tahun mesigat tak a’ge emin, pou waga lemak o. 28Sapi ierak a’ge an nebaget pou wagalat, enebe hegitsogo gandum e’gen wogo modok op a’ge nebaget po a’ge 3 kilo ’gela’ge walhegeik ne’gak a’ge wokho, zaitun a’bosu emin ebelogo poluk pou wagalat, domba ierak a’ge emin nebaget pou wagalat, gandum a’gap e’gen wogo modok op a’ge an nebaget po ano re 2 kilo ’gela’ge walhegeik ne’gak a’ge wokho e zaitun a’bosu emin orlogomsogo ebelogo poluk, pou wagalat. 29Ye, domba emalik enebe 7 ebano mesik-mesik nak an nebaget pou wagalat, enebe hegitsogo gandum e’gen wogo modok op a’ge an nebaget po a’ge 1 kilo walhegeik ne’gak a’ge wokho, e zaitun a’bosu emin orlogomsogo ebelogo poluk, pou wagalat, togu lemak o. 30Pou wagalat, onowiak erlagapsogo poluk, an nemin hwedik wolom a’ge paget kambing ierak mesigat nak pou waga lemak o. 31Hun-hun pou wagalom ano re, a’bosu an nebaget herlelik po a’ge ano paget eminat pou waga lemak o. Ai pou wagalom ai re, loruk hopmu an nebaget wusogo odouk narlu a’ge pou wagalat, gandum e’gen wogo a’ge nebaget pou wagalom ano re, ukpo erlakma en ai eminat togu lemak o. Asogo togulat, sapi domba aik ’belak erlak a’ge holuk nak woluk pou waga lemak, egei o, oluk mo’gulontomup o,” oluk, mo’gulesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in