Bilangan 27
27
Zelafehad emining a’ge horlo a’ge paget ogulani hwelani en tegisa wene
1At ap Zelafehad ano ogulani hwelani enebe 5 ononuk Mahla, Noa, Hoglah, Milka, Tirza aiat welegesa. Ye enaik lok dogo a’ge ononuk e, Zelafehad aik Hefer, Hefer aik Gilead, Gilead aik Makhir, Makhir aik Manasye, Manasye aik Yusuf aiat welegesa. 2At Musa emin, ap Allah eiye a’ge Eleazar emin, is Israel senentarok welagai a’ge onuelak emin, is aphwami Israel a’ge ’berlegat emin, Allah emin hwedik togumu owi sabo werik a’ge ’godukmu odoksogo oruakma, at Zelafehad ogulani hwelani ebano ene’bek legesarik, mo’gulontogulat e, 3“At nenaik ai, is ap Korah emin enede mesigarap poluk, at Allah emin hwerli tegisa a’ge ano emin tegisa ai pam en warom erlak. At omuat o wiak tegei pam o leimu ebano en warago Ye, at eiyagai ap mesik dak onobu erlakma en hwelani nak daknenebegei o. 4At eiyagai ap mesik dak onobu erlakma re, onuk erlak agoma no oluk, onuk welemagoluk, at arilak oruakma eba nis nenemin wolomul en e, ’gwiang mesik woknentemin o,” oluk mo’gulegisema.
5At Musa ano wene is en egesa a’ge ano wik-wok at Allah il pam mo’gulesi lagama, 6At Allah en Musa mo’guleselat, 7#Bil. 36:2“is hwelani Zelafehad ogulani en wene mo’gulhosu egesa ai, dematma re, haren ’gwiang is enaik emining a’ge wogoum holuk e arilak oruakma eba enemin ene’gerlakma welat, at ogulani hwelani eba, ’gwiang eiye welemagoluk pema ’balogo wogentemin o,” oluk, mo’gulesi,
8mo’gulesirik, mesik mo’guleselat, “Is aphwami Israel a’ge wene mo’gulonto ano re, yuat o. Ap mesik at eiyagai ap dagonobu erlakma en wolomtik warago holuk, ’gwiang emining a’ge ’gela’ge at horlo oluktak a’ge ano re, at ogulani hwelani ebanoat eiye emagoluk wogontogu lemak o. 9Ye, at en dogoma a’ge mesik erlakma de warago holuk nak e, ’gwiang emining a’ge ano ue ari wogontogulat, 10ye, ue ari logon modogat erlak holuk e, emining a’ge pouwa a’ge ano at aik arilak welagai a’ge ebano wogontogulat, 11ye, aik arilak a’ge modogat erlak holuk e, at arilak a’ge weiyelak horoksogo oruak a’ge ebano eiye emagoluk, ’gwiang emining a’ge ano wogontogulat, togu lemak, egei, oluk, mo’gulentemin o,” oluk, mo’gulesi. At Allah en wene wusogo Musa mo’gulesi a’ge ano hegitsogo wene ai, is aphwami Israel a’ge en togu lemagoluk, Musa en Israel a’ge mo’gulentesi ano re aiat o.
At Yosua Musa ebalema polik poluk edikpesi wene
12 #
Ula. 3:23-27; 32:48-52 Nenaik ’gain Onuk Logo a’ge en Musa disogo mo’gulesi,
“Hebe dom Abarim pam ligoroguntik e, o an en aphwami Israel a’ge wogentaik a’ge ano hil ’belaphomup o. 13-14Arat ’belaphaguntik e, hebe warorogun o. Asogo warorogun ai re, pageat o Zin leimu aphwami erlakma ik Meriba olomu eba en aphwami Israel a’ge an en ’gwelagentarok modok oruakhweat de, enebe ’berlek en,
Yu degenikmu nenebit e, oluk egesema ebano hue Harun emin en, an nu’gwarek degelak a’ge nebe pobi noboluk aphwami Israel a’ge enil pam ik ai liplau wemagoluk, an en,
Disogo togup, oluk mo’gulhentegis a’geat de, an nanni pam hau do’goksogo tu erlak. We, an niak sagalogo honogola opoluk tigep ai en, hat hue Harun waraga ai ’gela’ge, hat hebe warorogunat o,” oluk mo’gulesi. (Wene asogo taga laga ai re, ik onuk Meriba elaruk liplau wagama o onuk Kades, Zin leimu aphwami erlakma eba en taga laga a’ge ano paget mo’gulesi.)
15Asogo mo’gulesimu, at Musa se’ban disogo egei,
16“Allah Honuk Logo a’ge naik. Hat e, di a’ge yu a’ge elaluk welago a’ge ’berlegat enelalugap enebiso a’ge, naik. Aphwami ena’gul onuk Israel a’ge yu wogonoboluk louwa a’ge,
Ap yuat edikpo yo, oluk mo’gulnerinogoluk ’gonu mo’gulhegis o, naik. 17#1Raj. 22:17; Yeh. 34:5; Mat. 9:36; Mrk. 6:34Is weim obogulat, at ai is onue ’gain ebabut heberlak a’ge holuk wolom nagai en mo’gulhegis o. Hat heiyagai yu, wam domba aphwami o’gonogwi a’ge erlakma welago ai ’gela’ge polik pemen o, naik,” oluk mo’gulesi.
18 #
Kel. 24:13
Asogo mo’gulesi lagama, at Nenaik ’gain Onuk Logo a’ge en Musa disogo mo’gulesi,
“Hat en ap Nun omlogo Yosua Allah Arogun ebam oruak a’ge ai worlholuk e, he’gik a’gul sebelogo edikpemin o. 19Asogo edikpasulat e, at ebe ap Eleazar an nebe eiye a’ge emin, aphwami Israel a’ge ’berlegat emin, enilem edikpoluk e,
Yosua yu an nebalema edikpegi o, oluk mo’gulentemin o. 20Asogo mo’gulontoluk, aphwami Israel a’ge at Yosua iak hologo togu lemagoluk en, hat he’gik pam tenentarok welegen a’ge ai, at logon wogomup o. 21#Kel. 28:30; 1Sam. 14:41; 28:6Wogosoam e, Eleazar en an nagai a’ge aluk eigoluk enede we’gerl ago a’ge onuk Urim emin, Tumim emin, wik-wok e, an hin wokniouwak o. Asogo hin wokniogwiam e, an en mo’guleik a’ge, at Eleazar en Yosua emin, aphwami Israel a’ge ’berlegat emin, di a’ge yu a’ge hegitsogo tuagoluk mo’gulentasu lemak o,” oluk mo’gulesi. 22Asogo mo’gulesimu, at Musa en wene Nenaik ’gain Onuk Logo a’ge en,
“Disogo tip,” oluk mo’gulesi a’ge ano hegitsogo nak tegei. Asogo tagalat, at Yosua ebe at Allah eiye a’ge Eleazar emin, aphwami Israel a’ge ’berlegat enilem edikpesirik e, 23#Ula. 31:23e’gik en a’gul sebelak poluk,
“Yosua an nebalema edikpegi o,” oluk Nenaik ’gain Onuk Logo a’ge en mo’gulesi hegitsogoat tegei.
Currently Selected:
Bilangan 27: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 27
27
Zelafehad emining a’ge horlo a’ge paget ogulani hwelani en tegisa wene
1At ap Zelafehad ano ogulani hwelani enebe 5 ononuk Mahla, Noa, Hoglah, Milka, Tirza aiat welegesa. Ye enaik lok dogo a’ge ononuk e, Zelafehad aik Hefer, Hefer aik Gilead, Gilead aik Makhir, Makhir aik Manasye, Manasye aik Yusuf aiat welegesa. 2At Musa emin, ap Allah eiye a’ge Eleazar emin, is Israel senentarok welagai a’ge onuelak emin, is aphwami Israel a’ge ’berlegat emin, Allah emin hwedik togumu owi sabo werik a’ge ’godukmu odoksogo oruakma, at Zelafehad ogulani hwelani ebano ene’bek legesarik, mo’gulontogulat e, 3“At nenaik ai, is ap Korah emin enede mesigarap poluk, at Allah emin hwerli tegisa a’ge ano emin tegisa ai pam en warom erlak. At omuat o wiak tegei pam o leimu ebano en warago Ye, at eiyagai ap mesik dak onobu erlakma en hwelani nak daknenebegei o. 4At eiyagai ap mesik dak onobu erlakma re, onuk erlak agoma no oluk, onuk welemagoluk, at arilak oruakma eba nis nenemin wolomul en e, ’gwiang mesik woknentemin o,” oluk mo’gulegisema.
5At Musa ano wene is en egesa a’ge ano wik-wok at Allah il pam mo’gulesi lagama, 6At Allah en Musa mo’guleselat, 7#Bil. 36:2“is hwelani Zelafehad ogulani en wene mo’gulhosu egesa ai, dematma re, haren ’gwiang is enaik emining a’ge wogoum holuk e arilak oruakma eba enemin ene’gerlakma welat, at ogulani hwelani eba, ’gwiang eiye welemagoluk pema ’balogo wogentemin o,” oluk, mo’gulesi,
8mo’gulesirik, mesik mo’guleselat, “Is aphwami Israel a’ge wene mo’gulonto ano re, yuat o. Ap mesik at eiyagai ap dagonobu erlakma en wolomtik warago holuk, ’gwiang emining a’ge ’gela’ge at horlo oluktak a’ge ano re, at ogulani hwelani ebanoat eiye emagoluk wogontogu lemak o. 9Ye, at en dogoma a’ge mesik erlakma de warago holuk nak e, ’gwiang emining a’ge ano ue ari wogontogulat, 10ye, ue ari logon modogat erlak holuk e, emining a’ge pouwa a’ge ano at aik arilak welagai a’ge ebano wogontogulat, 11ye, aik arilak a’ge modogat erlak holuk e, at arilak a’ge weiyelak horoksogo oruak a’ge ebano eiye emagoluk, ’gwiang emining a’ge ano wogontogulat, togu lemak, egei, oluk, mo’gulentemin o,” oluk, mo’gulesi. At Allah en wene wusogo Musa mo’gulesi a’ge ano hegitsogo wene ai, is aphwami Israel a’ge en togu lemagoluk, Musa en Israel a’ge mo’gulentesi ano re aiat o.
At Yosua Musa ebalema polik poluk edikpesi wene
12 #
Ula. 3:23-27; 32:48-52 Nenaik ’gain Onuk Logo a’ge en Musa disogo mo’gulesi,
“Hebe dom Abarim pam ligoroguntik e, o an en aphwami Israel a’ge wogentaik a’ge ano hil ’belaphomup o. 13-14Arat ’belaphaguntik e, hebe warorogun o. Asogo warorogun ai re, pageat o Zin leimu aphwami erlakma ik Meriba olomu eba en aphwami Israel a’ge an en ’gwelagentarok modok oruakhweat de, enebe ’berlek en,
Yu degenikmu nenebit e, oluk egesema ebano hue Harun emin en, an nu’gwarek degelak a’ge nebe pobi noboluk aphwami Israel a’ge enil pam ik ai liplau wemagoluk, an en,
Disogo togup, oluk mo’gulhentegis a’geat de, an nanni pam hau do’goksogo tu erlak. We, an niak sagalogo honogola opoluk tigep ai en, hat hue Harun waraga ai ’gela’ge, hat hebe warorogunat o,” oluk mo’gulesi. (Wene asogo taga laga ai re, ik onuk Meriba elaruk liplau wagama o onuk Kades, Zin leimu aphwami erlakma eba en taga laga a’ge ano paget mo’gulesi.)
15Asogo mo’gulesimu, at Musa se’ban disogo egei,
16“Allah Honuk Logo a’ge naik. Hat e, di a’ge yu a’ge elaluk welago a’ge ’berlegat enelalugap enebiso a’ge, naik. Aphwami ena’gul onuk Israel a’ge yu wogonoboluk louwa a’ge,
Ap yuat edikpo yo, oluk mo’gulnerinogoluk ’gonu mo’gulhegis o, naik. 17#1Raj. 22:17; Yeh. 34:5; Mat. 9:36; Mrk. 6:34Is weim obogulat, at ai is onue ’gain ebabut heberlak a’ge holuk wolom nagai en mo’gulhegis o. Hat heiyagai yu, wam domba aphwami o’gonogwi a’ge erlakma welago ai ’gela’ge polik pemen o, naik,” oluk mo’gulesi.
18 #
Kel. 24:13
Asogo mo’gulesi lagama, at Nenaik ’gain Onuk Logo a’ge en Musa disogo mo’gulesi,
“Hat en ap Nun omlogo Yosua Allah Arogun ebam oruak a’ge ai worlholuk e, he’gik a’gul sebelogo edikpemin o. 19Asogo edikpasulat e, at ebe ap Eleazar an nebe eiye a’ge emin, aphwami Israel a’ge ’berlegat emin, enilem edikpoluk e,
Yosua yu an nebalema edikpegi o, oluk mo’gulentemin o. 20Asogo mo’gulontoluk, aphwami Israel a’ge at Yosua iak hologo togu lemagoluk en, hat he’gik pam tenentarok welegen a’ge ai, at logon wogomup o. 21#Kel. 28:30; 1Sam. 14:41; 28:6Wogosoam e, Eleazar en an nagai a’ge aluk eigoluk enede we’gerl ago a’ge onuk Urim emin, Tumim emin, wik-wok e, an hin wokniouwak o. Asogo hin wokniogwiam e, an en mo’guleik a’ge, at Eleazar en Yosua emin, aphwami Israel a’ge ’berlegat emin, di a’ge yu a’ge hegitsogo tuagoluk mo’gulentasu lemak o,” oluk mo’gulesi. 22Asogo mo’gulesimu, at Musa en wene Nenaik ’gain Onuk Logo a’ge en,
“Disogo tip,” oluk mo’gulesi a’ge ano hegitsogo nak tegei. Asogo tagalat, at Yosua ebe at Allah eiye a’ge Eleazar emin, aphwami Israel a’ge ’berlegat enilem edikpesirik e, 23#Ula. 31:23e’gik en a’gul sebelak poluk,
“Yosua an nebalema edikpegi o,” oluk Nenaik ’gain Onuk Logo a’ge en mo’gulesi hegitsogoat tegei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in