Imamat 5
5
1Mo’gulesirik, wene mesik emin mo’gulontouwak oluk, Musa mo’guleselat, “Agauwa mesik pam ap mesik wiak tisoma, ap mu a’ge mesik en il hasulat, esa’go hweliselat, taga lema a’ge ano aluk oruakhwe, ap wiak taga lema a’ge ano agap delogo, ap aluk a’ge ano wemak oluk, yogo pouwa a’geat de, asogo hegi, oluk, ’baksogo mo’gulosuom ebit en mo oso holuk e, wiagatma re, at ai ogo wiak o’go pouwak o.
2Ye, agauwa mesik pam ap mesik en di a’ge yu a’ge il hweiye parema a’ge de a, il ena o ogola a’ge de a, onogum pam no’gwi a’ge de a, ’berlegat enebe sen onto a’ge asua oruakhweat de, warom a’ge ebano il ho erlak welat, ten houwa ano pam e’ben ebam ema ano pam ebe wiak tago holuk e, yu wiagat tegismu hegi ’oluk opouwak o.
3Ye, ap mesik en pobitak erlak welat, aphwami eniak a’ge nak u mia oluk oruak a’ge ano de oso holuk e, arat ebam e’benap poluk ebe wiak agoma re, aluk agalomtik, yu wiagat tegis hegi, oluk, opouwak o.
4Ye, ap mesik en obap po a’ge paget a, wiagap po a’ge paget a, no tu a’ge paget ’berlegat ede en pobirak erlakma en, demat tua o, oluk, ho’buk ’belakpoluk, yogunat oruakma, hat e’gen ano no’gosogo yo? Oluk ogwiam, ap ano en epasulat, an en egi a’ge hegitsogo tu erlakma re, wiagat tegismu hegi, oluk opouwak o.
5Tu a’ge ’berlegat egi ai, ap mesik en taga lemarik holuk, an wiak disogoat tegis o, oluk, ’baktiso holuk, 6o wiak erlagapsogo paik en e, domba holou a, kambing holou a, wusogo at, wiak taga lema a’ge ano o’go an Allah nebaget poumak o, pou wago holuk, o wiak erlagap poluk, nemin hwedik weleik en e ap an nebe eiye a’ge en emep ano odouk narlogumu ebale ano ologun mu en-ologun mu e e’bet lo’boktak a’ge ebano petne herlelik pil laga lemak o.
7Asogo tu a’geat de, at wiak tua a’ge ano o’go kambing domba an Allah woknoum a’ge ebe erlak holuk e, o wiak erlagapsogo paik ene sue ’berla? abiang a, ’biren pou wotluk, tue mesik o wiak erlagapsogo pouwagoluk pogwi a’ge ano a’ge pasulat, ye, tue akhen ano nebaget wusogo e narluak oluk pogulat togwi a’ge ano pasulat tuak o.
8Asogo takpasuam e, ap an nebe eiye a’ge en o wiak erlagapsogo pouwagoluk, sue ebaget pulogo po a’ge ano naduk o’gorlop daksogo ’balu erlakma en we odogun nak ’gosuksogo poluk, 9o wiak erlagapsogo po a’ge emep ano, logon wokho nebaget wusogo e narlogumu e demak a’ge ebale ano eragam o’gwe herlelik pil louwak o, emep lok ano an nebaget wusogo odouk narlogumu eragam eriano herlelik pouwak o. Asogo togulom ano re, o wiak erlagapsogo pouwagoluk an nebaget wusogo pogulom e asogoat o. 10Asogo takpoluk, sue akhen ano an nebaget wusogo e narlogulat, asogo tu o, oluk, wene tak a’ge hegitsogoat wusogo e narlisoam, ap wiak tiso a’ge ano o wiak an en erlagap poluk, nemin hwedik weleik oluk, ap an nebe eiye a’ge en emep ano odouk narlogumu ebale ano ologun mu en ologunmu wali’gogo e e’bet lo’boktak a’ge ebano petne ’berlegat herlelik pil laga lema holuk e, o wiak erlagapsogo pouwagoluk taga lema re, aiat o, uam worogwi ai ’gela’geat tuak o.
11Ye, at en a’ge sue ’berl ’biren de a? sue abiang ’biren a, erlak holuk e, at wiak tua a’ge ano ho tik en e, an nebaget gandum modok opsogo e’gen wogo a’ge 2 liter ’gela’geat poumak o. At o wiak erlagap paik en e, nebaget poatma re, a’bosu ebam mangno tagalat, odouk narlogwiam, e’ben op a’ge ano ebam ’gelelik pasulat, tu mia o. 12Gandum e’gen wogo woluk wema a’ge ano ap an nebe eiye a’ge ano en agauwa mesik pam e’gikmu wik-wok, ap wiak tegei a’ge o wiak yu, erlagapsogo po a’ge paget o, oluk, odouk narlogumu ebano mu a’ge de an nebaget odouk narluak oluk, pou wama welema a’ge ano emin gellik poluk, an Allah nebaget odouk narluak o. Asogo togulom ai re, o wiak erlagapsogo pouwagoluk, an nebaget pogulom ano re, aiat o. 13Ye, ap ai wiak tua a’ge ano an en erlagap poluk, nemin hwedik weleik en e, ap an nebe eiye a’ge en emep ano odouk narlogumu ebale ano ologun mu en ologunmu wali’gogo e e’bet lo’boktak a’ge ebano petne ’berlegat herlelik pil laga lema holuk e, o wiak erlagapsogo po ano re aiat o. Di a’ge yu a’ge agap e’gen wokho an nebaget pogulat, togwi ’gela’ge, ap gandum e’gen wogo pou womma pema dedelik ebano re, ap an nebe eiye a’ge ano ebagerat ukpogu lemak, egei, oluk mo’gulontomup o,” oluk egei o.
Allah ebaget poluk en dagan holuk, ebalema togolik pou wom wene
14Mo’gulesirik, at Allah en Musa mo’guleselat,
15“Ap mesik en, yu Allah ebaget a’ge, oluk eperlakma en, dagan-pagan takpasu holuk e, wiagatma re, an nowi sabo werikmu ogo, perak a’ge disogo po yo, oluk, hwelak oruak a’ge ano hegitsogoat domba ierak aik ’belak erlak op a’ge holuk an Allah nebaget dagan pagan takpo a’ge ano ebalema poumak o. Asogo togulom ano re, an nebaget a’ge dagantak a’ge ano wiagatma re, wiak a’ge ai, eberak wolom ’gela’ge erlagap-sogo paik en e, ebalema pogulom aiat o. 16Ap ai en an nebaget polik a’ge dagan tiso a’ge ano ebalema pou wagalat, mesik seperlima emin ebam louksogo woluk, ap an nebe eiye a’ge wogentau wagoam e, ap an nebe eiye a’ge en an nebaget a’ge dagan tiso a’ge ano ebalema domba pou wago a’ge ano ap ai emin hwedik tik ene emep ano odouk narlogumu ebale ano ologunmu en ologunmu e e’bet lo’boktak a’ge ebano petne herlelik pasu holuk e, o wiak ai erlagapsogoat paik o.
17An Allah en, disogo tu, asogo tu, oluk wene mo’gulentegis a’ge ebano ap mesik en eperlagat we yogunat welat, laliso holuk, at ai wiagat tisoma re, e’gin at ebamat welemak o. 18At ebamat oruakma, niak sagalogo poluk, wiak tua a’ge ano erlagapsogo paik en e, o’go uam kambing domba ierak a’ge mesik aik ’belak erlak a’ge op a’ge, o’go disogo po, yo oluktak a’ge hegitsogoat woluk ap an nebe eiye a’ge wogosu agoam, at eperlak we yogunat welat wiak tua a’ge ano erlagapsogo paik en e, niak sagalua a’ge o’go pouma a’ge ano nemin hwedik tuok oluk, ap an nebe eiye a’ge en an nebaget wusogo pouwak o. An nebaget wusogo pasu holuk, an en ap ai o wiak erlagapsogo paik o. 19Asogo togulom ai re, an Allah nebaget polik pogwi a’ge lal-’baltak nobogu legep ano wiagatma re, erlagapsogo paik en e, ebalema nebaget pou wagalom ano re, aiat o,” oluk, wene wusogo Musa mo’gulesi.
Currently Selected:
Imamat 5: Wul
Highlight
Copy
Compare
Share
Want to have your highlights saved across all your devices? Sign up or sign in
