Yosua 15
15
Ap Yehuda a’ge ono’gwiang hwerli ’belak wene
1A’gul onuk Yehuda pam en weiyelak o’gwe en dogo ’gwe a’ge lo’bok helep pam hwikhai lo wom walholuk, ono’gwiang so’busogo wogentesi ano re, erabu en ’bekhit orogobu o lei Zin en o abel akhit modok ’gwiang Edom hwerli horoksogo welaga.
2Is Yehuda a’ge ono’gwiang o abel akhit hwerli re, ik lok ye’gelak onuk mayu egeik ogwi akhit en ’bekhit ologun o abel akhit o’gwe modok dungtak poluk, 3’bekhit dom huk tak a’ge mesik e’gen onuk Akrabim a’ge akhit o o’borl akhit o’gwe oruakhwe, ’bekhit, o leimu Zin en egim agam a’ge toluk o Kadesh-Barnea ’gwe toluk o abel akhit o’gwe lit-lat legesarik o Hezron en o Adar ligotluk, no’gorlik garok hai legesarik o Karka en ’bekhit, 4O Azmon eba loluk, ik wei a’ge mesik onuk Mesir ano pam pei legesarik, ik lok ye’gelak a’ge Laut Tengah hwerli eria re, is Yehuda a’gul onuk a’ge ono’gwiang o abel akhit hwerli at.
5Ono’gwiang o mo liplau wago akhit o’gwe hwerli re, ik lok ye’gelak mayu egeik ano motluk-motluk toluk erei akhit ik Yordan o’but ’gwelabu ago akhirat welaga. Ono’gwiang o o’borl pam ogwi akhit ai hwerli re, ik Yordan o’but ’gwelabu agoma ik ye’gelak-a’ge akhit hop holuk, 6O Bet-Hogla ai ligotluk ’bekhit, o Bet-Araba orogou akhit o abel akhit oruakhwe, erabu no ap Ruben omlogo Bohan egelep uak werikmu ebano legesarik. 7Akhor o dogoma en Debir erabu ligotluk, orogole edenogo o o’borl akhit o’gwe motluk toluk o Gilgal eba lail laga. O Gilgal ai, o dogo erang pasegeimu o o’borl akhit dom Adumim libom-’guom ogumuat welagama re, is ai pam en legesarik ik elaruk libagoma o En-Semes en ’bekhit, o En-Rogel lai lotluk, 8Ben-Hinom do’go erabu akhit motluk is aphwami Yebus a’ge welagaimu o kota Yerusalem dom edipmu o abel akhit o’gwe lail legesarik, eba en Refaim dogo o o’borl akhit o’gwe ologun akhit eba henemin o dogo o mo obuk ilasu akhit o’gwe hegit dom e’biang ano pam en ’bekhit, 9ik elaruk liplau wago akhit onuk Me-Neftoah eba loluk, dom petne o kota-kota en legesarik o Baala ai en, o Kiryat-Yearim atma re, eba ’bi lotluk, 10pobuk togolik, hokhomtak o Baala en ’bekhit o mo obuk ilasu akhit o’gwe hegit motluk, dom ho’gorlakma o Seir lai lotluk, o o’borl akhit o’gwe Dom Yearim ai, Kesalon atma re, dom ai esa’goma eba legesa. Legesarik Bet-Semes orogobu en ’bekhit, o Timna en 11Dom Ekron o o’borl akhit o’gwe esa’goma eba legesa legesarik, eba en onolukhwe ’bekhit, o Sikron legesarik, eba en ’bekhit dom Baala en o Yabneel legesarik, ologun ik lok yegelak a’ge laut hwerliat welaga.
12Ono’gwiang o mo obuk ilasu akhit o’gwe hwerli ’belak e, ik lok ye’gelak Laut Tengah ai iak pam o. A’gul onuk Yehuda a’ge en dogo ’gwe a’ge lo’bok ono’gwiang hwerli re, aiat o.
Ap Kaleb en o Hebron mikhwerlesi wene
13 #
Hak. 1:20
At Allah en wene mo’gulentesi a’ge hegitsogo, at Yosua en ap Yefune omlogo Kaleb a’gul onuk Yehuda a’ge ono’gwiang ado me’gerik welaga a’ge me’gisogo wogentesi ano re, o Kiryat-Arba onuk mesik e Hebron at. Ap Enak a’ge enaik onuk e, Arba at o. 14Ano wogosoam, ap Enak pam en weiyelak a’ge enebe henagan, ap Sesai emin, Ahiman emin, Talmai emin, o Hebron welegesa a’ge ebano at Kaleb en mukho lebik enebesi. 15Lebik onoboluk, is aphwami o Debir naduk onuk Kiryat-Sefer ogu legesema ebano welegesa a’ge ebano, enemin weim ti laik oluk, lasulat, 16At Kaleb en ap su en is Kiryat-Sefer a’ge wusogo onoboluk, o ano sebeliso holuk e, an nagalogo hwele Akhsa ano at ugwe horlouwagoluk wogeik o. 17Asogo egeimu, at Kaleb ano ot Kenas omlogo onuk Otniel en o kota ano, sebelegeimu, at Kaleb en at agalogo hwele Akhsa ano, ugwe horlouwagoluk, wogesi.
18Wogesimu, ogun hau waga ano erlige hwe ano en ogun mo’guleselat, “naik en ’gwiang ’belak mesik woknemagoluk mo’gulesi louwak o,” oluk, legesarik, hwe ano wam keledai o’borl pam en ’gwiang pam ’bu agoam, at aik Kaleb en at mo’guleselat, “Hat notok hobuak oluk wegen o?”
19Mo’gulesimu, at hwele ano en, naik o. “Hat o lei lok o abel akhit ’gwi lasu legen akhit o’gwe ’gwiang a’bosu erlak ’buk a’ge woknigen a’geat de, an hagalogo hedeap nebiselat, ik elarukmu ’gela’ge mesik emin, woknemin o,” mo’gulesimu at Kaleb en o ’gwiang ’belak ik elaruk erei akhit porlolu tisoma emin, orogou akhit o’but ’bisoma emin, eminat wogesi.
A’gul onuk Yehuda a’ge kota-kota wogentesi wene
20A’gul onuk Yehuda a’ge en dogoma a’ge en eiye emagoluk o kota-kota wogentesi ano yuat,
21o lei lok o sogweik akhit ologun ebema is aphwami Edom a’ge, ’gwiang Negeb welegesa a’ge re ono’gwiang hwerlitakma o kota-kota a’gul onuk Yehuda a’ge wogentesi a’ge onuk e, Kabzeel, Eder, Yagur, 22Kina, Dimona, Adada, 23Kedesh, Hazor, Yitnan, 24Zif, Telem, Bealot, 25Hazor-Hadata, Keriot-Hezron, onuk mesik Hazor enebe yuat wogentesi. 26Amam, Sema, Molada, 27Hazar-Gada, Hesmon, Bet-Pelet 28Hazar-Sual, Bersyeba e’berlik enebe wei-wei a’ge logon logat wogentasulat 29Baala, Iyim, Ezem, 30Eltolad, Kesil, Horma, 31Ziklag, Madmana, Sansana, 32Lebaot, Silhim, Ain, Rimon erianoat wogentasulat, tegeimu re, la’bulogo o kota 29 wogentasulat, kota-kota ai, e’berlik wei-wei a’ge logon a’bigat emin wogentesi.
33O mo obuk ilasu akhit o’gwe o dom-dom petne o kota-kota wogentesi ai re, Esytaol, Zora, Asna, 34Zanoah, En-Ganim, Tapuah, Enam, 35Yarmut, Adulam, Sokho, Azeka, 36Saaraim, Aditaim, Gedera en mesik onuk Gederotaim, ano wogentesi a’ge ebe la’bolik kota 14 yu o kota-kota wogentasulat e’berlik o o’borl o’gwe wei-wei a’ge logon emin, a’biksogoat wogentasulat tegei ai,
37Zenan, Hadasa, Migdal-Gad, 38Dilean, Mizpa, Yokteel, 39Lakhis, Bozkat, Eglon, 40Kabon, Lahmas, Kitlis, 41Gederot, Bet-Dagon, Naama, Makeda, ai paget la’bolik o Kota 16 en wogentasulat, e’berlik ebam louksogo o o’borl o’gwe wei-wei a’ge a’bigat logon wogentasulat,
42Libna, Eter, Asan, 43Yiftah, Asna, Nezib. 44Kehila, Akhzib, Maresa aiatma re, la’bolik o kota 9 wogentasulat, e’berlik o o’borl o’gwe wei-wei a’ge logon eminsogoat wogentasulat,
45o kota Ekron e’berlik, o o’borl o’gwe wei-wei a’ge logon emin loksogoat emin, wogentasulat tegei, 46o kota Ekron horok takpoluk legesarik o mo obuk oso akhit o’gwe hegit, o Asdod horoksogo o kota-kota emin, e’berlik o o’borl o’gwe logon wei-wei a’ge a’bigat emin, wogentasulat, 47o kota Asdod wogentasulat, e’berlik o o’borl o’gwe kota-kota logon emin, o seli-seli logon a’bigat emin, ebano wogentasulat, o kota Gaza wogentasulat, e’berlik o o’borl o’gwe seli ado logat emin, wei a’ge emin, wogentasulat, til-til ik wei a’ge mesik onuk Mesir erlan o’gwe o kota-kota welagai a’ge ebano emin, ik lok ye’gelak Laut Tengah iak pam o kota-kota welagai a’ge ebano eminat wogentasulat tegei ano aiat o.
48O dom petne o kota wogentesi a’ge ebano onuk e, Samir, Yatir, Sokho, 49Dana Kiryat-Sana, ai onuk mesik Debir atma re, ai wogentasulat 50Anab, Estemo, Anim, 51Gosyen, Holon, Gilo aiatma re, La’bulogo o kota 11 wogentasulat, eberlik o o’borl o’gwe o seli logon wei-wei a’ge-a’bigat wogentasulat tegei,
52 kota Arab, Duma, Esan, 53Yanum, Bet-Tapuah, Afeka 54Humta, Kiryat-Arba, eria re, o kota Hebron atma re, eria wogentasulat, o kota Zior, wogentasulat, tegeitik e, la’bolik kota 9 wogentasulat e’berlik o o’borl o’gwe o seli wei-wei a’ge logon eminat wogentesi.
55O kota logon onuk, Maon, Karmel, Zif, Yuta, 56Yizreel, Yokdeam, Zanoah, 57Kain, Gibea, Timna, aiatma re, la’bolik o kota 10 wogentasulat, e’berlik o o’borl o’gwe seli wei o’gwe logon eminat wogentasulat tegei,
58o kota Halhul, Bet-Zur, Gedor, 59Maarat, Bet-Anot, Eltekon, aiatma re, la’bolik o kota 6 wogentasulat, e’berlik o o’borl o’gwe seli logon wei o’gwe eminat wogentesi
60o kota Kiryat-Baal ai onuk mesik Kiryat-Yearim ano emin, Raba emin, eria eminat wogentasulat, e’berlik o o’borl o’gwe seli wei-wei a’ge logon emin wogentasulat tegei.
61O kota-kota lei o’gwe welaga a’ge wogentesi ebano onuk e, Bet-Araba, Midin, Sekhakha 62Nibsan, o kota mesik onuk Mayu kota, En-Gedi atma re, ai a’ge la’bolik o kota 6 wogentasulat, e’berlik o o’borl o’gwe seli wei-wei a’ge logon eminat wogentesi.
63 #
Hak. 1:21; 2Sam. 5:6; 1Taw. 11:4 Asogo a’geat de, is aphwami Yebus a’ge onowi kota o Yerusalem welegesa a’ge ebano re, is ap Yehuda a’ge en mukho lebik onobo miayatma re, is Yehuda a’ge eneminat o yogodak eba ogo oruagat o.
Currently Selected:
Yosua 15: Wul
Highlight
Share
Copy
Want to have your highlights saved across all your devices? Sign up or sign in
