Yunus 2
2
Yunus hiane ogola welat Allah yo’go pesi wene
1At Yunus hiane ogum ogola welat, aik ’gain Onuk Logo a’ge Allah yo’go disogo pesi,
2“Allah ’gain Honuk Logo a’ge naik o.
An wiak hasulat niak loksogo yo’go hebegimu,
niak hesa’go hweligen o, naik.
Aphwami warotluk wagaimu opma akhit yema en,
delnebinogoluk yo’go hebegimu,
hesa’go hweligentik delnobu e’gen o.
3Allah naik!
Ik laut ’burl ik’berlik pam ’belaknebegenma oruakma,
ik ebe en wi-walingsogo taknebasulat,
hegeik hererimtak nebatne ligagalat,
ik ogum en salnebiselat, taga laga.
4An eba welat, nede en e,
Hat naik ’gain Honuk Logo a’ge en,
nebe hologotma en mukho peraknobou wegenma,
hu’gwarek howi werikmu eba nil pobuk ho mia, oluk epegi.
5Asogo epegimu, ik en sebelnebegeitik e,
ik nemde ele’gwe ligagalat, e’gela ik laut ogola welago a’ge,
na’gul petne irep eselat, tegei.
6Dom ik ogola oruak a’ge eragam orogobu ’begistik e,
’goduk ’gorlok ningsogo lerakma re, libom miama ’gwegistik e,
modok-modok weleik ’galma re,
hat naik ’gain Honuk Logo a’ge en nelaluk welemagoluk,
opma ogodima en woknebigen o.
7Nogola en,
An arat wareik hegi, oluk epegirik e,
hebam ebethegirik e, yo’go hebegimu,
hat hu’gwarek howi werikmu welat, niak hesa’go hweligen o.
8Is aphwami logon dogwi asua ebe erlak a’ge paget de,
erliktogu lomogoluk, hemin lo’boksogo wolom erlak,
ukhoboluk libegesa ai.
9Asogo a’geat de, an nak e, hat hebaget hau wathebiselat,
huam mesik wusogo narlheselat, tik ani o.
An en, naduk,
Disogo tik, oluk wene wathebegis a’ge ai, ’berlegat tik o.
Naik ’gain Honuk Logo a’ge.
Hat enat nenebe delnenebise legen o, naik,”
oluk yo’go epesi.
10Yo’go asogo pesimu re, Allah en hiane ano mo’guleselat,
“Yunus ebe lukho ik esa’goma lebikpei lu o,” oluk mo’gulesimu, lebikpou waga.
Currently Selected:
Yunus 2: Wul
Highlight
Copy
Compare
Share
Want to have your highlights saved across all your devices? Sign up or sign in
