Yeremia 45
45
Yeremia en ap Barukh ede ago weregei wene
1 #
2Raj. 24:1; 2Taw. 36:5-7; Dan. 1:1,2 At Yosia omlogo Yoyakim ano is Yehuda a’ge ’gain otluk, wene ’gagalogo mo’gulentasukhwe, tahun henagan takpoluk, mesik agokhwe ap Neria omlogo Barukh ano Allah en mo’gulosokhwe mo’gulentasu a’ge Yeremia en mo’gulentasukhwe ’berlegat tuesiga egerlik a’ge ogola odo ’balisoam e, ap Yeremia en ap Barukh mo’gulesi ano re, yuat o. 2“Barukh o. At ’gain Onuk Logo a’ge Israel a’ge enaik Allah en mo’gulhoso ano re, yuat o. 3Hat en eselat, an nede wathwerlasukhwe, At ’gain Onuk Logo a’ge Allah en, ebenagaikmu ede wathorlouwak, oluk opoluk, mesik eminat e’gin nebam pasuam, nede e’gin en ebetil lasulat, nanni erlak agalat, nede yamuk u erlakma en perik nak welat, tagoma re nebe nede o, oluk, e’gen o.
4Asogo oso nebegen ai, At ’gain Onuk Logo a’ge Allah en, mo’gulemin, oluk mo’gulnesi ano re, yuat o. An en o yu ’berlegat o worogwi a’ge moluksogo pogwi ’gelage takpasulat, ye, owi yorogwi a’ge edip henokho hwikhogwi ’gelage takpasulat, tikmu re, 5No paget en, An nak op weleik, epasu legen? At asogo opo erlak o. Di aphwami yu aphwami ’berlegat modok e’gin enebam paik a’geat de, at nage di owi yu owi nosoma, worogumu no oluk, ebe erlele wogo welemagoluk, degelise leik o, oluk At ’gain Onuk Logo a’ge Allah en egeimu, mo’gulhegis o,” oluk, mo’gulesi aiat o.
Currently Selected:
Yeremia 45: Wul
Highlight
Copy
Compare
Share
Want to have your highlights saved across all your devices? Sign up or sign in
