Amos 3
3
1At Nenaik ’gain Onuk Logo a’ge en asogo egeitik, his mo’gulhontuagoluk egei a’ge mo’gulhentaik yu, henesa’go opsogo hwelip o. His aphwami Israel a’ge yu. Nenaik ’gain Onuk Logo a’ge en his henebe ’berlegat o Mesir en wokhonoboluk liplau waga ai o. Holuk e, at en disogo egei,
2“Di aphwami yu aphwami o ’gwiangma di owi yu owi welagai a’ge ’berlegat weiyat naluk a’geat de, his nak e, henebe modok naluk o. Ai enat, an en his wiak togu legep ai pam wene henebam paik o,” oluk egei.
Ap Allah iak mo’gulontogwi a’ge en togulom a’ge paget mo’gulentesi wene
3Asogo egeitik, mesik disogo egei:
“Aphwami enebe ’biren a’ge en e,
Nis o eba louwok, oluk e’birek wene woru erlakma en e, e’birek lo no? 4At singa e’gelema welat, at nasu a’ge ho erlakma en iak hwelaik u no? At singa emalik elema welat, nasu a’ge mesik tenak erlakma en iak hwelaik u no? 5Aphwami en tue herle po erlakma en, ebe o’gorlop hol ’gotnok u no? At ’baik sepna ai, ’baik ebe ’gu erlakma en, sepna ela’gin dung u no? 6Aphwami o kota welagai a’ge,
Weim oruak, oluk enede we’gerlogo ’bi’gong iak inghogwiam enarogun lo erlakma en, mo u no? Ye, henaik ’gain Nonuk Logo a’ge en aphwami o kota mesik welagai a’ge modok wiak a’ge enebam perakpou om erlakmayat de, enebam om no? 7An henaik ’gain Nonuk Logo a’ge en e,
An disogo tik, oluk ap an neragam a’ge niak mo’gulontogwi a’ge ai ’baksogo mo’gulontogwi erlakma en, mesik taga legi modok erlak. ’Baksogo mo’gulentasu legi nak o. 8At singa iak ngurl oso holuk, sa ’gela’ge en ogorlok erlak ha’buksogo wolom no? Ye, an henaik ’gain Nonuk Logo a’ge en niak oso holuk, sa en aphwami logon mo’gulonto erlakma en, mo u no? Mo’gulontoat o,” oluk egei.
Aphwami Samaria a’ge wene enebam paik oluk egei wene
9Asogo egeitik e, mesik disogo egei,
“His en e, aphwami o Mesir a’ge onuelak emin, Asdod a’ge onuelak emin, onowi op a’ge oruakma mo’gulontogulat e,
His henebe aphwami Samaria a’ge onowi dom petne odoktu otluk e, is eba wiak modok agalat, di a’ge yu a’ge sagalogulat damulogwi ai ’gela’ge is logon wiagap onobogulat, togukhwe henil entau manis o, oluk mo’gulontomup o,” oluk egei.
10Nenaik ’gain Onuk Logo a’ge en asogo egeitik, mesik disogo egei,
“Is aphwami Samaria a’ge ai re, onowi pam eba di a’ge yu a’ge is logon ’gorlo tagonobogulat, delogo horlogulat, hogul a’ge horlogulat, tigisa a’ge modok ’betesogo pagathorloluk oruak o. Asogo pogulat, enebabut hegit mesik tu eneperlak welat, ’gorlo nak togwi o. 11Is asogo togwi ai en e, is onowi pam eba eneselei a’ge en o laronobogulat, selei a’ge ’guano oluk leget pakleget werik a’ge wiagarogulat, onuelak ononuk oruak a’ge onowi pam ’goluk di a’ge yu a’ge horlogulat, tua o.
12Aphwami logon domba tenakho welagai a’ge en o domba singa en aroromsogo nasuam, uak ’biren podoksogo de a, esa’go lebilogo de a, ai nak delogwi ai ’gela’ge, aphwami Samaria a’ge enebe yogodak ’gela’ge nogogumu enebalema opsogo welat enede enagai opogwi welagai ai, waronobogwiam enebe wei nagat delonobumu enelaluk welema o,” oluk egei.
13At nenaik Allah ’gain Onuk Logo a’ge di a’ge yu a’ge tu nak a’ge ano en asogo egeitik mesik disogo egei,
“An en wene hebam paik a’ge yu, hat en opsogo pobitak poluk e, aphwami ap Yakub en dogo’gwe a’ge ai ’baksogo mo’gulontomup o. 14#2Raj. 23:15An en aphwami Israel a’ge enebabut wiak modok togwi ai en wene enebam pasulat, o Betel en wam, di a’ge yu a’ge dogwi asua paget wusogo narlogwi a’ge ebale ai ebe modok erlagap tagalat, ebale ai o’gut pema-pema iak ’gela’ge daintak a’ge ano dekhegeik, ’gwiangma ’belakpaik o. 15Asogo tagalat, is onowi pam mo ’bi lotluk sogwei agoam welagaimu emin, mo ligotluk aganhan agoam welagai a’ge emin, modok wiagariselat, onowi pam op wam ’gela’ge lok a’ge onuk gajah ai a’ge iak henokho o ilmu opsogo oluk heli’gogo pogwi a’ge ano, moluksogo ukpasulat, o lok werik a’ge ’berlegat wiagapsogo ukpasulat, tik o,” oluk egei.
Currently Selected:
Amos 3: Wul
Highlight
Copy
Compare
Share
Want to have your highlights saved across all your devices? Sign up or sign in
Amos 3
3
1At Nenaik ’gain Onuk Logo a’ge en asogo egeitik, his mo’gulhontuagoluk egei a’ge mo’gulhentaik yu, henesa’go opsogo hwelip o. His aphwami Israel a’ge yu. Nenaik ’gain Onuk Logo a’ge en his henebe ’berlegat o Mesir en wokhonoboluk liplau waga ai o. Holuk e, at en disogo egei,
2“Di aphwami yu aphwami o ’gwiangma di owi yu owi welagai a’ge ’berlegat weiyat naluk a’geat de, his nak e, henebe modok naluk o. Ai enat, an en his wiak togu legep ai pam wene henebam paik o,” oluk egei.
Ap Allah iak mo’gulontogwi a’ge en togulom a’ge paget mo’gulentesi wene
3Asogo egeitik, mesik disogo egei:
“Aphwami enebe ’biren a’ge en e,
Nis o eba louwok, oluk e’birek wene woru erlakma en e, e’birek lo no? 4At singa e’gelema welat, at nasu a’ge ho erlakma en iak hwelaik u no? At singa emalik elema welat, nasu a’ge mesik tenak erlakma en iak hwelaik u no? 5Aphwami en tue herle po erlakma en, ebe o’gorlop hol ’gotnok u no? At ’baik sepna ai, ’baik ebe ’gu erlakma en, sepna ela’gin dung u no? 6Aphwami o kota welagai a’ge,
Weim oruak, oluk enede we’gerlogo ’bi’gong iak inghogwiam enarogun lo erlakma en, mo u no? Ye, henaik ’gain Nonuk Logo a’ge en aphwami o kota mesik welagai a’ge modok wiak a’ge enebam perakpou om erlakmayat de, enebam om no? 7An henaik ’gain Nonuk Logo a’ge en e,
An disogo tik, oluk ap an neragam a’ge niak mo’gulontogwi a’ge ai ’baksogo mo’gulontogwi erlakma en, mesik taga legi modok erlak. ’Baksogo mo’gulentasu legi nak o. 8At singa iak ngurl oso holuk, sa ’gela’ge en ogorlok erlak ha’buksogo wolom no? Ye, an henaik ’gain Nonuk Logo a’ge en niak oso holuk, sa en aphwami logon mo’gulonto erlakma en, mo u no? Mo’gulontoat o,” oluk egei.
Aphwami Samaria a’ge wene enebam paik oluk egei wene
9Asogo egeitik e, mesik disogo egei,
“His en e, aphwami o Mesir a’ge onuelak emin, Asdod a’ge onuelak emin, onowi op a’ge oruakma mo’gulontogulat e,
His henebe aphwami Samaria a’ge onowi dom petne odoktu otluk e, is eba wiak modok agalat, di a’ge yu a’ge sagalogulat damulogwi ai ’gela’ge is logon wiagap onobogulat, togukhwe henil entau manis o, oluk mo’gulontomup o,” oluk egei.
10Nenaik ’gain Onuk Logo a’ge en asogo egeitik, mesik disogo egei,
“Is aphwami Samaria a’ge ai re, onowi pam eba di a’ge yu a’ge is logon ’gorlo tagonobogulat, delogo horlogulat, hogul a’ge horlogulat, tigisa a’ge modok ’betesogo pagathorloluk oruak o. Asogo pogulat, enebabut hegit mesik tu eneperlak welat, ’gorlo nak togwi o. 11Is asogo togwi ai en e, is onowi pam eba eneselei a’ge en o laronobogulat, selei a’ge ’guano oluk leget pakleget werik a’ge wiagarogulat, onuelak ononuk oruak a’ge onowi pam ’goluk di a’ge yu a’ge horlogulat, tua o.
12Aphwami logon domba tenakho welagai a’ge en o domba singa en aroromsogo nasuam, uak ’biren podoksogo de a, esa’go lebilogo de a, ai nak delogwi ai ’gela’ge, aphwami Samaria a’ge enebe yogodak ’gela’ge nogogumu enebalema opsogo welat enede enagai opogwi welagai ai, waronobogwiam enebe wei nagat delonobumu enelaluk welema o,” oluk egei.
13At nenaik Allah ’gain Onuk Logo a’ge di a’ge yu a’ge tu nak a’ge ano en asogo egeitik mesik disogo egei,
“An en wene hebam paik a’ge yu, hat en opsogo pobitak poluk e, aphwami ap Yakub en dogo’gwe a’ge ai ’baksogo mo’gulontomup o. 14#2Raj. 23:15An en aphwami Israel a’ge enebabut wiak modok togwi ai en wene enebam pasulat, o Betel en wam, di a’ge yu a’ge dogwi asua paget wusogo narlogwi a’ge ebale ai ebe modok erlagap tagalat, ebale ai o’gut pema-pema iak ’gela’ge daintak a’ge ano dekhegeik, ’gwiangma ’belakpaik o. 15Asogo tagalat, is onowi pam mo ’bi lotluk sogwei agoam welagaimu emin, mo ligotluk aganhan agoam welagai a’ge emin, modok wiagariselat, onowi pam op wam ’gela’ge lok a’ge onuk gajah ai a’ge iak henokho o ilmu opsogo oluk heli’gogo pogwi a’ge ano, moluksogo ukpasulat, o lok werik a’ge ’berlegat wiagapsogo ukpasulat, tik o,” oluk egei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in