Amos 2
2
Wene aphwami Moab a’ge enebam pouwa wene
1 #
Yes. 15:1–16:14; 25:10-12; Yer. 48:1-47; Yeh. 25:8-11; Zef. 2:8-11 Nenaik ’gain Onuk Logo a’ge en asogo egeitik, mesik aphwami Moab a’ge enebaget disogo egei,
“Is aphwami Moab a’ge pobuk-naduk wiak togwi modok welagai ai en, an en mo u erlakma en, demat wene enebam paik o. Is en aphwami Edom a’ge onue onuk logo a’ge ebe waraga ano onogola mi-miarak poluk, ebe werak ’gwiang ’balogo saligisa a’ge ano uak yegerlogo wik-wok e, odouk narlegisema ul heling aga ai.
2Asogo tigisa ai en, an en odouk aphwami Moab a’ge onowi pam perakpou agoam e, o Keriot leget pakleget ningtak werik a’ge ai, odouk modok nouwa o. Asogo nasukhwe, weim obogulat, eniak a’bik sup ogulat, ’bi’gong iak lok a’ge inghogulat, eniak a’bik sagalhogulat, togwiam eniak e’gerlak o’gwe aphwami Moab a’ge enebe waronobua o. 3Asogo warenebisokhwe, onue ’gain onuk logo a’ge emin, osilak ’gaindek emin, ’berlegat an en warenebik o, oluk an henaik ’gain Nonuk Logo a’ge en egi o,” oluk egei.
Wene aphwami Yehuda a’ge enebam pouwa wene
4Nenaik ’gain Onuk Logo a’ge en asogo egeitik, aphwami Yehuda a’ge enebaget disogo egei,
“Is aphwami Yehuda a’ge pobuk-naduk wiak togwi modok welagai ai en, an en mo u erlakma en, demat wene enebam paik o. An en,
Disogo togu lomup, asogo togu lomup, oluk enesa’go weriselat, mo’gulentasulat, tegis wene ai, is en hologo togulom enebit en e, sagalogo ene’balak en mu a’ge paget de, eniak eseiyat,
Nenaik ebe yuat o, oluk erliktogu legesa a’ge ai erliktogwi ai pam enebe lalenebiso ai. 5Asogo togwi ai en, an en odouk o Yehuda perakpou agoam, o Yerusalem leget pakleget ningtak werik a’ge odouk modok nouwa o,” oluk egei.
Wene aphwami Israel a’ge enebam pouwa wene
6Nenaik ’gain Onuk Logo a’ge en asogo egeitik, mesik aphwami Israel a’ge enebaget disogo egei,
“Is aphwami Israel a’ge pobuk-naduk wiak togwi modok welagai ai en, an en mo u erlakma en, demat wene enebam paik o. Is en, aphwami logon enebabut hegitsogo togwi a’ge logon, uang lodu paget wegesa a’ge togolik wogontogwi erlakma en welagai a’ge emin, ye, aphwami logon ena’ge erlak a’ge uang weiyat onoyuk sum mesigat uttak a’ge o’go ’gela’ge lodu paget wegesa a’ge wogonto erlakma en welagai a’ge emin, ye, enebe is aphwami logon eneragam a’ge emagoluk o’go wogwi ai o. 7Is en aphwami enanni erlak disogo asogo logon tu erlak a’ge onoyuk en al ’besilogo ugonobogulat, aphwami ena’ge enerlagaik a’ge perlikho lebigonobogulat, togwi ai o. Asogo togulat e, ap mesik omlogo e’birek, hwe dogum mesik nak eneragam a’ge e’birek en tenhogwi ai pam, an nonuk wiagarogwi o. 8Is logon en e, o an nebaget togumu welat, ena’ge is aphwami ena’ge erlak enerlagaik a’ge lodu paget wogontoluk, is ena’ge onosum edip sioksogo tenakho welagai a’ge ’buktak welat nogogwi ai o. Ye, is anggur a’bosu aphwami logon enebam ’belaga’ge oruak en, o’go wogwi a’ge ebano Allah owi werikmu en no’gwi ai o.
9 #
Ula. 3:8-11
Asogo a’geat de, his neiyagai yu, an en his henebaget, aphwami Amori a’ge e wo’bi ’gela’ge onuak yat, enanni e pei ’gela’ge enanni a’bik, e’gen egeik eme’en emin henokho hwikho ’gela’ge, enebe erlagap enebegis ai o. 10An en his henebe o Mesir en wokhonoboluk liplau wegirik, o lei asu ’belak aphwami erlak o’gwe wokhonoboluk wagokhwe 40 tahun aga ai o. Asogo wokhonoboluk wegirik, aphwami Amori a’ge onowi pam yema his eiye eripogoluk wokhentegis ai o.
11 #
Bil. 6:1-8
An en e, his heneiyagai a’ge logon an niak mo’gulhontogu lemagoluk emin, honosi souwe logon enebe an nebaget degelak welema a’ge u ’gela’ge, Nazir a’ge welemagoluk, emin, poligonoboluk wokhentegis ai o. His aphwami Israel a’ge yu, an en demat asogo wokhentegis erlak no? Demat wokhentigisat o, oluk an henaik ’gain Nonuk Logo a’ge en arat egi o.
12Asogo a’geat de, ap an nebaget degelak welema u ’gela’ge Nazir a’ge welemagoluk wokhentegis a’ge ai, ik anggur a’bosu,
Menit o, oluk egesa a’ge nouwagoluk wogentasulat, ap an niak mo’gulhontogu lemagoluk wokhentegis a’ge ai, his en e,
His en Allah iak mo’gulnontogulom modok erlak o, oluk wene ’balugulat, tigep ai o. 13Asogo tigep ai en, gandum e’gen e’gin a’bik a’ge ’gwiangso ’gela’ge yagasogo woluk lasumu, ’gwiang ’baksogo obuk-obuk ’biso ’gela’ge, an en e, his henebe henal ’besilogo ’gwiangma ’belakhenebaik.
14Asogo takhenebasuam, his logon henelalue a’bik pungtak perlene laga legep a’ge ai, hweiye elit liborogup modok erlak o. Ye, his aphwami logon henanni a’bik a’ge henanni agalat, ye, ap henebam harowiak a’ge honu’gwarek en henebe delogulat, togup modok erlagat o. 15Ye, ap dok pangtak a’ge hweiye lo erlakma en, inema erlagat o. Is ap enlalue a’bik pungtak lagai a’ge hweiye elit libema erlagat, ye, is ap kuda wam o’borl pam ligotluk lagai a’ge enebe delhorlouwa erlagat o. 16O eria hegit e, ap tentara onogorlok erlak a’ge enesegen onua’gun ’bullak poluk hweiye libema ani o, oluk an henaik ’gain Nonuk Logo a’ge en arat egi o,” oluk egei.
Currently Selected:
Amos 2: Wul
Highlight
Copy
Compare
Share
Want to have your highlights saved across all your devices? Sign up or sign in
Amos 2
2
Wene aphwami Moab a’ge enebam pouwa wene
1 #
Yes. 15:1–16:14; 25:10-12; Yer. 48:1-47; Yeh. 25:8-11; Zef. 2:8-11 Nenaik ’gain Onuk Logo a’ge en asogo egeitik, mesik aphwami Moab a’ge enebaget disogo egei,
“Is aphwami Moab a’ge pobuk-naduk wiak togwi modok welagai ai en, an en mo u erlakma en, demat wene enebam paik o. Is en aphwami Edom a’ge onue onuk logo a’ge ebe waraga ano onogola mi-miarak poluk, ebe werak ’gwiang ’balogo saligisa a’ge ano uak yegerlogo wik-wok e, odouk narlegisema ul heling aga ai.
2Asogo tigisa ai en, an en odouk aphwami Moab a’ge onowi pam perakpou agoam e, o Keriot leget pakleget ningtak werik a’ge ai, odouk modok nouwa o. Asogo nasukhwe, weim obogulat, eniak a’bik sup ogulat, ’bi’gong iak lok a’ge inghogulat, eniak a’bik sagalhogulat, togwiam eniak e’gerlak o’gwe aphwami Moab a’ge enebe waronobua o. 3Asogo warenebisokhwe, onue ’gain onuk logo a’ge emin, osilak ’gaindek emin, ’berlegat an en warenebik o, oluk an henaik ’gain Nonuk Logo a’ge en egi o,” oluk egei.
Wene aphwami Yehuda a’ge enebam pouwa wene
4Nenaik ’gain Onuk Logo a’ge en asogo egeitik, aphwami Yehuda a’ge enebaget disogo egei,
“Is aphwami Yehuda a’ge pobuk-naduk wiak togwi modok welagai ai en, an en mo u erlakma en, demat wene enebam paik o. An en,
Disogo togu lomup, asogo togu lomup, oluk enesa’go weriselat, mo’gulentasulat, tegis wene ai, is en hologo togulom enebit en e, sagalogo ene’balak en mu a’ge paget de, eniak eseiyat,
Nenaik ebe yuat o, oluk erliktogu legesa a’ge ai erliktogwi ai pam enebe lalenebiso ai. 5Asogo togwi ai en, an en odouk o Yehuda perakpou agoam, o Yerusalem leget pakleget ningtak werik a’ge odouk modok nouwa o,” oluk egei.
Wene aphwami Israel a’ge enebam pouwa wene
6Nenaik ’gain Onuk Logo a’ge en asogo egeitik, mesik aphwami Israel a’ge enebaget disogo egei,
“Is aphwami Israel a’ge pobuk-naduk wiak togwi modok welagai ai en, an en mo u erlakma en, demat wene enebam paik o. Is en, aphwami logon enebabut hegitsogo togwi a’ge logon, uang lodu paget wegesa a’ge togolik wogontogwi erlakma en welagai a’ge emin, ye, aphwami logon ena’ge erlak a’ge uang weiyat onoyuk sum mesigat uttak a’ge o’go ’gela’ge lodu paget wegesa a’ge wogonto erlakma en welagai a’ge emin, ye, enebe is aphwami logon eneragam a’ge emagoluk o’go wogwi ai o. 7Is en aphwami enanni erlak disogo asogo logon tu erlak a’ge onoyuk en al ’besilogo ugonobogulat, aphwami ena’ge enerlagaik a’ge perlikho lebigonobogulat, togwi ai o. Asogo togulat e, ap mesik omlogo e’birek, hwe dogum mesik nak eneragam a’ge e’birek en tenhogwi ai pam, an nonuk wiagarogwi o. 8Is logon en e, o an nebaget togumu welat, ena’ge is aphwami ena’ge erlak enerlagaik a’ge lodu paget wogontoluk, is ena’ge onosum edip sioksogo tenakho welagai a’ge ’buktak welat nogogwi ai o. Ye, is anggur a’bosu aphwami logon enebam ’belaga’ge oruak en, o’go wogwi a’ge ebano Allah owi werikmu en no’gwi ai o.
9 #
Ula. 3:8-11
Asogo a’geat de, his neiyagai yu, an en his henebaget, aphwami Amori a’ge e wo’bi ’gela’ge onuak yat, enanni e pei ’gela’ge enanni a’bik, e’gen egeik eme’en emin henokho hwikho ’gela’ge, enebe erlagap enebegis ai o. 10An en his henebe o Mesir en wokhonoboluk liplau wegirik, o lei asu ’belak aphwami erlak o’gwe wokhonoboluk wagokhwe 40 tahun aga ai o. Asogo wokhonoboluk wegirik, aphwami Amori a’ge onowi pam yema his eiye eripogoluk wokhentegis ai o.
11 #
Bil. 6:1-8
An en e, his heneiyagai a’ge logon an niak mo’gulhontogu lemagoluk emin, honosi souwe logon enebe an nebaget degelak welema a’ge u ’gela’ge, Nazir a’ge welemagoluk, emin, poligonoboluk wokhentegis ai o. His aphwami Israel a’ge yu, an en demat asogo wokhentegis erlak no? Demat wokhentigisat o, oluk an henaik ’gain Nonuk Logo a’ge en arat egi o.
12Asogo a’geat de, ap an nebaget degelak welema u ’gela’ge Nazir a’ge welemagoluk wokhentegis a’ge ai, ik anggur a’bosu,
Menit o, oluk egesa a’ge nouwagoluk wogentasulat, ap an niak mo’gulhontogu lemagoluk wokhentegis a’ge ai, his en e,
His en Allah iak mo’gulnontogulom modok erlak o, oluk wene ’balugulat, tigep ai o. 13Asogo tigep ai en, gandum e’gen e’gin a’bik a’ge ’gwiangso ’gela’ge yagasogo woluk lasumu, ’gwiang ’baksogo obuk-obuk ’biso ’gela’ge, an en e, his henebe henal ’besilogo ’gwiangma ’belakhenebaik.
14Asogo takhenebasuam, his logon henelalue a’bik pungtak perlene laga legep a’ge ai, hweiye elit liborogup modok erlak o. Ye, his aphwami logon henanni a’bik a’ge henanni agalat, ye, ap henebam harowiak a’ge honu’gwarek en henebe delogulat, togup modok erlagat o. 15Ye, ap dok pangtak a’ge hweiye lo erlakma en, inema erlagat o. Is ap enlalue a’bik pungtak lagai a’ge hweiye elit libema erlagat, ye, is ap kuda wam o’borl pam ligotluk lagai a’ge enebe delhorlouwa erlagat o. 16O eria hegit e, ap tentara onogorlok erlak a’ge enesegen onua’gun ’bullak poluk hweiye libema ani o, oluk an henaik ’gain Nonuk Logo a’ge en arat egi o,” oluk egei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in