2 Petrus 3
3
“Yesus wema, oluk wene werak nenebegesa ano, demat wema o,” oluk mo’gulentesi wene
1Narilak norokhwi. Henebe nede o. Wene naduk mesik pelal wokho hene’bek perakpou wegi ai emin, pobuk perakpou wegi ai emin, his wene ebe henaluk a’geat de, henede hegitsogo eberogup en, perakpou waga legi ai o. 2Wene ai, is ap pageat Allah en yo’go enebesimu at iak mo’gulontogu legesa a’ge en egesayat. Ye, nonue ’gain Onuk Logo a’ge nenebe delnenebiso a’ge ano en wene nenesa’go weregei a’ge, nis yo’go nonoboluk hene’bek peraknonobou wagama mo’gulhentigeat o. 3#Yud. 1:18Wene ebe yu naduk pobitu o. O ologun pam e, aphwami logon eniak esegen wiak a’ge enede en nasuam onogola en ’gagalogo wiak togulat, hene’bek wemarik, eniak esegen yakhontogulat e,
4“Honue ’gain Onuk Logo a’ge en e,
An pobuk weik, oluk wene werakhenebesi a’ge ano ebe ’ge waga. Wom erlak oruakhwe nenaiklak arat waregesa a’geat de, di a’ge yu a’ge Allah en edam walhesimu welaga hegitsogoat otok modok oruak yema re,” oluk eniak esegen yakhentauma o. 5#Kej. 1:6-9Asogo ogulat, wene yu memerak pogwi. Edamat Allah iak pam ’bogorl walhesirik e, ’gwiang ik emin mesikmu la’gumtak oruakma, ik erabu akhit pei lasulat, orogobu akhit pei lasulat, tegei ai pam ’gwiang walhesi, oluk wene ai enaluk welarat de, eneperlak-eneperlak ogwi ai o. 6#Kej. 7:11Asogo walhesirik e, pobuk ik lok a’ge lekhouwagoluk egeimu, ’gwiang ai ik ai pamat wiagap pesi ai o. 7A’ge re, ’bogorl ai emin, ’gwiang ai emin, pobuk odouk pam wiagap paigoluk Allah iak ai pamat we lodu paget tenak welemarik e, aphwami Allah ebe enebit welat enebabut wiak togwi a’ge ai, wene enebam poluk wiagabenebiselat, ’bogorl ’gwiang wiagap tagalat, o agauwa mesik erligeat tigoluk epenen enat e’gik tenak oruak o.
8 #
Mzm. 90:4
A’ge re, narilak norokhwi. Henebe nede o. Wene mesigat nak yu memerak pagup. Nonue ’gain Onuk Logo a’ge ede epasulat, o agauwa mesigat welege ai re, 1.000 tahun ’gela’ge epasu. Ye, 1.000 tahun ai re, o agauwa mesigat welege ai ’gela’geat epasu. Holuk e, emin hegit nak epasu o. 9Is aphwami logon en e,
“Nonue ’gain Onuk Logo a’ge en wene werak nenebesi a’ge ano, ebe wom erlakma en aregen oruak,” oluk opogwi ai re, aregen oruak puk. His henebe ede en, at ede en e,
“Is logon nal emano,” oluk aphwami ’berlegat enebabut wiak togwi a’ge ukpoluk enebabut heberlemagoluk, epenen enat ede opoluk aregen oruak ai o.
10 #
Mat. 24:43; Luk. 12:39; 1Tes. 5:2; Wah. 16:15 Asogo oruak a’geat de, aphwami wongat oruakhwe di a’ge yu a’ge yogorlia wa ’gogwi ai ’gela’ge, nonue ’gain Onuk Logo a’ge wema ai, asogoat wema o. Ai erlige, ’bogorl ebe mesik erligeat sogwei o’borlogouk ’gela’ge il-il erlak agalat, di a’ge yu a’ge ’bogorl pam welago a’ge edip eminat odouk nasulat, ’gwiang ebe emin, di a’ge yu a’ge ’gwiangma welago a’ge emin, ’berlegat erlak agalat, tua o. 11-12Di a’ge yu a’ge ’berlegat asogo erlak ema ai en, his henebabut no’gosogo togulom epegep. Allah en tua ai erlige ’bogorl odouk narlik poma re, magale en perlengsogo nasulat, di a’ge yu a’ge edip emin damul-demalsogo nasulat, tua ai en, wiak tu erlakma en degelak welat, henebe Allah paget poluk, at ebe yetharok welat, ebe perlene wemagoluk a’goluksogo togu lomup o. 13#Yes. 65:17; 66:22; Wah. 21:1Asogo togulat, nonogola en e,
“Allah en wene werak nenebasulat e,
’Bogorl ’get a’ge hele’giselat, ’gwiang ’get a’ge hele’giselat, tuema eba ’goluk hegitsogo nak togu lomul o,” oluk, wene werak nenebesi ano yetharok welege o.
14Narilak norokhwi. Henebe nede o. Asogo wema oluk, yetharok welat e, wene henebam erlagat, wiak om erlakma enat, Allah emin obat oruakma at ebe hentaumagoluk, at ebaget a’goluksogo togu lomup o. 15Asogo togulat, honogola en e,
“Nonue ’gain Onuk Logo a’ge perlene wom erlakma en epe mosogo oruak ai re, delnenebigoluk epenen enat owan tenentarok oruak,” oluk henede opomup o. At nonue Paulus ebe nenede a’ge ano Allah en ede ’gagalegeimu wene asogo oluk pelal wokho hene’bek perakpou waga ai o. 16At en wene nin hwedik nan hwedigat pelal wokho hene’bek perakpou wagalat, wene ai a’ge paget oso modogat welago yo. A’ge re, wene at en pelal wokho hene’bek perakpou wago a’ge ai re, wene logon pobitu mia ’gela’ge oruak o. Oruakma re, is logon enede ’biren o’borlogouk oruak a’ge en, wene ai eneperlak welat, wene Allah en egeimu Paulus en pelal wasu a’ge ai emin, is logon en pelal wegesa a’ge ai emin, wene hegirat oruak a’geat de, hebeksogo wiagap pogwi ai o. Wene hebeksogo wiagap pogulat, onu’gwarek enat enebe wiagap pagathorlogwi ai o.
17Narilak norokhwi. Henebe nede o. Wene ai owan om erlak oruakhwe, henaluksogo wolorogup en se’geksogo mo’gulhentegis ai o. Henaluk welat, honu’gwarek en henede hurlesogoat wolomup o. Is aphwami logon enesa’go werak erlak welat togwi a’ge ai en, wene wiak wene mo’gulhontogulat e, his en e,
“Demat,” oluk epegeptik henede hurle welegep a’ge ai ’goboksogo ukpogwiam henebe nalorogupno oluk, henebabut heberlogo wolomup o. 18Nonue ’gain Onuk Logo a’ge delnenebiso a’ge ebabut op ano en woknentasu a’ge ai wogulat, ebe henaluk agalat, togulat e, henede hurle oroguptik wolomup o. Yogodak ya emin, pobuk emin, at Yesus Kristus emategat erliktogwi modok wolomok o, oluk
“Amin,” egi ai o.
Currently Selected:
2 Petrus 3: Wul
Highlight
Copy
Compare
Share
Want to have your highlights saved across all your devices? Sign up or sign in
2 Petrus 3
3
“Yesus wema, oluk wene werak nenebegesa ano, demat wema o,” oluk mo’gulentesi wene
1Narilak norokhwi. Henebe nede o. Wene naduk mesik pelal wokho hene’bek perakpou wegi ai emin, pobuk perakpou wegi ai emin, his wene ebe henaluk a’geat de, henede hegitsogo eberogup en, perakpou waga legi ai o. 2Wene ai, is ap pageat Allah en yo’go enebesimu at iak mo’gulontogu legesa a’ge en egesayat. Ye, nonue ’gain Onuk Logo a’ge nenebe delnenebiso a’ge ano en wene nenesa’go weregei a’ge, nis yo’go nonoboluk hene’bek peraknonobou wagama mo’gulhentigeat o. 3#Yud. 1:18Wene ebe yu naduk pobitu o. O ologun pam e, aphwami logon eniak esegen wiak a’ge enede en nasuam onogola en ’gagalogo wiak togulat, hene’bek wemarik, eniak esegen yakhontogulat e,
4“Honue ’gain Onuk Logo a’ge en e,
An pobuk weik, oluk wene werakhenebesi a’ge ano ebe ’ge waga. Wom erlak oruakhwe nenaiklak arat waregesa a’geat de, di a’ge yu a’ge Allah en edam walhesimu welaga hegitsogoat otok modok oruak yema re,” oluk eniak esegen yakhentauma o. 5#Kej. 1:6-9Asogo ogulat, wene yu memerak pogwi. Edamat Allah iak pam ’bogorl walhesirik e, ’gwiang ik emin mesikmu la’gumtak oruakma, ik erabu akhit pei lasulat, orogobu akhit pei lasulat, tegei ai pam ’gwiang walhesi, oluk wene ai enaluk welarat de, eneperlak-eneperlak ogwi ai o. 6#Kej. 7:11Asogo walhesirik e, pobuk ik lok a’ge lekhouwagoluk egeimu, ’gwiang ai ik ai pamat wiagap pesi ai o. 7A’ge re, ’bogorl ai emin, ’gwiang ai emin, pobuk odouk pam wiagap paigoluk Allah iak ai pamat we lodu paget tenak welemarik e, aphwami Allah ebe enebit welat enebabut wiak togwi a’ge ai, wene enebam poluk wiagabenebiselat, ’bogorl ’gwiang wiagap tagalat, o agauwa mesik erligeat tigoluk epenen enat e’gik tenak oruak o.
8 #
Mzm. 90:4
A’ge re, narilak norokhwi. Henebe nede o. Wene mesigat nak yu memerak pagup. Nonue ’gain Onuk Logo a’ge ede epasulat, o agauwa mesigat welege ai re, 1.000 tahun ’gela’ge epasu. Ye, 1.000 tahun ai re, o agauwa mesigat welege ai ’gela’geat epasu. Holuk e, emin hegit nak epasu o. 9Is aphwami logon en e,
“Nonue ’gain Onuk Logo a’ge en wene werak nenebesi a’ge ano, ebe wom erlakma en aregen oruak,” oluk opogwi ai re, aregen oruak puk. His henebe ede en, at ede en e,
“Is logon nal emano,” oluk aphwami ’berlegat enebabut wiak togwi a’ge ukpoluk enebabut heberlemagoluk, epenen enat ede opoluk aregen oruak ai o.
10 #
Mat. 24:43; Luk. 12:39; 1Tes. 5:2; Wah. 16:15 Asogo oruak a’geat de, aphwami wongat oruakhwe di a’ge yu a’ge yogorlia wa ’gogwi ai ’gela’ge, nonue ’gain Onuk Logo a’ge wema ai, asogoat wema o. Ai erlige, ’bogorl ebe mesik erligeat sogwei o’borlogouk ’gela’ge il-il erlak agalat, di a’ge yu a’ge ’bogorl pam welago a’ge edip eminat odouk nasulat, ’gwiang ebe emin, di a’ge yu a’ge ’gwiangma welago a’ge emin, ’berlegat erlak agalat, tua o. 11-12Di a’ge yu a’ge ’berlegat asogo erlak ema ai en, his henebabut no’gosogo togulom epegep. Allah en tua ai erlige ’bogorl odouk narlik poma re, magale en perlengsogo nasulat, di a’ge yu a’ge edip emin damul-demalsogo nasulat, tua ai en, wiak tu erlakma en degelak welat, henebe Allah paget poluk, at ebe yetharok welat, ebe perlene wemagoluk a’goluksogo togu lomup o. 13#Yes. 65:17; 66:22; Wah. 21:1Asogo togulat, nonogola en e,
“Allah en wene werak nenebasulat e,
’Bogorl ’get a’ge hele’giselat, ’gwiang ’get a’ge hele’giselat, tuema eba ’goluk hegitsogo nak togu lomul o,” oluk, wene werak nenebesi ano yetharok welege o.
14Narilak norokhwi. Henebe nede o. Asogo wema oluk, yetharok welat e, wene henebam erlagat, wiak om erlakma enat, Allah emin obat oruakma at ebe hentaumagoluk, at ebaget a’goluksogo togu lomup o. 15Asogo togulat, honogola en e,
“Nonue ’gain Onuk Logo a’ge perlene wom erlakma en epe mosogo oruak ai re, delnenebigoluk epenen enat owan tenentarok oruak,” oluk henede opomup o. At nonue Paulus ebe nenede a’ge ano Allah en ede ’gagalegeimu wene asogo oluk pelal wokho hene’bek perakpou waga ai o. 16At en wene nin hwedik nan hwedigat pelal wokho hene’bek perakpou wagalat, wene ai a’ge paget oso modogat welago yo. A’ge re, wene at en pelal wokho hene’bek perakpou wago a’ge ai re, wene logon pobitu mia ’gela’ge oruak o. Oruakma re, is logon enede ’biren o’borlogouk oruak a’ge en, wene ai eneperlak welat, wene Allah en egeimu Paulus en pelal wasu a’ge ai emin, is logon en pelal wegesa a’ge ai emin, wene hegirat oruak a’geat de, hebeksogo wiagap pogwi ai o. Wene hebeksogo wiagap pogulat, onu’gwarek enat enebe wiagap pagathorlogwi ai o.
17Narilak norokhwi. Henebe nede o. Wene ai owan om erlak oruakhwe, henaluksogo wolorogup en se’geksogo mo’gulhentegis ai o. Henaluk welat, honu’gwarek en henede hurlesogoat wolomup o. Is aphwami logon enesa’go werak erlak welat togwi a’ge ai en, wene wiak wene mo’gulhontogulat e, his en e,
“Demat,” oluk epegeptik henede hurle welegep a’ge ai ’goboksogo ukpogwiam henebe nalorogupno oluk, henebabut heberlogo wolomup o. 18Nonue ’gain Onuk Logo a’ge delnenebiso a’ge ebabut op ano en woknentasu a’ge ai wogulat, ebe henaluk agalat, togulat e, henede hurle oroguptik wolomup o. Yogodak ya emin, pobuk emin, at Yesus Kristus emategat erliktogwi modok wolomok o, oluk
“Amin,” egi ai o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in