2 Petrus 2
2
“Ap Allah iak mo’gulontogwi a’ge ’gela’ge pobuk hebarligen ema,” oluk mo’gulentesi wene
1Pageat eba re, ap Allah iak mo’gulontogu legesa a’ge enepema ’gela’ge takpoluk wegesarik, eniak eseiyat ogu legesa a’ge, Allah eiyagai ene’gerlak o’gwe inetil wegesa. Ai ’gela’ge, pobuk ap dem wene mo’gulhontogwi a’ge enepema ’gela’ge takpoluk wemarik, eniak esei ogu lema a’ge hene’gerlak o’gwe en logon hebarligen etil wemayat o. Enam etil wemarik e, wene aphwami enebe wiagabonobogwi wene mo’gulhenta ’guma ani o. ’Gumarik e, nonue ’gain Onuk Logo a’ge en is eneminat delnenebiogoluk nono’go ’balegei a’geat de, is en e,
“At e, nis nonue erlak o. Neneperlak,” oluk elabe togu lema ai o. Elabe tumu re, onu’gwarek en wene perleneat enebam pagathorloluk wiagaphorlouwa o. 2Asogo a’geat de, is enede en nasuam ene’gerli erlagat di wiak yu wiak togwiam, aphwami esan en is enebabut wokho togu lema ai pam, is aphwami logon en, Yesus e’berlik lagai wene, dem wene ai, obok wiak ua o. 3Is ap Allah iak mo’gulontogwi a’ge ’gela’ge nam ema ai enebabut e,
“Nis nak woknontouwak,” oluk ogwi a’ge ai en, his en o’go wogontouwagoluk, wene onu’gwarek onogola en ’gagalogo eniak eseiyat mo’gulhontogu lema ai o. Asogo a’geat de, is enebabut togu lema ai pam, at Allah en e,
“Is ai wene enebam poluk enebe wiagabenebaik,” oluk pageat ’burlat ede epesi puk. Aregensogo wolom erlakma en wiagabonobua a’ge oruak o.
4Is malaikat Allah en yo’go ’belagonobou wago a’ge logon wiak tigisema, Allah en ugonobo erlakma en, we, wene pobuk enebam paigoluk e, o hiktakma wiakma ene’gik herle werak welemagoluk ’belebak enebesi ai o. 5#Kej. 6:1–7:24Ai hegitsogo, aphwami pageat welegesa eria pam welat e, Allah enebit a’ge en enebabut wiak togu legesema Allah en ugonobo erlak. We, ik hettak tagalat waronobuagoluk ene’bek perakpou wagama warenebiselat, Nuh, aphwami enebabut Allah ogola agai a’ge togu lemagoluk wene mo’gulentasu laga a’ge emin, enebe sabit pam logon emin, delenebegei ai o. 6#Kej. 19:24Ye, ai hegitsogoat, aphwami pobuk Allah enebit agalat wiak togu lema a’ge, onogola en e,
“Nis nenebabut asogo togu lomul holuk, Allah en uknonobo erlakma en, asogoat watnonobua hegi,” oluk pobi togu lemagoluk, aphwami o Sodom a’ge emin, Gomora a’ge emin, Allah en wene enebam poluk modok perlengsogo odouk pam warenebegei ai o. 7#Kej. 19:1-16Asogo warenebiselat, at Lot nak e, ebabut hegit Allah agai epasu a’ge tisoam e, is aphwami eba a’ge ene’gerli erlak wiak togu legesa pam, at ogola wiak ago modok oruakma Allah en delenebegei ai o. 8Is ai enebabut tu puk a’ge wiak tago oruak en, at Lot ebabut hegit a’ge ene’gerlakma welat, il entasulat, esa’go hweliselat, tagalat e, hwedik hwadigat ogola wiak ago modok welaga. 9Asogoat, aphwami logon Allah agai a’ge togwiam onogola ’galuogoluk wagaiam e, nenaik ’gain Allah Onuk Logo a’ge en delenebiselat, ye, is logon wiak togwi a’ge holuk, wene pobuk enebam paigoluk, tenak welat, asogo tu aluk welat elirat tua o. 10Is ai logo ’gela’ge re, onogola en Allah mi-miarak poluk, di a’ge yu a’ge enede en nasuam wiak til no’gwi ai, Allah en wene enebam pouwa o. Onogorlok erlaksogo enebam haro en mumlang ogulat, ’bogorl pam a’ge erligonobogwi welagai a’ge eba, is onogorlok erlagat onobok wiak ’balogu lema ai o. 11Is malaikat Allah en yo’go ’belagonobou wago a’ge ai, enanni modok a’bik. Di a’ge yu a’ge is en tu elirat a’geat de, is ’bogorl pam erligonobogwi a’ge ai, wene enebam pou wagoluk, nonue ’gain Onuk Logo a’ge e’bek wogonoboluk lagalat e, is en onobok wiak ’balogwi erlak o. A’geat de, is ap Allah iak mo’gulontogwi a’ge ’gela’ge eniak eseiyat ogu lema a’ge ai, enanni modok erlak o. Is en di a’ge yu a’ge tu mia welat e, is ’bogorl pam erligonobogwi a’ge ai onobok wiak ’balogu lema ai o. 12Is ap Allah iak mo’gulontogwi a’ge ’gela’ge eniak eseiyat mo’gulontogu lema a’ge ai re, wam ede erlak a’ge ebe tenak poluk woruagolugat ebe dagago ai ’gela’ge, is ap ai en wene pobirak erlak welat onobok wiak ’balogu lema ai pam, onu’gwarek enebe wam worogwi ai ’gela’geat Allah en waronobua aiat o.
13Is en is logon wiagabonobogu lema ai pam, Allah en o’go wiagabonobua ai o. Is e, enede sebelu pukmu en, erligeat wiak tu enagai en togu lema ai o. Enagap op a’ge petne, sip-sip dageselat, yebil dugenebiselat, tiso ai ’gela’ge, his seni sakho no’gwiam, is ai enede sebelu pukmu en, di a’ge yu a’ge enede en nasuam di wiak yu wiak togularat de, hene’bek ’gumarik, enemin mesikmu no’gu lorogup ani o. 14Is ap ai, enil e, hwami ’babi tenonto a’ge nak ’beterak welat, enebit ho erlakma en wiak togwi modok welema ai o. Asogo togulat, aphwami Allah iak ’gerat wik-wok, enede o’borlogouk oruak a’ge lalonobogu lema ani o. Enebabut e,
“Di a’ge yu a’ge nis nak woknentelep e,” oluk ogu lomogoluk page enat mo’gulegisarik e, ai a’geat enaluk welat togu lema ai o. Asogo togu lema ai en, Allah en heman onoboluk wiagabonobua a’ge oruak o. 15#Bil. 22:4-35Is ai re, ebela hegitsogo lagai o’gwe ai ukpoluk e, pageat at Bileam Beor omlogo ebela ’gwi-’gwani laga ai ’gwe laga lema ai o. At Bileam ede en e,
“An wiak tagoam o’go woknemak,” oluk ede agai en epesimu, 16Allah en e,
“Hat wiak togun o,” oluk esa’go weregei. Wam keledai o’borl pam huragarik lasumu, wam iak erlak a’geat de, at en Bileam mo’guleselat e,
“Hat Allah iak mo’gulentasu legen a’ge yu re, modok wiak tigen o,” oluk aphwami eniak pamat wene yagesi ai o.
17Is ap ai enebabut e, o hebi pam ik elaruk deng oso ai ’gela’ge, deng eselat, o hena sogwei en woluk lasu ai ’gela’ge, yogunat wogonoboluk lasulat, togu lema o. Allah en is ai o hiktakma eba welemagoluk, enebale heli’gogo enebesimu oruak o. 18Aphwami logon enarilak onorokhwi wiak togukhwe re, ugonoboluk liplau womogoluk togumu, enede nasuam pobuk wiak tuagoluk, is ap ai onu’gwarek erlikhorlogulat, we ’burlat eniak eseiyat enede ’gagalogu lema o. 19Aphwami ’berlek e, di a’ge yu a’ge anni agalat mabenap pasuam, anni ema a’ge ai eragam a’ge welagai ai en e, is ai, onu’gwarek enebe wiagabenebiso a’ge ai eragam a’ge welarat de, is aphwami logon mo’gulontogulat,
“His nis nenebabut wagup holuk e, pobuk henematekma orogup o,” oluk we ’burlat mo’gulontogu lema ai o. 20Aphwami re, ’gwiangma wiak togwi a’ge yema ugonoboluk, hweiye liplau wotluk, nonue ’gain Onuk Logo a’ge Yesus Kristus en delnenebegei a’ge ebe enaluk agalarat de, pobuk togolik wiak togwi a’ge ai pam ’gogwiam e, huphep arlegesa pam ina’ge ’gwisoam e’girlogo tenak pasu ai ’gela’ge, tenagonoboma re, mabenat ema ai o. Mabenat emarik, naduk wiak welegesa ai re, weiyat op ’gela’ge. A’ge re, pobuk wiak ema ai re, modok lok ’gela’ge wiak emarik welema o. 21Is ai dem wene hegitsogo motluk lagai ai enaluk om erlakma en wellepma re, op ’gela’ge wellep. A’geat de, enaluk omtik, wene Allah en nenesa’go weregei wene ai ukpoluk e, ’gwi-’gwani lagai ai en, modok wiak ema o. 22#Ams. 26:11Is ai, aphwami en eniak lagaksogo disogo oluk ogwi ai ’gela’ge togu lema,
“Mene en eme lukho poluk, pobuk togolik nai lasu ai o.”
Ye,
“Wam asu opsogo emerak a’ge pobuk seberlepma sirap wa ’gwiso ai o,”
oluk ogwi ai ’gela’geat, is asogo demat togu lema ai o.
Currently Selected:
2 Petrus 2: Wul
Highlight
Copy
Compare
Share
Want to have your highlights saved across all your devices? Sign up or sign in
2 Petrus 2
2
“Ap Allah iak mo’gulontogwi a’ge ’gela’ge pobuk hebarligen ema,” oluk mo’gulentesi wene
1Pageat eba re, ap Allah iak mo’gulontogu legesa a’ge enepema ’gela’ge takpoluk wegesarik, eniak eseiyat ogu legesa a’ge, Allah eiyagai ene’gerlak o’gwe inetil wegesa. Ai ’gela’ge, pobuk ap dem wene mo’gulhontogwi a’ge enepema ’gela’ge takpoluk wemarik, eniak esei ogu lema a’ge hene’gerlak o’gwe en logon hebarligen etil wemayat o. Enam etil wemarik e, wene aphwami enebe wiagabonobogwi wene mo’gulhenta ’guma ani o. ’Gumarik e, nonue ’gain Onuk Logo a’ge en is eneminat delnenebiogoluk nono’go ’balegei a’geat de, is en e,
“At e, nis nonue erlak o. Neneperlak,” oluk elabe togu lema ai o. Elabe tumu re, onu’gwarek en wene perleneat enebam pagathorloluk wiagaphorlouwa o. 2Asogo a’geat de, is enede en nasuam ene’gerli erlagat di wiak yu wiak togwiam, aphwami esan en is enebabut wokho togu lema ai pam, is aphwami logon en, Yesus e’berlik lagai wene, dem wene ai, obok wiak ua o. 3Is ap Allah iak mo’gulontogwi a’ge ’gela’ge nam ema ai enebabut e,
“Nis nak woknontouwak,” oluk ogwi a’ge ai en, his en o’go wogontouwagoluk, wene onu’gwarek onogola en ’gagalogo eniak eseiyat mo’gulhontogu lema ai o. Asogo a’geat de, is enebabut togu lema ai pam, at Allah en e,
“Is ai wene enebam poluk enebe wiagabenebaik,” oluk pageat ’burlat ede epesi puk. Aregensogo wolom erlakma en wiagabonobua a’ge oruak o.
4Is malaikat Allah en yo’go ’belagonobou wago a’ge logon wiak tigisema, Allah en ugonobo erlakma en, we, wene pobuk enebam paigoluk e, o hiktakma wiakma ene’gik herle werak welemagoluk ’belebak enebesi ai o. 5#Kej. 6:1–7:24Ai hegitsogo, aphwami pageat welegesa eria pam welat e, Allah enebit a’ge en enebabut wiak togu legesema Allah en ugonobo erlak. We, ik hettak tagalat waronobuagoluk ene’bek perakpou wagama warenebiselat, Nuh, aphwami enebabut Allah ogola agai a’ge togu lemagoluk wene mo’gulentasu laga a’ge emin, enebe sabit pam logon emin, delenebegei ai o. 6#Kej. 19:24Ye, ai hegitsogoat, aphwami pobuk Allah enebit agalat wiak togu lema a’ge, onogola en e,
“Nis nenebabut asogo togu lomul holuk, Allah en uknonobo erlakma en, asogoat watnonobua hegi,” oluk pobi togu lemagoluk, aphwami o Sodom a’ge emin, Gomora a’ge emin, Allah en wene enebam poluk modok perlengsogo odouk pam warenebegei ai o. 7#Kej. 19:1-16Asogo warenebiselat, at Lot nak e, ebabut hegit Allah agai epasu a’ge tisoam e, is aphwami eba a’ge ene’gerli erlak wiak togu legesa pam, at ogola wiak ago modok oruakma Allah en delenebegei ai o. 8Is ai enebabut tu puk a’ge wiak tago oruak en, at Lot ebabut hegit a’ge ene’gerlakma welat, il entasulat, esa’go hweliselat, tagalat e, hwedik hwadigat ogola wiak ago modok welaga. 9Asogoat, aphwami logon Allah agai a’ge togwiam onogola ’galuogoluk wagaiam e, nenaik ’gain Allah Onuk Logo a’ge en delenebiselat, ye, is logon wiak togwi a’ge holuk, wene pobuk enebam paigoluk, tenak welat, asogo tu aluk welat elirat tua o. 10Is ai logo ’gela’ge re, onogola en Allah mi-miarak poluk, di a’ge yu a’ge enede en nasuam wiak til no’gwi ai, Allah en wene enebam pouwa o. Onogorlok erlaksogo enebam haro en mumlang ogulat, ’bogorl pam a’ge erligonobogwi welagai a’ge eba, is onogorlok erlagat onobok wiak ’balogu lema ai o. 11Is malaikat Allah en yo’go ’belagonobou wago a’ge ai, enanni modok a’bik. Di a’ge yu a’ge is en tu elirat a’geat de, is ’bogorl pam erligonobogwi a’ge ai, wene enebam pou wagoluk, nonue ’gain Onuk Logo a’ge e’bek wogonoboluk lagalat e, is en onobok wiak ’balogwi erlak o. A’geat de, is ap Allah iak mo’gulontogwi a’ge ’gela’ge eniak eseiyat ogu lema a’ge ai, enanni modok erlak o. Is en di a’ge yu a’ge tu mia welat e, is ’bogorl pam erligonobogwi a’ge ai onobok wiak ’balogu lema ai o. 12Is ap Allah iak mo’gulontogwi a’ge ’gela’ge eniak eseiyat mo’gulontogu lema a’ge ai re, wam ede erlak a’ge ebe tenak poluk woruagolugat ebe dagago ai ’gela’ge, is ap ai en wene pobirak erlak welat onobok wiak ’balogu lema ai pam, onu’gwarek enebe wam worogwi ai ’gela’geat Allah en waronobua aiat o.
13Is en is logon wiagabonobogu lema ai pam, Allah en o’go wiagabonobua ai o. Is e, enede sebelu pukmu en, erligeat wiak tu enagai en togu lema ai o. Enagap op a’ge petne, sip-sip dageselat, yebil dugenebiselat, tiso ai ’gela’ge, his seni sakho no’gwiam, is ai enede sebelu pukmu en, di a’ge yu a’ge enede en nasuam di wiak yu wiak togularat de, hene’bek ’gumarik, enemin mesikmu no’gu lorogup ani o. 14Is ap ai, enil e, hwami ’babi tenonto a’ge nak ’beterak welat, enebit ho erlakma en wiak togwi modok welema ai o. Asogo togulat, aphwami Allah iak ’gerat wik-wok, enede o’borlogouk oruak a’ge lalonobogu lema ani o. Enebabut e,
“Di a’ge yu a’ge nis nak woknentelep e,” oluk ogu lomogoluk page enat mo’gulegisarik e, ai a’geat enaluk welat togu lema ai o. Asogo togu lema ai en, Allah en heman onoboluk wiagabonobua a’ge oruak o. 15#Bil. 22:4-35Is ai re, ebela hegitsogo lagai o’gwe ai ukpoluk e, pageat at Bileam Beor omlogo ebela ’gwi-’gwani laga ai ’gwe laga lema ai o. At Bileam ede en e,
“An wiak tagoam o’go woknemak,” oluk ede agai en epesimu, 16Allah en e,
“Hat wiak togun o,” oluk esa’go weregei. Wam keledai o’borl pam huragarik lasumu, wam iak erlak a’geat de, at en Bileam mo’guleselat e,
“Hat Allah iak mo’gulentasu legen a’ge yu re, modok wiak tigen o,” oluk aphwami eniak pamat wene yagesi ai o.
17Is ap ai enebabut e, o hebi pam ik elaruk deng oso ai ’gela’ge, deng eselat, o hena sogwei en woluk lasu ai ’gela’ge, yogunat wogonoboluk lasulat, togu lema o. Allah en is ai o hiktakma eba welemagoluk, enebale heli’gogo enebesimu oruak o. 18Aphwami logon enarilak onorokhwi wiak togukhwe re, ugonoboluk liplau womogoluk togumu, enede nasuam pobuk wiak tuagoluk, is ap ai onu’gwarek erlikhorlogulat, we ’burlat eniak eseiyat enede ’gagalogu lema o. 19Aphwami ’berlek e, di a’ge yu a’ge anni agalat mabenap pasuam, anni ema a’ge ai eragam a’ge welagai ai en e, is ai, onu’gwarek enebe wiagabenebiso a’ge ai eragam a’ge welarat de, is aphwami logon mo’gulontogulat,
“His nis nenebabut wagup holuk e, pobuk henematekma orogup o,” oluk we ’burlat mo’gulontogu lema ai o. 20Aphwami re, ’gwiangma wiak togwi a’ge yema ugonoboluk, hweiye liplau wotluk, nonue ’gain Onuk Logo a’ge Yesus Kristus en delnenebegei a’ge ebe enaluk agalarat de, pobuk togolik wiak togwi a’ge ai pam ’gogwiam e, huphep arlegesa pam ina’ge ’gwisoam e’girlogo tenak pasu ai ’gela’ge, tenagonoboma re, mabenat ema ai o. Mabenat emarik, naduk wiak welegesa ai re, weiyat op ’gela’ge. A’ge re, pobuk wiak ema ai re, modok lok ’gela’ge wiak emarik welema o. 21Is ai dem wene hegitsogo motluk lagai ai enaluk om erlakma en wellepma re, op ’gela’ge wellep. A’geat de, enaluk omtik, wene Allah en nenesa’go weregei wene ai ukpoluk e, ’gwi-’gwani lagai ai en, modok wiak ema o. 22#Ams. 26:11Is ai, aphwami en eniak lagaksogo disogo oluk ogwi ai ’gela’ge togu lema,
“Mene en eme lukho poluk, pobuk togolik nai lasu ai o.”
Ye,
“Wam asu opsogo emerak a’ge pobuk seberlepma sirap wa ’gwiso ai o,”
oluk ogwi ai ’gela’geat, is asogo demat togu lema ai o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in