BILANGAN 11
11
Mamanak fo na'de Tabera
1Neu faik esa boema, leoina ndia mulai haladoi neu Manetualain la'eneu sila toto'a-tataan. Manetualain namanene sila haladoin ndia boema namanasa, de Ana fe ha'i mai neus. Ha'i ndia sii lapa-lapa nai sila tala'da, de na'a heni lalaa ofu-a seli. 2Hataholi sila-la nggasi beeau, loke Musa tulu-falis. Boema, Musa hule-haladoi neu Manetualain, de mate ha'i ndia. 3Hu no manada'dik ndia de, mamanak ndia nanafoik na'de Tabera, nanahu nai mamanak ndia, Manetualain ha'i-na pila lo'a-lo'a nai sila tala'da.
Musa hele mauli-malangan hituhulu
4Nai hataholi Israel sila-la leleo-lala'on-na dalek, hapu hataholi nusa dea-la tunga boe. Hataholi sila lahiik lanseli la'a paa, ma hataholi Israel-la boeo mulai haladoi. Lafa'da lae, “Ah, See kande, neukose ana fe ita ta'a paa? 5Ita tafandele neu i'ak fo ita ta'an nai Masir no ta nanabaek fa, neu titimupokok, puteka, laisona se'da, laisona pilas ma laisona fulak! 6Besak ia, basa ita be'i-balakain nanahu ta hapu nana'a fe'ek fa, te ita tita ka'da koki manna mesak-kana.”
7 #
Kel. 16:31
Manna ndia lupan-na sama leo ai de'e kome'doana, fo dula fula kunik. 8-9#Kel. 16:13-15 Nai fai le'odaen-na soona, loti manna ndia tu'da sama-sama no dinis-sa mai leo mamana ofu-a neu. Fafain-na, hataholi-la la'ok leu-mai fo ala hele lakabubuan, fo ala kekenok-kana, do ala paun da'di ha'desopuk, fo ala taon da'di koki bobongo ni'is. La'dan-na sama leo kokis fo nanatunuk nenik mina setun.
10Musa namanene hataholi Israel sila-la beemumu, boema lapadeik bubua-bubuak-kala nai sila lalaa ofun-na, lelesu bafan-na. Boema Manetualain nasan-na lua ponu-ponu, nalosa Musa name'da dalen-na he'dis-sa. 11Boema, nafa'da Manetualain nae, “Tao le'e de, O tao susa au leoiak? Ade O ta mahiik au fa do? Tao le'e de, O fe au mete-lakanae basa hataholi ia-la? 12Ade au nde ailu do bongi sila do? Tao le'e de, O madenu au da'di sama leo hataholi manako'o-ifa esa, fo ko'o ni'iana me'doana, nalosa au muse anea aheles, nai leleo-lala'o manalu dalek, leo dae fo O helu fen neu sila bei-ba'i kain-nala do? 13Mete mitak-kasa, ala nggenggele lakandondoo henin loke paa. De au muse sanga paa nai bee fo fe basa hataholi sila-la? 14Au ta lu'a abe'i lulu'a-lelepa matuaina ndia fa; bela-ba'uk ndia, belan-na seli ba'eneu au! 15Metema Manetualain tao nakandoo au leoiak soona, sue-lai au dei; malole lenak, taomisa au no lai-laik fo ela au boso boe lu'a-lepa doidosok ia bai.”
16Boema Manetualain nafa'da Musa nae, “Maloo makabubua leoina Israel-la hele lasi ka hituhuluk fo da'di leo mauli-malangan leoina. Moos leo Au matang mai, nai Au Lalaa Temang dale, boema madenus lapadeik leu ndia, nai o boboam-ma. 17Neukose Au kona mai, fo Au kokolak os nai mamanak ndia, ma Au fe basa o, Au koasang-nga seli ndia, neukose Au fen leo sila neu. Soona ala bisa lu'a-lepa fali o, soaneu leoina ia, fo daenga boso o mesam-ma lu'a-lepan. 18Besak ia mafa'da leoina ndia, dede'ak-ka nde ia nae, Tao malalao-malalafu emi aoinam-ma, soaneu balahaa; te neukose emi mi'a paa. Manetualain namanene emi kii so, ma emi haladoim mae emi hii mi'a paa, ma emi mae nai lelek emi meme Masir-ra, emi ua-nalem malole lena. Besak ia, neukose Manetualain fe emi paa fo emi bole mi'a. 19Neukose emi mi'an ta ka'da nai faik esa do dua dalen fa, do faik lima do faik sanahulu fa, nakalenak ta ka'da faik duahulu fa, 20tehu emi mi'an bula katemak esa dalen-na, losa emi mamahe'di-mapalau, ma emi muta hu kande nana'ak ndia. Manada'dik ndia ana da'di, nanahu emi tipa Manetualain fo manai emi tala'da heom-ma. Ma boeo, hu kande emi kii basa nai matan, ma emi haladoi mae emi la'oela dae Masir-ra so.”
21Boema Musa nafa'da Manetualain nae, “Leoina fo au auli-alangas ia-la dede'un-na, hataholi lifun natun nee. Tao leo beek de, O bisa mafa'da mae neukose O fes paa dai bulak esa dalen-na? 22Hapu sapi ma bi'ilopo de'u-de'u basa sila-la nai bee, fo do'do-ta'ti fes, fo daenga la'a losa lakabete? Ade basa i'ak manai tasi dale-la dai soaneu fes la'a do?”
23Boema Manetualain nataa nae, “Ade Au koasang-nga matoo-lanek do? Neukose no lai-laik o mita, ade Au afa'dak ndia, tete'ek-ka ana da'di do ta!”
24Boema Musa neu leo deak neu, de nanduku-nalosak hata fo Manetualain nafa'dan ndia. Musa naloo nakabubua mauli-malangan ka hituhuluk-kala, de nadenus lapadeik okofeo-la Manetualain Lalaa Teman-na. 25Boema Manetualain kona nai ko'as dale, de Ana kokolak no Musa. Manetualain ho'in-na koasa fo Ana fe basa Musa seli ndia, de Ana fen leo mauli-malangan ka hituhuluk sila-la neu. Lelek Manetualain Duladalen-na kona neu hataholi sila-la lain boema, ala mulai laloo beebou sama leo nabi-a, tehu ta dook-ka fa.
26Nai mauli-malangan ka hituhuluk sila-la dalek, hapu sila dua fo nde, Eldad ma Medad, lahele nai lalaa ofu dale, de ta leu sama-sama loo fe'ek-kala leo Manetualain Lalaa Teman-na leu fa. Duladalek-ka kona neu hataholi ka duak sila-la lain neme lalaa ofu ndia dalek, de duas boeo laloo beebou sama leo nabi-a. 27Boema touanak esa nalai leo deak neu fo nafa'da Musa, hata fo ana da'di neu Eldad ma Medad so.
28Nun anan Yosua, fo ana fali Musa ndek tepo-lelek muli-solun-na, nafa'da Musa nae, “Madenus fo ala hahae leona, Ama!”
29Boema Musa nataa nae, “Tao le'e de, o dudu'a-dodoo la'eneu au? Lena-lenak au amahena, fo ela Manetualain fe Duladalen-na, neu leoinan-na lala'en-na, ma taon-nala basa-basas da'di nabi!” 30Boema Musa no mauli-malangan ka hituhuluk sila-la fali le'us sama-sama leo lalaa ofu-a leu.
Manetualain fe manupui kukuhaak-ka mai
31No kaiboik, Manetualain fe anin-na neme tasi-a mai; anin ndia fuu neni manupui kukuhak-kala, ala laa taidaeanak nanseli, de dedeman-na ka'da metel esa neme dae lain mai. Ala be laa nai mamana Lalaa Temak ndia lain, de loloan-na losa kilo de'ubee lala'en-na. 32Nai faik ndia dalen-na, ma nai le'odaek ndia dalen-na, ma nai fai balahaan-na dalek, hataholi-la lapue ho'u manupui kukuhaak. Hataholi esa soona, ana ho'un-na nai dae, kilo lifun esa. Ala nggenge-la manupui sila-la nai lalaa ofu-a boboa-kaisun fo ela lamatuu. 33Lelek bei hapu paa makadotok fo la'a, Manetualain namanasa leoina ndia nanseli, de Ana fe he'di-laus esa la'es. 34Boema mamanak ndia nanafoik na'de, “Loo-lates Maa kaolok” nanahu nai mamanak ndia, latoi-latono hataholi fo mates, hu kande maa fula-nala.
35Leoina ndia lali leme ndia leo nusa Hazerot-ta leu, boema ala ofu leme mamanak ndia.
Currently Selected:
BILANGAN 11: twu
Highlight
Copy
Compare
Share
Want to have your highlights saved across all your devices? Sign up or sign in
