Zakaria 4
4
A muwoniso wa kandiya ni tisinya ta maoliva.
1A ngelosi leyi yi nga wulawula na mina yi lota kambe, yi ta nzi vuxa, khwatsi hi loku a munhu a vuxiwa wurongweni.
2Yiku ka mina: Xini u xi wonako? Nzi hlamula nziku: Nzi wona a meza ya tikandiya yo mahiwa hi nzalama basi; le hehla ka yona ku hi ni xibya xo chela kona mafura, na yi hi ni ntlhanu wa tikandiya ni timbiri; ku na ni ntlhanu wa mipuva ni mimbiri yi yako ka tikandiya ti nga hehla ka yona.
3Ku hi ni tisinya timbiri ta maoliva kusuhani ka yona, yinwe hi tlhelo ga xinene ga xibya, a yinwani hi tlhelo ga xibhabha.
4Nzi te ngalo ka ngelosi leyi yi nga wa wulawula na mina: Hosi yanga, zini lezi?
5A ngelosi leyi yi nga wulawula na mina yiku: A ku zi tivi lezi zilo ke? Nziku: A nzi zi tivi, hosi yanga.
6Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.
7Wena xitsunga xa hombe, u xini mahlweni ka Zerubabeli? U ta maha livala ntsena. I ta veka a ribye ga le hehla na ku huwelelwa ku ngalo: A wuxinji, a wuxinji a give ka gona!
8A mhaka ya Jehova yi lota ka mina kambe, yiku:
9A mandla ya Zerubabeli ma vekile a xiseketelo xa yindlu leyi, a mandla yakwe ma ta yi mbheta: mu ta zi tiva lezaku Jehova wa tiyimpi i nzi rumile ka nwina.
10Himani a kanyisako a siku ga zilo zitsongwani? hakuva a mahlo lawa ya ntlhanu ni mambiri, ma nga ya Jehova, lawa ma cuwukako a misava yontlhe, ma ta tsaka loku ma wona a lipimo canjeni ga Zerubabeli.
11Zonake mina nziku kakwe: Ta yini a tisinya leti timbiri ta maoliva tlhelweni ga xinene ni ga xibhabha ga meza ya tikandiya ke?
12Nziku kakwe khati ga wumbiri: Nja yini a maravi lawa ya mambiri ya maoliva ma nga kusuhani ni mipopi mimbiri ya nzalama yi humako mafura?
13Aku ka mina: A ku zi tivi lezaku zini lezi ke? Mina nziku: A nzi tivi, hosi yanga.
14Zonake yena aku: Lava mbatotiwa vambiri va yimileko mahlweni ka Hosi ya misava yontlhe.
Currently Selected:
Zakaria 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
