Titusi 3
3
Longani ku maha mitiro yontlhe yo saseka.
1Va alakanyise lezaku va ti koramisa ka tihosi, hi ka vafumeli, va ingisa ni ku longa ku maha mitiro yontlhe yo saseka, Maheb. 13:21
2va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31
3Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.
4Kanilezi laha ku nga woneka a wunene ga Nungungulu a Muhanyisi wa hina, ni liranzo lakwe a ka vanhu,
5i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, Joh. 3:3, 5; Rom. 3:20; Gal. 2:16; 1 Ped. 3:21
6lowu a nga wu chela hehla ka hina hi matsenya, ha Jesu Kristu a Muhanyisi wa hina; Ezek. 36:25; Joeli 2:28; Joh. 1:16
7kasi na hi hlayelwe kululama hi tipswalo takwe, hi fela kuva ni kutsumba a ku mahiwa zigatshomba za wutomi ga pinzukelwa.
8Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.
9Kanilezi nyenya timhaka ta wupumbu, ni mabhuku ya ziloso, ni kukanetisana ni kulwa hi kota ya nayo, hakuva a zi na bhinzu, a zi vuni nchumu. 1 Tim. 1:4; 2 Tim. 2:23
10A munhu loyi a gonzisako lezi zi hambanako ni zinene, u ta tsawukana naye anzhako ka kuva na u mu lulekile kanwe kutani kumbiri; Mat. 18:17; 2 Kor. 13:2; 2 Tim. 3:5; 2 Joh. 10
11na u tiva lezaku a wa kunghaho i bihisilwe, wa onha, i ti konile ha yece. Miti. 13:46
12Laha nzi ta nga ruma Artemasi ka wena, kutani Tikikusi, hatlisa uta ka mina le Nikopolisi; hakuva nzi xuvile a ku tshama kona wuxika. Miti. 20:4; 2 Tim. 4:12
13Hlomisa Zenasi, a mugonzisi wa nayo, na Apolosi a pfhumbeni gabye, lezaku va nga vumali nchumu. Miti. 18:24
14A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. Fil. 1:11; Kol. 1:10; 2 Ped. 1:8
15Vontlhe lava va nga na mina va ku rungula. Rungula lava va hi ranzako kukholweni.
A tipswalo a tive na nwina nwentlhe.
Currently Selected:
Titusi 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
