Va le Roma 12
12
A ku tirelana.
1Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20
2Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15
3Hi kota ya tipswalo leti nzi nyikilweko tona, nza laya munwe ni munwani a nga xikari ka nwina, lezaku a nga dzuki a ti alakanyela hi ku hunza fanelo; kanilezi a alakanya hi ku ti koramisa, hi ku ecanyisa ni lipimo la kukholwa leli Nungungulu a aveleko munwe ni munwani. 1 Kor. 12:7; Efe. 4:7
4Hakuva kotisa lezi hi nga ni ziro zinyingi mirini munwe, ni ziro zontlhe a zi hlengeli ntiro munwe,
5hizalezo na hinawu lava hi nga vanyingi, hi miri munwe ka Kristu, munwe ni munwani xiro xa vanwani. Efe. 1:23
6Kota lezi hi nga ni zinyikiwo zi hambeneko hi kota ya tipswalo leti hi nyikilweko tona, a hi tireni ha zona, kutani kuprofeta, a hi profeteni kota lipimo la kukholwa ka hina; 1 Kor. 12:10; 1 Ped. 4:10
7loku munhu a nyikilwe a ntiro, ngha a chela kota ha wona; ni loyi a gonzisako, a chele kota hi kugonzisa kakwe; Gal. 6:6
8kutani loyi a khongotelako, a ti nyikele kukhongoteleni kakwe; ni loyi a nyikako, a nyike hi matsenya; loyi a angamelako, a mahe lezo hi kupangama; ni loyi a mahako mitiro ya wuxinji, a zi mahe na xalele. Miti. 15:32; 20:28; 1 Kor. 14:3
9Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15
10Ranzanani hi liranzo la wumakabye; loyi ni loyi a dzunza munwani ku hunza wutsumbu.
11Mu nga lolohi kupinyameni ka nwina; vurani moyeni, mu tirela a Hosi. Kuv. 3:15
12Tsakani kutsumbeni ka nwina, mu timisela kukaratekeni, mu simamisa mu tiyile kukhongeleni. Maheb. 3:6; 10:36
13Vunetelani a vobasa kuvumaleni kabye; mu amukela vapfhumba hi kutsaka. Maheb. 6:10; 13:2
14Va katekiseni lava va mu xanisako; katekisani, mu nga rukateli. 1 Ped. 3:9
15Tsakani zinwe ni lava va tsakako, mu rila ni lava va rilako.
16Ngha mu hi ni mbilu yinwe munwe ni munwani; mu nga naveli a zilo zi tlakukileko, kanilezi hlengelani ni lava va koramileko. Mu nga ti alakanyeli muku mu tlharihile.
17Mu nga tlheliseli a munhu kubiha hi kubiha. Chelani kota hi zilo zi nene mahlweni ka vanhu vontlhe.
18Loku zi maheka, ni loku nwina mu zi kota, tshamani hi kurula ni vanhu vontlhe.
19Mu nga ti photeli varanzekako, kanilezi tlhalukelani a zanga ya Nungungulu; hakuva ku tsalilwe ku ngalo; A kuphota ka mina, mina nzi ta tlhelisela, ku wula Hosi. Deut. 32:35
20Kanilezi loku a nala wa wena azwa ndlala, mu phamele zakuga; loku azwa tora, muhe zakunwa; hakuva hi ku maha lezo u ta wungeletela a makhala ma vurako hlokweni yakwe. Mav. 25:21
21U nga hlulwi hi kubiha, kanilezi hlula a kubiha hi ku maha zo saseka. 1 Ped. 2:21
Currently Selected:
Va le Roma 12: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Va le Roma 12
12
A ku tirelana.
1Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20
2Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15
3Hi kota ya tipswalo leti nzi nyikilweko tona, nza laya munwe ni munwani a nga xikari ka nwina, lezaku a nga dzuki a ti alakanyela hi ku hunza fanelo; kanilezi a alakanya hi ku ti koramisa, hi ku ecanyisa ni lipimo la kukholwa leli Nungungulu a aveleko munwe ni munwani. 1 Kor. 12:7; Efe. 4:7
4Hakuva kotisa lezi hi nga ni ziro zinyingi mirini munwe, ni ziro zontlhe a zi hlengeli ntiro munwe,
5hizalezo na hinawu lava hi nga vanyingi, hi miri munwe ka Kristu, munwe ni munwani xiro xa vanwani. Efe. 1:23
6Kota lezi hi nga ni zinyikiwo zi hambeneko hi kota ya tipswalo leti hi nyikilweko tona, a hi tireni ha zona, kutani kuprofeta, a hi profeteni kota lipimo la kukholwa ka hina; 1 Kor. 12:10; 1 Ped. 4:10
7loku munhu a nyikilwe a ntiro, ngha a chela kota ha wona; ni loyi a gonzisako, a chele kota hi kugonzisa kakwe; Gal. 6:6
8kutani loyi a khongotelako, a ti nyikele kukhongoteleni kakwe; ni loyi a nyikako, a nyike hi matsenya; loyi a angamelako, a mahe lezo hi kupangama; ni loyi a mahako mitiro ya wuxinji, a zi mahe na xalele. Miti. 15:32; 20:28; 1 Kor. 14:3
9Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15
10Ranzanani hi liranzo la wumakabye; loyi ni loyi a dzunza munwani ku hunza wutsumbu.
11Mu nga lolohi kupinyameni ka nwina; vurani moyeni, mu tirela a Hosi. Kuv. 3:15
12Tsakani kutsumbeni ka nwina, mu timisela kukaratekeni, mu simamisa mu tiyile kukhongeleni. Maheb. 3:6; 10:36
13Vunetelani a vobasa kuvumaleni kabye; mu amukela vapfhumba hi kutsaka. Maheb. 6:10; 13:2
14Va katekiseni lava va mu xanisako; katekisani, mu nga rukateli. 1 Ped. 3:9
15Tsakani zinwe ni lava va tsakako, mu rila ni lava va rilako.
16Ngha mu hi ni mbilu yinwe munwe ni munwani; mu nga naveli a zilo zi tlakukileko, kanilezi hlengelani ni lava va koramileko. Mu nga ti alakanyeli muku mu tlharihile.
17Mu nga tlheliseli a munhu kubiha hi kubiha. Chelani kota hi zilo zi nene mahlweni ka vanhu vontlhe.
18Loku zi maheka, ni loku nwina mu zi kota, tshamani hi kurula ni vanhu vontlhe.
19Mu nga ti photeli varanzekako, kanilezi tlhalukelani a zanga ya Nungungulu; hakuva ku tsalilwe ku ngalo; A kuphota ka mina, mina nzi ta tlhelisela, ku wula Hosi. Deut. 32:35
20Kanilezi loku a nala wa wena azwa ndlala, mu phamele zakuga; loku azwa tora, muhe zakunwa; hakuva hi ku maha lezo u ta wungeletela a makhala ma vurako hlokweni yakwe. Mav. 25:21
21U nga hlulwi hi kubiha, kanilezi hlula a kubiha hi ku maha zo saseka. 1 Ped. 2:21
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.