Va le Roma 11
11
A misalela ya Israeli.
1Hikwalaho nziku: Nungungulu i hoxile vanhu vakwe ke? Kokwihi! Hakuva na mina nzi muIsraeli, wa lixaka la Abrahama, wa nyimba ya ka Benjamini. 1 Sam. 12:22; Jer. 31:37; 2 Kor. 11:22
2Nungungulu a nga hoxangi a vanhu vakwe lava a nga va tiva hi kale. Kutani mu kohlwa hi lezi mutsalo wu zi wulako ha Elija ke? Lezi a nga khongelisa zona a ranisa a va ka Israeli ka Nungungulu, aku: Xip. 8:29
3Hosi, va dele a vaprofeti va wena, va khungumule a maalati ya wena; nzi sele nzoce, ni makunu va hlota a wutomi ga mina. 1 Tih. 19:14
4A hlamulo ya Nungungulu yi te yini kakwe ke? Yi ngalo: Nzi ti siyele a 7,000 wa vavanuna lava va nga khizamangiko mahlweni ka Baali.
5Hizalezo ni ka lexi xikhati, yi kona a misalela yi hlawulilweko hi tipswalo. Xip. 9:27
6Kanilezi loku ziya hi tipswalo, a za hayi hi mitiro; hakuva loku zi hi tano a tipswalo a ta hi tipswalo. Deut. 9:4, 5
7Zi te yini ke? Lezi Israeli a nga zi lava a nga zi kumangi; lava va hlawulilweko va zi kumile, kanilezi vanwani va lo nonohiswa. Xip. 10:3; Joh. 10:28
8Kota lezi ku tsalilweko ku ngalo: Nungungulu i lo va nyika a moya wo khudzehela, ni mahlo yo kala ma nga woni, ni tindleve leti ti nga ingisiko; kala nyamutlha lezi hi zalezo. Deut. 29:4; Isa. 29:10; Mat. 13:14
9Na Davida i ngalo:
A meza yabye a yi hunzuke yi maha tlhamu ni ziyo,
Ni kuva xikhunguvanyiso ni tsayiselelo ka vona. Tis. 69:22
10A mahlo yabye a ma pfhupeliswe, lezaku va nga woni,
U koramisa a hlana wabye xikhati xontlhe.
11Zonake nzi ngalo: Xana va lo khunguvanyeka lezaku va wela magumo ke? Kokwihi! Kanilezi hi kuwa kabye a kuhanyiswa ku chikele ka vamatiko, kasi a vaIsraeli vava ni xiluse. Ezek. 18:23; 33:11; Miti. 13:46
12Makunu loku a kuwa kabye ku fumisile tiko, ni kulahlekelwa kabye ku hi kufuma ka vamatiko, zi nga ta hunzisa nguvu loku va hunzuluka vontlhe ke? Jer. 13:4; Zak. 2:11
13Kanilezi nzi wulawula ka nwina lava mu nga vamatiko. Kota lezi nzi nga mupostoli wa vamatiko, nzi dzunza a ntiro wa mina; Miti. 9:15
14lezaku kutani nzi ta vuxa xiluse xikari ka vona lava va nga maxaka ya mina, nzi hanyisa vanwani va vona. 1 Kor. 7:16
15Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.
A mufananiso wa sinya ya maoliva.
16Loku a xibaba xo sangula xi basile, yi basile ni mbila yontlhe; ni loku a mutsu wu basile, ma maha lezo ni maravi. Levi 23:10
17Kanilezi loku manwani maravi ma phatlulwe, na wena loyi u nga oliva wa lomu khwatini, na u tlhomilwe xikari ka wona, u hlengela nawo a mutsu Wa kunona wa sinya ya oliva, Jer. 11:16; Efe. 2:12
18u nga ti kukumukisi hehla ka maravi, kanilezi loku u ti kukumukisa, alakanya lezaku a hi wena u rweleko a mutsu, hi wona mutsu wu rwalako wena. 1 Kor. 10:12
19Zonake u taku ngalo: A maravi ma phatlulwe lezaku mina nzi fela ku tlhomiwa kona.
20Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12
21Hakuva loku Nungungulu a nga tsikangi a maravi ya zimilwa, a nga ta ku tsika na wena.
22Langutani a wunene ga Nungungulu ni mona wakwe: a mona ka lava va ngawa, kanilezi a wunene ga Nungungulu ka wena, loku u simamisa wuneneni gakwe; loku zi nge nghaho wenawu u ta tsemiwa. Joh. 15:2; 1 Kor. 15:2; Maheb. 3:6
23Na vonawu loku va tsika a kungakholwi kabye, va ta tlhomiwawu, hakuva Nungungulu i na ni ntamu a ku va tlhoma kona kambe. 2 Kor. 3:16
24Lezi wena u nga tsemiwa lomu sinyeni leyi yi nga ya khwati hi mahanyela, u tlhomiwa lomu sinyeni yo saseka ya oliva na ku nga hi mahanyela; nguvunguvu lava va nga maravi ya zimilwa, va ta tlhomiwa lomu sinyeni yabye ya oliva.
25Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9
26zonake a vaIsraeli vontlhe va ta hanyiswa, kota lezi ku tsalilweko, ku ngalo:
Ku ta huma a Mutlhatlhisi hi le Zioni,
I ta susa a zivi zontlhe ka Jakobe. Tis. 14:7; Isa. 60:15; Jer. 3:18
27Lexi xi tava xivumelwano xa mina zinwe navo,
Laha nzi ta nga susa a zionho zabye. Jer. 31:31; Maheb. 8:8
28Hi tlhelo ga ivangeli mbalala va Nungungulu hi kota ya nwina; kanilezi hi tlhelo ga kuhlawulwa, varanziwa hi kota ya vakokwani. Deut. 9:5
29Hakuva a zinyikiwo ni kuvitana ka Nungungulu a zi na kuhunzuka. Mitse. 23:19
30Hakuva kota lezi nwina mu wa nga ingisi Nungungulu a xikhatini xa kale, kanilezi makunu mu mahelwe wuxinji hi kota ya kungaingisi kabye,
31hizalezo na vonawu a va ingisangi, lezaku kasi hi wuxinji legi gi mahelweko nwina, na vonawu va fela ku mahelwa wuxinji.
32Hakuva Nungungulu i nyikele vanhu vontlhe a kungaingiseni, lezaku a fela ku va mahela wuxinji yontlhe.
33Mangabye a kueta ka kufuma ni kutlhariha ni wutivi ka Nungungulu! A kulamula kakwe a ku na ku pimiwa, ni tindlela takwe a ti na ku tibyiwa.
34Hakuva himani a tivileko a kupima ka Hosi? kutani himani a nga yi nyika wusungukati ke? Isa. 40:13
35Kutani himani a rangileko ku yi nyika nchumu, lowu yi faneleko a ku wu tlhelisela ke? Joba 35:7
36Hakuva zilo zontlhe zita hi ka yena, zi mahilwe hi yena, zi mahelwe yena. A wudzunzo a give ka yena kala kupinzuka. Amen. 1 Kor. 8:6; Kol. 1:16
Currently Selected:
Va le Roma 11: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Va le Roma 11
11
A misalela ya Israeli.
1Hikwalaho nziku: Nungungulu i hoxile vanhu vakwe ke? Kokwihi! Hakuva na mina nzi muIsraeli, wa lixaka la Abrahama, wa nyimba ya ka Benjamini. 1 Sam. 12:22; Jer. 31:37; 2 Kor. 11:22
2Nungungulu a nga hoxangi a vanhu vakwe lava a nga va tiva hi kale. Kutani mu kohlwa hi lezi mutsalo wu zi wulako ha Elija ke? Lezi a nga khongelisa zona a ranisa a va ka Israeli ka Nungungulu, aku: Xip. 8:29
3Hosi, va dele a vaprofeti va wena, va khungumule a maalati ya wena; nzi sele nzoce, ni makunu va hlota a wutomi ga mina. 1 Tih. 19:14
4A hlamulo ya Nungungulu yi te yini kakwe ke? Yi ngalo: Nzi ti siyele a 7,000 wa vavanuna lava va nga khizamangiko mahlweni ka Baali.
5Hizalezo ni ka lexi xikhati, yi kona a misalela yi hlawulilweko hi tipswalo. Xip. 9:27
6Kanilezi loku ziya hi tipswalo, a za hayi hi mitiro; hakuva loku zi hi tano a tipswalo a ta hi tipswalo. Deut. 9:4, 5
7Zi te yini ke? Lezi Israeli a nga zi lava a nga zi kumangi; lava va hlawulilweko va zi kumile, kanilezi vanwani va lo nonohiswa. Xip. 10:3; Joh. 10:28
8Kota lezi ku tsalilweko ku ngalo: Nungungulu i lo va nyika a moya wo khudzehela, ni mahlo yo kala ma nga woni, ni tindleve leti ti nga ingisiko; kala nyamutlha lezi hi zalezo. Deut. 29:4; Isa. 29:10; Mat. 13:14
9Na Davida i ngalo:
A meza yabye a yi hunzuke yi maha tlhamu ni ziyo,
Ni kuva xikhunguvanyiso ni tsayiselelo ka vona. Tis. 69:22
10A mahlo yabye a ma pfhupeliswe, lezaku va nga woni,
U koramisa a hlana wabye xikhati xontlhe.
11Zonake nzi ngalo: Xana va lo khunguvanyeka lezaku va wela magumo ke? Kokwihi! Kanilezi hi kuwa kabye a kuhanyiswa ku chikele ka vamatiko, kasi a vaIsraeli vava ni xiluse. Ezek. 18:23; 33:11; Miti. 13:46
12Makunu loku a kuwa kabye ku fumisile tiko, ni kulahlekelwa kabye ku hi kufuma ka vamatiko, zi nga ta hunzisa nguvu loku va hunzuluka vontlhe ke? Jer. 13:4; Zak. 2:11
13Kanilezi nzi wulawula ka nwina lava mu nga vamatiko. Kota lezi nzi nga mupostoli wa vamatiko, nzi dzunza a ntiro wa mina; Miti. 9:15
14lezaku kutani nzi ta vuxa xiluse xikari ka vona lava va nga maxaka ya mina, nzi hanyisa vanwani va vona. 1 Kor. 7:16
15Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.
A mufananiso wa sinya ya maoliva.
16Loku a xibaba xo sangula xi basile, yi basile ni mbila yontlhe; ni loku a mutsu wu basile, ma maha lezo ni maravi. Levi 23:10
17Kanilezi loku manwani maravi ma phatlulwe, na wena loyi u nga oliva wa lomu khwatini, na u tlhomilwe xikari ka wona, u hlengela nawo a mutsu Wa kunona wa sinya ya oliva, Jer. 11:16; Efe. 2:12
18u nga ti kukumukisi hehla ka maravi, kanilezi loku u ti kukumukisa, alakanya lezaku a hi wena u rweleko a mutsu, hi wona mutsu wu rwalako wena. 1 Kor. 10:12
19Zonake u taku ngalo: A maravi ma phatlulwe lezaku mina nzi fela ku tlhomiwa kona.
20Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12
21Hakuva loku Nungungulu a nga tsikangi a maravi ya zimilwa, a nga ta ku tsika na wena.
22Langutani a wunene ga Nungungulu ni mona wakwe: a mona ka lava va ngawa, kanilezi a wunene ga Nungungulu ka wena, loku u simamisa wuneneni gakwe; loku zi nge nghaho wenawu u ta tsemiwa. Joh. 15:2; 1 Kor. 15:2; Maheb. 3:6
23Na vonawu loku va tsika a kungakholwi kabye, va ta tlhomiwawu, hakuva Nungungulu i na ni ntamu a ku va tlhoma kona kambe. 2 Kor. 3:16
24Lezi wena u nga tsemiwa lomu sinyeni leyi yi nga ya khwati hi mahanyela, u tlhomiwa lomu sinyeni yo saseka ya oliva na ku nga hi mahanyela; nguvunguvu lava va nga maravi ya zimilwa, va ta tlhomiwa lomu sinyeni yabye ya oliva.
25Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9
26zonake a vaIsraeli vontlhe va ta hanyiswa, kota lezi ku tsalilweko, ku ngalo:
Ku ta huma a Mutlhatlhisi hi le Zioni,
I ta susa a zivi zontlhe ka Jakobe. Tis. 14:7; Isa. 60:15; Jer. 3:18
27Lexi xi tava xivumelwano xa mina zinwe navo,
Laha nzi ta nga susa a zionho zabye. Jer. 31:31; Maheb. 8:8
28Hi tlhelo ga ivangeli mbalala va Nungungulu hi kota ya nwina; kanilezi hi tlhelo ga kuhlawulwa, varanziwa hi kota ya vakokwani. Deut. 9:5
29Hakuva a zinyikiwo ni kuvitana ka Nungungulu a zi na kuhunzuka. Mitse. 23:19
30Hakuva kota lezi nwina mu wa nga ingisi Nungungulu a xikhatini xa kale, kanilezi makunu mu mahelwe wuxinji hi kota ya kungaingisi kabye,
31hizalezo na vonawu a va ingisangi, lezaku kasi hi wuxinji legi gi mahelweko nwina, na vonawu va fela ku mahelwa wuxinji.
32Hakuva Nungungulu i nyikele vanhu vontlhe a kungaingiseni, lezaku a fela ku va mahela wuxinji yontlhe.
33Mangabye a kueta ka kufuma ni kutlhariha ni wutivi ka Nungungulu! A kulamula kakwe a ku na ku pimiwa, ni tindlela takwe a ti na ku tibyiwa.
34Hakuva himani a tivileko a kupima ka Hosi? kutani himani a nga yi nyika wusungukati ke? Isa. 40:13
35Kutani himani a rangileko ku yi nyika nchumu, lowu yi faneleko a ku wu tlhelisela ke? Joba 35:7
36Hakuva zilo zontlhe zita hi ka yena, zi mahilwe hi yena, zi mahelwe yena. A wudzunzo a give ka yena kala kupinzuka. Amen. 1 Kor. 8:6; Kol. 1:16
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.