Kuvululelwa 3
3
1Tsalela a ngelosi ya bandla ga le Sardisi, uku:
Loyi a nga ni ntlhanu wa mimoya ni mimbiri ya Nungungulu, ni tinyeleti ta ntlhanu ni timbiri, i ngalo: Nza yi tiva mitiro ya wena, lezaku u na ni vito gaku wa hanya, kasi lezo u file. Efe. 2:1, 5
2Vuka u hanyanya, u tiyisa lezi zi seleko, lezi zi nga lava kufa; hakuva a nzi kumangi mitiro ya wena na yi mbhelele mahlweni ka Nungungulu wa mina.
3Hikwalaho alakanya lezaku u yi amukelisile kuyini niku u yi zwisile kuyini a mhaka, u yi hlayisa, u hunzuluka. Hikwalaho loku u nga vuki u hanyanya, nzi tata kota khamba, u nga ta xi tiva a xikhati lexi nzi ta nga ku tela ha xona. Mat. 24:42; 1 Tim. 6:20; 2 Tim. 1:13
4Kanilezi wa ha hi navo a vanwani le Sardisi lava va nga kala ku nyenyezisa tinguwo tabye; va ta famba na mina na va ambele zo basa, hakuva va fanele lezo. Miti. 1:15; Juda 23; Xip. 6:11
5Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3
6Loyi a nga ni tindleve, ngha a ingisa lezi a Moya wu byelako mabandla.
7Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14
8Nza yi tiva mitiro ya wena. Nzi vekile a nyangwa yi vululekileko mahlweni ka wena leyi a nga hiko kona a zi kotako ku yi vala. U na ni ntamu wu tsongwani, kanilezi u hlayisile a mhaka ya mina, a ku kanetangi a vito ga mina. 2 Kor. 2:12
9Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14
10Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni. Isa. 24:17; Lu. 2:1; 2 Ped. 2:9
11Nzata lokuloku; khomisisa lezi u nga nazo, kasi u nga tekelwi a xidlodlo xa wena. Fil. 4:5; Xip. 2:25
12Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22
13i oyi a nga ni tindleve, ngha a ingisa lezi a Moya wu byelako mabandla.
14Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5
15Nza yi tiva mitiro ya wena, lezaku a ku titimeli, a ku hisi; zi wa ta saseka loku u wa titimela, kutani u hisa.
16Kanilezi makunu lezi u kulumelako, u nga hisi, u nga titimeli, nzi ta ku kavula nonwini wa mina.
17Lezi u nge ngalo: Nzi fumile, nzi ti kumele wukosi, a nzi vumali nchumu; kasi a ku zi tivi lezaku u loyi a xanisekako, ni nyakeke, ni muvumali, ni xikhumu, loyi u nga ni wuna. Hos. 12:8; 1 Kor. 4:8
18Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3
19Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5
20Languta, nzi yimile nyangweni nzi gongonza; loku a munhu azwa a gezu ga mina a vulula livati, nzi ta enghena ka yena, nziga naye, na yena aga na mina: Lu. 12:27; Joh. 14:23
21Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2
22Loyi a nga ni tindleve, ngha a ingisa lezi a Moya wu byelako mabandla.
Currently Selected:
Kuvululelwa 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
