Va le Filipi 3
3
Paule a tsika zontlhe hi kota ya Kristu.
1Vamakabye, hi kugumesa nzi ngalo: Tsakani Hosini! A nzi karali mina ku mu tsalela timhaka twaleti, hakuva za mu vuna.
2Ti woneleni ka timbyana, ti woneleni ka zitiri za kubiha, ti woneleni ka lava vo ti tsemelela. Rom. 2:28; Gal. 5:2, 15
3Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11
4Kasi na minawu nzi ngava ni kutsumba nyameni. Loku munwani a alakanya lezaku i na ni kutsumba nyameni, mina nza hunzisa.
5Nzi lo engheniswa wukwera hi siku ga wuntlhanu ni manharu, nzi wa lixaka la ka Israeli, wa nyimba ya ka Benjamini, nzi muHeberu nʼwana wa vaHeberu; hi tlhelo ga nayo nzi muFarisi. Miti. 23:6
6Hi tlhelo ga kupinyamela, nzi wa xanisa a bandla; ni tlhelo ga kululama loku ku nga ka nayo nzi wa nga hi na kusoleka. Miti. 8:3; Gal. 1:13
7Ahembalokoke, a zilo lezi zi nga hi bhinzu ka mina, nzi zi alakanyile lezaku kulahleka hi kota ya Kristu.
8Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2
9nzi kumiwa ka yena, na nzi nga hi na kululama ka mina loku ku nga ka nayo, kanilezi loku ku nga ka kukholwa ka Kristu, a kululama loku ku tako hi ka Nungungulu hi kukholwa, Tis. 143:2; Isa. 64:6; Rom. 1:17; 10:3; Gal. 2:16; 2 Ped. 1:1
10Hakuva nzi ranza ku tiva yena, ni ntamu wa kuvuka kakwe, ni ku hlengela kuxaniseka kakwe, nzi mu ringanyeta kufeni kakwe; 1 Ped. 4:13
11lezaku kumbe xana nzi nga chikela a kuvukeni ka vafileko. Miti. 26:7
12A hi lezaku nzi sina nzi ku kumile, kutani nzi sina nzi mbhelele; kanilezi nzi tsimbeketa nziya mahlweni, lezaku kutani nzi ta zi khoma lezi nzi nga khomelwa zona hi Kristu Jesu. 1 Tim. 6:12; Maheb. 12:23
13Vamakabye, a nzi wuli lezaku mina nzi zi khomile; kanilezi xilo xinwe nzi xi mahako, nzi rivala za lenzhako, nzi hlokolokela lezi zi nga mahlweni, Maheb. 6:1
14nzi tsimbeketa mahlweni xiwindini nzi kala nzi ya kuma a nchachazelo wa kuvitanwa ku tlakukileko nzi nga vitanelwa kona hi Nungungulu ka Kristu Jesu. 2 Tim. 4:7, 8; Maheb. 3:1; 12:1
15Hikwalaho ngha hina hontlhe hi mbheleleko hi hi ni kupima ka kunghaho. Kanilezi loku mu alakanya zinwani hi xilo xo kari, lexo kambe Nungungulu i ta xi vulula ka nwina. 1 Kor. 2:6; 14:20; Gal. 5:10
16Kanilezi a hi fambeni hi lezi hi chikeleko ka zona.
17Vamakabye, nzi ecanyiseni, mu cuwukisa lava va lanzako a xiwonelo lexi mu wonako ka hina. 1 Ped. 5:3
18Hakuva nzi mu byelile kanyingi, makunu nza engeta nzi mu byela hi kurila, lezaku vanyingi va famba na va hi valala va xihambano xa Kristu.
19A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.
20Kanilezi hina a wusumbulwa ga hina gi le tilweni; ku nga leyo hi rinzelako Muhanyisi kuta ha kona, a nga Hosi Jesu Kristu. 1 Kor. 1:7; Kol. 3:1, 3; 1 Tes. 1:10; 2 Tim. 4:8; Tit. 2:13
21Loyi a ta nga hunzula luswa a xiyimo xa miri wa hina wa kukoramiswa, kasi wu fanana ni miri wakwe wa kungangamela, hi ntamu lowu ha wona a zi kotako ku ti vekela zilo zontlhe lahasi kakwe. Isa. 63:1; Mat. 17:2; 1 Kor. 15:43; Efe. 1:19; Maheb. 7:25
Currently Selected:
Va le Filipi 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
