Mitsengo 7
7
A minyikelo ya tabemakeli.
1Ku te hi siku lego Mosi a mbhelileko a ku yimisa a tabemakeli, ni ku gi tota, ni ku gi basisa, zinwe ni zontlhe zibya za gona, a yimisa ni ganzelo ni zibya za gona, a gi tota ni ku basisa, Ekso. 40:17; Levi 8:10
2ku lo humeswa miphahlo hi tihosana ta ka Israeli, ti nga tona tihosana ta tiyindlu ta vararu vabye, leti ti fumelako a tinyangwa tabye, ti nga tona ti vunileko ku hlaya vanhu,
3va lo nyikela minyikelo yabye mahlweni ka Jehova: ntlhanu wa tikareta ni yinwe leti ti fenengetilweko ni 12 wa tihomu; a kareta yinwe yi wa hi ya tihosana timbiri, ni homu yinwe ka hosana yinwe ni yinwani; va lo zi nyikela mahlweni ka tabemakeli.
4Zonake Jehova i lo byela Mosi, aku:
5Zi amukele, zi ta vuna ku tira a ntiro wa tenda ga mutlhangano; u ta zi nyikela ka vaLevi, u ta nyika munwe ni munwani kota ntiro wakwe.
6Zinghaho Mosi i lo teka a tikareta ni tihomu, a nyika vaLevi.
7I lo nyikela tikareta timbiri ni mune wa tihomu ka vanana va ka Gerxoni, kota laha ti ringanako ha kona ntirweni wabye;
8ni mune wa tikareta ni ntlhanu wa tihomu ni tinharu i lo zi nyikela ka vanana va ka Merari kota laha zi ringanako ha kona ntirweni wabye, lowu va nga rangelwa ka wona hi Itamari a nʼwana wa mupristi Aroni.
9Kasike a vanana va ka Kohati, a va nyikwangi nchumu, hakuva a ntiro wabye wu wa hi ku rwala a zibya zo basa makatleni yabye.
10Ni tihosana ti lo nyikela minyikelo yabye ya ku nyikelisisa a ganzelo, ka siku lego va gi totako: a tihosana ti lota mahlweni ka ganzelo ni minyikelo yabye.
11Zonake Jehova a ku ngalo ka Mosi: A tihosana a ti nyikele minyikelo yabye ya ku nyikelisisa a ganzelo, loyi ni loyi a nyikela hi siku gakwe.
12Loyi a nga nyikela a munyikelo wakwe hi siku ga kusangula hi Naxoni a nʼwana wa Aminadaba, wa lixaka la ka Juda.
13A munyikelo wakwe ku wa hi ngelo wa siliva; a kubinza ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; yontlhe mingelo ya yimbiri yi wa tele hi mapa yo saseka laya ma vuvilweko hi ma, fura, kasi ku maha munyikelo wa zakuga.
14Ni nguwana yinwe ya nzalama wa khume ga maxekeli, loyi yi teleko hi libani;
15ni nkuzana ni hamba, ni yivana ya lembe ginwe a wukale ya munyikelo wa kuhiswa,
16ni mhongo yinwe ya munyikelo wa kuonha;
17ni za muphahlelo wa kubonga tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Naxoni a nʼwana wa Aminadaba.
18Hi siku ga wumbiri ku lo nyikela Netaneli a nʼwana wa Zuari, a hosana ya lixaka la ka Isakari, yena i lo neha a munyikelo wakwe.
19I lo nyikela a munyikelo wakwe hi ngelo wa siliva, a kutika ka wona ku wa hi 130 wa maxekeli, ni mukhelo munwe wa siliva wa 70 wa maxekeli, hi xekeli ga wutshamu ga kubasa; yontlhe mingelo leyi yi wa tele hi mapa yo saseka, ma vuvilweko hi mafura, kasi ku maha munyikelo wa zakuga;
20ni nguwana yinwe ya nzalama wa khume ga maxekeli, na yi tele hi libani;
21ni nkuzana ni hamba, ni yivana ya lembe ginwe a wukale, a ku maha muphahlelo wa kuhiswa,
22ni mhongo ya muphahlelo wa kuonha;
23ni za munyikelo wa kubonga tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihamba ta lembe ginwe a wukale. Lowu wu wa hi munyikelo wa Netaneli a nʼwana wa Zuari.
24Hi siku ga wunharu ku lo nyikela Eliabe a nʼwana wa Heloni, a hosana ya lixaka la ka Zebuloni.
25A munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa 70 wa maxekeli, hi xekeli ga wutshamu ga kubasa; a mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.
26Ni nguwana yinwe ya nzalama wa khume ga maxekeli, na yi tele hi libani;
27ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa,
28ni mhongo ya muphahlelo wa kuonha;
29ni za munyikelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Eliabe a nʼwana wa Heloni.
30Hi siku ga wumune ku lo nyikela Eliazuri a nʼwana wa Xedura, a hosana ya vanana va ka Rubeni.
31A munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; a mingelo leyo yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga;
32ni nguwana yinwe ya nzalama wa khume ga maxekeli, na yi tele hi libani.
33Ni nkuzana, ni hamba, ni hambana ya lembe ginwe a wukale, a kuva ya munyikelo wa kuhiswa.
34Ni mhongo yinwe ya munyikelo wa kuonha;
35ni za munyikelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Eliazuri a nʼwana wa Xedura.
36Hi siku ga wuntlhanu ku lo nyikela Xelumieli a nʼwana wa Zurixadayi, a hosana ya vanana va ka Simeoni.
37A munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; a mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.
38Ni nguwana yinwe ya nzalama wa khume ga maxekeli, na yi tele hi libani.
39Ni nkuzana ni hamba, ni hambana ya lembe ginwe a wukale, a kuva munyikelo wa kuhiswa.
40Ni mhongo ya muphahlelo wa kuonha;
41ni za munyikelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Xelumieli a nʼwana wa Zuruxidayi.
42Hi siku ga wuntlhanu ni ginwe ku lo nyikela Eliasafa a nʼwana wa Deueli, a hosana ya vanana va ka Gadi.
43Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, mukhelo wa siliva wa 70 wa maxekeli, hi xekeli ga wutshamu ga kubasa, ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.
44Ni nguwana ya nzalama ya khume ga maxekeli, na yi tele hi libani.
45Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;
46ni mhongo ya muphahlelo wa kuonha;
47ni za muphahlelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni tlhanu wa tihambana ta lembe ginwe a wukale. Lowu wu wa hi munyikelo wa Eliasafa a nʼwana wa Deueli.
48Hi siku ga wuntlhanu ni mambiri, ku lo nyikela Elixama a nʼwana wa Amihudi, a hosana ya vanana va ka Efraime.
49Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga:
50ni nguwana ya nzalama ya khume ga maxekeli, na yi tele hi libani.
51Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa.
52Ni mhongo ya muphahlelo wa kuonha;
53ni za muphahlelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale, Lowu wu wa hi munyikelo wa Elixama a nʼwana wa Amihudi.
54Hi siku ga wuntlhanu ni manharu, ku lo nyikela Gamalieli a nʼwana wa Pedazura, a hosana ya vanana va ka Manase.
55Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga;
56ni nguwana ya nzalama ya khume ga maxekeli, na yi tele hi libani.
57Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;
58ni mhongo ya munyikelo wa kuonha.
59Ni za munyikelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Gamalieli a nʼwana wa Pedazura.
60Hi siku ga wuntlhanu ni mune, ku lo nyikela Abidani a nʼwana wa Gideoni, a hosana ya vanana va ka Benjamini.
61Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;
62ni nguwana ya nzalama ya khume ga maxekeli, na yi tele hi libani.
63Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;
64ni mhongo ya muphahlelo wa kuonha.
65Ni za muphahlelo wa kubonga tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Abidani, a nʼwana wa Gideoni.
66Hi siku ga wukhume ku lo nyikela Ahiezere a nʼwana wa Amixadayi, a hosana ya vanana va ka Dani.
67Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;
68ni nguwana ya nzalama wa khume ga maxekeli, na yi tele hi libani.
69Ni nkuzana, ni hamba, ni hambana ya lembe ginwe a wukale, a kuva ya munyikelo wa kuhiswa;
70ni mhongo ya muphahlelo wa kuonha.
71Ni za muphahlelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Ahiezere a nʼwana wa Amixadayi.
72Hi siku ga wu 11, ku lo nyikela Pagieli a nʼwana wa Okrani, a hosana ya vanana va ka Axeri.
73Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;
74ni nguwana ya nzalama ya khume ga maxekeli, na yi tele hi libani.
75Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;
76ni mhongo ya muphahlelo wa kuonha;
77ni za muphahlelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Pagieli a nʼwana wa Okrani.
78Hi siku ga wu 12, ku lo nyikela Ahira a nʼwana wa Enani, a hosana ya vanana va ka Naftali.
79Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;
80ni nguwana ya nzalama ya khume ga maxekeli, na yi tele hi libani.
81Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa.
82Ni mhongo ya muphahlelo wa kuonha;
83ni za muphahlelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Ahira nʼwana Enani.
84Leyi yi wa hi minyikelo ya tihosana ta ka Israeli ya ku nyikelisisa a alati, a siku lego gi nga totiwa: 12 wa mingelo ya siliva, ni 12 wa mikhelo ya siliva, ni 12 wa tiguwana ta nzalama;
85a ngelo munwe ni munwani wu wa hi siliva, ni kutika ka wona hi 130 wa maxekeli, ni mukhelo munwe ni munwani wu wa hi siliva, ni kutika ka wona hi 70 wa maxekeli; zontlhe zibya lezi za siliva zi wa tika 2,400 wa maxekeli, hi xekeli ga wutshamu ga kubasa.
86A tiguwana leti ta 12, leti ti nga wa tele hi libani, ti wa hi ta nzalama, ni kutika ka nguwana yinwe ni yinwani ku wa hi 10 wa maxekeli, hi xekeli ga wutshamu ga kubasa; a kutika ka tiguwana tontlhe ku wa hi 120 wa maxekeli.
87A tsengo wa zifuyo za munyikelo wa kuhiswa ku wa hi 12 wa tinkuzi, ni 12 wa tihamba, ni 12 wa tiyivana ta lembe ginwe a wukale, ni munyikelo wa zakuga, ni 12 wa timhongo ta muphahlelo wa kuonha.
88A tsengo wa zontlhe zifuyo za muphahlelo wa kubonga zi wa hi 24 wa tinkuzi, ni 60 wa tihamba, ni 60 wa timhongo, ni 60 wa tiyivana ta lembe ginwe a wukale. Lowu wu wa hi munyikelo wa ku nyikelisisa a alati anzhako ka kuva va gi totile.
89Ku waku loku Mosi a enghena lomu ka tenda ga mutlhangano a ku ya wulawula na Nungungulu, azwa a gezu na gi wulawula naye, na gi zwala hi le xitshanwini xa wuxinji, lexi xi nga hehla ka arke ga xivumelwano, hi lomu xikari ka makerubima mambiri; zinghaho Jehova i lo wulawula naye.
Currently Selected:
Mitsengo 7: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
