Mitsengo 33
33
Kusukela Gipite kala Jordani.
1Laya hi magovela ya vanana va ka Israeli lava va humileko hi le tikweni ga Gipite, hi mitlhawa yabye, na va rangelwa hi Mosi na Aroni.
2Mosi i lo tsala hi kusuka kabye ni magovela yabye, kota kuleletela ka Jehova; makunu leyi hi mipfhuka ni masukela ya kona.
3Va lo suka hi le Ramesesi hi hweti yo ranga hi siku ga 15 ga hweti. Hi siku gi gamelako ga Pasika, a vanana va ka Israeli va lo huma hi ntamu wa hombe kuwoneni ka vanhu vontlhe va le Gipite. Ekso. 12:37; 14:8
4A vaGipite va wa kari va lahla lava Jehova a nga va daya xikari kabye, ma nga wona matewula yabye wontihe, hakuva Jehova i lo tshanza nongameto xikari ka vanungungulu vabye.
5Zonake a vanana va ka Israeli va lo suka hi le Ramesesi va ya gova le Sukote.
6Va lo suka hi le Sukote va ya gova le Etama, legi gi nga le mbhinganweni wa xiwula.
7Va lo suka hi le Etama va tlhela vaya le Pi-Hahirote, ngomama ni Baal-Zifana, va ya gova kusuhani ni Migdola.
8Va lo suka mahlweni ka Hahirote va tsemakanya hi laha xikari ka bimbi, va enghena xiwuleni, va famba masiku manharu lomu xiwuleni xa Etama, va ya gova le Mara. Ekso. 14:22; 15:22
9Va lo suka hi le Mara va ya chikela le Elima; le Elima ku wa hi ni 12 wa tihlowo; ni 70 wa micinzu; zonake va lo gova laho.
10Va lo suka hi le Elima va ya gova hi le kusuhani ni Bimbi go Pswhuka;
11va lo suka hi le Bimbini go Pswhuka va ya gova xiwuleni xa Sina;
12va lo suka hi le xiwuleni xa Sina va ya gova Dofka;
13va lo suka hi le Dofka va ya gova le Aluxa;
14va lo suka hi le Aluxa va ya gova le Refidima. Laho ku wa hi hava mati ya kunwa vanhu;
15va lo suka hi le Refidima va ya gova xiwuleni xa Sinai.
16Va lo suka xiwuleni xa Sinai va ya gova le Kibrote-hatava;
17va lo suka hi le Kibrote-hatava va ya gova le Hazerote;
18va lo suka hi le Hazerote va ya gova le Ritma;
19va lo suka hi le Ritma va ya gova le Rimonpereza.
20Va lo suka hi le Rimonpereza va ya gova le Libna;
21va lo suka hi le Libna va ya gova le Risa;
22va lo suka hi le Risa va ya gova Kehelata;
23va lo suka hi le Kehelata va ya gova le xitsungeni xa Xefera;
24va lo suka hi le xiwuleni xa Xefera va ya gova le Harada;
25va lo suka hi le Harada va ya gova le Makhelote;
26va lo suka hi le Makhelote va ya gova le Tahate;
27va lo suka hi le Tahate va ya gova le Tera;
28va lo suka hi le Tera va ya gova le Mitka;
29va lo suka hi le Mitka va ya gova le Haxmona;
30va lo suka hi le Haxmona va ya gova le Moserote;
31va lo suka hi le Moserote va ya gova le Benejakani;
32va lo suka hi le Benejakani va ya gova le Harhagidgade;
33va lo suka hi le Harhagidgade va ya gova le Jotbatha;
34va lo suka hi le Jotbatha va ya gova le Abrona;
35va lo suka hi le Abrona va ya gova le Eziongebera;
36va lo suka hi le Eziongebera va ya gova le xiwuleni Xa Zini (le Kadexe);
37va lo suka hi le Kadexe va ya gova le xitsungeni xa Horahi le mbhinganweni wa va ka Edomi.
38Zonake laho mupristi Aroni i lo kanziha xitsungeni xa Hora, kotisa kuleletela ka Jehova, a ya fela leyo, hi lembe ga 40 ga kuhuma ka vanana va ka Israeli hi le tikweni ga Gipite, lomu ka hweti ya wuntlhanu, ka siku go sangula ga hweti. Deut. 10:6
39Aroni i wa hi ni 123 wa malembe xikhati lexo a nga yafa le xitsungeni xa Hora.
40Makunu Arade a hosi ya maKanani, loyi a nga wa akile hi le Dzongeni ga tiko ga Kanani, i lozwa lezaku a vanana va ka Israeli vata.
41Zonake va lo suka hi le xitsungeni xa Hora va ya gova le Zalmona.
42Va lo suka hi le Zalmona va ya gova le Punona;
43va lo suka hi le Punona va ya gova le Obate;
44va lo suka hi le Obate, le rumbini ga Abarima, hi le mbhinganwini wa va ka Moabi;
45va lo suka hi le rumbini ga Abarima va ya gova le Diboni-Gadi;
46va lo suka hi le Diboni-Gadi va ya gova le Almon-Diblathaime;
47va lo suka hi le Almon-Diblathaime va ya gova le zitsungeni za Abarima ngomama na Nebo.
48Va lo suka zitsungeni za Abarima va ya gova le koveni wa le Moabi kusuhani na Jordani na Jeriko;
49va lo gova kusuhani na Jordani kusukela le Bet-Jeximote kala le Abel-Xitamu hi le mikoveni ya le Moabi.
50Zonake Jehova i lo wulawula ka Mosi ie mikoveni ya le Moabi, kusuhani ni le Jordani na Jeriko, aku:
51Byela a vanana va ka Israeli uku: Loku mu tlhatuka a Jordani mu enghena tikweni ga Kanani,
52mu ta hlongola vontlhe vaaki va tiko mahlweni ka nwina, mu hangalasela zontlhe zifananiso zabye, mu lovisa zontlhe zifananiso zabye zi nyekisilweko; mu khungumulela wontihe matshamu yabye ma tlakukileko. Ekso. 23:32; Deut. 7:2
53Mu ta teka a tiko mu aka ka gona, hakuva mina nzi mu nyikile a tiko lego a kuva tshomba ya nwina.
54Nwina mu ta avela a tiko hi ku hlahluveta hi tinyangwa ta nwina; ka lava vo tala mu ta va nyika a tshomba ya hombe; mu nyika a tshomba yi tsongwani ka lava va nga va tsongwani. Loyi ni loyi i ta kuma a xiavelo xakwe hi ku komba ka tihlolo; mu ta amukela a tshomba ya nwina hi tinyangwa ta vararu va nwina.
55Kanilezi loku mu nga hlongoli vaaki va tiko mahlweni ka nwina, mu va tsika va tshama xikari ka nwina, vona va ta kota mizwa mahlweni ya nwina, va ku khwatsi mitlonga mareveni ya nwina, va mu karata ka tiko legi mu ta nga aka ka gona. Jox. 23:13; Vala. 2:3
56Zonake nzi ta tlhela nzi maha ka nwina lezi nzi nga wa lava ku maha ka vona.
Currently Selected:
Mitsengo 33: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
