Mitsengo 26
26
A va ka Israeli va hlayiwa kambe.
1Anzhako ka ntungu Jehova i te ngalo ka Mosi na Eliazare, a nʼwana wa mupristi Aroni:
2Hlayani wontihe tlhangano wa vanana va ka Israeli, kusukela ka lava va nga ni 20 wa malembe ni ku hunza, mu va hlaya hi tinyangwa tabye, mu hlaya vontlhe vavanuna va ka Israeli lava va zi kotako ku hloma matlhari.
3Zonake Mosi na mupristi Eliazare va lo wulawula navo le libaleni la le Moabi kusuhani ni Jordani ni Jeriko, vaku:
4Nwina mu ta hlayiwa kusukela ka lava va nga ni 20 wa malembe ni ku hunza, kota lezi Jehova a leleteleko ka Mosi ni ka vanana va ka Israeli lava va nga huma hi le Gipite.
5Rubeni a matewula ya Israeli. A vana va Rubeni hi Hanoki, a nyapanze wa yindlu ya ka Hanoki; na Palu, a nyapanze wa yindlu ya ka Palu;
6na Hezroni, a nyapanze wa yindlu ya ka Hezroni; na Karmi, a nyapanze wa yindlu ya ka Karmi.
7Leti hi tiyindlu ta ka Rubeni. Lava va hlayilweko xikari ka vona va wa hi 43,730.
8A nʼwana Palu hi Eliabe.
9A vana va Eliabe hi Nemueli na Datani, na Abiramu. Datani na Abiramu hi vona va nga wa dumile lomu ka tlhangano, hi vona va nga vukela Mosi na Aroni, na va hi nzeni ka xikungo xa Kora, siku lego va nga vukela Jehova;
10laha a misava yi ahlama nomu wa yona yi va mita vontlhe zinwe na Kora, laho ku ngafa a tlawa wa hombe; ni laho a nzilo wu nga hisa a 250 wa vanhu kasi ku maha a xikombiso.
11Kanilezi a vana va Kora va wa nga fangi.
12A vana va Simeoni hi tiyindlu tabye hi lava: Nemueli, a nyapanze wa yindlu ya ka Nemueli; va ka Jamina, va yindlu ya ka Jamina; va ka Jakina, va yindlu ya ka Jakina;
13va ka Zera, va yindlu ya ka Zera; va ka Xaule, va yindlu ya ka Xaule.
14Leti hi tiyindlu ta ka Simeoni: va wa hi 22,200.
15A vana va ka Gadi hi tiyindlu tabye: va ka Zefoni, va yindlu ya ka Zefoni; va ka Hagi, va yindlu ya ka Hagi; va ka Xuni va yindlu ya ka Xuni;
16va ka Ozni va yindlu ya ka Ozni; va ka Eri va yindlu ya ka Eri;
17va ka Arodi va yindlu ya ka Arodi; va ka Areli va yindlu ya ka Areli.
18Leti hi tiyindlu ta vana va Gadi hi mitsengo yabye: va wa hi 40,500.
19A vana va Juda: hi Eri na Onani: Eri na Onani va fele tikweni ga le Kanani. Gen. 38:7
20A vana va Juda hi tiyindlu tabye hi lava: va ka Xela va yindlu ya ka Xela; va ka Perezi va yindlu ya ka Perezi; va ka Zera va yindlu ya ka Zera.
21Ni vana va Perezi hi lava: va ka Hezroni va yindlu ya ka Hezroni; va ka Hamula va yindlu ya ka Hamula.
22Leti hi tiyindlu ta ka Juda ni tsengo wa kona: va wa hi 76,500.
23A vana va ka Isakari hi tiyindlu tabye: va ka Tola va yindlu ya ka Tola; va ka Puva va yindlu ya ka Puni;
24va ka Jaxuba va yindlu ya ka Jaxuba; va ka Ximroni va yindlu ya ka Ximroni.
25Leti hi tiyindlu ta ka Isakari ni tsengo wa kona: va wa hi 64,300.
26A vana va ka Zebuloni hi tiyindlu tabye: va ka Serede va yindlu ya ka Serede; va ka Eloni va yindlu ya ka Eloni; va ka Jahleeli va yindlu ya ka Jahleeli.
27Leti hi tiyindlu ta ka Zebuloni ni tsengo wa kona: va wa hi 60,500.
28A vana va Josefa hi tiyindlu tabye: hi Manasa na Efraime.
29A vana va Manase: va ka Macira va yindlu ya ka Macira. Makira i lo beleka Gileade: va ka Gileade va yindlu ya ka Gileade.
30Lava hi vana va Gileade: va ka Jezere va yindlu ya ka Jezere; va ka Heleke va yindlu ya ka Heleke;
31va ka Asrieli va yindlu ya ka Asrieli; va ka Xekemi va yindlu ya ka Xekemi;
32va ka Xemida va yindlu ya ka Xemida; va ka Hefera va yindlu ya ka Hefera.
33Makunu Zelofehade a nʼwana wa Hefera i wa nga hi na vafana, saseka vanhanyana basi, a mavito yabye ma nga lawa: Mahla, Noa, Hogla, Milka na Tirza.
34Leti hi tiyindlu ta ka Manase; lava va nga wa hlayilwe va wa hi 52,700.
35Lava hi vana va ka Efraime hi tiyindlu tabye: va ka Xutela va yindlu ya ka Xutela; va ka Bekera va yindlu ya ka Bekera; va ka Tahana va yindlu ya ka Tahana.
36Ni vana va ka Xutela hi lava: va ka Erani va yindlu ya ka Erani.
37Leti hi tiyindlu ta va ka Efraime ni tsengo wa kona: va wa hi 32,500. Hi vona a vana va Josefa hi tiyindlu tabye.
38Ni vana va ka Benjamini hi tiyindlu tabye hi lava: va ka Bela va yindlu ya ka Bela; va ka Axbeli va yindlu ya ka Axbeli; va ka Ahiramu va yindlu ya ka Ahiramu;
39va ka Xefufami va yindlu ya ka Xefufami; va ka Hufami va yindlu ya ka Hufami.
40A vana va Bela ku wa hi Arda na Naamani; va ka Arda va yindlu ya ka Arda; va ka Naamani va yindlu ya ka Naamani.
41Lava hi vana va ka Benjamini hi tiyindlu tabye: lava va hlayilweko va wa hi 45,600.
42Lava hi vana va ka Dani hi tiyindlu tabye: va ka Xuhama va yindlu ya ka Xuhama. Leti hi tiyindlu ta ka Dani.
43Tontlhe tiyindlu ta ka Xuhama, a tsengo wabye va wa hi 64,400.
44A vana va ka Axeri hi tiyindlu tabye hi lava: Va ka Imna va yindlu ya ka Imna; va ka Ixvi va yindlu ya ka Ixvi; va ka Beria va yindlu ya ka Beria.
45A vana va ka Beria: va ka Heberi va yindlu ya ka Heberi; va ka Melkieli va yindlu ya ka Melkieli.
46A vito ga nhwana wa Axeri i wa hi Sera.
47Leti hi tiyindlu ta vana va ka Axeri, ni tsengo wabye va wa hi 53,400.
48A vana va Naftali hi tiyindlu tabye: va ka Jahzeeli va yindlu ya ka Jahzeeli; va ka Guni va yindlu ya ka Guni;
49va ka Jezera va yindlu ya ka Jezera; va ka Xilemi va yindlu ya ka Xilemi.
50Leti hi tiyindlu ta ka Naftali hi mingango yabye: lava va hlayilweko va wa hi 45,400.
51Lowu hi tsengo wa vanana va ka Israeli: va wa hi 601,730 wa vavanuna.
52Jehova i lo wulawula ka Mosi, aku:
53Lava hi lava va ta nga avelwa a tiko, kasi gi maha a tshomba yabye: va ta avelwa kukotisa wunyingi ga mavito yabye.
54A lixaka la hombe u ta li nyika a tshomba yo tala; leli li nga litsongwani u ta li nyika a tshomba yitsongwani; linwe ni linwani li ta nyikiwa tshomba khwatsi hi wunyingi ga lona.
55Ntsena lezaku a tiko gi ta avelwa hi ku hlahluva; va ta amukela xiavelo xabye hi mavito ya tixaka ta vararu vabye.
56Lezo ti ta avelwa hi ku hlahluva xikari ka leti ta hombe ni leti ta titsongwani.
57A tsengo wa vaLevi hi lowu hi tiyindlu tabye: va ka Gerxoni va yindlu ya ka Gerxoni; va ka Kohati va yindlu ya ka Kohati; va ka Merari va yindlu ya ka Merari.
58Leti hi tiyindlu ta va ka Levi: a yindlu ya ka Libni, ni yindlu ya ka Hebroni, ni yindlu ya ka Mahli, ni yindlu ya ka Muxi, ni yindlu ya ka Kora.
59Kohati i lo beleka Amramu; a sati wa Amramu i wa hi Jokebede, a nhanyana wa Levi, loyi Levi a nga mu beleka le Gipite. Hi yaloye Amramu a nga beleka naye Aroni na Mosi ni makabye wabye Miriamu.
60Aroni i lo beleka Nadabe na Abihu, na Eliazare na Itamari.
61Makunu Nadabe na Abihu va wa file xikhatini lexi va nga nyikela mahlweni ka Jehova hi nzilo wa hava.
62A tsengo wabye va wa hi 23,000, vontlhe vavanuna, kusukela ka lava va nga hi ni hweti yinwe a wukale ni ku hunza; hakuva vona a va patsiwangi ka tsengo wa vanana va ka Israeli, hilezi vona a va avelwangi tshomba zinwe ni vanana va ka Israeli.
63Lowu hi tsengo wa vanana va ka Israeli lowu Mosi na mupristi Eliazare va hlayileko le libaleni la le Moabi, ngomama ni Jordani ni Jeriko.
64Kanilezi xikari kabye ku hava ni munwe wa vanana va ka Israeli, wa lava va hlayilweko hi Mosi na mupristi Aroni le xiwuleni xa Sinai.
65Hakuva Jehova i wa wulile ha vona, aku: Va tafa le xiwuleni. Hikwalaho a ku salangi ni munwe wabye, saseka Kalebi a nʼwana wa Jefuna na Joxua a nʼwana wa Nuni.
Currently Selected:
Mitsengo 26: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
