Nahume 3
3
1Khombo a give ka muti lowu wa nkhata! Wu tele hi mawunwa ni tihanyi ni kudaya: a ku tsikiwi ku phanga.
2Ka zwala kurotlola ka xisephu, ni guwa ga maranzani ya tikareta, ni kudlaladlaleka ka mahaxi, ni kutlula ka tikareta.
3Hi nga wonani a mahaxi ma tsutsumiswako hi vakhileli va wona, ni tisupado ti phatimako, ni matlhari ma kwezimako, ni wunyingi ga lava va delweko, tinhulu ta zirumbi. A zirumbi a zi mbheli, va khunguvanyeka hi zirumbi zabye!
4Hi kota ya wunyingi ga wuoswi ga xibhayi lexi xi na nga ni wumbhuri, loyi a tlharihileko hi wuloyi, loyi a xavisako matiko hi wubhayi gakwe, ni zibongo hi wuloyi gakwe,
5nzi ta ku vukela, ku wula Jehova wa tiyimpi, nzi ta tlakusa a nguwo ya wena yi vala a nghohe ya wena, nzi kombisa a matiko a wumbyiri ga wena, ni mifumo a tingana ta wena.
6Nzi ta ku phatsekela chaka, nzi ku nyenyezisa, nzi ku maha a xilo xi rewukisako.
7Zonake vontlhe lava va ku wonako, va ta ku tsutsuma, vaku: Niniva i hahlukile! Himani a ta nga mu rilela? Nzi ta ku kumela kwihi a vachaveleli?
8Kasi u chukwana ku hunza Noamoni a muti lowu wu nga ranzelwa hi micongo ya le Gipite, lowu wu nga bhiyelwe hi bimbi, lowu a khurisi ga wona gi nga hi bimbi ke?
9A maEtiopia ni maGipite va wa hi ntamu wakwe, a xidlemo xa tsanzavahlayi; Puti na Lubima va wa hi vavuneteli va wena. 2 Kro. 12:3; 14:9
10Hambulezo, i lo khomiwa a yiswa wukhumbini, ni vana vakwe va lo pswhandlaswa lomu maphangweni; va lo hlahluvela a vavanuna vakwe va dumileko, a vahombe vakwe vontlhe va bohiwa hi mangenje.
11Na wena kambe u ta popiwa, u ti fihla; u ta lava a wuchavelo u tsutsuma valala va wena.
12A makhokhola ya wena wontlhe ma ta ku khwatsi mikuwu yi nga ni mihanzu yi buvileko kuranga; loku yi jujiwa yi wela kanwini ka mugi.
13Languta, a vavanuna va nga ka wena mbavasati ntsena, a tinyangwa ta tiko ga wena ti vululelwe a valala va wena; a nzilo wu hisile a zikwinyaro za wena.
14Ti khele mati, hakuva u ta vimbezelwa; tiyisa a makhokhola ya wena; enghena wumbeni u vuva nzhope, u aka a nhulu ya zitini za ku hiswa.
15Laho a nzilo wu ta ku hisa, a supado yi ku lovisa, yi ta ku lovisa ku fanana ni zidodwani, hambu loku u tele kukotisa zidodwani, u anza kukotisa humbi.
16A vamahungani va wena va anzile ku hunza a tinyeleti ta le tilweni, a zidodwani zi gwimba tipapa zi puruma zi famba,
17A tihosana ta wena ti khwatsi i humbi, ni vatongi va wena ve khwatsi i tsunzu wa bhanzala, legi gi tshamako lomu makhuhwini hi siku go titimela, kanilezi loku a gambo gi huma gi hangalaka, gi nga tibyiwi laha gi yileko kona.
18Wena hosi ya le Assiria, a varisi va wena va etlele, a tinhenha ta wena ti le kuhumuleni. A vanhu va wena va hangalakile lomu xitsungeni, a nga kona a nga va tsombanyisako. Mitse. 27:17; 1 Tih. 22:17
19A mbanga ya wena a yi na ku kanzetelwa, i mbanga; ya kufa. Vontlhe lava va zwako ha wena va ta phakatela mandla hi litsako; hakuva himani a kiyeleko a kubiha ka wena?
Currently Selected:
Nahume 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
