Marku 1
1
Johani Mubapatizi.
1A kusangula ka ivangeli ya Jesu Kristu, a Nʼwana wa Nungungulu. Mat. 14:33; Lu. 1:35; Joh. 1:34
2Kota lezi ku tsalilweko hi muprofeti Isaya, ku ngalo:
Languta, nza ruma a ntsumi wa mina mahlweni ka wena,
Lowu wu ta nga longisa a ndlela ya wena.
3Ingisani a gezu ga loyi a bako hungu xiwuleni, aku:
Longisani a ndlela ya Hosi,
Mu lulamisa a magonzo ya yona. Isa. 40:3
4Lezo ku lota Johani, loyi a nga bapatiza xiwuleni, a kanela a kubapatiza ka kuhunzuluka loku ku yisako kutsetselelweni ka zionho. Mat. 3:1; Lu. 3:3
5A tiko gontlhe ga Judia, ni vontlhe va le Jerusalema va lo huma vaya ka yena, va lo bapatizwa hi yena congweni wa Jordani, na va wulela a zionho zabye. Mat. 3:5
6Johani i wa ambele a nguwo ya woya ga kameli, a hi ni bhandi ga xikhumba xiwunwini xakwe; i waga humbi ni wulombe ga khwati.
7I lo kanela aku: Wa hata munwani hi lenzhako ka mina, loyi a nga ni ntamu ku nzi hunza, loyi a tingoti ta zilato zakwe nzi nga faneliko ku korama nzi ti tlhatlha. Miti. 13:25
8Mina nzi mu bapatizile hi mati, kanilezi yena i ta mu bapatiza hi Moya wa ku Basa. Isa. 44:3; Miti. 1:5; 2:4
A kubapatizwa ka Jesu.
9Hi ka masiku lawo ku lota Jesu hi le Nazareta wa le Galilea, a ta bapatizwa hi Johani le congweni wa Jordani. Mat. 3:13
10Na a ha huma hi lomo matini, i lo wona tilo na gi avanyeka, ni Moya wu relela hehla kakwe kota tuva. Mat. 3:16; Joh. 1:32
11Ku lo huma gezu hi le tilweni, giku: Wena u Nwananga a ranzekako, nzi xalalako khwatsi ha wena. Tis. 2:7; Mat. 3:17
Jesu a ringiwa.
12Zalezo a Moya wu lo mu yisa xiwuleni. Mat. 4:1; Lu. 4:1
13I wa hi le xiwuleni a 40 wa masiku na ringwa hi Satani, na a hi xikari ka zihari za khwati; a tingelosi ti lo mu tirela. Mat. 4:11
Jesu a sangula ntiro wakwe.
14Laha Johani na a valelwe paxweni; Jesu i loya Galilea, na a kanela ivangeli ya Nungungulu, Mat. 4:12, 23
15aku: A xikhati xi tatisekile, ni mufumo wa Nungungulu wu tshinele; hunzulukani mu kholwa hi ivangeli. Dan. 9:25; Mat. 3:2; Gal. 4:4
16Na a kari a hunza hi le bimbini ga Galilea, i lo wona Simoni na Andreu a nakulobye wa Simoni, na va peta likoka bimbini, hakuva va wa hi vakukuti. Mat. 4:18; Lu. 5:4
17Jesu aku ngalo kabye: Nzi lanzeni, nzi ta mu maha vakukuti va vanhu.
18Zalezo va lo siya a tikoka, va mu lanzela. Mat. 19:27; Lu. 5:11
19Laha na fambile kutsongwani, i lo wona Jakobe nʼwana Zabedi, na Johani nakulobye, na va hi lomu ngalaveni va rungetela a tikoka tabye.
20Loku a va vitanile va lo siya raru wabye Zabedi ngalaveni zinwe ni zitiri, va mu lanzela.
Jesu a hanyisa munhu a nga ni moya wo biha.
21Zonake va lo enghena Kapernaume; hi siku ga sabado i lo enghena sinagogeni, a gonzisa. Mat. 4:13; Lu. 4:31
22A vanhu va lo hlamala hi kugonzisa kakwe, hakuva i lo va gonzisa hi ntamu, na ku nga hi ku khwatsi hi vatsali.
23Lomu sinagogeni gabye ku wa hi kona a munhu loyi a nga hi ni moya wa kubiha, loyi a nga kanyuluka, Lu. 4:33
24aku: I mhaka muni hi nga nayo na wena, wena Jesu wa le Nazareta; u tele ku ta hi lovisa ke? Nza ku tiva lezaku hi wena mani, u Loyi wa kubasa wa Nungungulu. Mat. 8:29
25Jesu i lo wu kawuka, aku: Miyela, u huma ka yena.
26A moya wa kubiha wu lo tsekatsekisa a munhu wa kona, na wu kanyuluka hi gezu ga hombe, wu lo huma ka yena. Xip. 9:20
27Vontlhelele va lo hlamala, va wutisana xikari kabye, vaku: Xini lexi? E, i gonzo yiswa ya ntamu! Hambu a mimoya ya kubiha wa yi laya, yi mu ingisa.
28A wudumo gakwe gi lo hangalaka wutshanwini gontlhe ga le Galilea.
Jesu a hanyisa mukokati wa Simoni.
29Kota lezi va nga humile sinagogeni, va loya ndlwini ya Simoni na Andreu, zinwe na Jakobe na Johani. Mat. 8:14; Lu. 4:38
30Kanilezi a mukokati wa Simoni i wa etlele na a babya hi feveri, va lo hatla va byela Jesu ha yena.
31I loya mu khoma hi canja, a mu vuxa, ni feveri yi lo mu tsika; yena i lo va tirela.
32Laha gambyeni loku gi pelile, va lo neha kakwe lava va nga babya, ni lava va nga hi ni madimoni. Mat. 8:16; Lu. 4:40
33A muti wontihe wu wa tsombene laha nyangweni.
34I lo hanyisa vanyingi va nga hi ni tinghumbe ti hambeneko, a humesa madimoni yo tala; kanilezi i wa nga vumeli a madimoni ku wulawula, hakuva ma wa mu tiva. Xip. 3:12; Lu. 4:41
35Laha mixweni na gi nga se tsuwuka i lo vuka a huma, aya wutshanwini ga xiwula, a ya khongela kona.
36Simoni ni lava va nga hi navo va lo famba va ya mu lava.
37Loku Va mu kumile vaku kakwe: Vontlhe va ku lava.
38Aku ngalo kabye: A hi fambeni kunwanyani, ka miti leyi yi nga kusuhani, kasi nza fela ku kanela ka yona kambe, hakuva nzi tele lezo. Isa. 61:1; Lu. 4:43; Joh. 16:28
39I lo famba a ya kanela masinagogeni yabye tikweni gontlhe ga le Galilea, na a kari a hlongola madimoni. Mat. 4:23; Lu. 4:44
A kuhanyiswa ka wa hlokonho.
40Ku lota kakwe a munhu wa hlokonho, a ta mu khongotela, na a khizamile, aku kakwe: Loku u zi ranza, U nga nzi basisa. Mat. 8:2; Lu. 5:12
41Jesu na a mu zwela wusiwana, i lo nawuluta canja gakwe, a mu khumba, aku kakwe: Nza zi ranza, basiswa wena.
42Zalezo a hlokonho yakwe yi lo suka ka yena, a basiswa.
43Zonake Jesu i lo mu layisisa, a hatlisa ku mu fambisa,
44aku kakwe: U nga dzuki u wula nchumu ka munhu; kanilezi ti fambele, u ya ti wonisa ka mupristi, u ya nyikela hi kota ya kubasiswa ka wena lezi Mosi a nga zi laya, kasi giva wukustumunyu kabye. Levi 14:2-32; Lu. 5:14
45Kanilezi yena i lo suka a ya hlawutela nguvu, ni ku hangalasa a mahungu lawa, a kala Jesu a nga ha zi koti ku enghena ni wihi muti kubaseni; kanilezi i wa fanele ku tshama lehandle wutshanwini ga xiwula, ni vanhu va lota kakwe hi matlhelo wontihe.
Currently Selected:
Marku 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
Marku 1
1
Johani Mubapatizi.
1A kusangula ka ivangeli ya Jesu Kristu, a Nʼwana wa Nungungulu. Mat. 14:33; Lu. 1:35; Joh. 1:34
2Kota lezi ku tsalilweko hi muprofeti Isaya, ku ngalo:
Languta, nza ruma a ntsumi wa mina mahlweni ka wena,
Lowu wu ta nga longisa a ndlela ya wena.
3Ingisani a gezu ga loyi a bako hungu xiwuleni, aku:
Longisani a ndlela ya Hosi,
Mu lulamisa a magonzo ya yona. Isa. 40:3
4Lezo ku lota Johani, loyi a nga bapatiza xiwuleni, a kanela a kubapatiza ka kuhunzuluka loku ku yisako kutsetselelweni ka zionho. Mat. 3:1; Lu. 3:3
5A tiko gontlhe ga Judia, ni vontlhe va le Jerusalema va lo huma vaya ka yena, va lo bapatizwa hi yena congweni wa Jordani, na va wulela a zionho zabye. Mat. 3:5
6Johani i wa ambele a nguwo ya woya ga kameli, a hi ni bhandi ga xikhumba xiwunwini xakwe; i waga humbi ni wulombe ga khwati.
7I lo kanela aku: Wa hata munwani hi lenzhako ka mina, loyi a nga ni ntamu ku nzi hunza, loyi a tingoti ta zilato zakwe nzi nga faneliko ku korama nzi ti tlhatlha. Miti. 13:25
8Mina nzi mu bapatizile hi mati, kanilezi yena i ta mu bapatiza hi Moya wa ku Basa. Isa. 44:3; Miti. 1:5; 2:4
A kubapatizwa ka Jesu.
9Hi ka masiku lawo ku lota Jesu hi le Nazareta wa le Galilea, a ta bapatizwa hi Johani le congweni wa Jordani. Mat. 3:13
10Na a ha huma hi lomo matini, i lo wona tilo na gi avanyeka, ni Moya wu relela hehla kakwe kota tuva. Mat. 3:16; Joh. 1:32
11Ku lo huma gezu hi le tilweni, giku: Wena u Nwananga a ranzekako, nzi xalalako khwatsi ha wena. Tis. 2:7; Mat. 3:17
Jesu a ringiwa.
12Zalezo a Moya wu lo mu yisa xiwuleni. Mat. 4:1; Lu. 4:1
13I wa hi le xiwuleni a 40 wa masiku na ringwa hi Satani, na a hi xikari ka zihari za khwati; a tingelosi ti lo mu tirela. Mat. 4:11
Jesu a sangula ntiro wakwe.
14Laha Johani na a valelwe paxweni; Jesu i loya Galilea, na a kanela ivangeli ya Nungungulu, Mat. 4:12, 23
15aku: A xikhati xi tatisekile, ni mufumo wa Nungungulu wu tshinele; hunzulukani mu kholwa hi ivangeli. Dan. 9:25; Mat. 3:2; Gal. 4:4
16Na a kari a hunza hi le bimbini ga Galilea, i lo wona Simoni na Andreu a nakulobye wa Simoni, na va peta likoka bimbini, hakuva va wa hi vakukuti. Mat. 4:18; Lu. 5:4
17Jesu aku ngalo kabye: Nzi lanzeni, nzi ta mu maha vakukuti va vanhu.
18Zalezo va lo siya a tikoka, va mu lanzela. Mat. 19:27; Lu. 5:11
19Laha na fambile kutsongwani, i lo wona Jakobe nʼwana Zabedi, na Johani nakulobye, na va hi lomu ngalaveni va rungetela a tikoka tabye.
20Loku a va vitanile va lo siya raru wabye Zabedi ngalaveni zinwe ni zitiri, va mu lanzela.
Jesu a hanyisa munhu a nga ni moya wo biha.
21Zonake va lo enghena Kapernaume; hi siku ga sabado i lo enghena sinagogeni, a gonzisa. Mat. 4:13; Lu. 4:31
22A vanhu va lo hlamala hi kugonzisa kakwe, hakuva i lo va gonzisa hi ntamu, na ku nga hi ku khwatsi hi vatsali.
23Lomu sinagogeni gabye ku wa hi kona a munhu loyi a nga hi ni moya wa kubiha, loyi a nga kanyuluka, Lu. 4:33
24aku: I mhaka muni hi nga nayo na wena, wena Jesu wa le Nazareta; u tele ku ta hi lovisa ke? Nza ku tiva lezaku hi wena mani, u Loyi wa kubasa wa Nungungulu. Mat. 8:29
25Jesu i lo wu kawuka, aku: Miyela, u huma ka yena.
26A moya wa kubiha wu lo tsekatsekisa a munhu wa kona, na wu kanyuluka hi gezu ga hombe, wu lo huma ka yena. Xip. 9:20
27Vontlhelele va lo hlamala, va wutisana xikari kabye, vaku: Xini lexi? E, i gonzo yiswa ya ntamu! Hambu a mimoya ya kubiha wa yi laya, yi mu ingisa.
28A wudumo gakwe gi lo hangalaka wutshanwini gontlhe ga le Galilea.
Jesu a hanyisa mukokati wa Simoni.
29Kota lezi va nga humile sinagogeni, va loya ndlwini ya Simoni na Andreu, zinwe na Jakobe na Johani. Mat. 8:14; Lu. 4:38
30Kanilezi a mukokati wa Simoni i wa etlele na a babya hi feveri, va lo hatla va byela Jesu ha yena.
31I loya mu khoma hi canja, a mu vuxa, ni feveri yi lo mu tsika; yena i lo va tirela.
32Laha gambyeni loku gi pelile, va lo neha kakwe lava va nga babya, ni lava va nga hi ni madimoni. Mat. 8:16; Lu. 4:40
33A muti wontihe wu wa tsombene laha nyangweni.
34I lo hanyisa vanyingi va nga hi ni tinghumbe ti hambeneko, a humesa madimoni yo tala; kanilezi i wa nga vumeli a madimoni ku wulawula, hakuva ma wa mu tiva. Xip. 3:12; Lu. 4:41
35Laha mixweni na gi nga se tsuwuka i lo vuka a huma, aya wutshanwini ga xiwula, a ya khongela kona.
36Simoni ni lava va nga hi navo va lo famba va ya mu lava.
37Loku Va mu kumile vaku kakwe: Vontlhe va ku lava.
38Aku ngalo kabye: A hi fambeni kunwanyani, ka miti leyi yi nga kusuhani, kasi nza fela ku kanela ka yona kambe, hakuva nzi tele lezo. Isa. 61:1; Lu. 4:43; Joh. 16:28
39I lo famba a ya kanela masinagogeni yabye tikweni gontlhe ga le Galilea, na a kari a hlongola madimoni. Mat. 4:23; Lu. 4:44
A kuhanyiswa ka wa hlokonho.
40Ku lota kakwe a munhu wa hlokonho, a ta mu khongotela, na a khizamile, aku kakwe: Loku u zi ranza, U nga nzi basisa. Mat. 8:2; Lu. 5:12
41Jesu na a mu zwela wusiwana, i lo nawuluta canja gakwe, a mu khumba, aku kakwe: Nza zi ranza, basiswa wena.
42Zalezo a hlokonho yakwe yi lo suka ka yena, a basiswa.
43Zonake Jesu i lo mu layisisa, a hatlisa ku mu fambisa,
44aku kakwe: U nga dzuki u wula nchumu ka munhu; kanilezi ti fambele, u ya ti wonisa ka mupristi, u ya nyikela hi kota ya kubasiswa ka wena lezi Mosi a nga zi laya, kasi giva wukustumunyu kabye. Levi 14:2-32; Lu. 5:14
45Kanilezi yena i lo suka a ya hlawutela nguvu, ni ku hangalasa a mahungu lawa, a kala Jesu a nga ha zi koti ku enghena ni wihi muti kubaseni; kanilezi i wa fanele ku tshama lehandle wutshanwini ga xiwula, ni vanhu va lota kakwe hi matlhelo wontihe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.