Mateu 2
2
A titlhari ta le Mutsuwuka-gambo.
1Laha Jesu na belekilwe Betlehema wa le Judia, a masikwini ya hosi Herodi, a vanhu vo tlhariha va le Mutsuwuka-gambo va lota le Jerusalema, vaku: Lu. 2:4, 6, 7
2Yi kwihi a hosi ya vaJuda leyi yi belekilweko? Hakuva hi wonile a nyeleti ya yona le Mutsuwuka-gambo, hi tile ku ta yi khozela. Mitse. 24:17; Lu. 2:11
3Laha hosi Herodi na zi zwile, i lo karateka zinwe ni Jerusalema gontlhe.
4I lo tsombanyisa vontlhe vapristi va hombe ni vatsali va tiko, a va wutisa aku hi kwihi a ta nga belekelwa kona Kristu.
5Va lo mu byela, vaku; Hi le Betlehema wa le Judia; hakuva zinghaho ku tsalilwe hi muprofeti:
6Na wena Betlehema, tiko ga Juda,
A ku tsongwanyani xikari ka ti hosana ta ka Juda;
Hakuva hi ka wena ku ta huma mufumeli,
Loyi a ta nga maha murisi wa vanhu va mina va Israeli. Mika 5:2; Joh. 7:42; Kuv. 2:27
7Zonake Herodi i lo vitana a vanhu vo tlhariha le xihundleni, a va wutisisa hi xikhati a nyeleti yi nga woneka ha xona.
8I lo va rumela Betlehema, aku ngalo: Fambani mu ya lavisisa khwatsi a nwanana loyi; loku mu mu kumile, mu ta nzi tivisa, kasi na minawu nzi ya mu khozela.
9Zonake loku va zwile hosi, va lo famba, ni nyeleti leyi va nga yi wona le Mutsuwuka-gambo, yi lo ranga mahlweni kabye, yi lo ta yima laha a nwanana a nga hi koha.
10Laha va nga yi wona nyeleti, va lo tsaka hi kutsaka ka hombe nguvu.
11Va lo enghena lomu ndlwini, va wona a xihlangana ni nyine wa xona Maria; va lo xi khizamela, va vulula zikhwama zabye va mu nyika zinyikiwo: a nzalama ni hlakati ni mira. Tis. 72:10
12Na va layilwe hi Nungungulu hi kulora lezaku va nga hunzi hi ka Herodi, va lu tlhelela tikweni gabye hi yinwani byela; Xip. 1:20
13Makunu loku va sukile, a ngelosi ya Hosi yi lo woneka ka Josefa hi noro, yiku: Suka, u teka xihlangana ni nyine wa xona, u chavela Gipite, u ya tshama kona nzi kala nzi ku byela; hakuva Herodi i ta lava a xihlangana ku xi daya.
14I lo suka a teka xihlangana ni nyine wa xona ni wusiku, aya le Gipite.
15I lo tshama leyo ku kala kufeni ka Herodi; kasi ku fela ku tatiseka lezi zi nga wulawulilwe hi muprofeti, aku ngalo: Nzi vitanile a nʼwana wa mina hi le Gipite. Hos. 11:1
Ku dayiwa zihlangana za vavanuna.
16Zonake Herodi laha na a wonile lezaku i kanganyisilwe hi titlhari, i lo zangara nguvu; i lo rumela ku ya daya a zihlangana zontlhe za vavanuna za lomu Betlehema ni tiko ga kona, a ku sukela ka va malembe mambiri nf kuya hasi, hi ku pima xikhati lexi a nga wutisisa ha xona a titlhari.
17Kwalaho ku lo tatiseka lezi zi nga wulawulilwe hi muprofeti Jeremia, aku:
18A huwa yi lo zwala le Rama,
A kurila ni hlomulo wa hombe;
Hi Rakeli a rilelako a vanana vakwe;
I wa nga vumeli ni ku chavelelwa, hilezi a nga sele kubaseni. Jer. 31:15
19Kanilezi laha Herodi na a file, e ngelosi ya Hosi yi lo woneka ka Josefa hi, noro le Gipite,
20yiku: Suka, u teka xihlangana ni nyine wa xona, uya tikweni ga ka Israeli; hakuva va file lava va nga lava ku daya xihlangana.
21I lo suka, a teka xihlangana ni nyine wa xona, aya tikweni ga ka Israeli.
22Kanilezi laha na a zwile lezaku Arkelau i fumile le Judia xikhundleni xa raru wakwe Herodi, i wa chava a kuya leyo; na a lulekilwe hi Nungungulu norweni, i lo famba tikweni ga Galilea. Xip. 3:13; Lu. 2:39
23I lo ta aka mutini wu vitwako Nazareta; kasi ku fela ku tatiseka lezi zi nga kanelwe hi vaprofeti, vaku ngalo: Yena i ta vitanwa a muNazareta. Vala. 13:5; Joh. 1:45
Currently Selected:
Mateu 2: TSC72
Highlight
Share
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.