Mateu 11
11
Johani a rumela mitsumi ka Jesu.
1Laha Jesu na gumesile ku leletela vapizani vakwe va khume ni vambiri, i lo suka laho a ya gonzisa ni ku kanela mitini yabye.
2Laha Johani na zwile le paxweni hi mitiro ya Kristu, i lo mu rumela xiwutiso hi vapizani vakwe, Lu. 7:18, 19; Xip. 14:3
3aku ngalo kakwe: Hi wena loyi a tako ke, kutani ha ha langutela munwani? Gen. 49:10; Joh. 6:14
4Jesu i lo hlamula, aku kabye: Fambani mu ya hlawutela Johani lezi mu zi zwako ni lezi mu zi wonako:
5a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5
6I katekile loyi a nga khunguvanyekiko hi kota ya mina. Isa. 8:14; 1 Kor. 1:23; 1 Ped. 2:8
7Kota lezi va nga fambile, Jesu i lo sangula ku wulawula ka zidlemo ha Johani, aku: Mu lo huma muya xiwuleni a ku ya wona yini? A lihlanga li ninginizwako hi moya ke? Lu. 7:24; Efe. 4:14
8Kanilezi mu waya a ku ya wona yini? A munhu a nga ambele a tinguwo to saseka ke? Langutani, lava ve ambalako a tinguwo to saseka va lomu tindlwini ta tihosi.
9Kanilezi mu lo huma mu ya wona yini? A ku ya wona muprofeti ke? Ina, nziku ka nwina, ni ku hunza nguvu a muprofeti. Xip. 14:5; Lu. 1:76
10Hi yena loyi ku tsalilweko ha yena ku ngalo:
Languta nza ruma a ntsumi wa mina mahlweni ka wena,
Wu ta nga ku longisela a ndlela mahlweni ka wena. Mal. 3:1; Mar. 1:2
11Hizinene nziku ka nwina: Xikari ka lava va belekilweko hi vavasati, a ku humangi wa hombe ku hunza Johani Mubapatizi; hambu lezo loyi a nga tsongwanyani mufunweni wa tilo ngwa hombe ku hunza yena.
12Ku sukela masikwini ya Johani Mubapatizi ku kala makunu a mufumo wa tilo wu engheniwa hi ntamu, wu wutliwa hi lava va nga ni ntamu. Lu. 16:16
13Hakuva a vaprofeti vontlhe ni nayo va lo profeta kala kuta Johani.
14Kutani mu ta vumela ku kholwa, ahati, kanilezi loyi hi yena Elija, loyi va ngaku i tata. Mal. 4:5; Lu. 1:17
15Loyi a nga ni tindleve ta kuzwa, ngha a ingisa.
16Kanilezi a xizukulwana lexi nzi ta xi fananisa ni yini? Xi fanana ni vanana va tshamileko wutshanwini go xavisa, va nge ngalo ka vanghana vabye: Lu. 7:31
17Hi mu bele tinanga, kanilezi a mu kinangi; hi hlalukile, kanilezi a mu mahangi hlomulo.
18Hakuva Johani i lota a ngagi a nganwi, vaku: I na ni dimoni.
19A Nʼwana wa munhu i lota, waga, wonwa, ve ngalo: Langutani munhu wa kulonzola, xidakwa, munghana wa vahlengisi ni vaonhi! Kanilezi a wutlhari gi kombisile a kululama ka gona hi mitiro ya gona. Xip. 9:10; Lu. 7:35
20Zonake i lo sangula ku sola a miti leyi a nga maha ka yona a zirewukiso zakwe zo tala, hakuva a yi hunzulukangi. Lu. 10:13
21Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8
22Mina nziku ka nwina ku ta hehuka ka Tire ni Sidoni hi siku ga kulamula, a ku hunza ka nwina.
23Wena Kapernaume, u ta tlakuselwa tilweni ke? Ahihi, u ta releliswa lahasi le Hayidesi; hakuva loku zi wa mahilwe le Sodoma lezi zi mahilweko ka wena, ngha na wa ha hi kona ku kala nyamutlha.
24Ahemba nza wula ka wena, lezaku ku ta hehuka ka tiko ga le Sodoma hi siku ga kulamula ku hunza wena. Xip. 10:15
25Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14
26Ina, Dada, hakuva lezo zi wa sasekile mahlweni ka wena.
27Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27
28Tanani ka mina, nwina nwentlhe mu tirako ni ku binzwa, nzi ta mu humuta.
29Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21
30Hakuva a pingu wa mina a wu tsanzi, ni nzhwalo wa mina wa hehuka.
Currently Selected:
Mateu 11: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
