Levi 6
6
1Jehova i lo wulawula ka Mosi, aku:
2Loku munhu a onhile, a mahile lezi zi nga faneliko mahlweni ka Jehova, hi kukhohlisa muakelane wakwe hi zilo zi vekilweko mandleni yakwe, kutani hi zilo zi lombilweko, kutani hi lezi zi wutlilweko, kutani i yivile a zilo za muakelane wakwe,
3kutani i thumbile a xilo xi lahlekileko, a ala naxo, zo kala a hlambanya mawunwa ka zilo zo maha lezo, kani hi xihi xilo lexi a munhu xi mu onhisako;
4loku a onhile kota lezo, ava ni nanzu, i yimelwe hi ku tlhelisa a zilo lezi a nga wa zi wutlile kutani ku yiva, kutani a zilo lezi zi nga wa vekilwe kakwe, hambu ni zilo lezi zi nga wa lahlekile a zi thumba;
5hambu ni zihi lezi a nga khohlisa a hlambanya mawunwa ha zona; i ta zi tlhelisa zontlhe, a engetela hi za wuntlhanu za kona, a zi nyikela ka nwinyi wa zona hi siku lego a ta nga maha muphahlo wakwe wa nzhiho.
6Yena i ta neha ka mupristi a muphahlo wakwe wa nzhiho ka Jehova, yi tava hamba yi nga hiko na bawa ya lomu tlhambini, zinwe ni tsengo u wu ringaniseleko nanzu wakwe.
7A mupristi i ta mu mahela a nzhiho wa wuyiselelo mahlweni ka Jehova, zonake i ta tsetselelwa ka zontlhe lezi yena a onhileko.
8Jehova i lo wulawula ka Mosi; aku:
9Leletela Aroni ni vana vakwe, uku ka vona: Lowu hi nayo wa munyikelo wa kuhiswa: A munyikelo wa kuhiswa wu ta tshama khombarini ga alati wusiku gontlhe kala gica, na nzilo wu kari wu vura.
10A mupristi i ta ambala a hembe ga wukene, ni bhuluku ga wukene, a fenengeta a nyama yakwe; zonake i ta wola a khuma ga nzilo lowu wu nga hisa muphahlo laha alatini, a gi veka hi tlhelo ga alati.
11Anzhako ka lezo i ta tlhatlha a tinguwo takwe, a ambala tinwani, zonake i ta ya halata a khuma lahandle ka wugovelo, wutshanwini gi basileko.
12Kanilezi a nzilo wu ta simamisa wu vura laha alatini, wu nga timeki. Wontihe masiku ni mixo, a mupristi i ta hlanganyeta tihunyi, a longisa muphahlo wa kuhiswa hehla ka tona, a hisa a mafura ya miphahlo ya kurula.
13A nzilo wu ta vura wontihe masiku laha alatini, wu nga dzuki wu timeka.
14A nayo wa munyikelo wa zakuga hi lowu: A vana va Aroni va ta wu neha mahlweni ka Jehova, a mahlweni ka alati.
15Zonake va ta nusa a canja ga mapa yo saseka ya munyikelo ni mafura ya kona, ni yontlhe mipepo ya libani yi nga hehla ka munyikelo wa zakuga, zonake va ta zi hisa laha alatini, ziva masema yo nuhela mahlweni ka Jehova.
16Lezi zi to sala zi ta giwa hi Aroni ni vana vakwe. Va ta ziga ni zibaba zi nga comelwangiko wutshanwini go basa, lomu hubyeni ya tabemakeli ga mutlhangano.
17Va nga dzuki va zi bhika ni comelo. Lexi hi xiavelo lexi nzi va nyikileko xa lomu ka miphahlo ya mina leyi yi hiswako hi nzilo. Zilo zi basileko nguvu, khwatsi hi muphahlelo wa kuonha, ni muphahlelo wa milanzu.
18Vontlhe vavanuna va vana va Aroni; va ta ziga. Xiavelo xabye kala kupinzuka ka zizukulwana za nwina ka miphahlo leyi yi hiselwako Jehova. Kani hi wihi loye a ta nga zi khumba i tava a basile.
19Jehova i lo byela Mosi, aku:
20A munyikelo wa Aroni ni vana vakwe, lowu va ta nga nyikela a siku ga ku totiwa hi lowu: A xipanze xa wukhume xa efa ga mapa yo saseka, wu tava muphahlo wa zakuga a masiku ni masiku; va ta nyikela a khihlanya ni mixo, ni khihlanya laha gambyeni,
21Ma ta katingwa lomu ka pani hi mafura, u ta ma neha na ma khemilwe zipanzana, ma tava masema yo nanziha ka Jehova.
22A nʼwana wakwe loyi a ta nga totiwa ku maha mupristi xikhundleni xakwe, hi yena a ta nga nyikela munyikelo lowo. Lezi xileletelo xa Jehova xa kala kupinzuka; a munyikelo lowo wu ta hiswa wontihe.
23Hakuva a minyikelo yontlhe ya zakuga ya vapristi, yi ta hiswa yontlhe, yi nga dzuki yi giwa.
24Jehova i lo wulawula ka Mosi, aku:
25Byela Aroni ni vana vakwe, uku ka vona: Lowu hi nayo wa muphahlo wa kuonha. Ka wutshamu legi va tlhavelako kona zihari za miphahlo ya kuhiswa, hi kona laho va ta nga tlhavela kona a zihari za miphahlo ya kuonha mahlweni ka Jehova. Zi basile nguvu.
26A mupristi loye a nyikelako munyikelo wa kuonha, hi yena a ta nga wuga; wu ta gelwa wutshanwini legi go basa, hubyeni ya tabemakeli ga mutlhangano.
27Kani hi wihi loye a ta nga khumba a nyama ya kona i tava loyi a basileko, ni loku a nkhata wa kona wu phandlukele laha ka nguwo, u ta yi hlaza laha wutshanwini ga kubasa.
28A mbita ya wumba leyi va bhikeleko ka yona yi ta fayiwa; kanilezi loku va bhikele lomu ka mbita ya suku, yona yi ta kutliwa, yi hlaziwa hi mati.
29A vavanuna vontlhe xikari ka vapristi va taga muphahlo lowo. Wu basile nguvu.
30Kanilezi ngha ku nga giwi a muphahlo wa kuonha, lowu va nehileko a nkhata wa wona lomu ka tenda ga mutlhangano a ku ta maha a nzhiho lomu ka Wutshamu go Basabasa; wona wu ta hiswa nzilweni. Maheb. 13:11
Currently Selected:
Levi 6: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
