Levi 4
4
1Jehova i lo wulawula ka Mosi, aku:
2Wulawula ka vanana va ka Israeli, uku: Loku a munhu a hambunyeta a munwe wa milayo ya Jehova hi kuhoheta, a maha lezi zi nga faneliko ku mahiwa, kanilezi a maha xinwe xa zona;
3loku a hi mupristi loyi a totilweko hi mafura yo basa a onhileko, a vangele vanhu kuonha, hi kota ya zionho lezi a zi mahileko i ta nyikela ka Jehova a honwana leyi yi nga hiko na bawa, yiva muphahlo wa kuonha.
4I ta neha a honwana laha nyangweni ya tabemakeli ga mutlhangano, a mahlweni ka Jehova; i ta tlhateka a canja gakwe hlokweni ya honwana, zonake a yi tlhava mahlweni ka Jehova.
5A mupristi loyi a totilweko hi mafura, i ta teka a nkhata wa honwana a wu neha lomu ka tabemakeli ga mutlhangano;
6zonake a mupristi i ta peta a litiho lakwe lomu ka nkhata, a nwatsekela a ntlhanu wa zikhati ni zimbiri hi nkhata mahlweni ka Jehova, na a cuwukene ni xisirelo xa wutshamu go basa.
7Ni mupristi i ta tota a timhonzo ta alati ga libani mahlweni ka Jehova, legi gi nga lomu ka tabemakeli ga mutlhangano; zonake a nkhata wontihe wa honwana i ta wu chulula laha zikhatelweni xa alati ga munyikelo wa kuhiswa, legi gi nga nyangweni ya tabemakeli ga mutlhangano.
8A teka a mafura wontihe ya honwana ya munyikelo wa kuonha, ni mafura laya ma pomelako marumbu, ni wontihe mafura laya ma pambeleko marumbu,
9ni tiswa timbiri, ni mafura laya ma ti pambeleko lomu xiwunwini, ni pambani wa zivinzi, a wu susa laha ka tiswa,
10kota lezi va zi pambulako ka homu ya muphahlowa kurula. Ni mupristi i ta zi hisa alatini ga munyikelo wa kuhiswa.
11A bhebhe ga honwana ni yontlhe a nyama ya kona, ni hloko ni masonzo, ni marumbu ni swanyi wa kona,
12yontlhe homu i ta yi yisa le handle ka wugovelo, le tsenzeleni a taleni ga khuma, a yi hisa laho hehla ka tihunyi laha nzilweni; yi hiswa laha taleni ga khuma. Maheb. 13:11
13Kanilezi loku a ntlhangano wontlhe wa ka Israeli va onhile hi kuhoheta, ni loku a mhaka leyo yi fihlele ka ntlhangano, na va hambunyetile a munwe wa milayo ya Jehova hi ku maha zinwani zilo lezi zi nga faneliko ku mahiwa, va ti vangela nanzu;
14makunu loku a kuonha loku va ku mahileko ku tibyiwa, a ntlhangano wu ta humesa a nkuzi ya muphahlo wa kuonha, va yi neha mahlweni ka tabemakeli ga mutlhangano.
15A masingalakati ya ntlhangano ma ta tlhateka a mandla yabye hlokweni ya nkuzi mahlweni ka Jehova, zonake yi tlhabyiwa mahlweni ka Jehova.
16Ni mupristi loyi a totilweko hi mafura i ta neha a nkhata wa nkuzi lomu ka tabemakeli ga mutlhangano.
17Ni mupristi i ta peta litiho lakwe lomu ka nkhata, a nwatsekela ntlhanu wa zikhati ni zimbiri mahlweni ka Jehova, na a cuwukene ni veli.
18Zonake i ta tota hi nkhata lomu ka timhonzo ta alati legi gi nga mahlweni ka Jehova, lomu ka tabemakeli ga mutlhangano, zonake a chulula wontihe a nkhata lowu wu seleko laha zikhatelweni xa alati ga muphahlo wa kuhiswa, legi gi nga nyangweni ya tabemakeli ga mutlhangano;
19zonake i ta pambula mafura wontihe ya nkuzi a ma hisa alatini.
20I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.
21I ta yisa a nkuzi lahandle ka wugovelo, a yi hisa laha va hisileko a nkuzi yo ranga. Lowu muphahlelo Wa kuonha ka mutlhangano.
22Loku yi hi hosana yi onhileko hi kuhoheta, yi hambunyeta a munwe wa milayo ya Jehova, Nungungulu wa yona, yi maha a zilo lezi zi nga faneliko ku mahiwa, yi ti vangele nanzu;
23ku taku loku yi tibyisilwe hi nanzu wa yona, yi ta neha a mhongo yi nga hiko na bawa, a kuva munyikelo wa yona.
24Yi ta tlhateka a canja ga yona hlokweni ya mhongo, yi yi tlhava laha wutshanwini legi va tlhavelako kona miphahlo ya kuhiswa mahlweni ka Jehova; muphahlo wa kuonha.
25Ni mupristi i ta teka a nkhata wa muphahlo wa kuonha hi litiho, a tota ha wona a timhonzo ta alati ga munyikelo wa kuhiswa, a chulula a nkhata laha xikhatelweni xa alati ga munyikelo wa kuhiswa.
26I ta hisa laha alatini mafura wontihe, kota mafura ya muphahlo wa kurula. A mupristi i ta mahela a hosana leyo a nzhiho wa kuonha ka yona, hikwalaho yi ta tsetselelwa.
27Loku ku hi munhu ntsena loyi a onhileko hi kuhoheta, a hambunyeta a munwe wa milayo ya Jehova hi ku maha lezi zi nga faneliko ku mahiwa, a kuma nanzu;
28loku a tivile a nanzu lowo, i ta humesa a mbuti ya kati yi nga hiko na bawa, hi kota ya kuonha kakwe.
29I ta tlhateka a canja gakwe hlokweni ya mbuti leyo, a tlhava a muphahlo lowo wa kuonha laha wutshanwini legi va tlhavelako kona a miphahlo ya kuhiswa.
30Ni mupristi i ta peta litiho lakwe lomu ka nkhata wa mbuti, a tota lomu ka timhonzo ta alati ga munyikelo wa kuhiswa, zonake a chulula a nkhata wontihe laha xikhatelweni xa alati.
31Mupristi i ta susa mafura wontihe hi ndlela leyi va susako ha yona a mafura ya miphahlo ya kurula, zonake i ta ma hisa alatini, akuva masema yo nanziha ka Jehova. Lezo loku mupristi a maha a muphahlo wa nzhiho wa munhu loye, zonake i ta tsetselelwa.
32Kanilezi loku a neha a yivana kasi ku maha ha yona muphahlo wa kuonha kakwe, i ta neha ya kati yi nga hiko na bawa.
33I ta tlhateka a canja gakwe hlokweni ya yivu ya muphahlo wa kuonha kakwe zonake a yi tlhava a kuva muphahlo wa kuonha kakwe, ka wutshamu legi ku tlhabyelwako miphahlo ya kuhiswa.
34Zonake mupristi i ta peta litiho lakwe lomu nkhateni wa muphahlo wa kuonha, a tota ha wona a timhonzo ta alati ga muphahlelo, zonake a chulula a nkhata wontihe lowu wu seleko laha ka xikhatelo xa alati.
35I ta susa mafura wontihe hi ndlela leyi va susako ha yona a mafura ya yivu ya muphahlo wa kurula, zonake a mupristi a ma hisa alatini, hehla ka miphahlelo leyi yi hiselwako Jehova. A mupristi i ta mu mahela a nzhiho wa kuonha kakwe, zonake i ta tsetselelwa.
Currently Selected:
Levi 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
